Рет қаралды 1,085
StarTalk丨樂隊Zpecial主音康聰首次演出MV 緊張到唔敢望女主角
2022年對樂隊Zpecial嚟講可以話係轉變嘅一年,因為簽咗國際唱片公司嘅佢哋,今年亦推出咗EP《CityBoy》,呢日Zpecial就作客《StarTalk》接受 許文軒 嘅訪問,講下佢哋今年嘅音樂之旅。
相比起以前嘅歌曲,2022年嘅Zpecial曲風似乎有所轉變,鼓手煒賢就解釋佢哋喜好會隨唔同階段而轉變,佢哋亦唔想畀一個框框去框住自己,因為咁樣太易局限咗一切,而主音康聰亦指喺香港做樂隊唔只得Rock Sound,亦可以將其他曲風帶畀樂迷。
以往Zpecial甚少會演出自己嘅MV,但係今次新歌MV佢哋終於粉墨登場,結他手Mike笑言康聰終於「恨」到做MV男主角,而康聰就笑言幸福係要自己爭取,仲話想盡量發揮自己激情嘅演技。由於第一次做MV男主角,康聰就自爆同女主角林千渟演出時,一要拍一啲比較親近嘅鏡頭時,佢就會變得緊張同生硬,仲畀導演發現佢一眼都冇望過女主角,但係Bass手Tatming就笑言有少少妒忌喇!
Zpecial曾經同過唔少歌手crossover,好似周國賢、泳兒、吳業坤、葉巧琳等,仲要係對方親自邀請Zpecial做Crossover,Zpecial話每次收到邀請都好開心,特別係收到周國賢嘅邀請,康聰講返當日受邀嘅情況,佢話當時周國賢喺網上搵佢哋,話自己搵緊啲新嘅音樂人合作,而當時就見咁啱搵到佢哋,所以就隨即向佢哋提出邀請,康聰笑言周國賢嘅邀約留言而家係一直置頂。
訪問入面 許文軒 準備咗同公司嘅師兄師姐卡牌畀Zpecial四子抽,睇下佢哋抽中邊個同埋想同對方合作啲咩,想知佢哋各自抽中邊位師兄師姐,同埋有咩新奇合作概念?Click入去睇完整訪問片啦!
#樂隊Zpecial #StarTalk #許文軒 #鼓手煒賢 #主音康聰 #Tatming #林千渟 #Mike#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0