แหล่อีสาน เตือนคนทุกชั้น อ.สุรชัย

บัดนี้ หยับมาก้ำฝ่ายพี้ฟังอาตมาสอน ก่อนสิหลับสินอนให้ค่อยภาวนาใหว้ เกิดเป็นคนมาแล้วให้ฟังคำพ่อแม่ เฒ่าแก่ให้ฮู้ไว้เอาไปใช้ค่อยกระทำ อีกอันหนึ่ง ขอให้พวกพี่น้องตรองฮ่ำคณิงคิด เดี๋ยวนี้ไทยแหลมทองกำลังเจริญเดินก้าว ขอให้อาวอาฮู้ครองธรรมอันประเสริฐ เกิดมาในโลกนี้อย่าทำฮ้ายใส่โต ถึงสิฮูปฮ่าโก้ย่าดูถูกคนดำ คั้นเจ้ามีเงินคำอย่าเหยียดหยามคนไฮ่ คั้นเจ้ามีเงินล้านเต็มถงอย่าฟ้าวอ่ง บาดห่าถงขาดก้นสิจนไฮ่เมื่อลุน คั้นได้เป็นนายแล้วอย่าลืมคุณพวกไพร่ ได้เป็นผู้ใหญ่บ้านอย่าลืมข้าราษฎร คั้นเฮามีสองซ้อนบ่กลัวไผอย่าฟ้าวว่า บาดห่าเขาปะให้เป็นพ่อฮ้างและแม่ฮ้างยังสิได้เอาเขา คำโบราณเพิ่นเว้าให้เจ้าฮ่ำคณิงคิด วาสนาของคนบ่เที่ยวซันหันลิ่ว บางทีเป็นคนไฮ่ บางทีเป็นคนชั่ว ฮ้ายกับดีอยู่บ่แล้วแนวนี้หากสู่คน พวกพ่อโซ้นแม่โซ้น ให้มองเบิ่งอนาคตตั้งแต่ตดของโตกะว่าหอมพอแล้ว โทษของโตมีพอฆ่าท่อภูเขาเลากากะยังเห็นพอลิบลี่ โทษผู้อื่นท่อแมงมี่ กะยังว่าภูท่อนล้านแนวนั้นก็มากหลาย ถึงสิฮูปฮ่างฮ้ายอย่าลืมล่ายศีลธรรมแนวนอกำในขาวพุทธองค์เพิ่นทรงชี้ มันหากดีๆแท้ภายในใสสะอาด บ่อาฆาตมาดร้ายหมายฆ่าผู้ใด๋ ถึงแม่นศีลใสเลื่อมเทียมอินทร์ลงหล่อกะตามท่อน กิริยาวาดเว้าของเจ้าหากบ่งาม มีแต่ทรามไปเรื่อยงามกายหลอกหน้าแขกคือดั่งเชื้อดอกไม้งามได้กลิ่นบ่หอม อย่าสิจองเวรแท้ตายไปสิลำบากเวรสิติตามส้นตามก้นแม่นบ่ไล มีนิทานกล่าวไว้สิได้เล่าให้โยมฟัง ยังมีชายเมียสองค่อยถนอมเพียรเลี้ยง เมียใหญ่เป็นหมันแท้ เมียปลายเป็นลูกอ่อน พอแต่ท้องใหญ่ขึ้นเมียเจ้าผู้ใหญ่หลวง เลยเล่าลวงเมียน้อย ให้กินยาฆ่าลูกอ่อน ปวดอุทรจ้าวๆครรภ์เจ้าหากแก่จวน เลยเล่าหลุหลุดท้องเทื่อทีสองเกิดขึ้นใหม่ เมียใหญ่หาทางฆ่าคือทั่งหลัง สองทีแล้วทีที่สามท้องแก่ เมียใหญ่หวังเพม้าง เมียน้อยให้จุ่มจม เลยเอายาผสมง้วนของเมามาเนี่ยง ฟังเสียงออๆเว้าคำละห่อยอ่อนหวาน เมียน้องหลงลมเจ้ากินยามรณาต ก่อนใจนางสิขานางได้ผูกโกรธไว้ให้กูฆ่าเมื่อลุน เลยเล่าสูญดับจ้อยตายไปเกิดชาติใหม่ เมียใหญ่เกิดเป็นไก่อี้ก้าอยู่ในบ้านแห่งเดียว เมียน้อยกรรมไล่เกี้ยวไปเกิดเป็แมว แมวกะนำจองเวรไก่อีลายบ่มีแล้ว แมวเลยกินเสียเสี่ยงสองทีเกลี้ยงอ่อยห่อย ไก่อีลายออกลูกน้อยไปกินเสี่ยง แม่นบ่ยัง ......
เทื่อทีสามแมวไปพ้อกินทั้งแม่มันนำไก่เลยทำเวรจองต่อไปภายหน้า ขอให้กูไปฆ่ากินมันทั้งลูกอ่อนพอแต่ว่าท่อนั้นกะลงท้องแห่งแมว พอแต่ไก่ตายแล้ว กะเลยเกิดเป็นเสือแมวเลยกรรมนำเฟือกลายไปเป็นเนื้อ เสือก็มากินซ้ำสามทีพร้อมพร่ำ ทั้งแม่เนื้อลูกเนื้อกินเสี่ยงแม่นบ่ยัง เนื้อก็ตั้งจองเวรต่อบ่มีถอยกรรมนำคอยไปเป็นยักษ์อยู่ป่าดงคงด้าว เสือก็กรรมนำยู้ชูไปเกิดชาติใหม่เกิดเป็นคนเที่ยงแท้ คราวนี้สั่นสาย ย้านยักษ์หลายจึงพากันไปขอซ้นพระโคดมองค์ประเสริฐ เพิ่นเลยตรัสบอกให้เวรสิสิ้นเสื่อมสูญ เพราะว่าฉุนเฉียวฮ้ายจองเวรติดต่อ ขอให้พวกพี่น้องอย่าจองข้อต่อเวร มันสิเป็นคือเว้าจามายินบ่ขอให้พวกพี่น้องที่ฟังแล้ว ...อย่าก่อเวร....นั้นละน่า ...ศรัทธาโยม

