Рет қаралды 10,756
1784 ಫೆಬ್ರವರಿ ಮಹಿನ್ಯಾಚೊ ಅಕೇರಿಚೊ ಹಪ್ತೊ ಸಿಂಜಿಸೊ ಬುದ್ವಾರ್ ಸಂಪ್ಲ್ಲೊ ತಿತ್ಲೊಚ್ ಅನಿ ಕರೆಜ್ಮ್ ಪ್ರಾರಂಭ್ ಜಾಲ್ಲೊ. ಮ್ಹಂಗ್ಳುರ್ ಕರಾವಳಿಚಿಂ ಸರ್ವ್ ಕ್ರೀಸ್ತಾಂವ್ ದೇವ್ ಪ್ರಜಾ ಜೆಜು ಕ್ರಿಸ್ತಾಚಾ ಕಷ್ಟಾಂ ಮರ್ಣಾಚಿ ತಯರಾಯ್ ಜಾವ್ನ್ ಮಾಗ್ಣ್ಯಾನ್ ತಶೆಂ ಪ್ರಾಜಿತಾನ್ ಅಪಾಪ್ಲ್ಯಾ ದಿಸ್ಪಡ್ತ್ಯಾ ಕಾಮಾನಿಂ ಮೆತೆರ್ ಆಸ್ಲೊ.
ಅನಿಂ ಹ್ಯಾ ವಗ್ತಾ ಕರಾವಾಳಿಚ್ಯಾ ಸರ್ವ್ ಕ್ರೀಸ್ತಾಂವಾಂಕ್ ಏಕ್ ವ್ಹಡ್ ಆಘಾತ್ ರಾಕೊನ್ ಆಸ್ಲ್ಲೊ. ತ್ಯಾ ವೆಳಾ ಆಮ್ಚಿ ಸರ್ವ್ ಮ್ಹಂಗ್ಳುರ್ ಕರಾವಳ್ ಮೈಸೂರ್ ಸಂಸ್ತಾನಾಚಾ ಆಡಳ್ತೆ ಖಾಲ್ ಆಸ್ಲ್ಲಿ. ಅನಿಂ ತ್ಯಾ ವೆಳಾ ಮೈಸೂರ್ ಸಂಸ್ಥಾನಾಚೊ ರೂಲರ್ ಜಾವ್ನಾಸ್ಲ್ಲ್ಯಾ ಟಿಪ್ಪು ಸುಲ್ತಾನಾನ್ ಎಕಾ ಗುಪ್ತಿ ಯೆವ್ಜಾನೆನ್ ಆಪ್ಲ್ಯಾ ಸೊಜೆರಾಂಕ್ ಧಾಡ್ನ್ ಸಗ್ಳ್ಯಾ ಮ್ಹಂಗ್ಳುರಿ ಕರಾವಾಳಿಚ್ಯಾ ಕ್ರೀಸ್ತಾವಾಂಚೆರ್ ಧಾಡ್ ಘಾಲಿ ಅನಿಂ ಜಾಯ್ತ್ಯೊ ಇಗರ್ಜ್ಯೊ ನಾಸ್ ಕರ್ನ್ ಕೆನಾರಾಚ್ಯಾ ಕ್ರೀಸ್ತಾಂವಾಂಕ್ ಬಂದಿವಾನ್ ಕರ್ನ್ ಶ್ರೀರಂಗಪಟ್ಟಣಾಕ್ ವ್ಹಡಾ ನಿಷ್ಟುರಾಯೆನ್ ವೋಡ್ನ್ ವೆಲೆಂ.
