Рет қаралды 1,218
الشاعر يغني القصايد والألحان
ويبدا بذكر اللي عليه اتكاله
سبحان من نرجيه عفوً وغفران
الواحد المعبود جلّا جلاله
ولا يستحق امن اطيب الشعر ديوان
من البيوت النادرات الجزاله
الا هل الواجب طويلين الأيمان
قومً مراجلهم مراجل شكاله
حُمران لا جاء طاري المدح حُمران
اسم ( الحمر ) هيبه وقاله وطاله
ياطيبهم شيخان وعيال شيخان
كلن ينومسنا ليا جاء مجاله
في محفلًا للطيب والمدح عنوان
على سلوم اهل الوفا والجماله
الضيف يلقى له كرامه وصفطان
يقلط صدر والكيف تدرج دلاله
عوايد رجالً مطنّخ وشجعان
سلالةً يا طيبها من سلاله
عيال علي ابن محمد كحيلان
كلن تجمّل جمّل الله حاله
عساه في جنة نعيمً ورضوان
ما مات عودً مثل ذولا عياله
ومحمد ابوخالد لسان وسنان
يدندن ويطنخ ولا ضاق باله
وعز الله ان منصور له بالوفا شان
الله يبارك له بحاله وماله
منصور منصور المكارم والاحسان
الا وسيفً من سيوف العداله
حاز المدايح من خوالً وعمّان
من ال ظافر وال راجح خواله
ومن عزوة ال راجح خواله فلا هان
يحق له دايم يميّل عقاله
وناسب سفر رجلً محنك وفهمان
ابومحمد طوّل الله مهاله
وريث عودً يوم روغات الاذهان
في كل ميرادً طوالً حباله
محمد ابن سالم ابن حفيان
يالله عسى في جنة الخلد فاله
ودعوى ال حله عزوة شداد وعنان
ضلعً على غامد يظلل ظلاله
اهل الدخل من يوم دقلات الاكوان
لو ما اذكر الا هو يكفّي لحاله
من غامد الهيلا قيادات واركان
من الزناد الى حدود الخياله
ومدح ال حله من قديمات الازمان
شيً على الشاعر صعيبً مناله
لو كان ينبت له مع لسانه لسان
ماهوب موفي مدحهم لا محاله
كلمات : سعيد بن محسن الغامدي
----------------
▪️لاتنسى الاشتراك بـ القناه .
▪️دعمك لنا و تعليقك .
▪️أنشر الشيله اي مكان لاهننـت .
▪️و لاتنسى تفعـل الجرس (🔔) عشان يوصلك كل جديد .
لـ التواصل و الاستفسار :
- الحسابات لـ قناة نجـم غامد .
Watsapp :
wa.me/message/...
Snap chat :
/ ni_m07
🔶-🔶-🔶-🔶-🔶
" أتمنَى منك دعمك إذا تكرمت انشر رابط قناتي و لك مني جزيل الشكر ♥️ .