تصادف في محل لبيع المجوهرات فتاة تهين خطيبها لفقره ... زعما كيفاش كانت ردة فعل بن قاسمية ؟!

[@landalooza6060]

تخطبت و اعطاني مهر 5 ملاين بلا ذهب بلا هدايا بلا حوايج و فرحت و تزوجت الحمد لله عشت معاه عامين رحمة ربي و توفى راضي عليا ادعو له بالرحمة راح صغير

[@feridodo2783]

يارب لحمي شوك الله يرحمه يارب

[@sidahmed7344]

Rabi yrahmou nchlh wa ysabrak

[@rabiarabia2438]

ربي يرحمو يااارب.

[@yasminanina6604]

ربي يرحمو أو ربي يعوضك

[@benghzailmohamed5532]

الله يرحمو

[@samir-nh6re]

انا زوالي ويتيم. عمري 32 سنة بلا زواج ولا والدين نخدم طباع عند الشعب برك اديعولي خاوتي في هاذ رمضان ربي يرزقني ببنت الحلال

[@NabilNabil-vc1rb]

ربي يرزقك أخي ويفرحك

[@hamzahamza8578]

ربي يفتح عليك خويا ويعطيك ماتتمنى

[@kenzayahya1404]

ربي يفرج عليك خويا 😥

[@fatimosta5760]

Rabi y3tik bent hlal nchlh

[@samir-nh6re]

@@NabilNabil-vc1rb اللهم امين ربي يحفضك

[@soumaanwer2925]

انا زوجي جابلي خاتم فضة فقط وخمسطاش دجاجة وربعة كيلو لحم بقري وستة باليطات ڨازوز وكازي تشينة فقط وتزوجنا ودرنا دار والحمد لله راني عروسة درت وليمة نهار خمسة فيفري 2021 باركولنا وادعولنا بالذرية الصالحة

[@rachahana1791]

ربي يرزقك بالذرية الصالحة🌺🌺🌺🌺💓💓💓💓

[@anissaatrouche136]

الله يسطركم، الذهب اليوم عندي، منلبسوش، لكن غير يعطيني ربي شويا الصحة فقط، تزوجنا هدى 31 سنة بزوج ملاين احوايج فاطبق، و اليوم الحمد لله وليدي و بناتي كبار و الحمد لله عندنا دار و أولادي قراو و هذا هو المهم!

[@anissaatrouche136]

المهم السعادة والحب و اولاد سلحين، الناس هبلو شوفوا الجزاير وين لحقت، يشتغلوا بالتفهات حتى اكلونا لكلاب!

[@hodhaifabarca891]

تحية لك الله يبارك أنا شاب من تبسة نقلوا بنات مثلك نخطبهم على صباح قال رسول الله أقلهم مهر أكثرهم بركة وقال رسول(ص):من جاءكم ترضون دينه وخلقه فزوجوه سبحان الله حكمة نبي

[@soumaanwer2925]

@@hodhaifabarca891 يا اخي انشاء الله ربي يرزقك ببنت حلال وتكون في طيبة وخلوقة

[@redaarmada2896]

تحية الي زوجتي الحبيبة أغلي زوجة واعز زوجة سهلت عليا كلشي ربي يخليهالي والحمد الله راهي قريب ربي يرزقنا با مولود دعولي ربي يباركلي في زوجتي واولادي

[@الموريتاني-ع2ي]

ربي يخليهالك خويا و يرزقك الذرية الصالحة و يترباو في عزكم و يخليكم لبعضاكم 🤲❤️

[@anisoumm2839]

أمين

[@narimanehammadou6948]

ربي يخليهالك 😊😊😊

[@jihanejihane8434]

حتى انا سهلت على راجلي بزاف..حتى حسسني راني رخصت راسي...لانو كاين واحد النوع لابد يتعذب باش،يعقل عليها ويدير بحسابها...واللي تساعد في الاول وتاخد بيديه وماتشرطش عليه...مايعرفش بقيمتها للاسف.

[@zianianissa3275]

إن شاء الله يارب وتقوم لك بالصحة والعافية والاهم ربي يكبر ولادنا على الدين وطاعة الوالدين.

[@boubakarhassan9736]

انا حمدو الله خطبت وحدة جامي جبدتلي علي الدهب وسيتها قتلها معنديش قاتلي نورمال وانا درتلها دهب غي شباب وعرسي سمانا مور رمضان نشاله

[@BM-pk2wd]

انشاء الله ربي يدوم معشرتكم خويا

[@أسدالبراريليثالاسلام]

ani khayef ki tatzawjak tanglab 3alik ,,,, hhhhhh,,,, ma tkhafch ngasar ma3ak ,,,ramdanek karim

[@nounoutube2812]

Rebi

[@niniziko2314]

ربي يهنيكم ان شاء الله مي نسقصيك علاه مم انا راني مخطوبة بصح راهي كورونا يعني نقدرو نبداو لعراس

[@souhilasouhila3455]

@@niniziko2314 والله نفس سوال لي جا في بالي🤔🤔

[@laminebennacer3731]

عمري 37 سنة حسيت عمري ضاع معندي لا سكنة ولا عمل مستقر حبيت نتزوج كي الناس طلب ربي سبحانو يرزقني ابسط حقوقي في ذي لبلاد عاونوني بالدعاء خاوتي ربي يحفظكم رانا في الشهر الفضيل.

[@غيابكياباباكوانيوبدلايامي]

ربي فرج خويا ويسقم أحوالك ويرزقك زوجة صالحة ياااارب

[@laminebennacer3731]

@@غيابكياباباكوانيوبدلايامي امين ربي يسعدك اخي

[@غيابكياباباكوانيوبدلايامي]

@@laminebennacer3731 دوم صحة وصحا فطورك كل توفيق خويا انا بنت

[@laminebennacer3731]

@@غيابكياباباكوانيوبدلايامي اسمحي لي اختي ربي بارك فيك وصحا فطورك.

[@غيابكياباباكوانيوبدلايامي]

@@laminebennacer3731 سماح كل توفيق وصحا رمضانكم وفطوركم زادا

[@zaydlaghzal2754]

جيت غي نقولكم السلام عليكم خوتي الجزايريين. أحبكم في الله بلاد رجال و الهمة و النيف لي ما يبغيكم يموت في الغيظ ديالو.. تحياتي من المغرب

[@ali.b3921]

حياك الله وكل شعب المغرب الشقيق

[@جزائريةللنخاع-س4خ]

الله يحفض المغرب والجزاءر والشرفاء من الشعبين

[@moulay_555_]

تحياتي لشعب المغربية

[@rimfergani5076]

تحياتنا لك من الجزائر

[@sou_ndos2936]

Marhabane biki fi baladiki attani bien venue okhti

[@adamadom106]

والله العظيم ماشرالي ذهب وتزوجت بيه واليوم راني بولادي والحمد لله أو ماعنديش نورمال ربي يطول في عمر زوجي أو يصلحلي ولادي يارب الدنيا فانية

[@sakinahd5003]

انااا خطبني واحد و قال معنديش و قبلت بيه و قبلت ب قليل و وقفت معاه فحلة و فتاليا خرج رخيس و خدعني ندمني على نهاااار لي وقفت فيه معاه

[@IlhamIlham-yi6tx]

الراجل عمرررررك لاديري فيه لامان نكار العشررررررة

[@joengihanarmyforever7379]

ربي يعوضك عليه حنونة واحد خرمنو

[@kaisbens5459]

Tu es toujours avec ?

[@SalahSalah-pb4hn]

هههههه انتما تاني درك اكل خرجتو فحل بلاك انتما تاني خفاف بزاااف انتما شهر الاول ملاك شهر تاني عفريت شهر ثالث جن

[@kaisbens5459]

???

[@SamiRa-tb4qo]

انا تزوجت و جابلي المهر و الذهب تاعي قيس قيس على حساب مقدورو .و عشت معاه ثلاث سنوات و رزقني ربي منو طفل و طفلة .و توفى و خلاني قلبي محروووق عليه 😭😭

[@AliAli-lt3ec]

💔💔😢😢 الله يرحموا ويوسع عليه ،وأنت الله يصبرك عليه وإنشاء الله ربي يعوضلك 🤲🤲

[@SamiRa-tb4qo]

@@AliAli-lt3ec آمييين يا رب العالمين

[@rachidyahmi749]

ربي يرحموا ويجعل مثواه الجنه الفردوس يارب

[@SamiRa-tb4qo]

@@rachidyahmi749 آمين يارب العالمين

[@soojin6716]

آلله يرحمو ويوسع عليه😔💔

[@adelbencheikh3317]

و الله الحمد لله تزوجت عندي عام. و الله ما شرطت عليا والو. قاتلي المهم نعيشو مهنيين و فرحانين. مستحفظة عليا الماكسيموم. لحقت وقت وين وليت نحشم بزاف كي ما تطلب والو. نشريلها حاجة خفيفة خلاص تفرح بيها و تسعد. النهار اللي رحنا نشريو خاتم الزواج نروح نشري تاع 6 ولا 7 ملايين تقولي لالا. العرس بزاف. سهلت عليا بزاف ربي يرزقها الجنة إن شاء الله. الخير كلو قليل عليها. من هذا المنبر نقوللها نحبك و نعزك بزاف راوية. ربي يسترك و يخليك ليا إن شاء الله.

