Рет қаралды 10,932
مسامحك يا حبيبي مهما قسيت علي
قلبك عارفو ابيض وكلك حسن نية
ما خطرت لقلبي سلوى تحيدو عنك
ما ممكن اعاتبك واخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..
ظلموني القالو عني و غيرني البعاد
وحيات نور جمالك زاد البي زاد
اصبح شوقي اكتر حبك عندي اكبر
املي في اخضرارك نامي ولسه انضر
مسامحك يا حبيبي..
واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشتياقك وتفضح لغرامها
مسامحك يا حبيبي..
سيان عندي عدلك وجورك عليا
تكابر او تداري حبك باقي ليا
بترجع لي تاني وتسال عن مكاني
تجدني زي ما كنت زايد في حناني
مسامحك يا حبيبي..