وفيت وعدي وجبتلكم حريرة ليصال ذوق بومبة💥بمكون عجيب خاص بيا مشفتوهش أبدا ضيافي مخلوش مرة👍

[@aminaisrae118]

يعطيك الصحة درتها لبارح للعشا وقاع قالولي شابة راجلي قالي هذي حريرة واه الله يجعلها في ميزان حسناتك ختي

[@carramilla1985]

شيرات ادعولي معاكم نتزوج ونفرح ميمتي راني فت 30 وباغي ميمتي تشوفني في داري مدامها في الحياة راني مغبونة مع خوتي بزاااااااف وربي يفرحكم ويفرجها عليكم😍 متنسونيش بدعواتكم

[@nabianabouche5530]

اليوم الجمعة ربي يفتح عليك وممتك تشوفك عروس يارب

[@Lamatadoresse]

الله يرزقك ببرنوس الستر , توكلي على الله ختي و رقي روحك.

[@silaaasil228]

ربي يرزقك برنوس الستر انشاء الله يا رب

[@simrabetamina4483]

يارب اعطيها ولدالحلال بجاه سيدنا محمد صلىا الله عليه وسلم او كثري من الدعاء

[@monimilano5097]

ربي يفتحها عليك

[@soulfzen2612]

يعطيك صحة حبيبة راني رايحة عروسة نظيها معايا دعوتكم لي باتسخير يارب ربي يشافيلك وليدك يارب

[@bahramfatiha6841]

الله يسخرلك و يرزقك الهنا

[@salsabilbenbrahim8625]

الله يسخرلك و نت تاني دعيلنا ربي لعروسة دعوتها مستجابة باذن الله. دعيلي ربي يجمع شملي بزوجي. شكرا

[@نفسمطمئنةومحظوظةجدا369]

مبروك عليك عقوبة للذرية الصالحة

[@stellina380]

ربي يهنيك انشالله ويفرحك ويفرح كل ولية إنشاالله

[@mimibachi7358]

الله يسخرلك ان شاء الله ويهنيك

[@flioukamel1009]

روحي راكي رابحة دنيا و اخره سييتها للضياف والله مبقات شوالا مدرتش الرند و القرفة عود منبغيهمش بصح البنة حريرة تاع عراس الله يفرحك كيما حمرتيلي وجهي

[@aminaisrae118]

ليوم درت مبسس طاجيت للقهوة وزيتون بالكفتة للعشا والله روعة ماشاء الله مانزيدش نستغنا على وصفاتك غدوة ان شاء الله ندير لحريرة للفطور

[@fifiben4246]

3مغرف زيت.بصلة كبيرة .دجاج ادا متوفر.2حبات طماطم متوسطين.5حبات جزر.قصبر.فص ثوم .حار.ورقة رند.عود فرقة متوسطة.2,نجمة لرض.فلفل اسود أحمر كركم سكين كبير .زعفران.ملعقة طماطم مصبرة كبيرة ونصف.كمشة حمص نقلو 5د ونزيدو كوريا الدجاج شوية ونمرق بماء سخون.5لتر.نصف ساعة حتى 45د. منبعد نحي الدجاج راي الحانوت .كروية.نوخة.زريعة البسباس.كوري الدجاج.نصف صاشي جانبو. شيشة. درسة:مرق لحريرة نكونو نزعناهم من قبل.قصبر.فص ثوم.فرينة.لاكرام فراش. نصف .ونميكسو

[@nananana6828]

سميشة ختي ربي يحفظك وفيلي هاد الطلب انا عروسة جديد و هادا عامي لول معاهم راني خايفة من رمضان خصني وصفات مضمونة في المملحات والتحلية تي حبيبتي انقذيني والله نثيق فيك وفي وصفاتك كي شغل وحدة من خياتي و ربي يوفيلك ما تتمني

[@hamoudahamouda3123]

ههههههههههه ضحكتيني بكلمة تي حبيبتي نتاع وحدة حاصلة صح وتحوس على الانقاذ ربي يكون معاك إن شاء الله تكوني امرأة ونصف ويتكل عليك كاين وصفات كثيرة واليوتيوب فيه بزاف وصفات والاخت سيرين كفات ووفات

[@souadmez5516]

