所謂「觀塘文青打卡位」我眼中只是... 這是陪伴我成長的樂華邨商場 | 城市遊走 樂華、觀塘

[@HEBEFACE]

1. HEBEFACE X KENI 專輯已經推出，專輯收錄了多首以往影片使用的背景音樂，亦有特別為專輯而新製作的歌曲，歡迎訂購： tryango.boutir.com/i/RdOCpCgAA 2. ［宜家係 surfshark.hk/partner/hebeface 訂購Surfshark VPN，打hebeface呢個promo code可享有17折，仲可以獲得3個月額外免費期限！］

[@fongkai7367]

隻CD 正，有親筆簽名，在車聽D畫面出晒尼

[@ivanho-in7wo]

樂華商場係我80s港大建築系畢業後係房署第一個自己孭起的項目，接手時建造合約已經批出左，但施工圖紙係1:200嘅single line drawings. 結果足足用咗三個幾月朝9晚11手劃詳細施工图（係no pay OT)追番上工程進度。睇到咁多人之後係樂華的生活同回憶，睇到片中好多當年的元素仍然保留左，多謝！

[@HEBEFACE]

哇！你參與架？有無機會聯絡到你！

[@pwc3717]

勁呀！！

[@KTT940]

80-90年代商場 樓層矮 全水泥 不規則的商店設計 進入有種中產的味道 整潔乾淨有愉快的感覺 好正好多回憶

[@sukitong4761]

多謝你條片😭😭😭😭 身在澳洲嘅我 睇到你條片好感動 因為我由細到大都係樂華長大 直到一年前離開左香港嘅家 你條片對我嚟講好解思鄉病呀👍🏼👍🏼👍🏼

[@crablee6543]

三樓其昌眼鏡都係開邨到現在，我都52歲，支持你💪

[@ckc1768]

細個打波整爛鏡框，老細就見我學生就平平地比我買個框，仲即幫我把舊鏡片換上去

[@alanc223]

@@ckc1768 係呀， 老細係好好人， 踢波爛眼鏡靠其昌， 不過實比老母鬧

[@cathypoon302]

我都係樂華讀小學90年代時，感覺當時樂華是很有活力，很多小朋友，而家大都是老人家，仲有常常去有間遊樂場舖，文具舖，同埋樓下報紙檔買野玩，那時候的屋邨感覺到是很有人情味，小朋友唔買只睇都唔會被人趕。

[@alienghost717]

懷念中秋時既南邨公園

[@fionwck]

係啊，係其他邨都有呢種感覺，新屋邨就無了🥲

[@RosesJoy]

8,90年代樂華真係超級熱鬧，往事只能回味（當年住輝華）

[@RcNe-bk3vb]

小弟35年前既回憶返曬黎~~ - 樂華皇宮: 逢星期六去飲茶, 喺出面報紙檔買本老夫子/玉郎漫畫, 酒樓猜樓梯😆; - 天鵝禮品: 飲茶無野做會去睇玩具😁; - 噴水池: 同細佬同表弟成日爬上去玩, 好百厭😝; - 上面辦館: 成日去買冰條, 分一半俾細佬😋; - 山邊球場: 朝早會同阿媽細佬去晨運; 好懷念以前, 窮, 但成長得好開心~~😄😄😄

[@johnsoncheung4576]

有天鵝點可以漏咗福星

[@lamwc1994]

中學校友 👋 依家睇番真係紅到發紫 😅 不過依家已經移左民✈️ 有時都好掛住果時既點滴 🥹 多謝你拍左依條片，好中意你果段，講人係唔可以永遠活係回憶入面👍 依家番香港都好中意行d屋村商場，總有一種人情味係入面

[@cammie426]

正啊，搬走左好多年都無返黎，變左好多了。細個基樂放學成日去大方天鵝金伯利同樂惠店睇文具，上商場頂跑步，回憶返曬黎😆

[@fatbean]

支持你繼續拍呢類片，就算大家唔係同一條觀塘屋邨生活，都令人緬懷細個自己係屋邨嘅歲月。時間唔可以返轉頭，但係偶爾重返舊地回憶吓都幾點滴在心頭，見到啲熟悉嘅地方變晒真係唏噓……

[@Owen.W.O.Chiang]

以前最正係 11pm 食環收工，啲車仔檔湧晒出黎平民 buffet. 超多嘢吃。

[@jackhing1]

出名消夜聖地

[@samhui1279]

懶嘅就去巴士站，想食好啲就去裕民坊，由寶聲掃到去和記

[@MrkTuoCNd3S3R8ulrjqOXQ]

香港的樂華夜市

[@makyoko4055]

有一檔泰式魚肚，另一檔燒賣，必食

[@yytmimi]

細個發育時期，晚11點零就落去買生菜魚肉翅，豬牛沙爹串燒，炒粉麵，糖水……檔檔車仔新鮮熱辣而家無哂啦

[@ketchupc1051]

30年前響觀塘放工，會沿著功樂道上樂華邨再行條長樓梯或者沿著條長命斜落返安基苑。好懷念冬菇亭大排檔既小炒。

[@samhui1279]

榮發

[@hyogac0217]

好似話計劃起扶手電梯...

