Sonata per Furore - il paese che non c'è.

Furore, Amalfi Coast, Italy.
Serenata a Furore
" ‘E gabbiane ce teneno ‘o nido
dint’ ‘o Fiordo ‘e Furore, ‘o ssacce i’,
fanno ‘ammore annascuso cu’ ‘o mare,
‘ncopp’ all’onne, ‘int’ ‘e scuoglie, accussì.
Chesta voce d’ ‘o viento ca veste
‘sta muntagna d’ ‘o sole pittata,
notte e ghiuorno lle fa ‘a serenata,
viene ccà ca t’ ‘a faccio senti’!
A Furore he a veni’ ‘nzieme a me,
‘mparaviso te voglio purta’
mmieze ‘e ppergule e dint’ ‘e ciardine
senza vevere ce amma ‘mbriaca’
Vide a Ulisse ca ccà s’è accuvato
d’ ‘e Ssirene pe’ sentere ‘o canto
è rummaso talmente ‘ncantato
ca a Furore ha deciso ‘e resta’.
Chi fa ammore venesse a Furore,
‘o paese cchiù bello sta ccà.
addo ‘o mare se sposa cu ‘o cielo
e d’ ‘o sole se fa accarezza’,
A Furore he a veni’ ‘nzieme a me
A Furore he a veni’ ‘nzieme a me,
pe’ ‘stu mare te voglio purta’
dint’ ‘a varca ca ce cunnuleia,
‘ncopp’ ‘a ll’onne ce avimma vasa’!”
Raffaele Ferraioli