ختي كاين شميسة وصفاتها روعة وكاين ام يوسف وحلت قناة اخرى طاطا اكسبراس وللمملحات gâteaux et sales avec marina مختصة في مملحات وام وليد طبعا وام رشيد مختصة في قاطو اقتصادي روعة هادو قنوات لي ننصحك بيهم لخرين غير خرطة انا نتبعهم بزاف ووصفاتهم روعة ام سامي كدالك

[@messamessa5719]

يا ختي والله عندك لحق لواحد كي يكون جديد في عايلة تحسب اول مرة راح يطيب مع اني كنت فدارنا مولاة الكوزينة كلش نديرو وحدي

[@lamyalamya6618]

ننصحك بام ايمن ريم روعة لامن جيهة المملحات والحلو والطواجين انا نتبع شميسة وام ايمن ريم والله ماتندمي على ضمانتي

[@belalmajid8835]

@@souadmez5516 زيديلهم ام ايمن وريم روعة

[@marionette357]

يعطيك الصحة اختي نفس طريقتي ولكن مانستعملش القرفة وننصح بعدم استعمال جومبو وبالتوفيق

[@mamandejiji2900]

كتبيلنا الوصفة في صمدوق الوصف من فضلك نبغي نكابتوري

[@amahmoudi8325]

يعطيك الصحة نجربها..ان شاء الله انا من الشرق وزوجى من المدية ما نعرفوش للحريرة بصح وليدى 10 سنوات ذاقها فى المسيد هبل عليه وليت نديرها علاجالوا..شكرا

[@theflower9801]

حريرة حمراء وشابة بارك الله فيك أختي . مغرف تاع ماكلة تشيشة شحال نديرولها كمية الماء في الكوكوط شحال من يطروا؟؟؟؟؟؟؟

[@inesyasmine8952]

اول مرة نشوفك عجبتني وقلت لصحاباتي عليك ما شاء الله الله يعطيك الصحة اول مرة نشوف كرام فراش فالحريرة لي جربتها تقولي كفاه جاتها

[@batoulhafsa2040]

ختي جربت مبسس المقلي وخرجلي روعة الله يعطيك الصحة ويصلحلك الذرية

[@sebaahadjer1960]

جربتها حبيبتي معاك البارح غير حطيتيها كنت حااااييرة وش نطيب و جاااتني هبااااااال مرسي حبونة و تلقايها في ميزان حسناتك

[@aminemessiouen848]

انا الحريرة بلا ثوم مستحيل نديرها يمدلها ذوق شباب وشكرا على مجهوداتك حنونتي

[@madrasatjyhane]

دارت في التالي في الدرسة بلاك غير ماكملتيش الفيديو

[@dbfgcvgj4041]

الله يعطيك الصحة هذي هيا الحريرة نتاع الصح لمعتامدتها في داري برك انا نزيد فيها حبات كبابة وحبات حلبة دجي تحمق شكرا عمري ركي توب

[@Chefkhoukha]

واه انا تاني ندير الحلبة تفتح النفس مرحبا بيك عندي شجعيني

[@progamingserialkiller1990]

W karwiya aussi

[@medjahrianouar6147]

جربت حريرة تاعك بلا للحم جات علامة اول مرة تصدقلي لحريرة ان شاء الله هادي تاني نجربها ربي يحفظك ختي ❤

[@mhamediamarwa2706]

اختي انا فان جامي نجحتلي زعما هاذي تصدقلي والله عييت

[@bilallaghi9789]

جات رووووعة ماشاء الله درتها لصحتب راجلي كملوها كامل وقالوله بنيينة ربي يحفظك سنة رمضان ان شاء الله نعقبو بيها

[@amiraamoura4446]

يا ختي ديريلنا وصفة قطايف راجلي قالي ديريهالي وانا حرت وانا صح تاع ربي راني ندير وصفاتك وراهي تعجبو مشي غير راجلي كامل لذوقو وصفاتك

[@مريممريومة-ل9س]

راني غير اليوم كتشفت قناتها يادرا قوليلي واصفاتها ساهلين وناجحين ردي عليا

[@ryad192]

يعطيك الصحة فقط ملاحظة الرند لا يلاءم الوصفة

[@nasribio786]

ماشاء الله ...الله يبارك ...بنت ولايتي ... مشتركة جديدة معك اكتشفت قناتك بالصدفة وشهتني الحريرة الله الله .... ربي يحفظك ويعلي قناتك ...ربي يشافي جميع المرضى ....مزيدا من النجاح .....