[@أحلامأحلام-ر1ر]

ربي يخليكم لبعضاكم وربي يسعدكم في الدنيا والأخرة 😊

[@selmasaidj8196]

Rabi ykhalikom ba3dakom

[@kamelchakli5005]

هادو هوما بنات الفاميلية لي عمرو الدار ربي يحفظهالك

[@mearadjocean1562]

يااااارب يحفضكم ويديم الهناع ليكم فرحت ليك لعزيز

[@maryamhd9808]

روح من قلبي يا خويا ربي يرزقكم فرحة لعمر وذرية صالحة لي تونسكم

[@Soukaa]

قال رسول الله عليه الصلاة و السلام .أقلهن مهرا أكثرهن بركة .

[@مريممريم-ث8ظ4ش]

اللهم صل على سيدنا محمد

[@AminAmin-uw9jm]

@@مريممريم-ث8ظ4ش عليه الصلاة والسلام متشرفين بك

[@syrendemer3253]

اللهم صل وسلم على نبينا محمد وعلى آله وصحبه أجمعين

[@yassineouichen9072]

صلى الله عليه وسلم على سيدنا محمد

[@lyesskhatab1075]

فقوووو

[@سبحاناللهوبحمده-ق1ز]

خاوتي لي يحب امه وتعز عليه يحطلها جام في خاطرها🤑🤑🤑🤑🤑🤑

[@Efootballmobileoff]

خاوتي راني مريض دعوة 40 واحد مستجابة ادعولي و صح رمضانكم

[@ismailbenothmen2560]

الله يشافيك خويا

[@fathilaouam3702]

ربي يشفيك

[@pro-lm8gl]

ربي يشفيك

[@عبداللهعبدالله-س2ف7ح]

ربي يشفيك

[@imadimad6295]

Ouled el Behdja ربي اشفيك أن شاء الله

[@mohamedmedjdoub8159]

أنا نهار تزوجت ما دخلت روحي في الذهب ما دخلت روحها في الذهب و خليناها لأولياء الأمور و الحمد لله جات في المعقول ... و تزوجنا و الحمد لله .... و بعد سنة جاتني السكنة و المرا خرجت فحلة و راحت باعتوا كامل خلات غير خاتم اليد و عاونتني و درت السكنة و الحمد لله و عندي معاها 10 سنين زواج و ربي قدرني و الحمد لله و رجعتلها ذهبها كاملا أدعوا من منبري باش الازواج الجدد يشوفو لبعضاهم لان الزواج هو ارتباط عظيم

[@chriscolorado1705]

هده هي التقاليد نتاعنا والعادات لأنهم يعرفوا قدر المهر وكل واحد واش يقدر الوالدين يعرفوا احسن ولكن كاين شوي أولياء اشرطوا في بناتهم .

[@SamiRa-tb4qo]

بارك الله لكما

[@hantk4001]

الحمد لله حتى انا كي عطوني aadl بعت ذهبي وعطيته لو والحمد لله ماردهليش و لكن معيشني احسن عيشة ماخصني والو

[@boubakarhassan9736]

ربي يخليكم لبعض نشاله

[@algerianbibalight0987]

كاين لي يقدر العشرة ياخي وكاين رخيس يديلها لي موراها ولي قدامها ويخليها تخزر

[@molkhirdjaleb3941]

الله يباركلي في زوجي لانه نعم الزوج ويباركلي في اولأدي لانهم نعم الاولاد واللهم احفظها نعمة الحمد لله

[@abdelganihasnaoui6600]

الوالدة راهى مريضة ادعولها بالشفاء 😢

[@fififadwa6306]

ربي يشافيها وربي يخليها وربي يطول في عمرهااا

[@souadsouad6779]

شفاها الله

[@sosobibi4762]

امين.ربي.يشافيها

[@عبدالرؤوفسطايفي]

ربي يشفيها ويحفضها

[@valentinapirgamo792]

شراه ضارها ذيك الوالدة

[@amarwarda3005]

انا صح وقفة معيا مرتي وفهمتني ربي يخليك ليا نشاله هي زوالية انا زوالي وعيشن لباس حمدلله يربي يرزقني بطفل صلاح نشاله

[@aymaneaymane2415]

انشالله ياارب

[@jacorm3685]

اللهم لا تذره فردا وانت خير الوارثين 💛

[@mira3830]

ان شاءالله كيليوم

[@أبوعبيدةبنالجراح-د8ح]

كي يزيد سميه محمد صلاح ✌

[@nadainspiration3950]

انا مهري 2 ملاين ني ذهب ني بلاكيور ني والو و عرسي كان نهار لول تاع لكونفينمو لناس كامل حبسو و اخرو اعراسهم حنا نو جا داني وحدووووو ني كورتاج ني والو راني فداري متهنية فرحانة حمدلله يااارب 😍🥰🥰

[@حقيقة-ي4ق]

ربي يهنيكم ويرزقكم درية صالحة 💞

[@AliaMilia7757]

@jiji Fofa , 🤣🤣🤣🤣🤣

[@skafbrahim6424]

اخوكم من المغرب، تحية لناس الجزائر الشقيقة

[@mahrezmahiouss4973]

مرجبا بيك وبهل المغرب الشقيقة

[@أحمدحبيبالله-ح4ص]

تحية لكم جميعا من ولاية لمسيلة نحبكم في الله الله يجمع قلوب المسلمين في قلب ❤واحد ☝🇩🇿

[@جزائريةللنخاع-س4خ]

حفض الله بلادنا وبلادكم من كيد الاعداء

[@su___5526]

انا كي رحت نشري الخاتم خيرلي وحدة وعجبتني انا وكي لقينا لبري تاعها 6 ملاين والله غير حشمت نحيتها قتلو نو مش مليحة و جبت وحدة قد حالو هو والحمد لله عايشين بيا 😘😘 و ربي يرزقنا الذرية الصالحة عاجلا غير اجل 😢😢😢😢

[@amine.algerieamineamine6220]

نشاء الله و ربي يرزقك

[@ilyeskaouah4660]

ربي يرزقك ذرية صالحة يا طيبة

[@ilyeskaouah4660]

@@قاهرالاغبياء-ذ6م هي نصيحة غير مباشرة لبعض البنات اخفكم مهرا اكثركم بركة.

[@zianimoh1142]

ويجي واحد يقلك النساء مكاش .ربي يبارك فيك ويدير بيناتكم المحبة

[@sosochaban2982]

لي خمو باه يبنو اسرة ماشي كيما شي بنات دايرين زواج غير لعب

[@No-vv4oe]

الحمد لله مهري كان زوج ملاين و حنيت على خاتم و كنت حاطة على قول الرسول صلى الله عليه و سلم أعظم النساء بركة أيسرهن مهرا الحمد لله عشرين سنة زواج و متهنية في حياتي ربي يحفظلي زوجي و اولادي الدنيا فانية ربي يسعدنا في الدار الآخرة

[@davidbousaha9161]

الله يرزقنا واحدة قنعة كيما انتي انا كنت متزوج واحدة أوربيًا كل حاجة تهديهلها تديها حتي لو كانت مهي شبة

[@dzjoker633]

الله يبارك

[@okachabelgho5452]

ربي يهنيك ويفرحك مع زوجك وأولادك

[@nacernacer7824]

ختي نتي مرا ونص ربي يرزقك ويغنيك

[@chaimaguefaifia4592]

ام عبد الرحيم اقلهن مهرا أكثرهن بركة🌸😍

[@feselzitouni8141]

انا عندي 50 سنة ما قدرتش نتزواج دراهم مكانش ادعو معيا ربي فرج

[@نريمانأيان]

كنكس مخلاكش تتزوج

[@karimtiarti5603]

ربي يفرج عليك خويا لعزيز

[@garwabi129]

Fesel يا اخي نساء تاعكم مايخافوش من ربي احنا.عندنا الناس عندهم الرحمة هذا عيب عندنا أنتم كونشرتو هذه العادة والله دمرت العائلات وزرعت الحقد بين عا'ءلة المرء ة وعائلة الزوج . كيفاش يبقى الحب والكرم والخير كي تكون عا'ءلة تفلس عا'ءلة واحد أخ ى . يا لطيف احنا عندنا عيب مطلوب برك أن الراجل اكون صلح خدام يحترم المرء ة وبحبها وفقط . ربي يسهل عليك يا اخي اجي عندنا في منطقتنا انو دير دار محترم وتعاونوا و عائلتها تحتضنك وتعاونك .