[@ketchupc1051]

@@hyogac0217 小巴佬肯定唔高興。

[@alexau2041]

身為觀塘友 多謝帶畀街坊一種熟悉既感覺同味道 童年經典集體回憶💛🙏

[@kttang73]

光榮結業 ，點解唔入去同老細講好生意呀😂

[@Steven-jg5rl]

我係辦館架， 我好鍾意睇你拍既片，之前見到你拍樂華，估唔到你以前係住呢度，得閒多啲返黎。好歡迎你拍。

[@ericpun_hker]

呢套片睇得好開心，尤其有片主自己嘅故事，特別吸引，又好好笑。一幌眼就十年廿年，人生就係咁。 常懷緬過去，常陶醉。 一半樂事，一半令人垂淚。 希望片主懷緬時，樂事多，垂淚少啦。

[@HEBEFACE]

樂事佔多，人生就係咁，懷緬過後，繼續向前。

[@paulhill5846]

樂華邨退休一流，半山區風涼水冷又夠靜，如果有一人單位自己退休住到尾都唔錯，當年住展華樓😂😂

[@Neo20050]

多謝你嘅分享。 作為一個喺公屋長大嘅人來說，有時去回憶一下以前嘅生活點滴，可以會成為向前行嘅力量，大家繼續努力💪 12:59 通常 穩世 後花園 文青 打咭 加埋就係伏😅

[@poengland]

讀過福建慕光，喺楊仲銘教過班，唔少回憶都喺樂華。幾鍾意樂華商場個格局，採光、通風、配套等等都好人性化，好舒服，櫈都多啲俾人坐，呢啲舊港英時代嘅設計真係買少見少。離開咗香港睇返更加感觸，多謝hebe 拍攝🙏🏻

[@kunngaisiu887]

多謝你帶我返嚟，回憶返哂嚟，小弟開村已經入住輝華樓，喺基樂小學，官塘官立工業中學讀到中二就搬走咗喇，分享吓一個小故事，我無同任何人講過，話說當年小學無知，喺片段中嗰間辦管偷零食，咁當然喺比人捉到啦，最後老細要我抆耳仔企喺店舖門口唔知幾耐，好彩佢無通知我老母同學校，不相當時真喺驚到癲🤣

[@nell0315]

我是樂華新街坊，我才剛搬來1年，謝謝Hebe和這麼多街坊分享，讓我又多了解一些樂華😊

[@sharoncc19]

之前新聞話領展想收返樂華街市做老人院, 真係好crazy. 樂華以前夜晚巴士站對出好多小販賣野食, 今年新年都仲有少少, 不過弱左好多。

[@derekkan9155]

本人的爸爸媽媽，早於八十年代，在樂華商場做生意。至於行業，不便透露。好記得自己當時做學生放假的時候，便到舖頭內幫手。個時好多店舖，都係家庭式運作。大多數的生意，都係做街坊客為主，好有人情味。睇完你的介紹，個商場已經好多面目全非。時間真係過得真快，轉眼已三十年有多。

[@laijoe6637]

我係北邨人，84年住，04年搬走，影片中講的大多都有共鳴 舊邨係好實際而且充滿活力好易滿足 滑果條房屋署logo斜面跌落去撞j.. 福星文具店睇高達 商場平台打羽毛球 隔離單車場租單車 上樂華山 振華道體育館隔離有黃色的管道遊樂場設施充滿尿味和垃圾 商場頂層露天遊樂場有坐木製堡壘可以爬到好高跌落來會跌死果隻 那個打咭位，真lwe人無事係唔多會上去的（我家人唔比我地上去的，話有飛仔老笠）多謝你的影片 lwe嘅人的集體回憶係一出振華道向左係牛頭角上下邨淘大 向右就辣埋觀塘裕民坊 以前非法小販夜市的魚肉碗仔翅係我食過的最好食的魚肉碗仔翅 南邨的重建前的冬菇亭中的牛腩粉係我吃過的最好食牛腩粉