[@cherifhannaizi7931]

جربت القلبلوز واش نقلك. سنيوة خلاصت. وغسلتها👏👏👏👏👏👏

[@soumicha-officiel]

بصحتكم حبيبتي يعطيك الف عافيه

[@Nina.516]

Jani hlo bzf

[@antarfoka6946]

جربتي القلبلوز الاول اللي فيه الحليب ولا الجديد

[@kahinabouglimina1624]

@@antarfoka6946 من فضلك اعطيني قيس السنوة و الكاس

[@alimimou1900]

@@antarfoka6946 الاول غير مكان لاه تسييه جاني سليم

[@امحسامالدين-ت9ذ]

ختي دايما كي طيبينا عطينا المقادير مضبوطة سورتو الماء كيما هذي الوصفة شكرا بزاف نجربها ان شاء الله

[@Mamlyle]

الحريرة أختي الكريمة كثري فيها الطماطم و البصل و نقصي الجزر

[@walaaberriah5881]

مرسي عليك حبيبتي انا ندير الثوم في الحريرة و نزيد نديره في الدرسةو الحريرة نتاعي قاع يشكروهالي ربي يعاونك و يوفقك

[@jouwayriaaziz3129]

سمعت بيها بصح خفت😆😆

[@FatimaJdid-hb3ys]

ماشاء الله الثوم اساسي في الحريرة

[@elmechritajou0949]

حنا ناس الغرب فالاخير نزيدولعا الحشاوش نتاع الحريرة نتمنا تحربيها ورديلي بالخبر

[@لحنالامل-ر1ه]

اللهم بلغنا رمضان انا وكل من نحب

[@user-sg3id7ch3v]

أمين يا ربي سلام حبيبة مرحبا بك على قناتي فيديو جديد ومتنسايش اشتراك ولايكات وتعليقات دعم لبنت بلادكم من وهران 🇩🇿🇩🇿🇩🇿🇩🇿👈🏼👈🏼👈🏼👈🏼👈🏼

[@fouziaamer1533]

أنا من الغرب الجزائري أنوع في عمل الحريرة منها الخاصة برمضان أو الصوم عامة و التي لابد فيها من التشيشة و النوخا، أما حريرة البقوليات فهي للغذاء في الشتاء، و الثوم أفضلها في حريرة السمك ربي يشفيلك وليدك.

[@souadmez5516]

مديلنا وصفاتها

[@aminasmail7109]

اطينا وصفه نديروها في رمضان و ندعولك

[@fouziaamer1533]

@@aminasmail7109 الحريرة الممتازة لرمضان هي وضع القليل جدا من الزيت ثم وضع قطعة لحم غنم بها عظم لأنها تزيد في اللذة و تركيها تتقلى مع البصل المقطع رقيق ثم أضيفي الخضار غير النشوية حتى لا تجعل الحساء خاثر، ضعي الجزر ضعف الكوسة مع اللفت زائد ملعقة حمص مبية في الماء و منزوعة القشر كذلك اذا رغبت زيدي قطعة ملفوف ثم الطماطم المصبرة و التوابل ملح فلفل أسود بابريكا كمون زنجبيل كركم كروية عود قرفة مع بعض الأعشاب مثل الكزبرة ( حشيش مقطفةأو دبشة ) ، ورقة رند ، نعناع الشوربة، الكرفس اعمليهم باقة و لفيها بخيط و مرقي بالماء، بعدما يتم الطبخ انزعي اللحم و باقة الأعشاب و القرفة ثم ارحي اواطحني الكل و اضيفي التشيشة و القليل من النوخا تعطي مذاق رهيب و تركيه على النار حتى تطبخ التشيشة و لا تكثري منها فقط لتعقد لحريرة ثم فتتي قطعة اللحم وأضيفيها للحريرة إن لم يكن عندك لحم لا مشكلة أو لحم أخر يفي بالغرض، المهم نصيحة لا تضعي معبات الاكل مثل جانبو لانه غير صحي و المادة المركزة فيه تطغى على بنة الاكل بالاضافة الى شبهة الحلال و الحرام، المهم أختي لدي الكثير جدا من كيفيات الحريرة و كلها لذيذة و في كل مرة سأعطيك واحدة إن شئت، تعرفين اهل الغرب مدمنين على مختلف انواع الحريرة و ستصبحين كذلك و بصراحة هي تساعد في المعيشة، و السلام عليكم.

