Sri Padmanabha Stotram | Sacchidananda Shivabhinava Nrisimha Bharati Mahaswami

Рет қаралды 1,733

Күн бұрын

Пікірлер: 19

@carthikshankar6414 8 ай бұрын

॥ श्रीपद्मनाभस्तोत्रम् ॥ पद्मनाभ करुणामृतराशे सद्महेतुलवशून्यकृपायाः । छद्महारितमहाबलिसम्प- द्विद्म एव तव वीर्यमनन्तम् ॥ १ ॥ नाभ्याः सरस्त्वेन हि वर्णनं तु सत्यं तदा स्यात्किल पद्मनाभ । यदा त्वदीयां विषयीकरोति नाभिं न चेद्याति कथं प्रमात्वम् ॥ २ ॥ नाभीपद्मे पुत्रं वक्षसि कान्तां च सन्दधत्तान्तः । स्वपिषि सदा किं विष्णो नम्रायास्मै द्रुतं ब्रूहि ॥ ३ ॥ पापाब्धौ बडबानलस्य हि शिखा जाड्यान्धकारे रवि- र्भाग्याब्धौ शरदिन्दुपङ्क्तिरमला त्वन्नामसङ्कीर्तनम् । भक्तानां परिपोषणे च जननी स्वात्मावबोधे पिता कस्तस्माद्विमुखो भवेद्भुवि नरो नो चेन्महापापभाक् ॥ ४ ॥ क्षीराम्भोनिधिराजमानफणिराण्मध्ये शयाना सदा लक्ष्मीपाणिपयोजमर्दितपदा कारुण्यवारांनिधिः । कुर्वाणा मधुना च कैटभयुजा युद्धं च दोभ्र्यां मुहु- र्मुद्रा काचन मुक्तिदानकुशला निद्राति जागर्ति वा ॥ ५ ॥ पद्मनाभ तव पादसरोजा- सक्तचित्तमवनीपतिमेनम् । पाहि साश्रितसबन्धुसविद्व- ल्लोकमादरभरेण सराष्ट्रम् ॥ ६ ॥ सामोदं प्रदिशन्तु वञ्चिकुलभूमूलक्र्षराजाय वा- ग्देवीचन्द्रकलाधरेभवदनाः कारुण्यवाराशयः । धीर्घायुर्दृढगात्रतामलयशांस्याचन्द्रतिग्मांशुभं धर्माध्वन्यधिकां प्रवृत्तिमचलामच्छिन्नसत्सन्ततिम् ॥ ७ ॥ पायासुर्जगदम्बिकेन्दुविलसच्छीर्षेभवक्त्राः सदा राज्ञौ केरलदेशभाग्यलतिके कारुण्ययुग्भिर्मुदा । दृग्भिः पादविनम्रसौख्यविततेः सम्पादिकाभिर्जवा- द्दत्त्वा सन्ततिमाशु सद्गुणयुतामारोग्यदीर्घायुषी ॥ ८ ॥ मोचितः किं गजाधीशः पद्ननाभेन सत्वरम् । दृढभावनया तस्य पद्मनाभोऽभवद्गजेट् ॥ ९ ॥ श्रीभूमिपाणिसरसीरुहसेविताङ्घ्रे श्रीवत्सकौस्तुभधर प्रणतार्तिहारिन् । श्रीकण्ठमित्र दिननाथसुधांशुनेत्र श्रीपद्मनाभ मम देहि पदावलम्बम् ॥ १० ॥ नागेन्द्रभोगशयन प्रणतालिवाञ्छा- सम्पूरणामरतरो विधियोनिनाभे । नाकाधिपादिपरिपूजितपादपद्म श्रीपद्मनाभ मम देहि पदावलम्बम् ॥ ११ ॥ कमलाकरपद्मपूजितं करुणादुग्धपयोधिमध्यगम् । भुजगाधिपभोगशायिनं कलये कञ्चन देवसत्तमम् ॥ १२ ॥