[@laijoe6637]

可能我太大篇無人想爬😅 但真心經歷

[@694Lei]

以前房署個logo真係好好玩，又爬又sir，仲成日約朋友係果度等 你嘅文字只有真樂華人先有共鳴😌 我仲記得以前好鍾意去南邨同酒樓對出嘅水池睇魚同龜，一見啲水低咗仲會落去捉魚玩水，果時又好好冇人理😆 中秋去球場煲爉真係插針都插唔入，煲煲吓又有人玩灑水，一個灑就個個跟住灑，雖然好危險但又真係好好氣氛 同意！樂華大嘅小朋友真係唔會上打卡位玩，同樣地都係怕咗當時嘅村童又唔敢去 以前去酒樓飲茶唔係去二樓架船睇錦鯉就係去樂記買老夫子睇😃 最記得細個時爸爸帶我哋去大排擋打邊爐，叫一大碟拼盤乜都有，而家諗返起果時真係好幸福😌 好深刻以前放學後去大排擋食麵餐可以記帳等阿媽去食先再找數😂 最頂盛時期嘅消夜擋真係好好味，種類又多，堅到連即拉腸粉都有得食，真係又平又正😋

[@laijoe6637]

@@694Lei 多謝你 在樂華日子的回憶和美好係無法用文字和一段片所能完全道出 但唔同的舊鄰居都揸住一塊併圖，一齊加埋個圖畫就喚醒返唔同嘅記憶（比人地一講就醒返起邊到邊到係咁咁咁，呀係喎唔講真係忘記左😊😄。仲有，細個你都幾曳喎😁😆）

[@alexchow3447]

本人於1985-1990住秉華樓21樓某單位！看完後非常懷念！並且想起很多片段！當時返工要行嗰條長命梯落牛頭角坐地鐵！放工就行果條長命梯返上嚟，因為呢小巴嗰度好多人坐車，所以就行上嚟啦！至於停車場當年都好多人曬衣服同埋曬海味！😊

[@KasugaiSeika]

行得辛苦嗎

[@maggielee3422]

九龍灣地鐵唔坐

[@johnsoncheung4576]

住左樂華40年至今嘅中佬揮手🙋🏻 樂華邨係香港唯一邨內道路有交通燈嘅公共屋邨

[@wongks9556]

好開心介紹樂華，呢個商場真係麻雀雖小 五臟俱全。我嫲都仲有係樂華住。中小學戈時都係樂華大，因為都係附近啲學校讀。樂華雖然係老人邨，但個商場點都係唔會死場。個噴水池2011年左右先至封，有啲可惜冇左流水聲，以前個回音都幾大下。 之後樂華街市就會關閉，聞說起養老院。公公婆婆買餸一係落牛頭角或者瑞和街，一係去百佳。講到另一個大變係冬菇亭，以前中學放飯都去戈度，以前既大排檔😋依家變晒茶記

[@wykwan]

街市再行入啲有良友書局,龍威快餐店,仲有間7-11,令人懷念!多謝你製作這段影片!

[@oscarwong2464]

龍威炸雞翼好好食，第二度食唔返

[@yingfaili2614]

好開心Hebe介紹樂華❤ 我92年出世就住樂華，小學幼稚園都係度讀，到依加有小朋友同屋企人住都重係樂華住，依度係帶俾我好多回憶嘅屋邨，所以想像唔到有日搬走時會有咩感覺

[@josiahlee651]

90年代我喺樂華邨教幼稚園，你讀邊間幼稚園㗎？

[@yingfaili2614]

@@josiahlee651 路德會沙崙堂幼稚園

[@josiahlee651]

我係樂華幼稚園教

[@dorothy2147]

​@@josiahlee651 樂華 幼稚園 是否欣華樓地下個間

[@josiahlee651]

@@dorothy2147 係呀

[@andy314lau]

二樓嘅銀行係道享銀行 , 嘅然行左去街市點解唔講下街市個滑梯鞦韆, hebe應該有玩過啦！ 最後值得懷念一定係11點後宵夜同中秋煲臘 , 宵夜真係地道香港野全部有齊, 中秋揾個位都冇果陣真係好有氣氛！！

[@kenleung692]

原來你都係樂華大，我都係樂華大，約12歲先搬走，我以前都貢獻左樂多錢俾間報紙檔，買叮噹大長篇，兒童周刊，之後到 Coco，買完就同屋企人入樂華皇宮飲茶。我細個都成日係條樓梯度玩，可能同你細過擦身而過都有機會。我細個好似老麥都未有，之前個個位係大家樂？正正係出面後巷見過黑社會童黨打交，都印象深刻。 多謝你拍左樂華邨，我其實都好想返去睇睇，始終係細過成長既印記，可惜太忙，到依家離開左香港都未返過去！呢條片真係補充左我腦入面既畫面，感謝你🙏！希望你繼續努力，每一條片都係一種紀錄，無論全街full house 好，全部吉鋪好，都係反映現實，都係香港既紀錄 !