[@aminasmail7109]

مديريش نجمة الارض و زريعة البسباس و حبه حلاوه نصحتني بيهم وحده ؟

[@fouziaamer1533]

@@aminasmail7109 لا لا مانديرهمش، نديرهم في طاجن حلو، لحريرة مالحة.

[@amarirachid4342]

تعطيني طاقة إيجابية من هدرتك نبغي نسي وصفاتك راني معولة ندير لتارت و هذاك المردود المعطر الله الله إنشاء ألله

[@tuliperose7487]

كنت نشوف الوصفة بصح كي درتي crème fraîche حبيت يا ختي سمحيلي اكبر شكلة عمري ما شفت حريرة فيها كيري جاج و crème fraîche

[@amellaguer8535]

انا تاني شوكاتني ههههه

[@hichemelhadjbafou1828]

يعطيك الصحة اختي بصح الخضرة اطحنيها و صفيها بالصفاية هكدا ماتبنلهمش جربيها والله استيس مليحة

[@kalkoulmadjid1229]

سلا اختي كنت وعتينا بقلب الاوز بالحشو منذ مدة ورانا نستنو ديريهالنا بما ان الوصفة الاولى نجحت ياريت ديرلنا تاع الحشو وشكرا

[@medben2644]

حكم من وع وع

[@جويدةحرشاو]

مبدعة فنانة ومتألقة دائما يعطيك الصحة جربتها من الفيديو السابق خرجت تهبل قالي راجلي ما تبدليهاش في رمضان 😍😍

[@wawanawal9972]

ختي حبيت نجربها في رمضان و خفت قوليلي ختي جاتك مليحة

[@جويدةحرشاو]

@@wawanawal9972 جاتني هايلة بصح ما درتش النوخة والكريمة

[@اميرملاك-ث5ه]

نجربها ختتو في رمضان يارب بلغنا رمضان لا فاقدين ولا مفقودين ♥️♥️❤️❤️

[@ahlemcaty3235]

اللهم امين يارب العالمين

[@user-sg3id7ch3v]

اللهم أمين سلام حبيبة مرحبا بك على قناتي فيديو جديد ومتنسايش اشتراك ولايكات وتعليقات دعم لبنت بلادكم من وهران🇩🇿🇩🇿🇩🇿🇩🇿👈🏼👈🏼👈🏼👈🏼

[@lavieestbellelavie6125]

بلعكس جربيها دورك قبل رمضان باه تتقنيها وتزيدي حتى إضافة أو لمسة من عندك. 😉إذا عشنا لرمضان نشالله....

[@khatirnesrine1155]

نجمو ختي العقدة نديروها وندسوها وكون نقلو باللحم لحمر نديرو كفتة ربي يشافيه ويعافيه

[@sarasara1594]

السلام عليكم عندي اعاقة ف سمع ممكن تكتب لي مكونات تاع حريرة الله يرضى عليك و الله عجبتني حريرة نتاعك الله يعطيك صحة

[@berhaneaicha8121]

حبة بصل .2 طماطم متوسطة حجم . 5 حبات جزر . نص حار . فص ثوم.رند.عود فرقة.2 نحمات الارض . ملح . فافا اكحل . كركم . سكنجبير. فلفل حمراء . رشة صغيرة زعفران . م ك ونص طماطم كثيرة. وحمص . وقصبر. نخليها تتقلي مليح . توابل دجاج.ماء ساخن.كي تغلي نبلعها كي طيب ارحيها او صفيها فل كسكاس نضيف راس حانوت تع حريرة كروية ونوخة رائعة بسباس مرحي. جامبو ونحرك

[@crazyrich5240]

البوم و ليس غداً نديرها ههههههه ربي يحفضك حنونه في مزان حسناتك انشاءالله

[@lavieestbellelavie6125]

شكون جات من تعليقات تع عجينة تارتولات تبرقق ع طريقة الحريرة لي أغلبيتهم جربوها، 😊دخلت نشوف باش نجربها لرمضان نشالله ويلا عيشنا ربي 💋