[@feselzitouni8141]

@@نريمانأيان واش معنتها كنس

[@نريمانأيان]

@@feselzitouni8141 كنكسيوا إنترنت راك مبرونشي معاها مخلاتكش تتزوج

[@sabgoucham]

تزوجني باطل وسكنت معه في الفوضوي وكي عطاولنا السكنة طلقني وخرجني أنا وولادي براا حسبي الله ونعم الوكيل فيه كيما تمسخر بيا أدعو معايا خوتي ربي يٱخذ فيه الحق 😑

[@harenharen1264]

@jiji Fofa عندك الحق اخينا مندعوش على شخص لانعرفه ان لم يكن خير فلاداعي لشر

[@nabilnounou7850]

ربي يهديه

[@تقوىاللهتقوىالله-م1م]

أمين يا رب

[@sabgoucham]

@@harenharen1264 ختي طلبت منكم ادعولي ربي ياخدلي حقي

[@anestali7487]

حنا منقدروش ندعو وحنا معلبناش كع كيفاه سرالكم أو واش من سبا مالا هاذي حاجا بينك أو بينو أو بين ربي هذا مكان 😒

[@assilaminoi1009]

أنا الحمد لله .. تزوجت بيه و خرج معايا رجل بلا ذهب لا باغوغ و رانا مهنيين و عندنا طفل الحمد لله الصح فالرجل ماشي فالذهب

[@khemganisara1655]

كيما انا ختي ادعيلي ربي يرزقنا درية صالحة نشألله

[@aoukliahmed8464]

ربي يرزقكم بخير أخرانتهلي في زوجك انا ثلاث زوجات مصلحايش ربي

[@sr_3166]

أقلهم مهرا أكثرهم بركة قالها أحسن الخلق رسول الله محمد صلى الله عليه و سلم

[@hassanboudjema6764]

الراجل ككون راجل وفحل ويقوم بواجبه خير من الذهب

[@hamdaneahmed9095]

الله يبارك

[@faridinfo6816]

انا زوجي طلبت فيه غير الهناء ستنيتو اربع سنوات والحمدلله تزوجنا وفرحنا بشي قليل ادعولي ربي يرزقنا الذرية الصالحة يارب العالمين

[@sidahmedsahbatou9201]

المهم القلوة تكون متينة

[@عزوليد-ت9ع]

ربي يرزقي بنت حلال ان شاء الله لانه كنت عريس بس طلجت سرت عزابي مافرحت 😔😔😔😔💔ابو مصطفى عمرى ٢٠سنة

[@عزوليد-ت9ع]

ربي يحفظك ويسعدك ويرزقك ربنا بدريه صالحه يرفعو راسك ان شاء الله

[@عزوليد-ت9ع]

كل احترام اللك وتقدير للناس طيبه هي زوجه صالحه بتحب تسترناس ربي يسعدك ربي يرزقني بنت حلال متلك لانه وضعي صفر😔😔😔

[@amarkom]

الله يرزقك.. انا عام ماصبروليش انت فحلة تاع صخ

[@hamzatafza3450]

انا تزوجت ب8 ملاين طحت في بنت فاميلية صبرت معايا فتح علينا ربي درت داري وحدي ورزقنا ربي بطفلة وعايشين حياة حلوة ربي يحفظلي مرتي وبنتي وربي يرزق كل شاب وشابة بلحلال

[@ilhamak296]

واش نتوما شحال هي 8 ملاين عندكم في الجزاير 🤔 حنا عندنا 8 ملايين بزااف هنا يتزوجو ب 100 الف او اقل

[@abdnouralgolea7080]

@@ilhamak296 كيفاش 100 الف يتزوجوا بيها ؟! قصدك مهر والا كيفاش ؟!

[@benaisaiadil3558]

@@ilhamak296 8 ملايين جزائرية كتساوي 400 اورو

[@ilhamak296]

@@abdnouralgolea7080 اه المهر فقط على ما اظن

[@ilhamak296]

@@benaisaiadil3558 اه وي شكرا

[@fathirealist4911]

زوجت في 2010 ودفعت شرط عشر ملاين لا فوقهم لا تحتهم وكي طاحت بيا باعاتو هدا ذهب ومدتلي دراهمو بديت بيه حياتي وحمد لله كونت اسرة وعوضتها خير وجبنا ولاد وحمد لله وإما بنعم ربك فحدث

[@SimoSimo-yt6fg]

توفى أبي ادعولو بالرحمة يرحمكم الله، قلبي مكوي عليه و توحشتو بزاااااف

[@karimamahdjour]

رب يصبرك الله يرحمه ويغفر له ويسكنه فسيح جناته

[@gouicemaissaalgerie6900]

دائما نقرى تعليقات هاذ التعليق قاسني ياسر كقلت توحشتو،شعور سامط برغم ابي حي يرزق ربي يطول عمرو ويرحم باباك.

[@haimoudamamy3891]

ألله يرحمو

[@ilyesben2760]

ربي يرحمو

[@fatiislam398]

ربي يرحمو ان شاءالله ويوسع عليه

[@jesuisferg2835]

حبيت نتزوج مي ما عندي لا دار ولا خدمة .دعولي ربي يفرج عليا 😢💔

[@takicsc6550]

السلام عليكم ربي يفرج عليك

[@mokhtarisofiane9894]

امين

[@imadimad6295]

ربي. افرجJe Suis Ferg

[@fatimosta5760]

Rabi yfrj 3lik

[@manonbiba3073]

Je Suis Ferg ربي فرج عليك خدمة لازم خويا ربي فرج بصح اقفز و سيرتو انوي حلال

[@marwamarwa8235]

انا. عرسي مور رمضان مغادي ندير لا عرس لا والو باسكو مسكين معندهش ومشرطش عليه. ومور رمضان غادي نديروا ڨصرة خفيفة عشا خفيف بيناتنا ونشالله ربي نعيشوا غايا ولفايدة فلهنا لمهم نعيش هانيا معاه والحمد لله ياربي على كلشي دعولي شيرات حمبوكم

[@MimiMimi-hq2wb]

ربي يتمم اك على خير ختي وربي يهنيك

[@mohammedkha4648]

ربي يكمل إنشاء الله

[@kalilkalil6335]

والله ياختي يعطيك الصحة وربي يرزقكم بالذرية الصالحة والسعادة والهناء

[@عبدالقادربنسالم34]

فحلة نتي ♥️

[@rafikrafik2912]

ربي يهنيكم

[@kaderdz5333]

من هادا المنبر نحيي زوجتي العزيزة لي صبرت معايا و عاونتني و ما شرطتش عليا تقريب الذهب كله شريته كاسي و فرحت بيه لي شبعانة من عند ربي ربي يحفضها

[@بلالالمتواضع-ز5ع]

والله كلام صواب اللي شبعانة من عند ربي واللي جيعانة كيشغل جاية تحقق في احلامها !!!

[@AminemkMk]

ههههه ماعلبالهمش بلي الزوج غادي تدي منو كلش في نهار الاول في الاخير ميمدش ليها لانو مد ليها كلش وفات طاقة نتاعو صاريلو كي حاجة تستحفظ عليها تبقى ليك ديما وديما تمد ليك

[@kaderdz5333]

@jiji Fofa الله يهديك راكي صايمة هادا ما نقولك

[@kaderdz5333]

@jiji Fofa و من هادا المنبر نقولك الله يهديك يا اختاه انا اقسم بالله مرته لي رديت عليك درك ايا موتي هههه

[@abdon1245]

انا تزوجت مع امرأة مغربية ما عطيتها لا ذهب ولا مال عندنا 3 سنوات زواج و جبنا بنت كي القمر ورانا عايشين والله عمرها قلقتني الله يخليها ليا وصحا رمضانكم خوتي

[@قاديقادي-ض7د]

ربي يديم المحبة بين الشعبين الشقيقين الجزائري والمغربي

[@bakhtianes2120]

خبز الدار تكلو البرانيه الجزائري هايل مع البرانيه

[@abdellatifaliachi9727]

الجزاير او المغرب ديما خوت

[@rkaiouhkik3271]

@@bakhtianes2120 الزواج قسمة ونصيب احشمي .. استغفاري ربك

[@rayanchabib4173]

يا أخي لا زواج بدون مهر. يعني لازم تعطيها ولو درهم رمزي أو تحفظ آية من القرآن الكريم وتهديها ليها مهر.

[@nacmahagro6939]

الحمد الله ربي كتبلى انسانة طيبة عمرها ماشرطت عليا زوجت معايا ما يخصها والو وهي قاريا وانا مقاريش وبنينا سكنا شابا ونبغو بعضيتنا اخواني طلبونا ربي يعطينا لولاد انشاءالله

[@mayamaya8104]

الله يرزقكم الذريه الصالحة يارب

[@nacmahagro6939]

@@mayamaya8104 سلام شكر على دعاءك اللهم احفض كل المسلمين في بقاع العالم

[@mohamedblaada8418]

ربي يعمر بيتكم يا رب ربي يرزقكم الذرية الصالحة يا رب لي طيع ربي و النبي عليه الصلاة و السلان و تفرحو بيهم يارب

[@khadidjaph6930]

رب يرزقكم بالذرية الصالحة يارب، وبالأخص وحنا في شهر رمضان كثروا من الاستغفار وصلي انت وزوجتك صلاة النافلة وفي سجودكم قولوا رب لا تذرني فردا وانت خير الوارثين

[@nacmahagro6939]

@@khadidjaph6930 شكر لكي اختي باءدن الله تعالى

[@mr.oualid-344]

صحا فطوركم. خاوتيي قارئ قران الكريم💓❤هل من يدعمني من ولاد.بلاد.الجزايرين🇩🇿❤

[@guelmi2424]

ربي يحفظلي زوجتي و الله باعت سياغتها من اجل اتمام بناء المنزل و الحمد لله رانا ساكنين فيه بدون سياغة ربي يحفظها و يسترها

[@الجميلةسارة]

مال دير القلب و اخدم و خبي شوية دراهم و جيبلها شوية ذهب على الأقل تعوضها على واش فقدت

[@etoilefilante2546]

متنساس تعوضها

[@mohamedbenzerga4549]

Raby ybareuk mem nta Thala rodolha jmilha w Raby ykhalikom lba3d nchlh

[@nessrinekhemmar5347]

I ايه نتا تاني كونك قد الخير و ردلها يا لوكان شوية النسا يكذب عليك مهما تقولك عادي بصح في قلبها راهو غايضها

[@ماماحبيبتي-ص6ج]

بصح لازم تعوضها وتشريلها ذهب

[@abdellahab8642]

جات في بالي الطباخة أم تقوى ملاك إذا سمعتو بقضيتها، مسكينة راجلها مش خدام في خدمة ثابتة وقبلت بيه وصبرت معاه، وحاولت تفتح قناة في يوتيوب باش تعاون روحها وزوجها، من بعد بعثلها ربي حسادين وجعوها بكلامهم في اليوتيوب، وكي شاعت قضيتها الآلاف من الناس عاونوها واشتاركو في قناتها باش تنجح،والحمد لله، ربي فتح عليها دوك الفحلة، وشوفو في اليوتيوب قضيتها كيفاش فتح عليها ربي دوك، وقذف محبة الناس ليها في كامل القلوب. kzbin.info/www/bejne/favGZYytns53o68

[@sarosaro3879]

واه مسكينا قسمتلي قلبي

[@abdellahab8642]

اللي هذا وين سمع بقضيتها يزيد يدعمها خاوتي رجال ونسا، آبوني عندها وشوف فيديوهاتها باش تربح شوية دراهم تخرج روحها وعايلتها من الفقر، حتى ولو الطبخ مش من اهتماماتك دعمها، وربي يجازيكم.