[@wongfungting]

之前幾條樂華既片都無咁仔細去行個商場,我公公以前係銀行門口做secure 架! 回憶呢家野真係好神奇,感受好深,即刻勾返起當時既開心畫面. 多謝hebe

[@eric_ckl]

好懷念，你同我經歷機乎一樣，住到讀中學，樂華商場去雪糕屋食車仔面。去樂華皇宮飲茶，一定去出面間報紙檔買coco或者文具鋪買玩具，好多回憶

[@ranger_who]

因為愛民邨認識新雄雞， 因為新雄雞認識樂華邨。 個人非常可惜新雄雞近年陸續全線結業。 特別懷念拿破崙餅、鳥結糖， 價錢經濟又好食 星期日仲有八折。

[@sawchai]

其實新雄雞樂華店小弟就好少幫襯, 因為佢啲紙包蛋糕有煙味. 頭先影片見到嘅日本城後面, 係新雄雞嘅工場黎. 每次行過, 都有煙味傳出. 自從食過有煙味嘅紙包蛋糕就無再幫襯.=

[@alexkkmkimo]

你語講我唔記得「新雄雞」個名，只記得細個一打風阿媽就叫我衝去買軟豬仔硬豬仔。 一九七幾年打風係幾大件事，見有幾多人排隊搶麵包就知。 話時話，佢嘅方包真係特別好食，記憶中最特別係條邊----唔知點解覺得特別香口。我一直覺得嘉頓《生命麵包》唔好食，可能係比較之後嘅結果。

[@horacewonghy]

最得意嘅個爐房係停車場度 行嗰邊搭Van都一定有飽味

[@mingwaiwong6830]

以前大角咀埃華街都有新雄雞，不過執咗好耐

[@heidiyeung6410]

雖然我唔係住樂華邨，我也在這裡工作多時，其實還有南邨大排檔也有特色,謝謝你的影片分享

[@angusyuen6266]

勁懷念八角亭大排檔-榮發-嘅風味. 當年帶同88年嘅波爾多紅酒, 食椒塩鮮魷........

[@TheFr44]

你好！街坊！我都係樂華大！有係商場影過學生相同買學生鞋！仲有係士多打機！睇完你條片啲回憶真係返哂黎！加油💪支持你拍多D同類型片！

[@gn02289424]

行舊商場可以睇到一個時代既轉變, 望下以前既建築設計, 可以感受到當年既文化同風格, 哩d 真係好有趣好有味道 btw, 之前冇時間去市集見下你真人, 吹下水傾下計, 不過我都會訂你隻碟支持下, 祝你長做長有, 身體健康😁多d 去小區老店啦, 哩d 舊香港風貌真係要記錄

[@nanali919]

我都曾住樂華邨十幾年, 睇返你條片鈎起好多回憶! 雖然物是人非, 但遇然回憶下,希望能保留返D遺忘左既地方! 謝謝拍片

[@tyrantcheung]

樂華街坊入嚟say個嗨先🙋🏽‍♂️ 其實啲鋪位轉手主要都係因為領匯/領展加租/耍手段等等趕走小店小商戶先會轉咗咁多手。 以大排檔為例，當年都仲係降晒啲枱出外面坐，然後有年傾租約，籍口話佢哋大殘舊要佢哋扔一舊大錢出嚟裝修，同埋裝修完之後外圍唔准再擺枱出外面，最後好似拖咗一份租約，然後加勁貴租，所以大排檔先冇再做。

[@horacewonghy]

間酒樓兩層都變一層 仲要轉埋手變海港

[@passenger890]

大排檔個老細返左黎做其中一個冬菇亭, 應該大約2019年頭返黎嘅, 一路做到而家, 不過入哂舖, 冇得再擺枱出黎, 同埋只賣大排檔野, 冇燒味同潮州粉麵

[@NYBLFC]

冬菇亭真係樂華一大特色，以前每星期六都成家落去開餐。

[@MrCloud]

好懷念～～～仲記得當年過年時啲車仔推晒出嚟，幾鬼熱鬧～～仲有夜晚放工時可以買豬骨粥、炒麵，可惜跟住就俾食環搞死晒😢～～

[@basekwan]

想當年第一檔夜晚車仔檔系炸魚蛋，9點后每晚去救世軍補完習返屋企就開始開檔，后期連差佬都渣警車過來幫襯等炒野食

[@loganlogan7381]

90年代中期，巴士總站隔嚟行人路啲車仔檔，唔止過年會出嚟擺，係每晚都會出嚟擺

[@allensung9670]

​@@basekwan掛住D魚蛋，食唔返

[@cujlm]

商場頂樓木製遊樂場真世一

[@johnsoncheung4576]

南邨都有

[@kal8782]

原來你都係樂華之友！！聽得出大家同年代，可能以前見過！

[@kampferkong7761]

多謝hebe！幫到好多流外香港人減少思鄉病❤

[@annawong7692]

多謝你帶我番去舊地重遊，我年紀應該同你咁上下🤣，所以你講既鋪頭我都記得，由其係酒樓，上下層不得只，眾可以係樓梯底借電話打，真係回憶番哂黎，搵日我都會懷念一番

[@lobofun3241]

樂華都是我童年成長的地方，外婆由80年代頭，樂華初落成時搬入，每星期都會來探外婆，直到2019年，外婆離開後，曾專程去金禧證件相後，已沒有再踏足了。金禧及鞋店都係一開邨就已經起度，小時候外公會帶我去買鞋，樂惠店及歡笑樂園都係童年常去的地方。看呢段片，一邊回憶外公外婆相處的畫面...... 時光流逝🥲

[@kathywong6721]

我以前在樂華邨住的，2002年已經搬走移民，一直很懷念以前在屋邨生活的點滴。謝謝你的影片令我在見翻母校同埋曾經很熟悉的路

[@michaelymt]

雖然這個時期既屋邨商場已經舊了, 但是整體格局都是開揚大方舒適

[@fionwck]

好多時候，有好多地方都會經過，但就無停留過，因為你呢個系列，我都決定行下，感受下其他地方商場😁我自己都好掛住舊屎的德田商場，屋邨商場係有種舊味道，雖然行黎行去都係果幾間舖頭，但就好深印象，會記得小學長週番學，屋企人帶我去m記食早餐，係天橋等校巴，平日去百佳入貨，去街市買燒賣粉果豆腐花，報紙雜誌老夫子兒童日報，同每檔的檔主都有傾有講，開學新學年去鞋舖買鞋，試鞋，去明愛玩電腦，借書，參加暑期活動，病左係附近睇醫生,去士多買糖買零食，文具舖睇玩具，精品及文具，商場出面有魚池同樓梯兩側的壁畫都好吸引，新年街市對出又會賣年花，好多人😆的確唔係果個地區大，就算去到都未必感受到果個feel，係得自己先會明白的，人大左，係無得望番轉頭，但久唔久懷念下往日，都幾好😉我喜歡念舊😆

[@joycewylee]

樂華邨座落嘅山叫樂意山，以前叫鱷魚山。行展華樓後面條長樓梯落去牛頭角會見到舊鱷魚石，而家好似俾樹遮咗。

[@kamingwong9410]

正呀喂 82年一出世就住樂華 一住住左36年 多謝你帶我番去回憶番呢個咁重要既地方

[@kamingwong9410]

hebe 你讀基樂 定樂善堂😅😅 同埋我中學年代係酒樓對面個位有得租漫畫

[@HEBEFACE]

樂善堂😅漫畫鋪係翠怡漫畫，成日係果度睇至GOAL無敵

[@kamingwong9410]

@@HEBEFACE 要叫你師弟😂😂😂

[@zebrawalkway5044]

早於80年代,已參與樂華村的興建.當時仲有很多故事,未為後來之住客知曉.....轉瞬間,昔日的小伙子已為退休老人了

[@哈比人講三次]

樂華細個經常黎補習 唔小同學都住樂華 對樂華一啲都唔陌生 人大左 睇住身邊成長既地方好多都拆走消失晒 仲有成長既地方可以番去行下都係件幸福既事

[@alanc223]

多謝Hebe帶返童年回憶比我， 天鵝， 福星 鞋鋪以前去買白飯魚 重重的回憶

[@graphitation]

我老婆喺呢度大，外父未過身前，我哋返香港就係住呢度，係一個好有空間，好有安全感嘅屋村。

[@colinw451]

我住輝華,係第一批入場 ,果時商場都係岩岩起咁,有商場後最鍾意去澳斯林食炸比,幾個同學俠錢去展華良友買龍虎X睇

[@anthonychan7331]

好開心竟然可以睇到有人講樂華村呢個從不顯眼嘅地方, 我細細個都住呢到,好多回憶, HEBE多謝你!!!!!

