الشاعر الدكتور ود بادي - lمسدار الغبا او البت اللكعت

[@goarbab3340]

والله لي ذكرات عجيبه مع القصيدة دي بالذات يا ود بادي والبرنامج دا انا حضرتو مباشر بداية ٢٠١٣ وانا برلوووم في الاسلاميه وكنت ساكن صالحه ربنا يديك لينا الصحه والعافيه

[@5mjan]

الله الله ربنا يحفظ الدكتور ود بادي

[@mohamedmoawia2095]

انا أخو البت اللكعت قرن الخمره النازه على وردان الصبوه الراكزه الجنْيات الهازا صدورن لازا و رَق النص زي خيت الشلا بالحيل آ جني.. إي والله ********** الجنيات الحزمو الجبه وعرق الشتوي عليهم نايا وصبا قول ما دِله رجالا حصدوا الحبه عيشمْ هادو الكان مُتْعبا ومِنو كتير في الواطا إنكبا والباقي مصوبر واقف قبا الحمُد آلاف الشّكَر آلاف العيش الرقد أصناف أصناف الولد الكان عزَّام.. ضياف.. حلاف الرزق الجانا مَدلا الحلق الجاف إتْبلا بالحيل آ جني ... إيي والله ********** الوادي الجانا متقَن مد جناحو الطايل شرقًا وغربًا القبلي بروقو على القلعات إضربن الدُكن البِعدن قربن فوق صنقور المحله الطالت كبن قول للمحله بيوتك خربن قول ما دِله.. الحلق الجاف إتبلا بالحيل آ جني إيي والله ********** مرحاتنا شرابهن يوت ما غبن شبعانات في الشِقل أب شوك ما شبن الحُمْل ولدن وربن حلماتن تقلن.. جرن.. فوق سيقانن كبن اللبن العاتم في ضرعاتن جَبْن المغصه إن كان ضرعاتن خربن القرعة آ وليد.. السعن آ بنيه القربة كمان.. كبوها المَيه المغصه إن كان ضرعاتن خربن شوفو النعمة السالت فوق قيزان الرمله ناس البندر لبن الشاي بالعمله سمح الخمج الفوق أسيادو سمح العز المن أجدادو الجنيات المشو ما عادو كان بالرِد أكان إتنادو غرب حامد وشرق بله كانوا بحلبو الضرع الدلا كانوا بحضرو الخير القدحو مَعلا الجنيات ما كفرت بنعمة الله بالحيل آ جني إي والله ********** ذات في يوم والغيمة تهتف مطرًا نقع فوق نوار الطلح الفقع ريحة البَرم إن جاتك عطرًا فايت خُمَر الفوق أردافا مجدع شفنا الوادي يقشقش في دمعات الليل والتِعِل الشايل بدا يتفقع تلب حامد فوق مخلوفة أب زور وإتربع طلق الرسن أب زمه وسوا خبيبا بدع هَود في رقاب الصي لاقوهو تلاتة زبيدية خالفين سيقانن فوق السنكيت ورقاب ألبل بيناتن مرخيه محجوبات بالخرز الفصلو السوميت كل واحد درقة وسيف وطبنجية وباقي جرابن مليان دلميت الجنيات إتقبلو وضاقو الحاره وضاقو المره وكان حجازن صقر الجو حامد كان عارفين ضاقوهو رجال قَبالكن شوفو أرزاقكم أخير من ضو حامد عوج الطندب.. آ وليدات عوج الطندب نار القصب الهبلت ما بتعدلو شوفو شلوخو مطارق رقدن وكل تلاتة يمين سياف إتقبلو حامد راضع مخ التُرك البقْبق مِن ضرب أهلو نهار ركزو تمام وإتْعدلو حبوب القارح ما دِله.. ولدًا ما ختالن زَله شن قولك فيهو عليك الله بالحيل آ جني إي والله ********** وين مراتع الدرت الباسط دايما ببكي عليهن وين بنوت الحلة البكّر عصرا بدري يسون في شاهيهن بعد الليل ما يِهَود ونحن نهَود.. عاد أماتن ينادن ليهن نمشي على القيزان نتقادم.. أقيس الخطوه مع التاتاي ومشيهن والله البعد الحاصل ما نساني.. وحاتكم في قمراتنا بشوفو وشيهن إلا النضم أب غنه اللهج السكر وين بلقاهو؟ بنات الريل الدوب ليهن الخوف يا ناس كان يبقى الشوق الحاصل بينا معشعش فيهن مُقَنع سابل وين بلقاهو؟ طرفًا زابل وين بلقاهو؟ وعينا بتدنقر من واليهن الوجنات الشَعن بقن ود العين النايم زَرقَن مو زايغ.. رسيان وميقن زولن كان خدران ومحقن منّ الشوفه عروقو يطقن كان الدنيا بِصح تتخلا كُنا بركنا معاهن في رملات الحله إلا كمان بنشوفا مذلا الجنيات الغابت جابت إنت الجيب بس قايلو قميص أفرنجي وكرتونات كرملا ؟ لا لا وحاتك حاشا وكلا ديل يوم عادوا إتلافو الجاهل بحقوق الله ديل كم لحقو البشهق ضايق.. وداوو العِلا الولد الجاي حقايب سفرو تقال.. تقال مِن جنس كتاب ومجلا الحكمة النضم إياهو الكان.. الحكمة الولد إتوضا وصلا عادة البلد الدخلت فيهم سكنت.. سكنت ماب تتخلا نحن كمان طارين الحِله ودرنا الطلا نشيلا معاهم فرحا وميتا حلات الموت كان في عِبْدِلا حلات الموت كان في عِبْدِلا