[@larbikarim3144]

يا اعلي اللسان الحلو قاع الناس تبغيه الله يرزقك

[@salsabilbenbrahim8625]

السلام ختي يعطيك الصحة عندي ثقة في وصفاتك و نتمنى ربي يشافيلك ولدك و نطلب منك وصغة شوربة vermicelle راجلي يبغيها و ما تخرجليش بنينة. شكرا

[@ilyesislem1183]

حتى انا منحبهاش

[@benkhlifaimen1949]

كروية وسكنجبير وقسبر هما شباح حريره

[@karima9445]

جبتيلنا ريحة رمضان انشاء الله يدخل علينا بالصحة و الهناء و زوال البلاء و الوباء امين يعطيك الصحة اختي توجور في القمة 👌 👍

[@soumicha-officiel]

اللهم آمين يارب العالمين

[@mimichamina820]

@@soumicha-officiel انا نحب لحريرة مي حرت واش من وصفة ندير

[@delilaaya1139]

نجربوها في رمضان يارب بلغنا الشهر الكريم بالصحة والعافية

[@fatihahabibi8076]

ان شاء الله نديرها المهم لبيتزا نتاعك فور راني مانستغناش عليها ربي يفرحك ويشافيلك وليدك المهم من نهار عرفت قناتك وليت مدمنه عليها 👍👍👍

[@tarektam9120]

هذي اقتصادية على شربة فريك او مرمز لا اللحم غنمي لا خضرة بزاف نجربها باذن الله

[@misskhawla3215]

البنة كي طحني خضرة حنا نديروها باللحم و لا دجاج جامي نطيبوها بلا بيهم و الأفضل باللحم تجي علامة ♥♥

[@mimichamina820]

اختي منفضلك الخضر طحنوها و تردوها للكوموط؟؟

[@nanamaman9914]

وشنوها الجيشة احنأ في البليدة هي سميد خشن شكرا على الوصفة وربي يشفي وليدك

[@nabilabelguesmia3086]

الله يشافيه و يشافي جميع مرضى المسلمين ..👍👍👍👍👍👍👍👏👏👏👏👏👏👏👏👏👏❤❤❤❤❤❤❤❤❤❤وصفاتك كلها تووووب و انت فوووور.

[@souadnada9152]

كتبنا في صندوق الوصف تلفون ضايع منسمعش به من فضلك

[@martkader502]

راكي نحيتي عليا عقدة الحريرة راه نستعمد عليها في كل الأوقات 👍❤🌷

[@kurusakisakura8544]

لما درتي الكريمة الطازجة نحي الفرينة باش ما تجيج ثقيلة

[@aziznattacha7131]

ياختي ماشاء الله عليك جربتها مذاقها روعة يعطيك الصحة

[@neffousabdellah3994]

تعرفي جاتني في وقتها راهم عندي ظياف بالعافيه عليك حبيبي

[@IslamIslam-ce8tv]

أسأل الله أن يكتب لأختي الغالية بكل خطوة سعادة وبكل نظرة عبادة وبكل رزق زيادة كل الأشياء ترحل لا تعود إلا الدعاء يرحل بالرجاء ويعود بالعطاء أختك من وهران واااااااااااااصلي

[@soumicha-officiel]

اللهم آمين يارب العالمين ربي يحفظك حبيبتي ♥️

[@safaasafaa2891]

انا هدي وصفة معتمدة عندي هدي سنين تجي بنيننننة انا برك منديرش الرند حتى نولي نديره

[@deydey7440]

الله يحفضكم نتمنى لمرت على تعليقي تدعي لأبي بالشفاء من فضلكم ونتمنى الشفاء لجميع مرضى المسلمين يا رب العالمين

[@hamidaachour8240]

ربي يشفيه انشاء الله.