[@starkilowe439]

乜咁多新舊街坊！最懷念龍威嘅早餐，認真地道港式奶茶，回味無窮

[@yinfai771]

樂華村酒樓及森林餅店，我們住葵青區也常去的，食開有感情。

[@wong2414]

我住那時福建中學還未起，早期是停車場中期是平房徙置區，商場有眼鏡店，唱片店，奧斯林餐廳很貴，星期日放假就買份報紙上樂華山散步後看報。

[@夜歸人-j8s]

👍👍我兩個女兒成長的回憶(住左6年搬移入大埔), 想改善居住環境，因地方太細😅,多謝博主辛苦拍攝，令我都有機會回憶當年👍👍,很懷念當年有個伯伯，十分辛苦擔豆腐花上樓賣，每當伯伯上樓，我兩個女兒萬分雀躍，拿個碗幫襯伯伯😅👍👍,最感思輝華樓有間幼稚園，平學費，免費送運動衫褲，最重要小朋友活動教育，小朋友從遊戲學習知識，真心為小朋友辦學，不牟利👍👍

[@ansonces]

細個80年代中期，跟大人去樂華邨拜年，所以去過呢條邨，記憶中只記得呢條邨兒童遊樂場有個盪索裝置，係其他公共屋邨遊樂場中比較罕見，我住條邨及隔離邨都唔見有呢種盪索架。當時在樂華玩過一次就記到宜家了。

[@jeffchan4429]

樂華商場頂樓,好多年前有個超大型遊樂場,我記憶中可以50人同時玩,宜家帶小朋友去玩都無再見過咁大嘅免費遊樂場

[@thomaswong113]

上網搵極都搵唔到當時遊樂場啲相

[@johnsoncheung4576]

盪索架係咪即係繩網？如果係反而懷念以前顯徑邨果個

[@thomaswong113]

@@johnsoncheung4576 唔係，個盪索係有個齒輪，可以揸住個繩索由一邊滑到去另外一邊！

[@maggielee3422]

😊沙崙堂幼稚園校長和老師也很好人好有愛心❤❤❤❤

[@littleredbook2882]

多謝介紹樂華邨/商場🙏👍👏 住咗香港幾十年，未正式參觀過，但牛頭角、佐敦谷，甚至再上既官塘功樂道，就留下無數腳毛😂😂 回港一定要去一趟，回憶一下熟悉的舊式商場👍🙏 Thanks 😉👌

[@chunyulee3641]

這片段帶給小弟不少回憶。以前住在順天。小時候經常去樂華邨附近的單車場踩單車，少年時就在體育館打羽毛球。停車場附近個辦館幫襯不少飲品。

[@joycewylee]

我以前住樂華成日去順緻苑順利邨，搭 23M 好方便

[@Gamakit]

講得啱 真係未嚟過樂華 多謝你帶我遊覽你的成長地❤

[@candyyau9407]

Thanks!

[@HEBEFACE]

🙏🏼

[@patrioticcommunist]

諗諗下，hebe似乎明白人哋心目中嘅打卡位，對於響度十幾廿年、見慣見熟嘅居民眼中係乜嘢一回事，從而可能會理解點解有陣時住響度嘅人唔識珍惜一啲其他人、甚至大部份人眼中嘅「景點」，反而要外人幫手「保育」嘅現象。😂

[@ffffaaaaiiii]

4:10 好典型嘅屋邨皮鞋/波鞋/手袋舖！屯門仲有好多。

[@waileung773]

多謝 Hebe，給我認識多了樂華邨。🙏🙏

[@calvinchan506]

睇住hebe介紹，好舒服好放鬆，聽住background music,心靈上平靜

[@HoGalant]

感謝 Hebe 拍呢條片！以前有一個好鍾意嘅女仔，佢係住南邨。90年代初嘅時候，有時我會送佢返屋企，可能揸車又或者會搭巴士。搭巴士嘅話，夜晚喺巴士站度好多嘢食，最後一次我有印象見Ｄ車仔檔應該係 2001年。 揸車嘅話，我記得我後山嗰度放低佢行條捷徑就返到屋企。 一切都係美好嘅回憶！

[@HEBEFACE]

時日如飛...

