Stanet kthehen në bujtina/Bjeshkët në Nikaj Mërtur nga zona verimi për bagëtinë, tani presin turistë

#oranews #nikajmërtur #bjeshkët #turizmi
Malësorët e bjeshkëve i janë kthyer turizmit. Në Nikaj Mërtur me përmirësimin e infrastrukturës rrugore bujtinat do te mirë presin vizitorët pasi kanë çfarë tu tregojnë.
Është një ndër pasuritë më të çmuara natyrore që ka Shqipëria.
Majat e maleve me borë të përjetshme, ajri i freskët, kullotat alpine dhe burimet e pashtershme stolisin mahnitshëm bjeshkët e Nikaj Mërtur në Tropojë.
Dikur bjeshkët e Ugarit dhe të Palçit gjallonin nga barinjtë që nxirrnin në kullotë bagëtinë.
Sot stanet janë të pakta.
“Janë përpjekur që të jetojnë me bagëti, me bimë medicionale, por këtu për fat të keq jemi shumë pak, por dikur kemi qenë rreth 30-40 stane.”
“Këtu ka pas 40 shtëpi. Ajri është shumë i pastër, bjeshkët janë të mrekullueshme”
Banorët që dikur i braktisën fshatrat në male për shkak të vështirësive që ndeshnin sot po rikthehen.
Kanë ndërtuar bujtinat e para dhe mirëpresin turistë.
“Kam ndërtuar një stan fillimisht, dalim me bagëti këtu. Kemi filluar ta rregullojmë një fije më shumë. Vijnë turistë. Mundohemi që t’u shërbejmë me prodhimet që bëjmë këtu.”
Banorët e këtyre anëve i kanë ruajtur traditat e të parëve dhe po i përcjellin të fëmijët.
Rruga që dikur u mungonte dhe i mbante larg nga turistët pritet të përfundojë për pak muaj.
Janë shpresëplotë se zona do të zhvillohet.
‘Do gjallërohet turizmi, do vijnë njerëz nga të gjitha shtetet. Mendojmë që të bëjmë ndonjë ndërtesë ose ndonjë gjë.”
Por Nikaj Mërtur nuk njihet vetëm për bukurinë e rrallë. Në këto fshatra me klimë të ashpër gjen histori, art dhe kulturë.
“Jemi në vendin e lahutës, jemi në vendin e kushtrimit të malësorve, jemi në vendin e këngës.”
Për më shumë lexoni në: www.oranews.tv/kultura/stanet...
Follow Televizionin Ora News
Website: www.oranews.tv
KZbin bit.ly/2DDddtL
Facebook: bit.ly/2RkUN4s
Instagram / oranewstv
Twitter / oranewsrtv

[@leonardpejo904]

I tere planeti me male, fusha, dete, liqene, lumenj... e vajza te bukura eshte..! Nuk duhet vetem turuzem, pak mendjen e vri, se kurre s'ben prokopi pa industri..!