Рет қаралды 14,324
TikTok-та заңсыз құмар ойын ұйымдастырып жүрген бір топ азамат қылмыстық жауапкершілікке тартылды. Көлеңкелі кәсіптің көрігін қыздырған топ мүшелерінің бірнеше ай ішінде заңсыз 13 миллион теңге иемденгені дәлелденіп отыр. Ал сот күдіктілерге 1,5 жыл шартты жаза тағайындаған. Яғни, бас бостандығын шектепті. Бұдан бөлек заңсыз ойын өткізу арқылы 300 миллион теңгеден астам табыс тапқан 4 азаматқа қатысты да іс қаралып жатыр.
Иә, дәл қазір TikTok заңсыз құмар ойын ойнайтын алаңға айналып кеткен секілді. Өйткені жастың да, жасамыстың да арасында оңай пайдаға кенелуді ойлайтындар көп-ақ. Әрі бұл үдеріс Қазақстаннан бөлек, Ресей мен Қырғызстанда да белең алған сияқты. Ал көлеңкелі кәсіптің көрігін қыздырғандарды табу тіпті қиын еді. Себебі олар жайлы ақпарат жоқ. Не түрі, не мекенжайы көрінбейді. Тек есепшоты тіркелген нөмірі ғана.
Яғни, дилер қасындағы командасымен бірігіп пәтер жалдайды. Бірі ойынға қажетті заттарды әзірлейді. Енді бірі ойынға кіріп-шығып жатқан адамдардың аты-жөні мен нөмірін тіркеп отырады. Ал кон 200 теңгеден бастап, 15 мыңға дейін барады. Әрине, кез келген кісіде теп-тегін алаң ұсынып отырған дилерге не пайда деген заңды сұрақ туындайды. Бірақ пайдасы орасан болып шықты. Мәселен, қаржылық мониторинг агенттігі заңсыз ойын ұйымдастырып жүрген топ мүшелерін қолға түсірген. Олардың 4 ай ішіндегі табысы 13 миллион теңгеге жеткен екен.
ӘЛІБЕК ӘБДІЛОВ, ҚР Қаржылық мониторинг агенттігінің ресми өкілі:
- 13 миллион теңгеге жуық сомаға аса ірі көлемде кіріс алғаны дәлелденді. Олардың бұл әрекеті ойын бизнесі туралы заңның нормаларына қайшы келеді. Алматы қаласының екі тұрғыны кінәлі деп танылып, 1,5 жылға бостандығын шектеу жазасына кесілді.
Түсінуімізше, дилер әрбір таратқаны үшін кондағы қаржының белгілі бір бөлігін алып қалады. Демек, тәуліктік табысы 200-300 мың болуы ықтимал. Тіпті жарты миллионға дейін жетуі мүмкін екен.
Қазір заңсыз ойын ұйымдастыру арқылы 319 миллион теңгеден астам табыс тапқан 4 азаматқа қатысты іс қаралып жатыр деді қаржылық мониторинг агенттігінің өкілдері. Десе де, заңды әрекеттердің заңсыз ойындардың жолын кесуге қаншалықты әсер етері белгісіз.
Себебі қылмыстық қудалаудан қорықпайтын кейбір топтар көлеңкелі ісін әлі де жалғастырып жатыр. Соған қарағанда, жауаптылардың жұмысы әзірге қажетті нәтиже бермей тұрған сыңайлы.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал