Рет қаралды 33,370
Yana sunʼiy intellekt haqida. To‘g‘ri, bugun u trendda va u haqda juda ko‘p gaplashyapmiz lekin u biz haqimizda o‘ylashni boshlashidan oldin tadorigimizni ko‘rib qo‘yish zarar qilmaydi.
Xo‘p, gap nima haqida ketmoqda?
Sunʼiy intellekt insonlarni aldashni boshladi. Ha, adashmadingiz, endi u hiyla bilan ishini bitirish yo‘liga o‘tmoqda.
Meta.com‘da keltirilishicha Sitseron nomli sunʼiy intellekt agenti hatto odamlar uchun oson hisoblanmaydigan “Diplomatiya” o‘yinida o‘zini mohir o‘yinchi sifatida ko‘rsatmoqda. Nom ham bekor qo‘yilmagan ko‘rinadi, Sitseron bu eramizdan avvalgi 1-asrlarda yashagan rimlik faylasuf, davlat arbobi Mark Tulliy.
“Diplomatiya”ning onlayn versiyasida odam o‘yinchilar, ha, endi shunday ajratishga majbur bo‘lyapmiz, odamlar bilan birga o‘yinga kirgan Sitseron kutilmaganda yaxshi natijalar ko‘rsatishni boshlagan. Jumladan, o‘rtachadan deyarli ikki baravar ko‘p ball yiqqan sunʼiy intellekt agenti bittadan ko‘p o‘yin o‘ynagan ishtirokchilar 10taligiga kirishga muvaffaq bo‘lgan.
Xabarda aytilishicha, bunday natijaga sunʼiy intellektning strategik fikrlash va tabiiy til bilan ishlash sohalarini birlashtirish orqali erishilgan.
Ushbu uslublar integratsiyasi Sitseronga o‘yinchilarning harakatlariga qarab “fikrlash” hamda mos strategiya ishlab chiqish, so‘ngra muloqot qilish uchun tabiiy tildan foydalanish, va oxir-oqibat umumiy maqsadlarga erishish uchun kelishuvlarga erishish, ittifoqlar tuzish va rejalarni muvofiqlashtirish qobiliyatini beradi. Lekin bu ishlarni u nohalol yo‘llar bilan ham amalga oshirishga kirishgan. Ha, u bizga o‘xshab qolyapti, afsus
Boshqa o‘yinlarda ham shunga o‘xshash natijalar ko‘rsatgan sunʼiy intellekt tadqiqotchilarni jiddiy xavotirga solmoqda. Axir aldashni yaxshi o‘rganib qolgan sunʼiy intellekt osongina nazoratdan chiqib ketishi mumkin. Ayrim manbalarda u hatto o‘zini tekshirib turish uchun ishlab chiqilgan testlarni aldashga uringani haqida maʼlumotlar bor.
Demak, ushbu sohada qonunchilik va xalqaro normalarni tezroq joriy qilish kerakki, keyin kech bo‘lmasligi uchun. Bu vahima emas. Bugun yaratvchisini aldashga urinayotgan sunʼiy intellekt ertaga nimalarga qodir bo‘lishini bashorat qilish qiyin emas.
Bugun baʼzi dunyo davlatlar o‘zaro urushlar bilan band bo‘lib turgan vaqtda sunʼiy intellekt jadal suratlar bilan rivojlanmoqda.
Shu kabi boshqa xabarlar ham insonni o‘ylanishga mabur qiladi.
Daryo.uz nashrida chiqqan bir xabarda aytilishicha, Qo‘shma Shtatlar insonlar sunʼiy intellektga (SI) yadro qurollaridan foydalanish bo‘yicha qaror qabul qilishga yo‘l qo‘ymasligi kerak, deb hisoblaydi. Bu haqda AQSH Davlat kotibining qurol nazorati bo‘yicha vakili Pol Din maʼlum qilgan.
Xabarga ko‘ra, AQSH Rossiya va Xitoyning ham xuddi shunday pozitsiyasini ko‘rishni xohlaydi.
AQSH rasmiysiga ko‘ra, Vashington bu qurollarni faqat inson nazorat qilishi kerakligiga “aniq va qatʼiy” ishonch bildirgan.
Biz Xitoy va Rossiyaning shunga o‘xshash bayonotini mamnuniyat bilan qabul qilamiz, - dedi Din.
Eslatib o‘tamiz, joriy yilning 26 aprel kuni Pekinda bo‘lib o‘tgan matbuot anjumanida AQSH davlat kotibi Entoni Blinken AQSH va Xitoy yaqin haftalarda birinchi marta sunʼiy intellekt bo‘yicha ikki tomonlama muzokaralar o‘tkazishini maʼlum qilgan.
Sunʼiy intellekt haqidagi xabarlarni talil qilar ekanmiz, mahalliy nashrlardagi ushbu maʼlumot eʼtiborimizni tortdi.
Adliya vazirligi va Koreya Respublikasining Bosh vaziri huzuridagi Qonunchilik tadqiqot instituti o‘rtasida istiqbolli hamkorlik o‘rnatish masalalari muhokama qilindi, deyiladi Adliya vazirligi veb-saytida keltirilgan xabarda.
Adliya vazirligi delegatsiyasining Koreya Respublikasidagi tashrifi chog‘ida 2024 yilning 8 may kuni Koreya Respublikasining Sejong shahrida adliya vaziri o‘rinbosari X.Meliyev va Koreya qonunchilik tadqiqot instituti rahbari Yong Su Xan o‘rtasida ikki tomonlama uchrashuv bo‘lib o‘tdi.
Uchrashuv davomida norma ijodkorligi jarayonlariga sunʼiy intellektni joriy qilish hamda kelgusida vujudga keladigan munosabatlarni tartibga solish bo‘yicha institutning ilg‘or tajribasi o‘rganildi.
Demak O‘zbekiston bu masalaga jiddiy qaramoqda. Ha, sunʼiy intellektda tahlili qilish imkoniyatlari karrasiga ko‘proq. Bundan to‘g‘ri maqsadlarda foydalanish kerak.
O‘zbekiston Respublikasi Raqamli texnologiyalar vazirligi huzurida Raqamli texnologiyalar va sunʼiy intellektni rivojlantirish ilmiy-tadqiqot instituti faoiyat ko‘rsatmoqda. O‘ylaymanki yaqin kunlarda biz ushbu institut olim va tadqiqotchilari bilan texnosuhbatda ko‘rishamiz. Aytgancha, sunʼiy intellekt bo‘yicha savollaringizni izohlarda qoldirishingiz mumkin. Biz ularga javob olishga harakat qilamiz.
"Unicon-Soft" kompaniyasi
Kanalga obuna bo‘ling: / @uniconsoft
Aloqa markazi:
+998712004646
+998712356239
Ijtimoiy tarmoqlarda:
telegram.me/uniconsoft
/ uniconsoft
/ unicon_soft
Bizning tizimlarimiz haqida quyida:
@E_huquqshunos_Unicon_soft
@edoijro