سوزوكى اسبريسو Suzuki S-Presso Hand Brake Hand Brake

بسم الله الرحمن الرحيم
السلام عليكم و رحمة الله و بركاته
اطلقت شركة سوزوكى عربتها الجديده اسبريسو تحت تصنيف Mini - SUV
وتم تقديمها فى مصر من خلاص وكيل Modern motors
تصميمها مختلف و عصرى , و المبهر اكتر انها قدمت طابع جديد عن اختها الصغيرة فى الحجم و الكبيرة فى السن اللى موجوده فى السوق من فتره كبيرة السوزوكى التو
تصميمها من قدام مش عارف ليه بيفكرنى jeep renegade مع انه مختلف كتير عنه
لكن هى من قدام شبه اختها الكبيرة ال vitara breeza Suzuki الجديده بعد الفيس ليفت الاخير ليها
و من الخلف تصميمها هو هو الالتو مفيش اختلاف كبير
بتتقدم بابعاد
طول 3.565
عرض 1.520
ارتفاع 1.564
وقاعدة عجلات 2380
طب وايه الجديد يعنى عربية عاديه و ابعادها صغيره يعنى هتبقى زيها زى الالتو مفيش اختلاف
احب اقولك الكلام ده مش صح ووسع العربية من جوة حقيقى هيبهرك ,على حجم العربية الصغير ده
وده اللى هنشوفه واحنا بنستعرض الجزء الداخلى لكن قبل ما انتقل لداخل العربية
احب اقول العربية بتنزل بخلوص ارضى ارتفاعه 18 سم وده ارتفاع مناسب جدا للشوارع اللى عندنا و المطبات العالية
وبتنزل بجنوط حديد مقاس 145/80 R13 و فى فراغ كبير حوالين العجله تحسسك ان الجنط صغير عليها
ودى ميزة كويسه للى حابب يركب جنط اكبر
وهننتقل دلوقتى لداخل العربية
من قدام الطابلوه تحسن ان فيه لعب كده كتير شبابى قوى وفيه كرفات كتير فى كل حته منه
العدادات ممكن تحس انها مكانها غريب شوية لكن نفس المكان ده موجود فى الياريس و الماتريكس
فى الاول ممكن متبقاش متقبله لكن مع الوقت هتتعود عليه
مساحات الكراسى قدام ممتازة مش هتبقى متضايق و وانت سايق ولا اللى قاعد جمبك
بتنزل العربية ب باور فى الدركسيون و تكييف عادى بكر و ازاز كهرباء بس امامى فقط و التحكم فى المرايات يدوى
بالاضافه ل 2 ايرباج امامى و فرامل ABS
بالنسبة لمساحات الكنبة الخلفية كبيرة و واسعه تسمح ب 3 اشخاص مسترحين جدا مع العلم فى نفق فتيس عالى شوية
لكنه مش بيضايق اللى قاعد قوى بسبب الوسع الكبير و فى فراغ ما بين اللى قاعد و را و الكرسى اللى قدام
وده هيوفر راحه كبيرة اثناء التنقل و المسافات البعيده
بالنسبة لفرش العربية بينزل قماش فقط انت ممكن تركبله كسوة جلد حلوه كده عشان تحافظ عليه
و دلوقتى هنشوف الشنطه اللى مساحتها حوالى 239 لتر صغيره صحيح لكن بتقضى الغرض
و هننتقل للقلب النابض للعربية وهو الموتور و لكن بعد الفاصل
بتتقدم العربية بمحرك 1000 سى سى 3 سلندر 67 حصان عند 5500 RPM و عزم 90 نيوتن عند 3500 RPM
بتكنولوجيا DOC Double overhead camshaft او 2 كامة علوية و لكل غرفه ليها 4 صبابات 2 خروج و 2 دخول باجمالى 12 صباب
متوصل ب جير مانويل من 5 سرعات ده اللى متوفر حاليا فى مصر لكن برا فى منها نسخه اتوماتيك
و ادى جهاز الفرامل ABS
تكنولوجيا الموتور بسيطه ومش معقده و ده هيخلى صيانتها سهله و اى حد ممكن يشتغل فيها
ده غير ان الموتور واخد راحته و المساحات حواليه مش مزنقه زى عربيات تانيه , اللى الصناعيه بيتعبو فيها لما يجيو يشتغلو,
لا على العكس المساحه هنا معقوله جدا
بتنزل العربية بعفشه امامى McPherson و فرامل امامى دسكات
اما من الخلف عفشه Torsion Beam with Coil Spring و الفرامل الخلفيه طبل
عفشة مايله للراحه اكتر و ثباتها متوسط راجع للكويل اللى راكب على العفشه الخلفية
اجمالى وزن العربية نسخه المانويل 726 كيلو جرام و حجم خزان الوقود 27 لتر
نيجى بقى للخلاصه
العربية بتستهدف فئه الشباب اللى بتدور على عربية اقتصاديه فى المقام الاول
و الاسر المتوسطه اللى مش بتستخدم اغراض كتير فى التنقل طبعا عشان شنطه العربية صغيره
تصميم العربية من برا ممكن يشد الناس ليها و ممكن لا حسب راى كل واحد
من جوة خامات العربية معقوله , بلاستيك صحيح لكنه مش بلاستيك وحش لا خامته مقبوله جدا مش من البلاستيك اللى تفتح باب العربية الريحه تهب عليك كده لا خالص
ده غير ان تصيميم التابلوه شيك و عصرى
اى نعم منزوع منها بعض الكماليات اللى بتنزل بره ذى الشاشه الوسطيه الى بتدعم Apple car play و Android Auto
هنا بينزل كاسيت عادى جدا و خلاص على كده بالاضافه لحساسات ركن خلفيه
نيجى بقى لاخر حاجه و انا عارف الكل مستنيها و هو سعر العربية بتنزل فى مصر بسعر 145 الف و هى فئة واحده اللى بتنزل مصر حاليا
Suzuki S-Presso
Suzuki Alto
Suzuki spresso
Suzuki SUV
Suzuki Cross over
Suzuki Maruti
سوزوكى اسبريسو
سوزوكى التو
سوزوكى ماروتى