[@ilineparis8045]

ربي يفرج عليها شفتها بارح واشتركت عندها

[@oumsejedmou3adh826]

عندك الحق انا شبعت عليها بكا انا والله كنت خدامة وراجلي تالمو يحبني ويغير عليا حبسني من الخدمة ووالله ما يحكم عليا والو جبت معايا شوية ذهب من دارنا وهو دارلي ا كثر واكثر في كلش صح ساعات تغيضني خدمتي بصح كي نشوفو كيفاه يعاملني نقول الحمد لله بالاك هكذا خير

[@Guts-berserk.2]

ايه مسكينه شفتها ربي معاها وناس الله يهديهم

[@معزتيسرسعادتي]

يرحم ولدين ولديكم 😢 شكون لي جاه #رمضان_🌙 سامط 🤢 بلى صلاة #التراويح❤ ف #المسجد 🕌

[@kenanekenane2567]

Moi aussi

[@habiraabdssamed411]

انا

[@salaheddinesidali3659]

تبرا ان شاء الله...الله يهديك من وقتاش كانت السنة تسمط الفرض

[@salaheddinesidali3659]

صلي الفرائض في وقتها افضل الف مرة من صلاة التراويح

[@معزتيسرسعادتي]

@@salaheddinesidali3659 مانقدرش نجادلك بيسك انت مكعب 🐸 كي تفهم كلامي واش نقصد 😌 نحكي معاك سلام 👏😉

[@Zouzouworld]

والله انا منطبيعنا انديرو شرط ذهب كي نخرج من دارنا كي جات خرجة كدبت وقلت جابلي الشرط وروحت عروسة عند راجلي والحمد.الله كسبت احن وارق انسان يحبني بجنون وعشرتنا ومدة زواجنا راهي في ١٩سنة وربي يخليه لنا ان شاء الله

[@moonthalia8735]

Allah ibaki ster nchalah tohti fi wlid lahla

[@hassona_official4563]

أنا في عمري 33 سنة أعمل طبيب نفساني وإجتماعي ونحوس على بنت الحلال ربي يرزقني الزوجة الصالحة يارب

[@abdellikaderabdl8377]

قال رسول الله صلى الله عليه وسلم. اقلهم مهرا أكثرهم بركة

[@monjigouassem9660]

اخي علي ما اضن هذا الحديث ليس بصحيح والله اعلم

[@monjigouassem9660]

اخي علي ما اضن هذا الحديث ليس بصحيح والله اعلم

[@monjigouassem9660]

اخي علي ما اضن هذا الحديث ليس بصحيح والله اعلم

[@yousradahmani4730]

والله خطيبي زوالي و عمري لاقتلو جيب و جيب و لا شريلي فوق طاقتو ...نهار يطيح هو نحيها مني و نعطيلو و تكون بقاتلي مصيرفة اللخرة نقسموها دورو دورو و مام هو مخلانيش و عمرو لا عز فيا حاجة ....دعولي ربي يفتح علينا الابواب و الله رانا في وقت عصيب

[@ameurabdelwahab3918]

ربي يفتح عليكم ان شاء الله

[@ninamina5413]

A1aa

[@houdarania4610]

ربي يكملكم يا رب

[@عروسةالغرب]

ربي يفرحك حنونة

[@withTou8288]

ربي يرزقكم و يفتح عليكم ويجمعكم في القريب العاجل

[@najot4193]

انا اليوم كملت عام معا راجلي والله مازال مادارلي ذهب ودارنا والله ماعلابالهم بصح راجلي غالي على الذهب ربي يخليه ليا السعادة لاتقدر بثمن

[@أحلامأحلام-ر1ر]

نتي مرأة فاحلة ربي يكتر من أمثالك

[@moulayatamine8474]

يرحم الكرش لي جابتك والأب لي رباك......كلامك بكاني كي قلتي راجلي اغلى من كلشي

[@rahmonsahraoui9544]

@@anouartaruk6492 يخي جيعاان يخي

[@maryamhd9808]

روحي يا اختي من قلبي ربي يرزقكم بفرحة ورا فرحة وبذرية صالحة ...

[@karimhatem3452]

منيش عارف علش والديكم لولدوكم.وهما فقراء متقلولهمش على الذهب تعيشو عادي كجو تزوجو.يبانلكم ذهب....فعلا نساءوالله متساهلو زواج كامل

[@دروسويومياتاستاذةفيزياء]

والله العضيم تزوجت ومهري كان خاتم تاع 37000 دج وفقط والحمد لله رانا هنيين وعندنا درك 3 اطفال والحمد لله ادعونا والهنا والصحة نصيحتي للبنات والشباب هي سهلو لانفسكم يباركلكم ربي الذهب والدراهم عبارة على زيادة في عقد القران الصح هو انكي تجدين ابن الحلال الي يهنيك وبعاملك معاملة حسنة ربي يهنيينة اجمعين ان شاء الله

[@IkramIkram-sv5ly]

حمد الله ياربي بصح ذهب مشي كلشي والله انا بعت ذهبي لراجلي على جال سكنتي بعته ڨاع كي ديته لبجوتري جبلي 75 مليون ونورمال بعته نضحك ودروك راه يردلي فيه واللحمد الله الصحة والسعادا ودرية صالحة هي كلشي

[@rouzarouza3539]

انا تاني عندي عام من بعت ذهبي على جال نشري طرف ارض نضمن سكنتي وندير مستقبلي ونتهنى راني لزوج اولاد مع العائلة والضيق البيت لنسكن فيها ما نقدرش نتنفس براحتي عندي سبع سنين زواج كي بعت ذهبي شبعت فرحة وعاونت راجلي وهدي هي الدنيا نهار كحل ونهار ابيض

[@notorosss1239]

ذهبي راجلي سكنتي تسما هو ما يسأل والو مسكين الله يهديك

[@aminaamouna8115]

لي يعرف قيمة مراء لي توقف معاه

[@wassimtam748]

انت على الاقل لقيتي واش تبيعي انا والو مي الحمد لله ان شاء ربي افرج عليا برك بدار

[@mimotimo9372]

محجبة ولا متبرجة لرباوها والديها متقبلش تبان في شاشات العهر ما فائدة عذرية الجسد اذا كان الفكر عاهرا

[@mimiyatimimiya3372]

بسم الله الرحمان الرحيم انا أعطيناك الكوثر (1) فصل لربك وانحر (2) ان شانئك هو الأبتر (3). صدق الله العظيم.

[@منيرحراز]

صدق الله العظيم

[@houdanina9823]

والله لي تكون قنوعة ربي يرزقها انا لي خطبني فلول قالي نمدلك 20 مليون منهم كلش انا قبلت و خرجت معاها مرا و فتح عليه ربي و الحاجة لي جامي تمنيتها دارهالي دهب شرالي قيس 40 مليون و دارلي فيونساي بطبع و دائما يتفكر و يقولي انت رضيتي بلقليل و ربي فتحها علي على وجهك البنيان و بنا ماشاء الله ادعولنا ربي يسهلنا و نتزوجو في اقرب وقت

[@goldstarhind123]

ربي يسهللكم في زواجكم و يجمع بيناتكم في اقرب وقت

[@laroseblanche5632]

ععطاك 20 وهدا معندوش هههههههه

[@oumadam443]

ضحكتيني ادا اعطالك عشرين مليون و تقولي برك والناس الي عندهم شحال يمدو؟؟؟؟؟

[@laroseblanche5632]

@@oumadam443 انا تان حرت ههههههه

[@manseurfaiza3809]

Yasa3datak ana tzawadjat bih bla walou talbna ghir lahana wallah malkitha kayan liykar balkhir eu kayan liyahsbha waldik babou yathanw manak rabi ihanik kheti la3ziza

[@oscarwild7233]

محمد بن قاسمية كان رجل في زمن صعب و مازال. كنت صغير يقولي بابا أرواح تتفرج هدا جزايري. دك كبرت و منعرف لاه نحسه واحد من دارنا قسما بالله.

[@algerianbibalight0987]

صح في وقت الإرهاب كنا نعرفو خوه كان يدور فبوفاريك

[@oscarwild7233]

@@algerianbibalight0987 ربي يحفظهم. ربي يقدركم بالمناسبة فبوفاريك و ربي يرفع البلاء على الامة كلها.

