Suzuki Balino 2022 Review | مراجعة تفصيلية سوزوكى بالينو 2022

[@محمودشيحه-ظ3ف]

اي راي حضرتك في السوزوكي بالينو حاليا ٣٢٠ الف هل هيا كيمه مقابل سعر والا غالي عليها السعر ولو هنفكر في بدل ممكن يكون اي وشكرا جدا لحضرتك

[@omar_selim]

أزيك محمود 🌹 شرفتنى بمشاهتدك وتعليقك🙏 بالنسبة لإستفسارك فالسوزوكى بالينو سعرها حاليا يتخطى الرقم ده بكتير وغير متوفره لدى الوكيل وفى المعارض الا قليل جداً وده هايخلى الأوفر برايس عليها كبير فممكن كأختيار بديل وأفضل إنك تدور على عربية مستعمله بحالة كسر الزيرو هاتكون قيمة أكتر من العربية جديده أو إنك تشوف عربيه بديله عنها حسب المبلغ اللى إنت مخصصه لشراء عربية

[@سوالفكمماتخلص]

هل يوجد فيها مثبت سرعه؟؟

[@moamenaboyousifelsaady3099]

ربنا يكرمك بارك الله فيك سؤال لحضرتك هو ينفع العربيه دي يتعملها مرايات ضم كهرباء وينفع الجنوط بتاعتها بدل ما هي 16 بوصه ينفع تتغير ب 17 بوصه ارجو الافاده من حضرتك الله يكرمك

[@omar_selim]

ازيك استاذ مؤمن اولا شكرا جدا لزوقك ولرايك الجميل ومشاهدتك وتعليقك 🙏 ثانيا بالنسبة لسؤالك فالعربية اصلا بتنزل بجنط ١٦ وينفع تركب جنط اكبر اكيد ولكن لازم تاخد بالك انك طالما هاتزود فى مقاس الجنط فلازم تقلل فى مقاس الكاوتش وده هايخليك تحس بالدبدبة فى المشى وهاتحس باى تكسير فى الطريق بداخل العربيه اما بالنسبه للمرايات الضم فللاسف دى هاتكون صعب تركيبها وهاتحتاج تغير المرايات نفسها بمرايات تانيه فيها مواتير ضم والموضوع ده لو العربية زيرو بيخرجك من الضمان لانه بيعتبر تعديل فى كهربة العربيه شكرا ليك مره تانيه واتمنى اكون عند حسن ظنك دايما 🌹

[@moamenaboyousifelsaady3099]

بارك الله فيك بس الجنوط بتاعتها تتغير بمقاس اكبر 18مثلا هيكون سعرها كام

[@omar_selim]

@@moamenaboyousifelsaady3099 هو رأيى الشخصى ان الجنط اللى فيها رياضى ومقاس ١٦ مناسب جدا على العربيه ومش محتاج تغيير لكن لو انت حابب تغير حسب زوقك الشخصى فمقاس ١٧ هو الانسب لكن ١٨ هايكون كبير وتقيل على العربيه وهياثر على ادائها اما بالنسبه للاسعار فدى بتعتمد على نوع الجنط اللى انت بتختاره وشكله وصناعته اذا كان صينى ولا تايوانى ولا اوروبى وكل حاجه بيكون ليها سعرها واللى هايفيدك فيها اكتر الاماكن المتخصصه فى بيع الجنوط 🌹

[@Nassr-mz5sb]

شرح ممتاز شكرا شكرًا شكرا

[@omar_selim]

اذيك ناصر🌹 شرفتنى بمشاهدتك وتعليقك🙏 شكرا ليك ولذوقك ورايك اللى اسعدنى جدا ويارب اكون دايما عند حسن ظنك 😊

[@nourzoom5313]

حضرتك تنصحنى ب العربيه دى ولا السويفت اول مرة هشترى عربيه واحنا عيله صغيرة

[@omar_selim]

ازيك نور 🌹 شرفتنى بمشاهدتك وتعليقك🙏 بالنسبه لاستفسارك فانصحك بالسوزوكى بالينو افضل ليك عن السويفت وده لان البالينو عربيه اوسع وتصلح انها تكون لعيله صغيره اما السويفت فماتصلحش تماما انها تكون عربيه عائليه حتى لو لعيله صغيره ولكن هى موجهه تكون عربيه لشاب او لبنت لمشاوير شخصيه

[@fattahdaboun1735]

ممكن اتواصل مع حضرتك وهل السياره موجوده بالينوا 20 22

[@omar_selim]

ازيك استاذ فتاح 🌹 شرفتنى بمشاهدتك وتعليقك🙏 تحت امرك مافيش مشكله 😊

[@mahmoudsakr3599]

مش موجوده ممكن معرض متوفرهً فيه

[@omar_selim]

ازيك استاذ محمود اولا شرفتنى بمشاهدتك وتعليقك 🙏 ثانيا هو فعلا الفتره الاخيره فيه قلة فى وجود العربيه بسبب النقص وقلة الانتاج على مستوى الشركات ممكن حضرتك تسال جاويش موتورز هاتلاقى ارقام التواصل معاهم فى صندوق الوصف