[@tonychu214]

加油，可以多啲拍呢啲片，我都係舊式屋邨長大，就算未去過嘅屋邨，對呢啲都有既熟悉又陌生嘅感覺，真係香港人獨有㗎咋~

[@leungandrew1026]

好睇呀 不如考慮下做一個系列 請啲觀眾導遊帶你行吓舊屋村

[@ronaldkin6934]

樂華係我讀幼稚園嘅地方 當年間幼稚園響輝華樓樓下 不過 10 年前再返去睇嗰陣都已經執咗喇 成日都覺得樂華係有一種神秘感 明明唔算遠離觀塘市中心 但幼稚園畢業後又極少會特登上去 個商場永遠俾我有種無底深潭咁嘅奇怪感覺 仲有嗰個幾十年嚟都冇乜點變過嘅巴士總站 都算係呢條邨俾我最深嘅印象

[@asuna7839]

係咪講緊從商場四樓個窿望落去

[@leochan8996]

介紹得好好。如影埋大排檔就仲正 🤩

[@brotherseven]

以前我中學喺功樂道，返/放學都喺樂華搭車；食飯、買嘢有時都係喺哩度，好彩你提一提「福星」(我原本都唔記得間舖個名)，我以前都會去買模型，不過多數落牛頭角獨臂俠間玩具店度買🙂

[@kinkiwinghk]

睇完好有回憶，我喺樂華邨出世，雖然住左三年就搬左去大埔，但而家大個左都會一年返去一次睇下😌

[@dr6594]

依山而建，從觀塘往上望似一個保壘，商場設計很有特色，類似的是樂富

[@wongsiuyinmax]

家住功樂道，以前去完旺角尖沙咀，會搭28, 2A返樂華再行返屋企，晚上巴士站全部都係小販熟食檔，煎釀三寶，碗仔翅，串燒...咩都有得食，後來食環嚴打，晚上就靜晒了。

[@patrioticcommunist]

我細個經常去住響樂華邨嘅契媽屋企玩同過夜，我都記得樂華商場有間大酒樓，契媽仲要係識酒樓門口報紙檔嘅檔主/員工添。不過我契媽當年唔係成日去個間酒樓飲早茶，反而係搭車去淘大商場飲。

[@DanielTsoi-c8n]

多謝你令我回想童年回憶，我由三歲住到二十五歲，現在已經變咗老人邨😆

[@kinkeestore]

我記得小學嘅時候坐校車經過樂華邨，啱啱拆緊棚準備入伙應該就真係1985年左右嘅時間 我大概二十幾年前經常去公共屋村嘅文具舖搵Tomica，喺三十幾年前公共屋村多數文具舖會有車仔賣，包括Tomica 同另一隻法國牌子majorette 由於我都唔係住樂華邨，正如你所講無端端唔會去，不過影巴士就例外 之後久唔久都會經過，就會特登入去巴士站影巴士，2A行走緊而家嘅巴士應該係第六代 其實介紹唔同時代興建同埋唔同地區嘅公共屋村，都係一個相當有趣嘅課題，可以喺呢方面考慮一下

[@wongqbbcc]

當年過年好熱鬧 好多野食

[@paulhill5846]

當年星期六、日的必定動作， 同小學同學去淘大copy超任碟然後買肯得基行返條長樓梯上去樂華邨， 或者行功樂道去觀塘機鋪打街霸2， 諗起都開心

[@chrislai0]

去淘大 big boy copy碟

[@Asakihare]

我83年搬入, 當年得3歲, 得輝華同展華樓, 商場個邊仲起緊, 依家小巴站位以前仲係小花園, 係之後舊小巴站負荷唔到先變成依家咁, 樂惠屋唔係唯一一間被逼走添, 展華樓樓下有間快餐店都好受歡迎, 佢既炸雞翼出晒名, 又平, 但係領匯加租, 焗住要執, 最後一日我有幫襯, 見到有顧客專登叫左一大碟炸雞翼

[@waimanwan4222]

謝謝Hebe呢段影片， 我表弟由細到大都住康寧道，細過時我成日同佢去樂華商場，最有印象係報紙檔同埋夜晚嘅宵夜檔，而家睇返，係有d感觸

[@otakiki7]

我以前住北村立華樓，最鍾意朝早6點去新雄雞買岀爐菠蘿包食好好味，三樓金源啲牛油皮旦撻都係一絕。平時夜晚會食好景粥麵。中秋會去對面座山玩，或者去淘大Dup鍱玩之後就行返斜路返屋企。

[@frankbaileychan2507]

我就係諗極都諗唔起商場最底層個間餐廳叫乜名，腦入面淨係諗到“林記” 但林記應該係冬菇亭個間。睇完師兄留言先記得係叫好景，個時10蚊左右又有炒麵又有燒賣或者腸仔兩樣嘢食，好抵食

