Солтүстік Қазақстанда жұрт жаппай жатақханаға қоныстандырылып жатыр

БІЗДІҢ KZbin АРНАҒА ТІРКЕЛІҢІЗ: / @informburo31kanal
---------------------------------------------
Еліміздің солтүстігінде баспаналарын су басқан тұрғындар уақытша паналау пункті ретінде ашылған мектептерден көшіріліп жатыр. Өйткені, оқушылар дүйсенбіден бастап білім ошақтарына оралуы тиіс. Сондықтан жұртты жаппай жатақханаға қоныстандыруда. Тасқыннан кейін үйі мүлдем жарамсыз болып қалған қараша жаңа баспана салып бергенше студенттер үйінде тұра алады. Жатақханаларда жағдай жасалған ба? Тұрғындардың қандай шағымы бар? Өңірдегі әріптесім Руслан Жасұланұлы біліп келді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Мектептен жатақханаға көшіп жатқандардың бірі - Тимур Баисов. Ол білім ошағының спорт залында бала-шағаммен бірге түнеу мүлдем ыңғайсыз дейді. Сондықтан жігіт ағасы студенттер үйінен жеке бөлме берілгені дұрыс болды деп отыр.
ТИМУР БАИСОВ, Петропавл қаласының тұрғыны:
- Спортзалда жатқанша мында жатқан ыңғайлы. Өйткені әрбіріміздің бөлмеміз болады. Мысалы жуынып жұмысқа шыға аламыз. Көп жағдай жасалынды ғой. Мында қаланың шеті емес қой. Нағыз орталық қой. Барлық жерлерге бара аламыз.
РУСЛАН ЖАСҰЛАНҰЛЫ, тілші:
Жатақхананың мына бұрышында ас бөлмесі бар. Оң жағыма жаңа электр пеші қойылыпты. Сол жағымда ыдыс-аяқ жуатын орын тұр. Бірақ әлі су берілмепті. Тұрғындар күнделікті тамақ сақтайтын тоңазытқыштың жоқтығы да қиын дейді.
ЕЛЕНА САВЕЛЬЕВА, Петропавл қаласының тұрғыны:
- Бізге күн сайын гуманитарлық көмек тасып жатыр. Оған рахмет. Бірақ соның арасында тез бүлінетін азық-түлік бар. Қазір күн жылынды. Бәрі тез бүлінеді. Не тамақ пісіретін ыдыс-аяқ жоқ.
Осылайша, қызмет көрсету колледжінің жаңа жатақханасына студенттерден бұрын эвакуацияланған тұрғындар қоныстанды. Мұнда қаланың нөмірі жетінші мектебінен үш жүзге жуық адам көшіп келуі тиіс. Жұрт баспаналарына қайта оралғанша студенттер үйінде тұра алады. Ал үйлері тұруға жарамсыз деп танылған жанұялар күзге дейін осы жерді паналайды. Қыркүйекке дейін шығынды есептеп, баспана мәселесін шешеміз дейді әкімдіктегілер.
ҚАЛИЯ ТӨРЕНОВА, Петропавл қаласы әкімінің орынбасары:
- Тұрғындар осында қалағанынша тұра алады. Ал барлық қажеттіліктерін олардың сұранысы бойынша қанағаттандырамыз. Яғни, не қажет болса алып, жеткізіп береміз.
Жергілікті биліктің мәліметінше, келесі аптадан бастап оқушылар мектептерде білім ала бастайды. Сондықтан білім ошағында жатқан тағы жеті жүзге жуық адамды басқа жерге орналастыру керек. Шенеуніктер колледж жатақханаларынан бос орындар іздеп жатыр.
Жалпы, Петропавлда екі мың үйді су басып, бес мыңнан астам адам баспаналарын тастап кетуге мәжбүр болған. Көбі туыстарының үйінде және пәтер жалдап тұрып жатыр
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық