Рет қаралды 118,677
Кажан удуп, карак шийип турганыңны
Сагынгаш-даа, билбес мен чоп, күжүр авай.
Оттуг суугу кыдыында-ла турганыңны
Оттуп келген санымда-ла, көөр чордум.
Өзе бергеш, көрүп турзун, үеден бер,
Агайларның эктин каастаар чараш тонун,
Хаяаландыр чырып чоруур сыргаларын
Хайыралдыг авам сеңээ сунуксаар мен.
Чараштанып, онза кылдыр кеттингениң
Сагынгаш-даа, билбес мен чоп, күжүр авай.
Куураарып оңа берген шыва тонуң
Кударанчыг ырым болуп куттулуп чор.
© Александр Даржай
Аялгазы: Кертик-оол Данзынныы