[@SHOURYOFFICIAL]

يعني هيا كده اتوماتيك و لا مانويل ؟ و هل تستاهل اشتريها بسعرها دلوقتي ولا تشرح حاجة تانية ؟

[@omar_selim]

أزيك شورى 🌹 شرفتنى بمشاهدتك وتعليقك🙏 بالنسبة لإستفسارك فهى بتتساق أوتوماتيك عادى ولكن طبيعة تصنيع الفتيس الداخليه هى عباره عن فتيس مانيوال راكب عليه بعض القطع بتخليه ينقل بطريقه شبه أوتوماتيكيه ولكن ده مش هايأثر على تجربة سواقتك بالنسبه للعربيه نفسها فهى بقالها فتره مش موجوده جديده فى السوق فممكن تلاقيها مستعمل وفى الفتره الحاليه كل العربيات مابقتش قيمه مقابل سعر والاسعار بقت جنونيه فالموضوع يختلف حسب نوعيه العربيه اللى انت محتاجها والمبلغ المتوفر معاك للشراء

[@ahmedadel-qk9te]

طيب قطع غيارها ايه غالية رخيصة متوفرة

[@omar_selim]

أزيك أحمد🌹 شرفتنى بمشاهدتك وتعليقك 🙏 بالنسبة لإستفسارك فقطع غيارها متوفره وبتتشارك مع عربيات سوزوكى تانيه وأسعارها متوسطه ولكن أرخص من مصنعين تانيين كتير فى نفس الفئة فتعتبر مناسبه لكتير من الناس 👍🏻

[@اناكوميدى-ج9ث]

ممكن السعر وشكرا

[@omar_selim]

أزيك انا كوميدى 🌹 شرفتنى بمشاهدتك وتعليقك🙏 بالنسبة لإستفسارك فالعربية اخر سعر رسمى ليها كان ٣٢٠ الف جنيه ولكن بقالها فتره غير متوفره فى الاسواق ولو لاقيتها هاتكون بافر برايس كمعظم العربيات فى الوقت الحالى

[@عبدالرحمنعصام-ع9ض]

سعرها كام اليوم

[@omar_selim]

أزيك عبدالرحمن 🌹 شرفتنى بمشاهدتك وتعليقك 🙏 السوزوكى بالينو سعرها الرسمى حالياً ٣٢٠ الف جنيه ولكن طبعا العربية بيتم بيعها بأوفر برايس زى معظم العربيات فى للوقت الحالى بالإضافه إن العربيه قليلة شويه الفترة دى

[@mohamadsalah6407]

أستمر

[@omar_selim]

ازيك محمد شكرا جدا ليك 🙏 رايك وسام على صدرى واتمنى اكون عند حسن ظنك دايما 😊🌹

[@medomohamed2305]

ممكن تعمل مقارنة بين سوزوكي بالينو هونداي i20 محتار بينهم بليز ممكن ترد عليه ايه ريك حضرتك

[@omar_selim]

@@medomohamed2305 ازيك يا ميدو🌹 شرفتنى بتعليقك ومشاهدتك 🙏 ان شاء الله الهيونداى i20 هايتعملها مراجعه قريب جدا على القناه فتابع القناه الفترة الجايه ان شاء الله وساعتها هاتقدر تقرر ايه الافضل ليك ولمتطلباتك

[@hmrlogia5400]

خامات البلينو ولا السويفت

[@omar_selim]

ازيك HMR loGia 🌹 العربيتين الخامات بتاعتهم من البلاستيك الناشف ولكن خامات البالينو أفضل نسبيا من السويفت

[@hmrlogia5400]

@@omar_selim طيب تنصحنى بانهى هل الفرق يستاهل

[@omar_selim]

@@hmrlogia5400 السوزوكى بالينو سعرها الرسمى ٢٦٤ الف جنيه بتيجى بموتور ١٤٠٠ سى سى بيقدم ٩٥ حصان و١٣٠ نيوتن متر عزم فدى ارقام افضل من السويفت واداء موتور افضل وكمان فتيس اتوماتيك غير اللى موجود فى السويفت بالاضافه انها عربيه اوسع وبتقدم راحه وعمليه افضل من السويفت تنفع كعربيه عائليه لأسره فى بدايه الحياه وبرضو تنفع كعربيه شبابيه لكن السويفت هايكون من الصعب انها تكون عربيه عائليه الا اذا كان فيه عربيه اكبر منها فى البيت فى الاول والاخر احتياجك وطبيعة مشاويرك وحجم عيلتك او عدد الافراد اللى بتحتاج يكونو معاك والمبلغ المتاح لعمليه الشراء هما اللى بيحددو ايه انسبلك لكن من رأيى لو ظروفك تسمح انك تشترى البالينو فهى هاتكون عمليه اكتر من السويفت 😊