ტერორიზმის და შეთქმულების მომზადების საქმე

რეზონანსულ საქმეში კიდევ ოთხი ახალი ფიგურანტი გაჩნდა. გამომძიებლების და მაგისტრი მოსამართლის შეკითხვებს შამსუდინ ავლარიგოვმა, რუმან ავლაგიროვმა, გიორგი ადამიამ და კარლო მუხაურმა უპასუხეს. ოთხივე მათგანს მოწმის სტატუსი აქვს საქმეზე, რომელიც ტერორიზმის მომზადების და სახელმწიფო შეთქმულების მოწყობის მუხლებით არის აღძრული. გრიფით საიდუმლო საქმეზე დაკითხულები მედიასთან განცხადებების გაკეთებას ერიდებიან. სავარაუდოდ, მაისში დაწყებული გამოძიების დეტალები ცოტა ხნის წინ გახმაურდა. უკვე გამოკითხულია 20-მდე ადამიანი, მათი ნაწილი უკრაინაში მებრძოლი ქართველია. საგამოძიებო მასალების მიხედვით, უკრაინაში მყოფი ყოფილი ქართველი მაღალჩინოსნების დაფინანსებით და ორგანიზებით, საქართველოში დანაშაულებრივი ქმედებები მზადდება, მათ შორის საუბარია მმართველი პარტიის თავმჯდომარის და ლიდერების მკვლელობის მომზადებაზე. გამოკითხვების დროს ნახსენები იყო აფეთქებების და ჩასაფრებების გეგმა.
ეწვიეთ ჩვენს საიტს - 1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.