[@deydey7440]

@@hamidaachour8240 نشاء الله ربي يحفضك

[@user-sg3id7ch3v]

ربي يشافيه ويعافيه أمين يا ربي سلام حبيبة مرحبا بك على قناتي فيديو جديد ومتنسايش اشتراك ولايكات وتعليقات دعم لبنت بلادكم من وهران 🇩🇿🇩🇿🇩🇿🇩🇿🇩🇿👈🏼👈🏼👈🏼👈🏼👈🏼👈🏼

[@user-sg3id7ch3v]

@@hamidaachour8240 مرحبا بك على قناتي فيديو جديد ومتنساش اشتراك ولايكات وتعليقات دعم لبنت بلادكم من وهران 🇩🇿🇩🇿🇩🇿👈🏼👈🏼👈🏼👈🏼

[@fatenafatena2714]

الله يحفضك جربتها وجاتني هايله الله شافيلك وليدك

[@nouariboukandora1364]

السلام عليكم ورحمه الله وبركاته يا اختي أنا مشتركة عندك ولاكن اول مرة اكتب تعليق بارك الله فيك على مجهوداتك جزاكي الله كل الخير الله يحفظك يا اختي حبيت نصقصيك على لكويزينيار نتاعك واش من ماركة وهل هي جيدة اذا حبيتي وإذا مافيهاش إزعاج وبارك الله فيك والسلام عليكم.

[@madrasatjyhane]

*يعطيك الصحة كيما نديروها في دارنا نيشان غير في بلاصة وين زدتي كريم فراش أنا نزيد شوية جبن رابي تجي هبال*

[@malikamahdani3420]

من فضلك أختي أم نورسين جربت الكعك تاعك وجاني روووووعة 👌🥰..حابة الڨريوش تاعك 🙏🙏

[@soumicha-officiel]

بصحتكم اختي أن شاء اللّه

[@silwanebelkacemi9751]

كوكوطة 3مغارف زيت بصلة كبيرة مقطعة عشوائي او صغيرة ديري زوج دجاج 2طماطم مقطعة 5جزر مقطعة قصبر سنة ثوم نص حار وحدة رند عود قرفة صغير وزوج نجمة ارض ملح عكري زعفران رشة وزنجبيل كركم مغرف ونص طماطن مصبرة قلي الكل ضفي حفنة حمص غطيها تتقلا ضفي كيري دجاج ومرقي تطهى صفيها في كسكاس ومرسيها ضفي راس حانوت كروية ونوخة زريعة بسباس شوية وكيري دجاج وحومبو ومرمز مغرف خليها تطهى وتغلي ضفي : في طاس مرق قصبر سنة ثوم مغرف ونص فرينة وكخام فخاش نص علبة مكسي الكل 15د وضفي لحم مرحي خلطي تطهى ادعولي بسكنة خاوتي

[@vidalika8501]

Yaaaaaaarabi yaraz9ak b sokna rana Kamel kifkif

[@kennouzamina2796]

ياختي أنا درت الحريرة تاعك بلا لحم لضياف والله لا قالولي راهي كيما تاع العروسات

[@soumicha-officiel]

يعطيك الف عافيه حبيبتي

[@kennouzamina2796]

@@soumicha-officiel شكرا دمتي لنا ياريت ديرينا مخللات لرمضان

[@bissimobouraoui7279]

ختي اما وصفة درتيها.. هادي؟

[@kennouzamina2796]

@@bissimobouraoui7279 درت الوصفة الأولى روعة بصح غادي نجرب هادي

[@زهرةالأمل-ل2ل]

@@soumicha-officiel يعيشك حطيلي رابط الوصفة لي دارتها الاخت قالت دارت الاولى

[@houariazza224]

أنا أم عمار من وهران رني جمجمتلك ياحبيبتي الله يبارك في عمرك وصحتك يااختي والله يخلينا هدا للصوت اللي ولفناه حريرة وعليها الكلام كما يقال خموس وجبريل.

[@soumicha-officiel]

ربي يحفظك حبيبتي

[@bissimobouraoui7279]

تعيشي ختي معرفتش مغرف لكيلتي بيها توابل. وعادي ادا طيبتها في قدرة

[@minouchaminoucha4972]

انا هادي الحريرة لي معتمدتها من زمان ولكن بدون كريم فراش

[@mimibachi7358]

اللهم صل وسلم على نبينا محمد وعلى آله وصحبه أجمعين

[@nousanousa5804]

يعطيك الصحة اختي سميشة ملاحظة صغيرة سكنجبير وحدو و زنجبيل وحدو ويناه لتقصدي هنا نستعملوه؟

[@souzi4252]