[@5mjan]

الله عليك

[@سودانياصيل-م1ذ]

سبحان الله كل كلمة في مكانها منتهي الشاعرية

[@sallamhassan8328]

نهنئ الدكتور و الشاعر "محمد بادي محمد حمد العكودابي" بمناسبة تكريمه من قبل شركه زين للاتصالات ونحن إذ نهنئ ود بادي بتكريمه نعلم بانه في تمام الغني عن التكريم ! مؤكدين بان ود بادي هو من يكرم بحضوره الأدبي والفكري والوطني كل من يأتي اليهم بتواضعه الجميل والعميق. ودمت ود بادي

[@mogahedmusa]

نضمت يا ودبادي

[@sympatic000]

لك التقدير أخي والشكر على المتابعة.

[@Aboushaima]

أخي الفاضل سيما .. والله أنا فاتح تلك القناة من الصباح مع يقيني التام بأنك قد وثقت هذا العمل العظيم.. متعك الله بالصحة والعافية وحفظك

[@yasirupkooa]

ر وعة ود بادي

[@خديجةسيداحمد-غ3ع]

يسلم عقلك كتاباتك حكم تدرس جزاك الله خير ابن

[@خديجةسيداحمد-غ3ع]

يسلم عقلك كتاباتك حكم تدرس جزاك يابن العم ربنا يطول عمرك الوحيد الفضل لينا من شعارنا ربنا يرجعك خلف لخير سلف

[@samargassim9583]

سنين ونسمع ابي يردد هذه القصائد الرائعة لي ود بادي

[@sallamhassan8328]

اخي سيمبا تيك . لك كل الشكر والتقدير علي التوثيق وربنا يجزيك خير

[@ronaldoeditsforfun]

و الله فعلا يا نصر خلف الله انا جيت متأخر و المدام قالت لي فاتتك البت اللكعت ،، قلتليها بكرة الصباح سيمبا بيجيبها .. و اهو بشوف و بسمع فيها

[@يوسفودالنيل-ز9ث]

دكتور محمد بادى.. عميدشعراءالاطباء

[@MrZa3000]

إبداع ما شاء الله ..بلدنا خيرها كتير ... الله كريم الله كريم

[@hatimalgzoli566]

ناس البندر .. اهل لبن الشاي بالعملة .. دمت اجمل شاعر ود بادي

[@khalidelhori2404]

مشكور الريس عمر البشير عايزين نلم السودان. دستور جديد يفصل الدين. الدولة سلم تسلم نعود الي الماضي للتاريخ

[@alimasora]

السلام عليكم لك الشكر اخونا يا ريت تنزل لينا كلمه حاتم سكينجو .. لو فى امكانيه

[@حسنحسن-ي7ت1ه]

تسلم. يا. بلد ونفتخر. بيكم

[@kaleedmouamad1713]

تم

[@زولسوداني-ب1خ]

يا جماعه وين ألقي قصيدة (هوي يا وليد)

[@omerfooox2]

تسلم ياود بادى

[@ياسرالحعيدي]

من ياتو قبيلة ي جماعة بادي دة

[@يحيىادهم-ث8ز]

ياسر الحعيدي شايقي

[@abraham8632]

قبيلة الشايقية

[@abuali9047]

شايقى ترخيص جعليين كل شعر بيحمل عادات وتقاليد الجعليين من السوط لزراعة المطر والسعية والرعى فى الخلاء كلامو جعلى ولد وتربي ونشاة فى ريفى المتمة من اجدادة

[@احمدالارباب]

جعلي شايقي

[@agmail4450]

قبيلة السودان

[@kaleedmouamad1713]

تم