Рет қаралды 3,802
Teksti: Aleko Skali
Muzika: Abaz Hajro
Kënga “Sofati” është nga këngët më të bukura korçare.
Teksti i saj është shkruar nga aktori dhe poeti i mirënjohur korçar Aleko Skali. Spanja Pipa ruan në kujtesën kohën kur po zbrisnin në një prej rrugicave të Korçës që nga kordrat e qytetit dhe Aleko Skali po shikonte me vemëndje sofatet që ndodheshin para portave të shtëpive. Ditën e nesërme ai takohet në teatër, ku punonte me miqtë e tij, kolegë të teatrit dhe të estradës dhe i tregoi një poezi fizarmonikistit gishtëmbël dhe kompozitorit Abaz Hajro. Abazi e mori tekstin, veçohet nga shokët dhe vetëm pas një kohe shumë të shkrutër kthehet tek ata më poezinë e muzikuar nga një melodi shumë e ngrohtë. Këtë këngë e kanë interpretuar denjesisht Nystet Frashëri dhe Spanja Pipa.
Për mëndimin tonë kjo këngë përfaqëson një degëzim të veçantë në fondin e artë të këngëve të serenatës korçare. Këngë të tjera të ngjashme janë krijuar në frymën serenatave korçare, të cilat e kanë fillin në mesin e shekullit të nëntëmbëdhjetë. Në vitet ’50 të shekullit të kaluar muzikantët profesionistë të qytetit gërshetuan aq bukur frymën e muzikës së bartur ndër breza me mjetet estetike duke na dhuruar disa perla të papërsëritshme, të cilat rigjeneruan vlerat artistike të muzikës tradicionale dhe po i u rezistojnë kohërave.
Jemi përpjekur që interpretimi ynë të jetë besnik me interpretimin e Znj Spanja Pipa dhe Z.Nystret Frashëri , për të cilët jemi krenarë që i kemi njohur.