Рет қаралды 1,074
حسرات...دمعات...واتعنه بجروحه الصبح
والعين.....يحسين.....محتاره تنظر يا جرح
»»»»»»»»»»»»»»»»»»»»»»»»»»»»»»
1️⃣
طلعت من الخيم جيت أعثر وانهض النوب
وصلتك بأخر انفاس شفتك خويه مسلوب
صحتك وعتله النوح
صاير كلك اجروح
~~~
أول جرح.....قبل الذبح...وجروحك هواي
فوگ الثره....دمك جره....وبحسرت الماي
~~~
احتار......الانظار.....شافت عليك اتجمعوا
مهضوم..مظلوم...بسيوف جسمك گطعوا
~~~
جيتك اشد جروحك
جيتك اودع روحك
يكسرني كلش نوحك.............واتحسرت
ذبلانه حيل عيونك
يا خويه رايح لونك
و انه السألت اشلونك..............وتحيرت
»»»»»»»»»»»»»»»»»»»»»»»»»»»»
2️⃣
تجاوب و اسمع الصوت كل البيه عوفيه
جرح گليبي يم عون ديري عيونك اعليه
ينزف كلش اهواي
طايح محد وياي
~~~
شابع قهر.....حته النهر.....مايروي جبدي
نار وحرب..ضاع الدرب..ياخويه وحدي
~~~
حنيت..ناديت..وخيول عشره اتحضرت
منحور...مكسور...ضلوعي كلها اتكسرت
~~~
ياخويه شدي حزامج
محترگه ذيج خيامج
خلصت حزن ايامج............كلها ضمه
يحسين گلبي تفطر
شفتك يخويه موذر
مااريد اشوف المنحر.........يجري دمه
»»»»»»»»»»»»»»»»»»»»»»»»»»»
3️⃣
ينار الخيمه والخوف ويا دمعه العشتها
جسمك واسه الخيام لحظة ما شفتها
الخيمه انسلبت وياك
طاحت كلها بجفاك
~~~
رحنه ركض.بس الأرض..مشتعله بالنار
ماضل امل.كلشي رحل.جتفوها الازغار
~~~
نحتار.....و النار....شفنه المخيم يشتعل
والحال.ابيا حال.جتفونه ياخويه بحبل
~~~
بحبل السبي جتفونه
فوگ القهر هضمونه
يا خويه ما رحمونه.........وبيت النبي
اتمنيت لحظه موتي
يا ريت يسمع صوتي
الهودج صبح تابوتي......بدرب السبي
»»»»»»»»»»»»»»»»»»»»»»»»»»»»»»»»»»»»»»»»»»»»»
محمد خشان ✍️.
»»»»»»»»»»»»»»»»»»»»»»»»»»»»»»»»»»»»»»»»»»»»»