[@zazadjalal09]

بسكري ولد بلادي😍

[@miramirou778]

انا والله عجوزتي لي خيرتهولي و ماكلفتهمش و زواولة عاللخر والله جابولي خاتم ربي يبارك و قش ماشاء الله و خرجتني خيرت القش والله لا بغيت نكلفهم و تزوجت و الحمد لله راني مهنية و عايشة كي الاميرة مايستخسرو فيا والو ربي يحفظهم الرسمي ماهوش فالذهب و الدراهم الرسمي راه فالهنا و القدر

[@mohdjeddai1189]

طماعات

[@karimmalik5131]

ربي يرزقني بنت الفاميلة والصالحة والحمد لله أدعولي يارب هدا شهر رمضان

[@amiraadem875]

ربي يرزقك بنت لحلال ان شاء الله

[@nourfeddaoui4093]

💙

[@rimadadi3724]

ربي يرزقك بنت حلال

[@haegerheager8358]

خويا ربي يرزقك بزوجة صالحة وطاهرة وعفيفة بأذن الله تعالى

[@قمرالزمان-ح5ض9ت]

يارب يرزقك ويرزقنا

[@endrelation2279]

مافيش احلى من القناعه وربي هو اللي يرزق ويعوض الله يحفظ لي زوجتي ويرزقني بالذرية الصالحة 🇾🇪🇩🇿

[@مينانور-ي1ع]

انا ديته قليل وماخاصني والو معاه بصح امه انانية ربي وكيلها كرهت حياتي معاها وراجلي ماعندوش باه يكري ادعوا لي ربي يفرج عليا الدعاء أمانة

[@assiabn651]

اصبر اختي انا تاني جوزت هد الشيء ودرك فرج رب ادعي وقولي لرب راني خلاها عندك انت لتحلها والله راح يفرج عليك

[@lila1743]

أقراي سورة البقرة يوميا و أكثري من الإستغفار ربي إحلها عليك منين مكنتيش تسناي فيها

[@rachidaa7277]

حاولي تكسبيها او ربي ايفرج ان شاء الله

[@مينانور-ي1ع]

@@rachidaa7277 والله العظيم حاولت الله غالب بغات تنحيلي بنتي عندها شهرين والله ماقدرت نزيد نصبر ربي وكيلها صح فطورك

[@omaramine8016]

الصبر مفتاح الفرج الاخت

[@sahraouifoudil3442]

تزوجت في 2015 نهار فيونصاي ماعنديس واش نشريلها شريتلها فالزا درتلها فيها ثلاث ملاين و بلعتها سترتني و قالتش لماليها و لا ماليا و سمانة بعثتلي باطة مغلفة فيها ثمنة ميات الف و الحمد للله فتح ربي عندنا ولاد و دار و طونوبيل يا لبنات ماكانش كيما الهنا

[@Rabah_blv97]

الفقر مش عيب الفقر علمنا نخرجو رجالة 💪 نجيبو الخبزة منين تكون

[@nouhanouha2279]

ناس زمان قالوا《الهناء يغلب الغناء》الله غالب هكذا تقدرت ••《 القناعة كنز لا يفنى》نقطة•• و الحديث قياس •• الله يحسن عون الجميع ••

[@ديماناشط-ث8ر]

ناس جزائر الله يعمرها والله ناوي باغي نمشي ليها ولكن الله غالب 😭 خوكم مروكي كنحبكم كتر من راسي 💝⁦🇲🇦⁩💚🌹

[@user-zj3vn8nq7c]

مرحبا خويا رواح في بلادك الثانية الجزائر المغرب خاوة خاوة

[@يوسفابنيعقوب]

مرحبا بيك خويا في الجزاءر غادي تلقى غير الخير انشاء الله

[@Nana-pt8kj]

مرحبا بيك خويا تفوت كورونا وطريق الوحدة كاينة عندنا مغاربة بزاف فالغرب خدامين

[@user-zj3vn8nq7c]

@@Nana-pt8kj مين نتيا

[@Nana-pt8kj]

@@user-zj3vn8nq7c تلمسان

[@ammar42haytham10]

اناوتزوجت ب5ملاين برك والحمد لله قانعة وعايشة لاباس بيا

[@ninatamazight3831]

Ammar42 Haytham ....ههههههه انا تزوجت بمليون او ما عطوهوليش ههههه لكن الحمدلله راني عشرين سنة زواج ..ههههههه كل خطرة نفكرو في المليون هههههه

[@عَاشِقَةْاَلْرُوحْآلطَّيَ-ق7د]

ربي يدوم عشرتكم

[@kaismolotova3320]

انا تاني و الله جابولي 10 ملاين بابا شد 4 ورجع لهم 6 حاروا و واد احترام زوجي و اهلو لبابا و بعد تزوجت حطوني قاع فوق راسهم مرا و راجل و زوجي ليومنا انا ام 4 اطفال زوجي ما نساش كيفاه الدراهم جاونا و حكمنا منهم حاجة قليلةو الله عايشة راحة كبيرة الف حمد و شكر و مستواي المعيشي اقل من مستوى زوجي لكن الحمد لله

[@عَاشِقَةْاَلْرُوحْآلطَّيَ-ق7د]

@@kaismolotova3320 زعما قصذك نتي فقيرة هاك

[@kzura8201]

@@kaismolotova3320 Macha allh lqan3a hya sah ntiii hasa kabillll wlh a3lem 😘

[@SIHAMSIHAM-uk7ib]

انا عاونتوا في كل شيء في المهر والذهب دارلي غير خاتم كان زوالي وقلت معليش المهم لهنا.وتزوجت وزدت وقفت معاه حتى وقف على رجليه ..وكي حكم الخدمة ...واش دار طيشني انا وليدو قالي متخرجيش عليا وطلقت بعد ما مرمدني ولحد الان النفقة مينفقش على ولدو ..وربيت ولدي والحمد لله مش دايما امرأة تكون طامعة ..في بعض الرجالة ناكرين الخير والله والله منسمحلو ماحييت هو عاود تزوج وابنو والله ليحوس عليه .....حسبي الله ونعم الوكيل...

[@amindidi5939]

ياحفيض ربي وكيلو

[@zianebadi9713]

الله لا يسامحوا...... انا مطلق وعندي بنت ممكن نديرو راي مع بعض

[@yahyadz3276]

زوالي صعيب مين يتحلب يولي فرعون

[@SIHAMSIHAM-uk7ib]

@@amindidi5939 الحمد لله يخلف ربي على شجرة وميخلفش على قصاصها ..الحمد لله

[@SIHAMSIHAM-uk7ib]

@@yahyadz3276 صح الله صعيبه بزاف بصح حتى التربية تلعب دور كاينين زوالية ودارو دار وفرج ربي عليهم بصح منساوش خير نساهم لوقفوا معاهم وكاينين ناكرين للخير بصح ربي يتولاهم

[@salmaabadlia2235]

انا تبسية ونحب واجد قبايلي وهو ثاني يحبني هو بالنسبة ليا هو الذهب الالماس وكامل مجوهرات لي راهي في الدنيا مانحتاجش لاذهب ولا فضة من غيره ادعولي تقبل يماه بيا ونتهنى معاه ولو تحت القصدير

[@الموريتاني-ع2ي]

ربي يسهلكم إن شاء الله 🙏 ❤️

[@nadjoua5961]

ربي يشهلك ختي وربي يجمعكم في الحلال ومرحبا بك في وسطنا حنا لقبايل حتى انا قبايلية من بجاية وخطيبي عنابي وعرسنا قريب إن شاء الله ولعقوبة ليك

[@salmaabadlia2235]

@@nadjoua5961 ربي يحفظك اختي وربي يسهلك

[@marramangel7880]

ان شاء الله وياماه اعلاه ماتقبلش نورمال

[@marramangel7880]

مرحبا بيك عندنا القبايل

[@letsbebetter6962]

لي تكره الذهب كيفي تخبط جام 😂😂 نعيفو معلبايش علاش لدرجة معنديش حتى منقوشة نكرهو تحياا الفضة 😍😍

[@zeezee105]

Mem ana jdrr lfda 😍

[@hadjersarah243]

رانا كيف كيف

[@lim6215]

والله ضحكت بنتي في عمرها 20 تقولي مانشرش الدهب تموت عل الفضة صدقني تسمي الدهب پوصفايرههههههه

[@dimac2740]

هاتونا بناتكم وحدة شابة عاقلة راني معول نخطب

[@asminnie1448]

La classe n'est pas donner à tout le monde

[@omarbouharaoua5344]

عندي زوجة اغلى من الذهب والله ... ربي يحفظهالي

[@hadjzizi8036]

الله يبارك و ربي يخليكم لبعضاكم ...ممكن نعرف كيفاش راهي معاك 😊!؟

[@ضوءالمعرفة-ش4ظ]

امين

[@raniaguessoum7647]

ربي يحفظكم

[@nawelhadj398]

لي يفوت منا الله يعطيه مايتمنى يدعيلي يفتح ربي عليا بالزوج صالح عاجلا رمضان كريم

[@rachidaa7277]

ان شاء الله !

