Рет қаралды 4,661
KOM KUIER SAAM
Ek wens vir elkeen net voorspoed en goeie gesondheid vir 2022. Hoop jy kry baie liefde van almal rondom jou, en deel net soveel daarvan uit.
Ons wou vanjaar weer ’n Swarthond-konsert hou, maar het besluit dit sal onverantwoordelik wees. Oor die virus. Ek het toe by Riku en Jackie Lätti in die Strand gaan kuier, en toe is daar musiek gemaak en gekuier. Gert Vlok Nel het Beautifull in Beaufort-Wes gesing, tot my kamera se kaart volgeraak het… En Churchil Naude het sy vir ons getoor met sy woorde…
Ek weet dit is tawwe finansiële tye, maar as jy so voel, is jy welkom om ’n donasie te maak. Die geld gaan net so na Riku- en Gert-hulle toe. Die virus het die musiekmense hard geslaat, baie van hulle kon in die laaste twee jaar omtrent glad nie optree nie. Sal ’n donasie baie waardeer. Jy kan dit by die volgende rekening inbetaal. Dankie-dankie.
E Oosthuizen (trading as Swarthond)
FNB besigheidsrekening
62793220923
Takkode: 255355
Trigger warning
Hier video is baie rou. Ek het dit met my ouerige kamera verfilm en self geredigeer met een van die gratis-programme wat jy op die internet kry. Hier en daar is ‘n vloekwoord, hoofsaaklik daardie woord wat Marilize van Windhoek se ma gesê toe Marelize met haar fiets in die rugbypaal vasgery het. Dus: Dis ‘n baie eerlike kuier. Hoop jy word op een of ander manier daardeurt aangeraak. Vir my was dit ‘n baie spesiale middag. Jy is welkom om die video met jou vriende - en vyande - te deel.
Liefde-liefde
Dana