[@johnsoncheung4576]

淘大dup碟去Big boy，觀塘近就康寧道栢達，一係就裕民中心

[@frankbaileychan2507]

@@johnsoncheung4576 栢達後尾搬咗去裕民中心，我記得個伙記有少少射厘

[@johnsoncheung4576]

@@frankbaileychan2507 康寧道舖入面有暗房租機打，第一次打kof94就係呢度

[@leohkhung]

謝謝，以前住喺樂華南邨展華樓，搬入去嘅時候北邨都未起好，有條長樓梯上落牛頭角道去搭車。我真係好耐冇返過去了。

[@joycewylee]

以前行長樓梯落去會見到鱷魚石

[@leohkhung]

@@joycewylee 鱷魚石就冇印象，在哪裡? 反而記得初初搬去時長樓梯斜路山邊，有間山邊的工屋食物工場，炸腐竹豆製品，行過好大陣油煙味。搬左去樂華冇幾耐就拆左。

[@joycewylee]

@@leohkhung Google Map 座標大概是 22.320079,114.218191 另外揾到一條片有埋相 kzbin.info/www/bejne/laSQm2Cbo9JqoKc

[@leohkhung]

@@joycewyleeThank you !

[@duckka2002]

我以前都係住樂華邨架...睇你介紹番自己細時住過嘅地方...點點回憶在心頭...

[@duckka2002]

依家改住咗天水圍... 就係你嗰段片介紹新北江嘅隔離屋苑囉🤣🤣🤣

[@tobyyip3955]

多謝你呀！我細個都係住樂華邨 睇完好多回憶返哂黎🥹上年同老公返去行下好多地方都無變👍🏻

[@khabibnurmagomedov1310]

其實樂華仲有個位, 就係出面折小巴個位, 個時好多大排檔, 細個讀書係到食飯, d老闆好好人,加飯加餸都唔使錢, 好有人情味,到後期搬哂入鋪, 已經冇再食, 轉眼間20年, 真係歲月唔留人....

[@HEBEFACE]

由細食到大

[@hyogac0217]

當年冬菇亭, 3.5一碗牛肉粥, 1蚊碗白粥, 宜家都冇哂粥店囉

[@handyyau5325]

我十年前住過淘大，當時帶阿仔睇醫生，搵搵吓就上咗樂華，至知道樂華呢個屋邨。第一感覺係好大，設計好特別好靚，好多人，老人都特別多。之後老婆同我講，原來當年佢哋拆南風道木屋上樓時，第一次係派樂華比佢哋，但因為交通唔方便，第二次就揀咗鴨脷洲利東邨。

[@kasontsoi2165]

展華樓下面以前有間餐廳叫 （龍威餐廳） ， 成日幫襯，最鐘意叫*米分餐/麵餐*雞亦凍奶茶，另加兩隻雞亦.......（重點係另加雞亦，因為太好食）,唔睇片都唔記得樂華皇宮酒樓入面係有條樓梯直上二樓，亦都有間類似冒險樂園嘅鋪頭，記得當年有隻牛，入錢騎牛，隻牛就不斷 fing , 好過癮 ！

[@fufufufufufu6]

今集Hebe特別感慨

[@cyberp2077]

由細住左13年，97搬到去曉麗，好多回憶

[@wingkilulu]

以前讀書向商場係果汁雪糕屋食lunch 或者去街市買車仔麵食

[@HKCHANGR]

我是住展華樓的第一代，那時連輝華樓都未入伙，更未想過有樂華北村😏。而「單車場」是我兒時重點回憶，前身係沙地球場，鐵樓梯連接功樂道，慕光中學當時係「飛仔」學校😅，但細個知道會起一個單車場，開心到癲咗⋯極期待，因那時只有個木架沙池的康樂設施，後來一切都隨年日改變，有商場、巴士站⋯慢慢無咗牛頭角下邨13座球場踢波、無得飲豆漿，買金師貓、淘大又唔同晒，最後連觀塘裕民坊M記，只能在玩具店的模型重現⋯歲月不饒人😢

[@9ondog]

我住咗都有20年，離開樂華都有15年，多謝拍呢條片，好懷念

[@tommychan2609]

❤❤❤ 支持，䏲完breakazine 專登入嚟補番comment

[@oscarwong2464]

作為一個係樂華邨生活左22年嘅人，完全認同果個係垃圾地方，住左咁耐我直頭唔知果度有乜鳩時光隧道🤣