Рет қаралды 61,954
Ал миллиардтаған қаржыға салынып жатқан Алматы-Өскемен бағытындағы республикалық маңызды тас жолының су шайған учаскесіне байланысты қызметтік тексеріс басталды. "Қазавтожол" өкілдері бұл торапқа диаметрі сай келмейтін тар құбыр салғандарын мойындап отыр. Ал күні кеше жауын суына шыдас бермей, қарс айырылған жаңа трасса кесірінен жолаушылар әбден әбігерге түскен. Діттеген жерлеріне жете алмай жолдың екі бетінде қалған көлік жүргізушілері енді 200 шақырымнан астам жерді айналып өтуге мәжбүр.
Алматы-Өскемен тас жолы пайдалануға берілмей жатып, бүлініп жатыр. Толассыз жауған жауын 2017 жылы жасалған жолдың бұл учаскесіндегі шеңбер тәрізді көпірді бұзып, ұзындығы үш-төрт метрдей болатын асфальтті шайып кеткен. Енді машақатын жолаушылар тартамыз деп азар да безер. Себебі, бұл республикалық трасса. Ал жол Жансүгіров ауылынан кейінгі Сарқан ауданына жетпей Еңбек ауылының маңында қарс айырылған.
ӘСЕТ МАҒЗЫМБАЕВ, Алакөл ауданының тұрғыны:
- Амал жоқ айналып өтеміз, через Исатай, Лепсі, Ақсу. Алакөлге қарай. Сарқандықтар Көлбайдан бері қайтады ғой. 200 км тағы қосып алдық жолға.
ҚАЛИБЕК ҚАПАР, Ақсу ауданының тұрғыны:
- Жап-жаңа жолдың өзі кіп-кішкентай суға шыдас бермей жатыр. Оның өзі дұрыс нәрсе емес, Дұрыстау керек қой, түзелу керек. 200 шақырым алыс кеттік айналып.
ОЛЕГ НОВИКОВ, Жансүгіров ауылының тұрғыны:
- Там не предусмотрина, трубы не правильно положили. Еще поэтому смыло. О качестве дороги, вся развалина, с Кызылагаша вообще не возможно ехать, там на первой скоросте ползешь.
Қазір көпір шайып кеткен республикалық трасса жабық. ҚазАвтожол өкілдері құбырдың жаңбыр суына шыдас бермегенін, кең арнаға диаметрі сай келмейтін құбырдың салынғанымен байланыстырды.
НҰРХАТ АҚЫЛТАЕВ, «ҚазАвтоЖол» ҰК Алматы облыстық филиалы директорының орынбасары:
- Су өткізу мөлшерін біз енді көрдік. Жоба бойынша қосылған біздің құбырымыздың қаншалықты өзінің міндетін атқара алатынына көзіміз жетті. Енді басқа да жобалаушы мекемемен, жол сапасын қадағалайтын мекемемен, мердігер мекемемен бірлесе отырып, қазір жиналыс өткізіп, сол сұрақты қарастырып, мүмкіндігінше жаңа труба алып келуіміз керек.
ҚазАвтоЖол өкілдері енді қызметтік тексеріс жүргізіп, кінәлілерді жауапқа тартпақ. Айта кетейік, Алматы-Өскемен тас жолының Талдықорған-Үшарал бағытындағы, яғни 313 шақырым жолды қытайдың «СITIC Construction» компаниясы жасап жатыр. Жол құрылысына 120 миллиард теңгеден аса қаржы бөлінген. Ал көпірімен қоса шайып кеткен жолды ҚазАвтожол өкілдері бір ай шамасында жөнделеді деп отыр.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#АлматыӨскемен #ҚазАвтоЖол #бетонка