[@محمودعثمان-خ9ع]

انا بصرحه شوفت فديوهات كتير عن العربيه افضل فيديو هو ابتاعك افادك الله انجاز بجد.... بس في السفر ايه رايك فيها

[@handbrake1956]

الله يبارك فيك حبيبي تسلم لزوقك من ناحية السفر هى غير عمليه بسبب ان ماتورها 3 سلندر مخصص اكتر لداخل المدينة و مو فر لاقصى درجة ده غير ان ثباتها ضعيف على السرعات العالية بسبب تصميم العربية العالى و كمان مركز الثقل اللى فيها

[@tamergaber4894]

معلومات قيمه جدا سياره رائعه شكرا استاذ محمود

[@handbrake1956]

تسلم حبيبى

[@abdallahahmed5329]

جميل جدا جدا كمل يا وحش

[@handbrake1956]

حبيبى يا بوده تسلم

[@she.3114]

Best performance car 🌎🚘

[@adeladham7258]

سیاره کویسه اوی وشیک وعملیه

[@schoollife5152]

Best performance SUV look car Spresso vxi plus AGS VARIENT

[@mohamedabdelsalam6306]

♥️💕💕

[@ahmedel-btal5160]

اولا الجنط ١٤ ، ثانيا العربية من ورا مش واسعه وتشيل اتنين فقط مش ثلاثة ، يرجي التصحيح

[@handbrake1956]

شكرا لحضرتك و اسف لهذا الخطاء

[@mohmedgohar9410]

مش كويسه يا جماعه بفلوسها تقدروا تجيبوا مستعمل احسن

[@handbrake1956]

كل واحد ليه رائيه اللى ميعجبكش يعجب غيرك و زى مبنقول لولا اختلاف الاراء لبارت السلع

[@foufaboubou1426]

لا جديده احسن 5 سنين واحد مرتح باله من الميكانيكي خصوووصي للبنات ونسوان سياره موديلها بسيط وجديده تكون مضمونه في طريق احسن