Su ballu de su mestieri - Tenore Funtanavona - Orgosolo - Sottotitoli

Su ballu de su mestieri
Tenore de Orgosolo Funtanavona
Ballamos a giru tundu
E chin totus intramos a mesu
Ora mai so avesu
A sas trampas de su mundu
No s’agatat unu sanu
In perunu mestieri
Chie furat chin sa manu
E chie chin su tinteri
Chie furat chin su metro
Chie su litru, chie su pesu
E chie chin su boette
dae curtzu e dae tesu
Endiolu o ventuleri
muradore, masellaiu,
pasticeri, turronaiu,
calzolaiu, butegheri
su pastore, su massaiu
ortulanu, bingiateri,
ora su salumieri
o pulidu rellozaiu
Si chircas un avocadu
L’asa a leare s’inzotu
e c’as a bessire cotu,
iscurtzu e ispozadu
No apas chin magistradu
Lites de apianare
Ca tando t’asa a abizare
Su c’at sa leze operadu
Profumadu barbieri,
O puzolente peddaiu,
O avaru droghieri,
Ignorante o literadu
Mastru ‘e linna, ferreri,
O bigotu sagrestanu ,
O parde carmelitanu,
O tristu carcerieri,
No s’agatat mestieri
Liberu, chena s’ingannu
Lea su mastru ‘e pannu
O lea su paneteri
O lea su banchieri
Cale cheres, operaiu,
Dotore o ingenieri
O cale si siat raju
Lea su politicante
Abile preicadore,
Imboligosu, elegante,
Creo su pius mazore
Deputau, senadore,
Cunsizeri, asesore ,
O prefetu o cuestore,
O umile portieri,
Presidente cancelleri,
Publicu procuradore,
O iscrivanu minore ,
O mannu tesorieri,
Barista o infermieri
O dutore ‘e ispidale
Guardia forestale
Sudorau contoneri
Pulizioto o avieri
Vigile, finanzieri
Cul’infustu marineri,
Pazosu carabineri
Bassu o altu graduadu
Chin sos gallones de oro
Han perdidu su decoro
Han su morale abbasciadu
Nat chi su sindacalista
Difendet su triballiante
Erricu in sa provista
At a domo sua abbondante
E como so pro finire
su ballu fatu pro giogu,
Pro gustu, pro disaogu,
Solu pro mi divertire
Ma prima de terminare
Comente bivet s’oreri
Lu cheria dimandare
Ballamos a girutundu
E totus intramos a mesu
Oramai so avesu
A sas trampas de su mundu

[@egopire1469]

Bellu abbèru su video e sas paraulas......grande mastru Nigòla Pira.......

[@andreamureddu2775]

Uno spettacolo ❤️💙

[@danielepipere7839]

Tenore stupendu 👍👌🎶😉

[@salvatorecossu292]

Spettacolari,BRIVIDI!! 👏👏👏👏👏👏👏👏

[@sandroboeddu3185]

👏👏👏👏

[@MrJunkiemonkey83]

"il ballo dei mestieri" BELLISSIMA!

[@robertorega6924]

Top one

[@bannecorrias420]

Bellissimo 😍😍

[@tonio7969]

ottima

[@francescaseddone8713]

Bravissimi

[@robertomurgia7402]

Bellu tenore!

[@claudioserreli662]

Bellissima, potresti fare i sottotitoli della canzone "su giardinu" dei tenores di fonni?

[@fightworld0]

Non imagginate quanto e profundo il messaggio di questo brano, si pierde nell antichita'..

[@ollimrto6815]

Bella bella gasi siede s'avula