[@ເທດແຫລ່ລາວເດີມ-ບ4ຜ]

ม่วนหลายๆ🙏🙏🙏

[@surachai_khopchaisaeng]

โดย ขอบใจข้าน้อย ติดตามอยู่เด้อข้าน้อย มื้อนี้กะมีพ่ออกถามหาอาจารย์นันทนากรอยู่ เพิ่นอยากมนต์มาเทศน์พนะเวสสันดร อยู่ไทย

[@ເທດແຫລ່ລາວເດີມ-ບ4ຜ]

สุรชัย ขอบไชยแสง ขอบคุณหลายๆ.

[@หลวงปู่หลวงปู่-ง7ญ]

🥰

[@อาจารย์สัญญา]

กราบสาธุครับอาจารย์...

[@original3644]

ม่วนหลายครับผม เอากลอนเทศน์โศกๆมาให้ฟังนำเเน่เด้อครับอย่าหัดคือกันครับ

[@surachai_khopchaisaeng]

ขอบคุณครับ ว่างๆสิลงให้ฟังครับ

[@บารมีปู่ย่านาคา]

สุดยอดเลยคับ ทุกวันนี้บ้านเมืองเฮามันเปลียน

[@ทรงเดชพิหูสูตร]

ติดตามตลอดครับอาจารย์กำลังหัดแหล่อานิสงส์กฐิน กับอวยพรอยู่ครับ

[@อาจารย์สัญญา]

สวัสดีครับอาจารย์ ขอให้โชคดีมีความสุขนะครับ ฟังทุกคลิปครับผม

[@ชัฒกรณ์ทานะมาตย์-ค9ฟ]

ม่วนมักครับผม

[@bm526]

