Рет қаралды 14,462
歌影視三棲發展嘅林峯近日憑喺電影《九龍城寨之圍城》飾演陳洛軍成為城中熱話,呢日佢就接受TVB娛樂新聞台節目《StarTalk》專訪,同王鎮泉 Jeoffrey暢談拍攝感受。
電影集結唔同年代演員,當中最有份量級就莫過於洪金寶、古天樂、郭富城、任賢齊。而阿峯飾演嘅陳洛軍喺戲中有多場高難度動作場面,更要同前輩交手,作為後輩嘅佢覺得好興奮,亦期待喺前輩身上學習、同埋碰撞到更多火花。
雖然拍得武打場面就肯定少不了受傷,但阿峯呢次就因為一場同小齊對打嘅戲份而搞到十字韌帶撕裂,令佢煞科前往內地參加一個歌唱節目時都係負傷上陣,連排舞師都驚訝點解佢可以咁傷。
呢次阿峯同古仔喺戲中關係都算係易師易友,而大家見到佢哋,少不免會諗返起經典劇集《尋秦記》嘅趙盤同項少龍。阿峯就話佢同古仔喺現實生活中繼續係易師易友,佢更慶幸喺入行初時認識到古仔並得到對方提點,而家古仔更成為佢老闆,對佢嘅照顧從來冇變過。雖然阿峯就冇再重溫過《尋秦記》,不過佢就會睇返自己最新嘅作品,重新思考自己有冇好好將當時對角色理解喺畫面上發揮出嚟。
#StarTalk #九龍城寨之圍城 #林峯 #洪金寶 #古天樂 #任賢齊 #郭富城 #陳洛軍 尋秦記 #趙盤 #項少龍 #十字韌帶
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0