Sulmi ndaj vlerave kombëtare!

Sulmi ndaj vlerave kombëtare!
Sistemi oligarkik ngritur mbi privilegje e antivlera, ka nevojë të degradojë vlerat reale të kombit, ti përqeshë e ti relativizojë për tu dukur i pranueshë para popullit.
Klerikët e sistemit, mediat, pseudointelektualët dhe akademikët godasin në mënyrë sistematike trashëgiminë tonë kulturore për të ngjizur ideologjinë e tyre se: "Fajin e paskan vetë shqiptarët, se kështu kemi qenë gjithmonë prandaj ulni kokën se nuk meritoni më shumë se këta që keni në krye"
Normalisht çdo tezë ka nevojë për një justifikim dhe ky pretekst gjendet tek "revizionizmi i historisë së shtrembëruar"
Historia është punë e historianëve dhe ajo nuk duhet të zaptojë debatin publik i cili duhet, si në vendet normale, të mbizotërohet mbi "atë çfare po ndodh sot" se kush janë përgjegjësit sot për arratisjen e shqiptarëve si në kohë lufte duke na kthyer nga një komb autokton në një popull endacak nëpër botë, shkatërrimi i industrisë, shkollës, territorit, ushtrisë etj etj.
Shteti shqiptar si shumë shtete ngrihet mbi kombin dhe figurat e kombit nuk janë asnjëherë pjesë e revizionimit të historisë sepse mbi to është ngjizur identiteti ynë kombëtar.
Nëse vëmendja do përqendrohet tek dritë hijet e baballarëve të kombit, duke i trajtuar si njerëz të zakonshëm me problemet e tyre humane, në mënyrë tinzare po godet imagjinatën kolektive shqiptare që ka për identititetin kombëtar.
Kombi nuk është një entitet racional por më shumë diçka simbolike, identitare dhe kulturore, e këta intelekutalë duhet të shqetësohen për historinë e bëmave të hajdutëve dhe plaçkitësve të shqiptarëve sot dhe jo të na iluminojnë për ato që tashmë janë simbolet tona kombëtare, sepse ata e kryen punën e tyre dhe formësuan kombin dhe na mundësuan Pavarsinë!
Të gjitha tentativat për të goditur rilindasit dhe patriotizmin shqiptar, shkatërruar trashëgiminë kultuore (kala, shtëpi, varre e muzera) nuk do kenë sukses se janë përpjekur edhe të tjerë antishqiptarë brenda dhe jashtë para këtyre vemjeve primitive të sotme, por nuk do ia dalin dot, për shkakun e thjeshtë se vepra e tyre është monumentale, shkencore, kultuore dhe humaniste e pafundshme.
Kjo ështëtrashëgimia jonë kombëtare, e cila nuk është "demode" por gjithmonë aktuale në pëpjekjet tona për Ndërtimin e Një Shteti Demokratik e të Begatë pranë popujve të tjerë Europianë!
Ndalim këto hordhi antikomëtare, e nisim ndërtimin e Shqipërisë mbi idetë e Rilindasve dhe hovin e mijëra qytetarëve patriotë e të ndershëm të këtij vendi.
#TiJeNe dhe ne jemi #ShqipON