Fc เด้อโยม สุรชัย สึกออกไปแล้วหนอ บ่อยากกับมาบวชอีกบ่ สุรชัย 😄

[@surachai_khopchaisaeng]

ยังบ่คิดครับผม

[@bm526]

@@surachai_khopchaisaeng 😁สงสัย ติดพญามาร เนาะ 😊😊😁

[@หลวงปู่หลวงปู่-ง7ญ]

เยี่ยมครับ

[@surachai_khopchaisaeng]

ขอบคุณครับ

[@หมูยิ้มเจ็ดขีด]

สาธุๆครับอาจารทีแบ่งปั่น

[@Mc-jo2rk]

ม่วนๆหลายค่ะคติเตือนใจเต็มๆแล้วเป็นแหล่กลอนแรกที่ได้ฟัง..นับจากนั้นมากะฟังมาเรื่อยๆม่วนๆ

[@ndawmaster330]

บ่หน้าสิกเลยอาจารย์❤️❤️❤️

[@nuttichatclassdchanal4549]

Fcอาจารย์อ๊ออดมาแล่วคั่บ

[@นิพนธ์ประโพธัง]

ม่วนหลายครับ

[@gonggongnattawut8474]

ม่วนครับ

[@suriyajarakorn9669]

ม่วนหลาย ฟังเพลินดีครับ

[@surachai_khopchaisaeng]

ขอบคุณครับ

[@ชัยชนะทองอ่อน-ฟ1ซ]

สุดยอด จารย์อ๊อต

[@ชัยชนะทองอ่อน-ฟ1ซ]

หลวงพี่ ใจบ่ยาว ยามเล่นเสียง บ่ดั่ย ใจจะขาด

[@witchakonpalasoon3149]

ม่วนหลายครับ สาธุๆครับ

[@surachai_khopchaisaeng]

ขอบคุณครับ

[@zeunkbh5270]

สาธุๆครับ จาก สปปลาวเดีครับ

[@surachai_khopchaisaeng]

ขอบใจข้าน้อย

[@ณัฐพงศ์ตัญญาภักดิ์]

หม่วนครับ

[@เล็งลุงไธสง-ฑ5ฤ]

ชอบเสียงอาจารย์เพราะ

[@เล็งลุงไธสง-ฑ5ฤ]

ขอเป็นวิถีประเพณีอิสานให้สืบสานไว้ดีมากครับ

[@บารมีปู่ย่านาคา]

อ้อคือซิกำลังขึ้นนออาจารย์...เสียงแฮงจ้าวไปหน้า.....

[@ແອັມເສກສັນສົມຄະເນ]

ม่วนหลายๆๆผมกะเทดม่วนเตืบยุ่ใดละทางยูทูบ แอัม สมคะเน เทดแหล่ก่องเข้าน้อยข้าเเม่ แบบร่าๆๆ

[@OPALFC]

💚

[@เกษตรพารวย-ร7ฐ]

ม่วนหลายครับอยากได้เบอร์อาจายร์

[@surachai_khopchaisaeng]

0846865387 ครับผม

[@เชื่อศรัทธาในสิ่งที่ทํา]

อาจารย์ครับผมขอชื่อเฟสแน่ครับผมอยากรู้จักครับเพื่อจะใด้ขอความรู้ครับผม

[@surachai_khopchaisaeng]

ณัฐวุฒิ เพ็ชพลอย surachai khopchaisaeng

[@สมหมายจันทอง-ฝ4ฐ]

คือได๋สึกออกมาน้อ......จำเสียงลูกคอได๋เป็นเอกลักษณ์ติดตามอยู่เด้อ

[@surachai_khopchaisaeng]

อายุมากขึ้น ก็ต้องออกมาหางานทำสร้างฐานะครับ

[@VvVv-qr2de]

บ่เหันน่าลงให้เบีงแน่

[@surachai_khopchaisaeng]

เอาลงไว้ใต้คลิบครับ

[@คํากองมาแก้ว]

เพราะมากค่ะอาจารย์ไม้เห็นเอาลงเลยค่ะติดตามอยู่ค่ะ