حسين العلي -الا يالهبوب الباردة عجلي هبي

الا يالهبوب الباردة عجلي هبي
على جاش من قامت هواجيسه تلوبه
انا مرة اصحى ومره يغيبي
واسرح معا كثر الطواري بغيبوبه
الا يادهر ما هو بحق تلاعبي
وخليتني لمقرد الخلق لعبوبه
عباد مغفلها الزمان وتعجبي
يحسبون قل المال فالرجل عذروبه
وانا قانع باللي علي كاتبه ربي
ومؤمن بمقدوره وقانع بمكتوبه
ولا ابغى عمى الاريا برايه يجربي
وهو ما عرف ماجوب ربي وما جوبه
هدور المجالس راعي المدح والسبي
وهو بالخلا لو جاه بنت خذت ثوبه
يقولون لي تب من تصرفك وتحبي
وهي توبتي من مجتمعهم هي التوبه
ديار الوبا من طبها راح متوبي
وقرابة الجربا على الحول مجروبه
انا عارف منصاي ليا من بدا نبي
وعارف طريقي والذي باتجه صوبه
وانا اعرف من اعادي وانا اعرف من احبي
وبه ناس لاتعرف ولاهي بمحبوبه

[@user-lw1di3lv6j]

نبيها مسرعه لحسين العلي تكفون

[@wolfman6851]

وهو بالخلا لو جت بنت خذت ثوبه هههههههه ويقول انشهد فيه ناس غاثينك

[@3rekh3bydh41]

ياخي الله يهديك هذا ي طويل العمر خالي الله يرحمه

[@user-mo2zh1yz3b]

😴💔💔