Рет қаралды 327,337
Ah...
/ superahmada
/ ahmada137
كل فيديوهات سلسلة لوثر سترود : • Luther Strode
ولو عايز تشوفنى اكتر تعالى هنا
/ @korashy137
اسمى لوثر سترود انا اتصابت ب سبع طلقات فى صدرى، ده بيوجع، لكن انا عارف انى قدرت اخلى عضلات جسمى تمسك الطلقات، انا عارف ان ده المفروض مستحيل، وعارف انى اقدر اعمله، اسمى لوثر سترود وانا عندى مواهب غريبة" واحنا بنشوف ان لوثر واقف قدام عدد كبير من الجثث والناس الميتة بطريقة وحشية جداً،
بنرجع للماضى علشان نعرف ايه اللى حصل، الموضوع كله بدأ بكتاب اسمه طرق هركليز، لوثر سترود الفتى النحيف والنرد وقتها حصل عليها وكان عايز يتعمل منه مهارات يدافع بيها عن نفسه، وبيتر صديقه بيقوله هل هتكلم بيترا النهاردة ولا لا، لوثر بيقول "ايوه طبعاً فى احلامى" وهو بيبص فى المرايه على جسده النحيف ويحبط،
بالليل بيفضل مع الكتاب يقرأ ويتعمل الحركات اللى المفروض يتعلمها منه،
تانى يوم سترود بيصحى لكنه بيكون جائع جداً وعمال ياكل بشراهه رهيبة وهو بيعتقد ان ده ممكن من التمرينات اللى كان بيعملها، لما امه بتكون ماسكه الاطباق فى ايدها في طبق بيقع منها على الارض لكن برد فعل رهيبة لوثر بيقدر يمسك الطبق لكنه بيوقع الحاجات اللى هو كان ماسكها منه على الارض، وبعدين الباب بيخبط فالام بتترعب لكن لوثر بيحضنها ويقولها متخافيش ده بيتر صاحبى عادى، ابويا مش ممكن يلاقينا هنا، لو عايزه ماروحش المدرسة وافضل معاكى متقلقيش، لكن الام بتقوله انه غاب عن المدرسة 15 يوم فى اخر شهرين بس مينفعش،
فى المدرسة بيتر بيحاول يرمى لوثر على بيترا علشان يكلمها بالعافية، لما بيشوفها باول المتنمر فى المدرسة، واللى بيصوره ويتريق عليه، لكن بيترا بتدافع عن لوثر وتقول ان باول ميعرفش يعنى ايه يكون رجل، وبعدين تمشى، باول بيتعصب ويهدد لوثر "متفتكرش ان صاحبتك هتحميك منى كل مرة" ولوثر بيفرح ان باول افتكر بيترا صاحبته،
فى صالة الالعاب باول بيرمى الكورة فى وجه بيتر بكل قوة، لوثر بيروح يتطمن عليه، لما باول بيكون عايز يرمى الكورة فى وجه لوثر برضو، لكن لوثر بيصد الكورة بايده بكل براعة، والكل بيتفاجئ باللى حصل، وبعدين بقوة مستحيلة بيرد الضربة اللى بتصطدم بوجه باول بكل قوة،
بعد وقت بيتر بيحذر صاحبه ان باول مش هيعدى الموضوع ده وبيقترح عليه يهرب، لكن لوثر سترود بيقول انه مش هيهرب من المتنمرين تانى، لما بيدل باول عليه وهو عايز يقاتله لوثر بيحاول يهدأه دى كانت حادثة، انا مش عايز اتخانق معاك، لكن باول مش مهتم بكلامه وبيمسك لوثر وبعدين يلكمه فى بطنه، ويرفعه فى الحيطة، وهو بيقوله انا هاضربك لحد ما صحابتك متعرفش ملامح ليك، لكن بمجرد ما يقول اسمها لوثر بيتعصب جداً وبيبدأ يشوف اجسام باول واصحابه والتشريح العضلى بتاعهم، وبيجمع ايده ويلكم باول لكمه رهيبة، وكل الموجٌودين بيترعبوا،
اهلا بكم فى سوبر ايه الفيديوهات اللى بنحكى فيها قصص مسمعتهاش قبل كده من الصفحات والإصدارات المختلفة فى الكوميكس متنساش تعمل لايك اشترك فى القناة شير الفيديو فى كل مكان،
انا احمد ايه ويلا بينا