[@AliAli-lt3ec]

الله يرزقك بولد الحلال ليتهلا فيك إنشاء الله🤲وأنا كمان الله يرزقني بزوجة صالحة ليتفرحني وتسعدني وتكون شابة لتغض بصري أمين يا رب العالمين 🤲

[@oumhamidaicha9874]

انا والله ماعطاني المهر وللا خاتم كان فري ماعندوش وكي تزوجنا الحمد لله بلعقل بلعقل بدا يشريلي فالقفاطن والحوايج ودوك رانا نسقمو في دارنا غير بالعقل وعندنا زوج دراري عائشة وحميد والحمد لله عوضني وحنين معايا ربي يحفظولي ويدومها محبة بيناتنا 💋

[@souadsegres6223]

أنا بعت سيغتي على جال البناء ويقدر يردهولي ولكن نحس بيه يستكثر فيا الزيادة يحب نفسو. وبرك

[@shoruk6315]

أختي ضروري يعطيك المهر ولو شيء بسيط حسب استطاعته لأنه أمر من رب العالمين المهر مايدخلش مع الهدايا الأخرى ويبقى على خدمة الزوج حتى يقدمه لزوجته وبالتالي ضروروي زوجك يعطيك المهر اديالك

[@محمدبنسعادة-ع3ح]

اقلهن مهرا اكثرهن بركة ابحتي عن مهر فاطمه ريحانة رسول الله صلى الله عليه زوجة علي رضي اللّه عنه

[@محمدبنسعادة-ع3ح]

@@rimadadi3724 أسأل الله أن تقر عينك في درية صالحة تشهد أن لا إله إلا الله وأن محمدا رسول الله وتأمر بالمعروف وتنهى عن المنكر وتنسيك هم الدنيا وتأخد بيدك إلى الجنة

[@mimitala7708]

انا شرطت على راجلي غي خاتم و الحمد لله راني عايشة معاه الحمد لله ومرة مرة على مرة نزيد حاجة نص بدراهمي والنص بدراهمه ربي يخليه لي

[@kadarkadiro1292]

انا الحمد لله راجلي زوالي ومعندوش بصح البركة في القليل يضل يخدم غير باش يرضيني و معيشني كي السلطانة والله ربي يحفظهولي ويرزقني الذرية معاه ياااارب

[@mohamedlaminehafsi3031]

طز ياو فاقو

[@houdarania4610]

ربي ايهنيكم و يرزقك يا رب

[@kadarkadiro1292]

امييين يارب

[@rosadje6367]

امين يارب ربي يرزقك ويرزقني ويخليلنا رجالنا ويفرحنا بيهم

[@kadarkadiro1292]

@@rosadje6367 امين يارب

[@lamisjed8313]

جامي طلبت منو ذهب كنا عايشين وحمد لله مات وحنا راضين على بعظنا ربي يرحمو ويجعل مثواه الجنة

[@marwanboucherim902]

ربي صبرك اعليه

[@sosososo-lw8ij]

ربي يرحمو ويخفر له

[@covid1195]

الله يرحمه ويجعل مثواه الفردوس

[@amazeunofcatnoir6008]

امين ويصبرك

[@mahmoudzerrouki4274]

0549323435 لي تخصك مرحبا بيك اختي

[@oussamadz1746]

والله تحير ناس كيفاش تخمم انا حبيت نتزوج و خفت عمري 26 سنة كرهت حياتي عايش وحدي نطلب ربي يرزقنا الحلال و بنت الحلال تبدلت الدنيا و مابقاتش النية 💔🥺

[@asmabelaid3037]

اا وي كلشي تبدل

[@oussamadz1746]

@@asmabelaid3037 💔💔💔 تحرقنا على صغرنا كرهنا معيشتنا 🔥

[@bahabahabaha5951]

كاين بنات فاميلية راك غالط

[@bahabahabaha5951]

ربي يرزقك بنت لحلال مزال كاين بنات لحلال

[@samisaoudi7439]

لحمد لله عطاني وحدة قانعة ومتربية ومتخلقة لحمد لله ياربي هاذي ليك ويجي نهار نفكرك بيها يارب.

[@dzsifo9492]

زواج فالجزائر صعيب بزاف باش تبني دار وتشري دهب وتعمر دارك و دراهم العرس تطيح صحتك ونت مزال موصلتش ربي يكون في عون الزوالية

[@coucounora1025]

ادي وحدة قباؤلية ما يشرطو فيك والو و زيد بزيادة ما كانش العرس في زمن كورونا دير شويا تاع الفال بين العائلتين و خلاص

[@aminaamina2719]

ياربي تجى بنت فامليا

[@hilal1040]

ماشي غير الجزائر أ حنيني. حتى حنا نفس المشكل.

[@tunisparis5630]

انا اختكم من تونس .تحيه اليكم ورمضانكم مبروك 🇫🇷.🇹🇳🇩🇿 هلبنات عنا منهم بزاف في تونس هههه ربي يهدي

[@haitembelmahdi7423]

😂

[@kamelomara2701]

تحية ليك ختي من الجزائر صح فطورك

[@elamirelamir6719]

وحين تكون السعلة مغشوشة فماذا نفعل. بها شد سلعتك اودي

[@rbboudj1142]

مساء النور و صلح فطورك

[@omarsalem7749]

0561553199

[@يوسفالسعيد-ن4ن]

حمد الله ربي لرزقني زوجة نعمة الاخلاق والجمال بفضلها راني عايش خير من وقت عوزبية ورزقنا بزوز بنات الله يبارك لك الحمد والشكر يارب

[@ranarana7953]

نهار لي شرالي لخاتم والله غير شريت تاع مليون و400 مزالها جديده لليوم ملبستهاش من نهار لحنه وشرالي وحده فضه ديباني بيها وزاوجه قاعده سفونير برك ذهب مهوش خلعه المهم تديه راجل ويكون فظهرك هذا هو مع لعلم تزوجت 17سنه وليوم عمري 22 وهو 28 وربي يرزقنا ذريه صالحه

[@MohamedMohamed-kd1pt]

35 سنة في عمري ادعولي نصيب امرأة بنت فاملية ندير معاها دار

[@sidahmedsahbatou9201]

ههههه راك طايب ا رباني ...راه نايضلك ظفر في الواسمه نتاعك ههههه

[@سوقالسيارات-ط3ش]

@@sidahmedsahbatou9201 ايذا عندك لعط ودار اعطيلو باش يتزوج كاين لي ميحبش،يتزوج كاين لي يخلص 3 ملاين للشهر ومعندوش دار فلعلم باش يخبي 30 مليون هاذي ايذا مصرف والو 10 سنين باش يخبي 300 مليون دوك 300 مليون يشري بيها دار يتزوج بيها

[@ferrochal2734]

سلام

[@سوقالسيارات-ط3ش]

@@ferrochal2734 سلام

[@sidahmedsahbatou9201]

@Nada Nada علاش القلوة شر ؟

[@AsmaMalakAmir]

انا خطبني واحد معاه فحلة بصح امنوني بربي يعاملني وحد معاملة نتاع ذل ديما يحب يبيني بلي أنا منسوئ والو منعرف والو منعرف نهدر منعرف نتصرف وهو داير قيمة كبيييييييييرة لروحو كي نزعفو نبات ليل كامل نعيطلو ميرجعليش ميحوسش عليا ماشي كامل مقيمني ونظل نقولو راك تهين فيا راني نحس بلي معنديش قيمة معاك ديما نسمح من حقي ونعاود نولي انا لي نحوس بعتلو ميساج صحا رمظانك مرجعليش وكي يزعف يزعف شهر وتقدرو تيمجينيو هداك شهر وكان نبقئ نعيط ليل مع نهار ميحنش قلبو عليا. علاه رجال كي يطيحو في بنت تحبهم. وبنت فاميلة توقف معاهم علاه يذلوها علاااااه. لي عندو نصحية سواء مراة ولا راجل يخليهالي هنا وصحا رمضانكم وصحا فطوركم . مراة ادا ملاقاتش خطيبها ولا راجلها يحن عليها شكون راح يحن عليها 😔😔😔😔😔😔😔😔😔😔😔😔💔

[@dz3668]

Asma Malak ya khti ghir khtik mano hada mazal madakch hagda

[@florence209]

Nti ftahtilo l'3ine armi 3lik

[@youcefislam7873]

يا اختي انقذي نفسك منه . راوه خاطبك برك مسلكتيش معاه .فما بالك كي تولي معاه في دار واحدة .راجعي مليح نفسك واتخذي قرار . حاولي تحبي نفسك قبل اي واحد و الحياة يا اختي ماتتوقفش عند راجل .