يكنجبير هوا نفسه زنجبيل. كي تبغي تشري قوليله سكنجبير

[@tinaninia128]

رند ونجمة البحر حسيت ميش حريرة تبان مرقة الروز وكل واحد وطريقتو مشكورة اختي

[@ikramnor419]

ختي فلفله حمراء تمرر المرقه كي تقليها سر حريره الغرب نعناع وقطره هل جربيه ختي ورديلي لخبر مع الدرسه وزيد نوخا زيدي وزعتر من طفي عليها شوفي وحد النهار حريره وهران هههه ربي يبارك فيك

[@abdrezak9721]

سميشة اختي من فضلك ديريلنا طماطم تع القرعة لننصبو بيها اذا بغيت ربي متتجاهليش تعليقي

[@أمأولادي-ج1د]

كفاه اختي هذي في بلاصة الطماطم المصبرة ؟؟

[@abdrezak9721]

@@أمأولادي-ج1د وي اختي تجي تهبل ومتخصرش

[@أمأولادي-ج1د]

@@abdrezak9721 شكرا تختي

[@أنوارالفجر-ف1س]

راني معاك في الطلب ـ يا ريت تشوفه

[@belwadihowari3475]

دارتها قناة Dèlices Oum anes

[@rawnak449dz]

ندير حريرة بنت بلادي أحسن مليون مرة من تاع بلايص وحدوخرين يعطيك الصحة

[@fayrouzaben9047]

مكانش مقادير في صندوق الوصف فيديو طويل منصبرش سلام عليكم

[@ابوياسين-ي4ج]

حريرة بلا ثوم ڨاع مشي حريرة بصح لي حيرتني نجمة رلض في الحريرة🤔حتى نجربها في رمضان ان شاء الله

[@timatima3710]

واه اختي النجمة يعطيها مذاق روعة انا توجور نديرو

[@MohMed-vw1eg]

Chkon kifi jombo chofo piplisiti jamis dkhal dari thabi 3sal🥰🥰bla bih Aslan machi sihi basah khsara sah Kamal fa lkhodra rmitih

[@Chefkhoukha]

عندي النوخة نجربها بيها

[@MohamedMohamed-we9lr]

اختي سميشة الله يحفظك على الوصفات نطلب منك بجاه النبي عليه افضل الصلاة والسلام فطيرة تاع السميد جربت شحال من وصفة ومتنجحليش

[@chahirachikhaoui8701]

سميد نص غرفيه فرينه،ملح بسسي بزيت مليح و طمي بلحليب واريح خمسه دق وطيبيها

[@fatmazohra7696]

نعطيك وصفه ناجحه و ادعيلي معاك ربي يصلحلي ذريتي ، شوفي اختي نعطيك الوصفه بالعبر نتاع كاس و نتي بدلي لعبر كيما طلعلك ، 3 كؤؤس سميد رطب ، ربع كاس زيت ، او قريب نصف كاس ، ملح ملعقه صغيره ، ملعقه صغيره خميره خبز و ملعقه صغيره سكر ، شوفي اختي الخميره الاستعمال نتاعها ليس لغرض الاختمار و لكن باه تعطيلها تحميره شابه كب تطيب و تبقي طريه لمده طويله و ثلاث ارباع كاس ماء ، يعني كاس ماء ناقص ربع ماء هادا هو لعبر سواسوه تخرجلك ما شاء الله ، طميها برك و قرصيها بشكل داءري و تقدري تستعملي الحلال ، و اثقبيها بالفرشيطه و الطاجين يكون سخون مليح ، ديري نار متوسطه الي ضعيفه و طيبيها علا وجه الاول و من بعد اقلبيها للتاني و بالصحه و لهنا

[@baloulkholoud5811]

يعطيك الصحة على الحريرة من فضلك قوليلي كيفاش تنظفي لكيكوطة تاعك عندي ختها وخفتها تتقشرلي

[@Rita-lo5wl]

مشاء الله عليك ديريلنا صفيحة سورية بليز لا تقدري ديريها بالجاج بيلز راجلي راه يحوس عليها

[@belwadihowari3475]

قناة Dèlices Oum anes راهي دايرتها

[@امعبداللهامعبدالله-س1م]

ضيفة جديدة من مطبخ ام مصعب الصحي. يعطيك الصحة راح نجربها

[@عمرعماىي]

