StarTalk一氣呵成版｜陳友邀黎瑞恩演出音樂劇 將太太重病痊癒經歷轉化分享

StarTalk一氣呵成版｜陳友邀黎瑞恩演出音樂劇 將太太重病痊癒經歷轉化分享
即將將同太太間真實經歷搬上舞台演出嘅 陳友 同 黎瑞恩 ，以11年前陳太患上重病嘅故事轉化成為音練劇，呢日兩位接受 許文軒 《StarTalk》專訪，就將過往呢段故事同相中小恩子演出嘅由來一一分享。
陳友同太太相處三十多年，過往已多次到教會分享呢次奇蹟經歷，不過陳友希望更多人知道當中故事，所以將整個過程寫成音樂劇希望同大眾分享。自言過往專注工作忽略家庭嘅陳友，其實初期只打算擔任導演，不過後來覺得要將自己嘅故事帶俾大家，所以先將導演重任交託，再邀請小恩子演出。
初次聽到故事嘅小恩子，亦對陳友同太太呢個故事非常感觸，而陳友亦直言小恩子同太太神韻相似，相信演出一定會事半功倍咁話。飯聚見面藉機留意女主人翁小動作，小恩子話非常擔心踏上舞台時會難以自控落淚，所以首要係要學識忍淚。
為演出佢仲一早邀請舞台劇演員惡補，亦因為故事主角共演，就令自己壓力更大喇。而未嘗舞台劇演出經驗嘅陳友，就指會做自己，又笑指大部份歌曲都由小恩子負責，自己尚算輕鬆咁話。
劇目會以大量經典百老匯式歌曲譜上廣東新詞，以配合故事發展，陳友認為老歌更能令觀眾投入其中。
形容同太太如形影不離嘅陳友，指自溫拿走紅後因為發展原因，漸漸同太太關係不再緊密，太太一直默默守候，忽略多年直至太太重病，先驚覺自己不是。幸好陳太痊癒，過往十年重拾夫妻如影隨形嘅相處。
佢仲重提堅強嘅陳太於移民美國初期，自己因工作返港而疏於照顧，太太一人照護仔仔又報喜不報憂，後來仲以妙招激起陳友嘅關心。
而同前夫離婚十年嘅小恩子，當年戀愛腦婚後即放棄事業，雖然可惜，但係誕下兩位小朋友就係另一個得著，近年重返幕前嘅佢，又分享同子女如朋友一樣嘅相處，仲指工作接踵而至猶如上天安排，自己會隨心而行，能夠應付都會為大家演出咁話。
#StarTalk #陳友 #黎瑞恩 #真人真事 #陳太 #胰臟腫瘤 #奇蹟 #音樂劇 #許文軒 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@KCSo-i5u]