[@fatiben7736]

صحا فطورك وربي يهنيك ان شاء الله مي ختي انت سيي واش نقلك خطرا ورجعيلي بالخبر شدي يديك وقطعي عليه تعياط وملساجات وقاع الا عيطلك خليه يعيط متريبونديش قلعيلو قلبو الا كان عندو قلب وعيط بلاك يتبدل والا معيطتش ومحوسش عليك انا نقلك خمي مليح وربي معاك إن شاء الله مهم متقوليلو والو

[@katiaadel9160]

لازم تبدلي العقليه معاه و ما تقيميهش. و ما تعيشي لهش ما تحوسي عليه. و بروفيتي فيه لأقصى درجة. و كتهدروا على حاجة لازم تشدي في كلمتك حتى. و لو كنت غالطه شدي في كلمتك و ما تطلبيش منه سماح كيغلط في حقك. لازم تكوني قوية. لان راجل كتسعفيه و تعاونيه يذلك. شرطي و زيدي خاصة اذا كان خدام و لابأس به

[@Jout-31Abdelillah]

كنت مقاول اوقفت الخطيبة من الخدمة في السفارة (سويسرية والامريكية)براتب17000درهم مغربي في الشهر اخوتي دارت الايام تعرضت للنصب او راح كل ماعندي وصارحتها بما وقع وقدمت لها خاتم من دهب ب1000درهم والمهر تفاحة ودرهم واحد رمزي والله تم والله لنحن نعيش كالملوك ورزقت منها بولد وبنت والحمدلله الماديات لا تؤتر ان كانت البنت دات أصول وعاهدت نفسي ان رزقني ربي ساهديها فوق كل ما تتوقع والله على ما اقول شهيد

[@شربونتميطليك]

حمدلله خاوتي ربي رزقني بنت الحلال قالتلي مهم نكون معاك مام ولديها قالولي حاجة لي تقدر عليها وفي غرضك حمدالله ادعولنا ربي يكملنا فحلال 😍

[@yasmineagrane8557]

كون فالثقة ديالهم برك و ما تديرهاش بيها و ما تخليهاش يخيب املها فيك

[@insafamina7642]

الله يجمعكم فالحلال ويسرلك

[@abdeldjabarouakouak9008]

انا زوالي وخادم ولحمدلله . من وادي سوف مزلت نحوس علي بنت لحلال مثلي مزلتش ملقتش دعولي ياخوتي ربي يفتح الباب ونلقا بنت لحلال

[@اسماعيلحمي-ق6ج]

ربي يرزقك عن قريب واش تتمنى

[@chahrachahrazed4500]

ربي يرزقك الزوجة صالحة يارب

[@هاجربدراني]

رني هنا

[@amedboum4830]

@@هاجربدراني مين انتي

[@عبدالعليم05]

@@هاجربدراني لي يزوج مايزوج من الانترنيت

[@HuaweiHuawei-yk4dv]

ي خوتي انا وين جيت نبدا حياتي تلاقيت باعمال الشعوذة تعطيل علي العمل بالرغم وجدت مشروعي وخسرت دراهم ورن نشوف روحي غ مريض وواحد لبنت نحبها بصدق دعولي برك ربي يجمعنا هد مرني متمني

[@kamel_info]

بن قاسمية وليد فاميليا الله يبارك 👍

[@فيديوهاتمتنوعة1-ج1د]

*مافهمت والو مافهمتش شكون لي دارولو كاميرا كاشي جيت نقرعج في تعليقات باش كاشما نفهم*

[@meriem579]

هههه كيفك 🥴🥴🥴🤣

[@كمالكمال-ل4ي]

رني كما نتا مزال.مفهمتش

[@naturalmess3660]

هههه ڨاع مفهمناش دوخونا

[@karimlaki6107]

*تحيا* *الجزائر* 😂😂😂😂😂😂

[@اسلاماسلام-خ9ك1د]

السايغ واللاعب والبنت وخطيبها والشعب الجزائري والامة الاسلامية و ترامب وشعب قارة اسيا والشعب التونسي الشقيق وميركل......كامل راهم عارفين بلي كاميرة كاشي .......بصح ماعليش مهم يديرو حاجة يفوتو بيها الوقت في رمضان.....شكرا على تفهمكم

[@rebewlf5298]

عبارة ارتحت لها كثيرا وهي ما يزاوجو حتى يشابهوا، جامي خربت في بنات ناس وان شاء الله تكون حلالي عفيفة

[@Houssem_01]

Wlh meme ana nchalah khouya

[@rebewlf5298]

@@Houssem_01 اجماعين يا رب

[@karimtarchoun3344]

Bravo

[@انبعدالعسريسرا-س6ش]

بصح نقولك اخي ماتعتمدش على هذ المقولة بزاف انا ربي شاهد في حياتي ماعرفت واحد وكنت ننصح لبنات ونقولهم علاه تخمجو رواحكم واللي كتبهولك ربي يجيك للباب يطبطب وفي الاخير كان زهرهم خير من زهري وتزوجتو وش نقولك يقولي زنيت غير مع الزينات ونص حياتو زنى واحد يدعي ربي فقط

[@rebewlf5298]

@@انبعدالعسريسرا-س6ش يقلك دينه ثم خلقه بصح كي جاك خطبك ما سقسيتوش عليه

[@Saidsaid-et4sk]

صلاة الاستخارة ثم اعلمو ان المسلم امره كله خير وقد يبتلى فاصبروا

[@abdoonews3009]

لي مداش خطيبتو معاه للبيجوتري تشري وتتشرط عليه يجي يساميني 😍 . ياو مرتي لي نشريها تعجبها لابغا نحاس 😉

[@Sabrin483]

انا عندي 10سنين زواج وجامي رحت مع زوجي وجامي شريت حاجة بغيتها لي يجيبهالي صغيرة ولا كبيرة نفرح بيها ربي يخليهولي وربي يطول في عمرو

[@امادام-غ1د]

انا يوم بغيت نتزوج وقال ليا تمشي معيا نشري ليك لخاتم قولت لو لا انا كونت صغيرة بعمر 16 عام وماما تقولي ما تمشيش وحتا تزوج وهوا باقي عندي نفس الخاتم لحتا خدمت وشريت زوج دبالج وسنسلا رقيقا وهوا

[@aminaayache6590]

أقسم بالله العظيم 3 تزوجت بلاذهب بلا شرط الحمد لله ربي فتح علينا راجلي كان فقير راه الله يبارك بخيرو قلشني ربي يحفظو لوليداتو

[@kimisonkim7810]

و قيو تعرفها

[@abdoonews3009]

@@Sabrin483 ربي يحفضكم لبعضاكم و يطول العشرة

[@blidamca1350]

والله غير يمات عرسي وزوجي معندوش تفهمنا وشرالي بلاكيور يعني مش ذهب وبقا سر بيني وبينه والحمد الله تزوجنا بصخ الكارته كتزوجت جبت معيا ذهب بابا سرقهولي قاع لوسي ربي يهديه صح فالهناء

[@أسدالبراريليثالاسلام]

ma fahamt babak srag dahab wala zawjak srag

[@liti_tou1698]

@@أسدالبراريليثالاسلام جابت معاها دهب من دار باباها سرقهولها خو راجلها كامل الله يعوض عليها

[@hantk4001]

@@أسدالبراريليثالاسلام لوسها راها تقول قرأ مليح يعني اخ زوجها

[@diiidaaa255]

رب يهنيك ويخلف عليك اختي

[@diamentnoire4222]

تزوجت فالكورونا لا عرس ولاذهب لاوالو 5ملايين وفاتحة وبس ورانا عايشين عيشة الملوك ربي يخليهولي ويحفظه ان شاء الله

[@harenharen1264]

روووعة دك ليام لفايدة فتالية فلخير

[@لينةلينو-ق7ض]

تخطبت و المهر تاعي مصحف و لهنا الحمدلله ربي يكملي ويفرح كل واحد على باب تاع زواج

[@حمد-ظ1ف]

الله يسعدك

[@hakimdjelil5537]

فاقو

[@karimhatem3452]

هههه خليوكم من تنفيق..علش مزالو كاين نسا بكري...قاتلو مصحف...هههههه

[@kimstrasbourg7338]

ربي اهنيك ..انايا راهي غير تسقسي فيا. واش تخدم..راهي حابة دبلوماسي..انا نغسل الطباسة و المواعين. بصح نصور اربعين مليون في الشهر. حشمت ههههه

[@bilal4344]

حتا انا كي رحت نخطب قدرولوي الضروف مدوهالي باطل وزادوني معاها ثلاجة بونيس

[@karimalalgeroise9340]

تزوجت مع رجل بابا الله يرحمه شرط الهناء دخلت عروسة بخاتم و زويجة مناقشة فقط عشت معاه25ستة جبت 3ولاد ربي جعللي البركة في داري الله يرحمه ويسكنه فسيح جناته توفي منذ عامين خلاني مستورة انا واولادي في دار ماشاءالله ومحلين نسترزق منهما علما انني كنا في دار كراء عندما تزوجنا النساء اقلهن مهرا اكثرهن بركة قالها سيد الخاق سيدنا محمد رسول الله صلى الله عليه وسلم

[@مجهولهوية-ف9ه]

إن شاء الله يكبر محبة بيناتكم

[@princess.louisalouisa909]

عزة النفس والكرامة👌 هاذ الزوج صوالح الا مصبتهمش في الطفلة ماتديهاااش...🤷‍♀️

[@miralista4223]

الزوالي سيد الرجال يخدم بجهدو وتعبو وعرق جبينو وعمرو ماكان الفقر عيب 😉😉

[@bentakyadzair2824]

متحبووش وحدة قنوعة وفحلة مكلاه نغطو الشمس بلغربال👍👍 كي الزوالي كي لي لباس بيه كامل كفكيف 👌

[@miralista4223]

@@bentakyadzair2824 ماقلناش ختي مي الفقر جامي كان عيب والزوالي سيد الرجال

[@bentakyadzair2824]

@@miralista4223 ماشي عيب رانا كامل زوالية وعمري ماحقرت واحد زوالي بلعكس يغيضوني وبزاااف بصح على حساب تجربتي تبانلي لي تحن على شي رجااال جايحة وغبية بسك يقابلوك بالجحد والنكران

[@miralista4223]

@@bentakyadzair2824 في هادي صح مي ماهمش كامل كيف كيف كاين ولد الفاميليا وكاين النكار 😉 كل واحد بعقليتو

[@bentakyadzair2824]

@@miralista4223 حسبتك طفل 😁😁😂😂😂😂 هههه المهم صاحافطورك 🌸

[@moussalouassa6938]

اللهم ارزقنا الزوجة الصالحة والقنوعة بما كتب الله لنا🤲

[@mounir236]

من كثرة ما تأثرت من فيديو خرجت برا لقيت سرب نمل 🐜 رفدت اخر وحدة وخليتها اول وحدة مسكينة فرحت بزاااااف لله يقدرني على فعل الخير 🐸😪

[@EshraqafromOman]

🤗

[@rachahana1791]

😂😂😂😂😂

[@سوزارينبيبو]

هههههه ربي يعطيك لهنا

[@mmm-fh5sn]

ههههههه

[@jbvdsyjfxhjicx134]

هههههههه

[@elhayatoforssa]

المرأة في اصلها وحقيقتها تبحث عن ماهي محتاجاته حقيقة في الراجل وهو الاحتواء من خلال الحنان والاحترام والثقة المتبادلة لكن لما تشعر المراة بالخوف وتفقد الثقة ولا تجد ما تحتاجه ترجع تخاف من غدره وتحصن نفسها منه من خلال الذهب والمال .وهذا ما لاحظته من خلال ما اجده في قناتي من مشاكل الاخوات.