درت البارح جات روعة يعطيك الصحة راني حابة المسكوجو من يدك انا وراسك نحب هذيك الطالعة

[@arty6756]

نكتبلكم هذي الوصفه دريها للمريض صدقه عليك والله ماتندمي ديت عليها اجر ونحبكم تدوه معايا في قدره قلي بصله كبيره مع حبة بطاطا صغيره مقطعه حبة طماطم وثلاث زروديه كبيره وصدر جاج وشويه ملح وفلفل اسود مرقيهم مليح ومتكثريش. الما كي يطيبو نحي الجاج وفتيه كيما شوربه حطيه في مقلاة مع ملعقه كبيره دهان وزوج فصوص كبار تع ثوم مرحي قليه مليح وزيدي كميه معتبره تاع قصبر مقطع وحرور وملح المرقه نتاعك طحنيها برحا. تع اليد ولا ميكسور زديلها. ملح اذا محتاجه وزيدي فوقها الجاج وخليها تغلي مليح وطفي عليها متدريش فيها بزاف الحرور ولا اي توابل حتى طماطم مصبره متدريش فيها خليها صحيه انشالله تجربوها وتقدموها وتنالو ثواب الاجر عند الله

[@alaaaloua458]

شكرا حبيبتي

[@SunSun-ff8rn]

هاذ الوصفة عطاها لنا الشاف محمد الله يخلف عليه شكرا

[@mohamedbelabbes6158]

الله يبارك ديريلنا وصفات بالسلق الله يحفظك

[@oussamaben9575]

انا تاني ندير الحريرة كيما هام وبلا لحم شكرا ربي يفوقك

[@inistaamel6946]

جربت السفنج و لا اروع يعطيك الصحة ختيتو

[@oussamaguerra7091]

الله يخليك اختي الحريرة لا كان هي شربة فريك كي ذكرتي وثاني الزرع لي نضيفه مانيش عارفة واش هي الحريرة

[@hadjermimi2984]

لالا الحريرة هي الخضر طايبة في لاصوص وارحيهم وكاين لي يحبو يزيدو فيها غبرة تع لفريك يزيد البنة وتخثار لاصوص وإنما شربة فريك لازم فيها لفريك لمتوسط ولي نعرفوها عادي

[@bouhachirazmohamed4286]

يعطيك الصحة ممكن تكتبي لنا الوصفة في صندوق الوصف نحتفظو بيها

[@AHope-pp8in]

اطحني الخضر بالمكسور ماكانش اللي افيق ..و وكليهم الخضر

[@khadidjabouzekri6221]

بارك الله فيك ! الله يشفيلك ولديك و يفرحك بيه يا رب !

[@slimanaicha1366]

yakhti jneh ta3 djej gal3ileh hadak dfor الضفر ماينتكلش

[@fadhilamourad6337]

شفاء طهور ان شاء الله لابنك يعطيك الصحه والعافيه 🌷😚❤️

[@djihanebibou1416]

جربتها وجات بنينة بنينة بزاف مع القارص حريرة وعليها الكلام شكرا

[@nabilahmed9914]

ختي ربي يحفظك باش نعوضوه كاري دجاج وياريت تقولينات مكونات راس الحانوت تاع الحريره ختي ربي يحفظك انا مقيمه في الخارج ومعندناش مين نشرو راس الحانوت ودشيشه هل هي البلبوله تاع الشعير

[@اولاديحياتي-غ4ش]

سلام عليكم اختي صحا رمضانك اول مرة نشوف قناتك ماشاء الله سييت الحريرة جاتني تهبل ماخلوش قطرة يعطيك الصحة ومزيد من التقدم بالتوفيق

[@السيدةرقيقشيماء-ب8ب]

الله يعطيك الصحة و العافية حبيبتي الله يشافي الأمور ووليدات المسلمين

[@auliaauli7217]

سلام حبيت نعرف واشني هي النوخة مانعرفهاش

[@aminamorsli2361]

اسأل الله العظيم رب العرش ان يشفيه ا شفاء لا يغادر سقما

[@سروربنعمارة]

سلام اختي حريرة وشربة بلا جزر وثوم وقصبر ماتسماش حريرة وراهي تبان تشهي نجربها باذن الله تعالى