ಎಕಾ ಸಮೀಕ್ಷಾ ಪ್ರಕಾರ್ ನಾಸ್ ಕೆಲ್ಲ್ಯಾ ಇಗರ್ಜಾಂಚೊ ಸಂಖೊ ಸರಿ ಸುಮರ್ 27 ಅನಿಂ ಬಂದಿವಾನ್ ಕರ್ನ್ ಆಪೊವ್ನ್ ವೆಲ್ಲ್ಯಾ ಕ್ರೀಸ್ತಾಂವಾಂಚೊ ಸಂಖೊ ಸಾಟ್ ಹಜಾರ್ ಹಾಂಚೆ ಪೈಕಿ ತೀನಾಂಕ್ ಏಕ್ ವಾಂಟೊ ಆಮ್ಚಿಂ ಮಲ್ಘಢಿಂ ಸೊಜೆರಾಂಚಾ ನಿಷ್ಠುರಾಯೆಕ್ ವಾಟೆರ್ ಬಲಿ ಜಾತಾತ್. ಥೊಡ್ಯಾಂಕ್ ಕೊಟೆಚ್ಯಾ ಪಾಗೊರಾ ಥಾವ್ನ್ ಸಕ್ಲಾ ಉಡಯ್ಲೆಂ ತರ್ ಅನಿ ಥೊಡ್ಯಾಂಕ್ ಅತ್ಯಾಚಾರ್ ಕರ್ನ್ ಲಗಾಡ್ ಕಾಡ್ಲೆಂ. ಅನಿಂ ಥೊಡಿಂ ಕಷ್ಟಾಂಚಿ ವಾಟ್ ಚಲೊಂಕ್ ಜಾಯ್ನಾಸ್ತಾನಾ ವಾಟೆರ್ ಮರ್ಣ್ ಪಾವ್ಲೆ. ಅಶೆಂ ನಿಮಾಣೆಂ ತಿನಾಂತ್ ದೋನ್ ವಾಂಟೆ ಮ್ಹಣ್ಜೆ ಸಾಳಿಸ್ ಹಜಾರ್ ಆಮ್ಚಿಂ ಮಲ್ಘಡಿಂ ಸ ಹಪ್ತ್ಯಾಂಚಿ ಕಷ್ಟಾಂಚ್ಯಾ ಪಾಯ್ ವಾಟೆನ್ ಶ್ರೀರಂಗಪಟ್ಟಣಾಕ್ ಪಾವ್ತಾತ್. ಅನಿಂ ಉಪ್ರಾಂತ್ ಥಂಯ್ಸರ್ ಕಯ್ದ್ಯಾಚಿ ಬೋವ್ ನಿಷ್ಟುರಾಯೆಚಿ ಅನಿಂ ಕಳ್ವಳಾಯೆಚಿ ಜಿಣಿ ಸಾರ್ತಾತ್.
ಹಿ ಅಚಾನಕ್ ಧಾಡ್ ಕರಾವಳಿಚ್ಯಾ ಕಥೋಲಿಕ್ ಕ್ರೀಸ್ತಾವಾಂಕ್ ಏಕ್ ವ್ಹಡ್ ಧಕೊ ಜಾವ್ಂ ಪಾವ್ತಾ. ಆಪ್ಲೊಚ್ ಮುಕೆಲಿ ಅಪ್ಣಾಚ್ಯಾ ಬರೆಪಣಾಕ್ ಅನಿಂ ಕಷ್ಟಾಂಕ್ ಸ್ಪಂದನ್ ಕರಿಜೆ ಜಾಲ್ಲೊ ಆಪ್ಲ್ಯಾ ಅಧಿಕಾರಾಚೊ ದುರುಪಯೋಗ್ ಕರ್ನ್ ಬೋವ್ ವ್ಹಡಾ ನಿಷ್ಠುರಾಯೆನ್ ಅನಿಂ ಕರಾಳ್ ರಿತಿನ್ ಕಷ್ಟಾಯ್ತಾ. ಆಮ್ಚೊ ಮುಖೆಲಿ ಆಮ್ಚೆರ್ ಉಪ್ರಾಟ್ಲಾ ಅನಿಂ ಆಮ್ಚ್ಯಾ ಕಷ್ಟಾಂಕ್ ಸ್ಪಂದನ್ ಕರ್ಚೊ ಕೊಣ್ಂಚ್ ನಾ ಮ್ಹಳ್ಯಾ ವ್ಹಡಾ ನಿರಾಶಾಯೆನ್ ಆಸ್ಚ್ಯಾ ತ್ಯಾ ವಗ್ತಾ ತಾಂಕಾ ದಿಸ್ತಾ ಏಕ್ಚ್ ವಾಟ್ ಅನಿಂ ತಿ ಜಾವ್ನಾಸಾ ಮಾಗ್ಣ್ಯಾಚಿ ವಾಟ್. ಪುಣ್ ಉಗ್ತ್ಯಾನ್ ಮಾಗ್ಣೆಂ ಕರುಂಕ್ ತಾಂಕಾ ಅವ್ಕಾಸ್ ನಾ. ಖಂಯ್ ತರೀ ಭಾವಾಡ್ತಿ ಸಾಂಗಾತಾ ಮೆಳ್ಳೆ ಮ್ಹಣ್ತಾನಾ ತಾಂಚೆರ್ ಹಲ್ಲೊ ಚುಕಾನಾ. ಅನಿಂ ಅಶೆಂ ನಿಮಾಣೆಂ ತಾಂಕಾ ದಿಸ್ತಾ ಏಕ್ ಇಗರ್ಜ್ ಮ್ಹಂಗ್ಳುರ್ ಶೆರಾ ಭಾಯ್ರ್ ದೊಂಗ್ರಾಳ್ ಗುಡ್ಯಾ ಅನಿಂ ರಾನಾಂ ಮಧೆಂ ಬೋವ್ ತಗ್ಗ್ ಸುವಾತೆರ್ ಲೊಕಾಚಾ ದಿಷ್ಟೆಕ್ ಪಯ್ಸ್ ಕಶೆಂ ಆಸ್ಚಿ ಹಿ ಪೆಜಾರ್ಚಿ ಇಗರ್ಜ್. ಭಾವಾಡ್ತಿ ಹಾಂಗಾಸರ್ ಸಾಂಗಾತಾ ಮೆಳ್ತಾತ್ ಅನಿಂ ಆಪ್ಲ್ಯಾ ಸಾಂಗಾತ್ಯಾಂಚಾ ಸುಡ್ಕೆ ಖಾತಿರ್ ವ್ಹಡಾ ಭಕ್ತಿಪಣಾನ್ ಹ್ಯಾ ಇಗರ್ಜೆಚ್ಯಾ ಬಗ್ಲೆನ್ ಆಸ್ಚ್ಯಾ ಗುಡ್ಯಾಚೆರ್ ಖುರ್ಸಾ ವಾಟೆಚೆಂ ಭಕ್ತಿಪಣ್ ಪ್ರಾರಂಭ್ ಜಾತಾ. ವರ್ಸಾಂ ಪಾಶಾರ್ ಜಾಲ್ಲೆ ಪರಿಂ ಹೆಂ ಭಕ್ತಿಪಣ್ ಬೊಂವ್ತಣಿಚ್ಯಾ ಪ್ರದೇಶಾನಿ ವಿಸ್ತಾರ್ತಾ ಆನಿಂ ಹಾರಿ ಹಾರಿಂನಿ ಲೋಕ್ ಹ್ಯಾ ಭಕ್ತಿಕ್ ಕಾರ್ಯಾಕ್ ಹಾಂಗಾಸರ್ ಯೆತಾತ್ ಅನಿಂ ಬರೆಪಣ್ ಜೊಡೊನ್ ಘೆತಾತ್.
ಅಶೆಂ ಹೊ ಗುಡೊ ಆಜ್ ಖುರ್ಸಾ ಗುಡೊ ಮ್ಹಣ್ ಮಂಗ್ಳುರ್ ತಶೆಂ ಆಸ್ ಪಾಸ್ ಆಸ್ಚ್ಯಾ ಗಾವಾಂನಿ ಪ್ರಖ್ಯಾತ್ ಜಾಲಾ. ಅನಿಂ ಹ್ಯಾ ಚಾರಿತ್ರಿಕ್ ಘಡಿತಾಚೊ ಉಗ್ಡಾಸ್ ಜಿವೊ ದವರುನ್ ಹಾಂಚ್ಯಾ ಮಾಲ್ಘಡ್ಯಾನಿಂ ಸೊಸ್ಲ್ಲ್ಯಾ ಕಷ್ಟಾಂಚೊ ಉಡಾಸ್ ಕಡ್ತಾಂವ್.
ಆಜ್ ಜೆಜುಚ್ಯಾ ಪಾಶಾವಾಂತ್ ವಾಂಟೊ ಘೆಂವ್ಕ್ ಆಮ್ಕಾಂ ಹೊ ಏಕ್ ಅಪೂರ್ವ್ ಅವ್ಕಾಸ್ ಲಾಬ್ಲಾ ಆಸ್ತಾಂ ವ್ಹಡ್ ಭಕ್ತಿನ್ ಜೆಜು ಕ್ರೀಸ್ತಾಚಿಂ ಕುರ್ಪೆಚಿಂ ಆಶೀರ್ವಾದಾಂ ಆಮ್ಚೆರ್ ಅನಿಂ ಅಮ್ಚ್ಯಾ ಕುಟ್ಮಾಂಚೆರ್ ಜೋಡ್ನ್ ಘೆವ್ಯಾಂ.
ಆಧಾರಾನ್ : ವಿಗಾರ್ ಪೆಜಾರ್ ಫಿರ್ಗಜ್ ಆನಿ ದೇವ್ ಪ್ರಜಾ
ದಾಯ್ಜಿ ಪ್ರವೀಣ್ ತಾವ್ರೊ ಕುಲ್ಶೇಕರ್
♦️ Download Now - Localwood OTT app on Android & IOS :
play.google.co...
apps.apple.com...
♦️ Browse on Web : www.localwood.in
Follow us on Social Media
📌 English News Web Portal : www.daijiworld...
📌 Kannada News Web Portal : www.daijiworld...
📌 KZbin Live Channel : / daijiworldtvlive
📌 Facebook : / daijiworldtv
📌 Instagram : / daijiworldnews
#pezarwayofthecross #wayofcross #pezar #catholicdevotion #lentjourney #christianfaith #catholictradition #faithinaction #spiritualAction #daijiworldlive #pezarchurch #daijiworld #daijiworldtv