[@mounir7664]

علاه ذهب والمال تحصين ؟؟ بفففف

[@cheboutabdallah8617]

ربي يهديك صحبي عجباتك وتهدر فيها راك غالط ١٠٠٠٠٠%

[@elamirelamir6719]

التحصين يكون بالقرآن والثقة في الله وليس بالمال ولهذا السبب كثرت العنوسة وارتد شبابنا على الزواج كلهن او جلهن بلا تعميم فأنا احاكي الواقع يطلبن مهرا حوالي 15 ويصل الى 40 في بعض المناطق مع توفير الذهب هذه المادة التي اعمت قلوب النساء في حين ان حبيبنا قد قدر المهر وهو ما يقارب نواة التمر وأشار ان اقلهم مهرا أكثرهم بركة ولا داعي للفضفضة فأنا اعلم ان تعليقي هذا لن ينال اعجابك سيدتي الجزائرية. وشكرا #شكوبيستاني

[@elamirelamir6719]

@@mounir7664 هاك تشوف رأوس البقري أكرمك الله ناس تتحصن بذكر ربي وهوما يتحصنو بالحديد والقصير والكوغط بففففف

[@zuriaf4172]

صح والله و الخدمة و بزاف حوايح و المجتمع اصلا يخوف المرأة بزاف 😔

[@حنينمريم-ذ6خ]

ربي يرزقني الزوج الصالح فهاذ لعواشير

[@kghamzadz4964]

نشالله ربي يرزقك بواحد يكون طيب و خلوق

[@hamzabatna5362]

منين

[@zebboudjyakoub3284]

امين يارب العالمين ممكن كلمة من فضلك

[@lhajhaji124]

تقبلي زوجة ثانية نتوكل على الله من الآن

[@sidahmed7344]

Amiiiin jma3in

[@nedjadibekkey3034]

انا يا اخوتي الكرام والدي رحمه الله فعل نفس الشئ سنة 1999 يوم فاتحتي اخد مليون فقط ورجع تسعة ملايين بعد ان اجبره الحاضرونعلى اخذه فقد أراد اخذ 5000 دينار فقط.. وقالهم أنا رايح نزوج بنتي ماشي نبيعها ..و نهاني ان أخذها من العربس ولم أخذها رغم الحاحه.....للاشارة والدي كان يفعلها مع كل اخواتي ولكن انا الوحيدة التي قدم لها صداق كبير 10 ملايين فرفضه والدي والان الحمد لله نعيش هنييين مع انسان راجل باتم معنى الكلمة يخاف الله و يحب الخير.... ورزقنا الله من رزقه مال واولاد الحمد لله.... الاشارة نحن من الغرب الجزائري من سيدي بلعباس ....يعني كل الجزائر وكل المسلمين فيهم الخصال الحميدة الحمد لله... رمضان كريم اختكم من الغرب....رجاء تترحموا على والدي العزيز في هذه الايام المباركة...شكرا..

[@samirfarid3875]

ربي يرحمو

[@الاوراقالمتساقطة-ب4ت]

اللهم اغفر له وارحمه برحمتك الواسعة واجعل الفردوس داره. آمين

[@عائلتيسرسعادتي-ت8د]

بنت بلادي ربي يهنيك

[@solaymanben8307]

أخوتي تعاونوا مع بعضكم البعض تحية من المغرب إلى الإخوة الحبايب

[@amorkh5006]

خطبنا وحدة من سكيكدة طلبت 25 مليون كاش فيها كلش. و فجاة قالت زيدوني الكسوة و الذبايح ولا نبطل. و بطلت و تحوس تدي نصف الشرط ، عمر راسك في المجتمع

[@hanenezaaboubi4694]

وأنا خطبني واحدوقبلت بكلش وتنازلت على بزاف أمور وفي اللخر ظهر مايصلحش ومايستاهلش حمد لله فكني ربي منو قبل ما نروح راه كاين وكاين مش كل يبروفيتيو كاين بنات فاميلا لي يحسنو العون وهكاك يطيحو في لي مايسواوش

[@ninanadi4104]

مثلا كيفاه تقدري تعرفي

[@chaibikader]

يا ودي نتوما قاع لبنات واعرين غي سكتينا

[@اميرالازياء-ل9ف]

كاين ابتلاء حتى في الزواج

[@hanenezaaboubi4694]

@@ninanadi4104 متقدريش تعرفي ديري النية وامشي قد قد ومتظلميش ادعي ربي ديما يطيحك ربي في لي كيفك ولا خير وساعفي لي يستاهلك راح تديه والرخيس يبعدو ربي عليك ومتنسابش الدعاء رانا في ايام مباركة

[@hanenezaaboubi4694]

@@chaibikader ههههه الله يهديك أنا محكيتش معك باه تسكتني انا واعرة ايه ومنسكتش على حقي 😎💪من غير ابي وأمي منسكت ختى لواحد

[@amarmadrid6044]

والله العضيم انا خدام عندي سكنة فيها كلش عندي طوموبيل بصح ماقدرتش ندزوج ماعلباليش اعلاش ادعولي ربي يحفضكم

[@rayane3398]

ما علابليش السر في تعليقك كل مرة نسوف اشهارك بنفس الطريقة على كل حال ربي يرزقك الزوجة الصالحة

[@profpila2052]

ربما سحر خويا

[@hananewarning8198]

اشري لحبق و اشرب ينحي السحر اشرب كاس صباح و عشية حتى ترتاح

[@sameninna9958]

اسرع بزواج لانه زرق وليس سيارة و.و.و كماليات لاتنتهي الله يرزقك

[@halimahalooma6108]

ارقي روحك وربي يسهلك ان شاء الله

[@البدايات-د7ذ]

-- حكمة اليوم : - كان رجلا يتمتع بالثراء و لكن ابنه الوحيد كان مدلل لا يقدّر قيمة ما يملك ، هنا قرر الاب أن يريه حياة الفقراء ، أخذ إبنه و عاش في مزرعة لأناس فقراء وبعد انتهاء المدة سأل الاب إبنه ما رأيك ؟ -- في البداية شكر الأبن أباه ، سأله الاب لما مستغربا !!! فقال : يا أبي لقد عرفت كم نحن فقراء بعد معيشتي بينهم ، فقد رأيتهم يمتلكون جدول بينما نمتلك بركة في الحديقة ، هم يمتلكون ارض على مد البصر بينما نحن نمتلك حديقة حدودها السور ، هم يأكلون ما يزرعون و نحن نأكل ما نشري ، هم يعملون و يتعاونون للحصول على مستوى معيشي مناسب بينما نحن نمتلك الخدم ، هم يمتلكون أصدقاء و جيران يحتمون بهم ، بينما نحن نمتلك أسوار و جدران عالية تحمينا ، فحقا شكرا لك أن عرفتني كم نحن فقراء ، هذا ما أدهش الأب . --- الحكمة تقول : " هناك أناس فقراء جدا ، لا يملكون سوى المال !!! ---------------- الحكمة ل جبران خليل جبران .

[@ninatamazight3831]

Transparent Noir ...شوف اسيدي.....لالا الدراهم تاني ملاح نبكي في قصر خير مانبكي في فوضاوي مافيهش لامان ونشبع التقلاق والتخمام

[@esmailkebbabi6958]

بارك الله فيك

[@wardawarda3719]

حكمة في محلها انا نعرف واحد اللاب كان ايدلل في وليد صغير كان ايمدلو دراهم ملي كان صغير عالملو التفنيين الاب متقاعد ويقسم معاه طفل كبر ولا راجل درك ايقولو ممديتلى والو

[@learningenglish2504]

@@ninatamazight3831 تموتي على المال

[@samiredjil1635]

تحية كبيرة الى زوجتي نهار ديتها تخير الخاتم انا عندي 6 ملاين حبيت نشريهم خاتم وخليتها واش تخير مسكينة خيرت خاتم ب3.7 حتى حتمت عليها باه دات واحد ب5 ملاين ربي يحفضهالي ويرزقكم انتم بنات الحلال

[@الحمامةالبيضاء-غ3ط]

تزوجي فقيرا ايتها المسلمة لذيه مبادئ وأخلاق اللهم أرزق كل مسلمة بمسلم متقي الله ومسلم بمسلمة تتقي الله فيه

[@kheiraamani4457]

لا هذاك السيد لجاب خطيبتو راهو يمثل مع المرا ويخدم عند مول المحل وسمو الحاج سايح جاي في واد.العلايق البليدة

[@naoualoujdia242]

Wlahila.lahyrz9ni olah yrz9 khti ojmi3 bnat lmoslimin bzawj salih