Рет қаралды 204,064
შალვა აბულაძე ციხეშია და სასამართლოს განაჩენს ელის. ორი პოლიციელის მკვლელობისთვის ბრალდებულს, სამართალდამცავებმა გამთენიისას ბორჯომის რაიონის სოფელ არდაგანში მიაგნეს.
მიტოვებული შენობიდან, სადაც ძებნილი იმალებოდა, ორი ცეცხლსასროლი იარაღი და ხელყუმბარაა ამოღებული. ერთ-ერთ ფანჯარაზე ამ დრომდე რჩება ნატყვიარის კვალი. გამოძიების ინფორმაციით, დამნაშავემ აყვანის დროს გაქცევა სცადა. თუმცა არსებობს აბულაძის მეგობრის მიერ გავრცელებული ვერსიაც, რომლის მიხედვით ახლობლებზე ზეწოლის გამო ბრალდებული პოლიციას თავად ჩაბარდა. შემთხვევის ადგილზე პირველადი მოკვლევითი სამუშაოები დასრულებულია. ჩვენი გადამღები ჯგუფი დღეს შენობაში შევიდა და ის ოთახი გადაიღო, რომელსაც სამ მუხლში ბრალდებული აფარებდა თავს. ნიკა მოლოდინაშვილი ბორჯომიდან.