#تصليح

#وفر_فلوسك
#اصلاح_اللمبة_الليد
#lamps_electric
#how_to_repair_led_bulb
#led_bulb_repair
#repair_led_bulb
السلام ورحمه الله وبركاته
احبائي ومتابعينى من مصر و السعوديه و الكويت الامارات العراق تونس الجزائر ليبيا المغرب ومن كل الدول العربية يا رب تكونوا بخير وبصحه جيده
النهارده هنتكلم عن اللمبه الليد وكيفيه اصلاحها و ده هيوفر علينا كتير لان اللمبه الليد بالرغم من ان هي بتوفر فى الكهرباء الا ان هي عمرها الافتراضي قصير جدا عشان كده فكرنا في حل ان احنا نصلحها لان تصليحها هيوفر علينا فلوس كتير
اول حاجه هنجيب اللمبه العطلانه وهنبدا انا نفك الغطاء الزجاجي بتاعها اللي بره وبعد كده هنبدا نفك الجزء الفضي اللي تحت وناخد بالنا عشان بيكون متوصل تحتيه الطرف السالب اللمبه ونفك المسمار اللي في اخر الجزء الفضي ده وناخد بالنا ان هو يكون متوصل تحتيه الطرف الموجب للمبه بعد كده نبدا ان احنا نطلع البورده وطبق الليد بره الجسم بتاع اللمبه
البورده الصغيره دي بتكون عباره عن مكثف ومقاومة متوصلين على التوازي عشان يخفض قيمه الجهد اللي داخل اللمبه ويكون بعدها في ريكتيفاير علشان يحول الجهد اللي داخل على الليد من متردد إلى مستمر الاعطال الشائعه بتاعه اللمبه الليد
اولا تلف احد مكونات البورده دي وفي حاله تعطل احد المكونات دي احنا بننصح عدم شراء القطعة التالفة احنا ممكن نستبدلها باي جزء ثاني من لمبه تكون عندي تالفة وتعذر اصلاحها
ثانيا تلف الف ليد أو أكثر من طبق الليد اللى موجود
فحص اللمبه الليد****
اللمبه اللي قدامنا هنا هنلاقي البورده بتاعتها او مكونات البورده بتاعتها كلها سليمه وما فيهاش اي مشكله هنخش على طبق الليد و عندنا هنا طريقتين للفحص
اول طريقة عندي هي الفحص بمجرد النظر او بالعين
هبدا ابص بعينى كويس على واحدة واحدة واتاكد ان هى مفيهاش حرق أو نقطة سودة
الطريقه الثانيه ان انا بختبر ا الليد اللى موجود في طبق الليد عن طريق انى بدخله جهد 3 فولت وابدا ان انا اشوفه اتاكد ان هو بينورو سليم ومفيهوش اى مشاكل دي بس تعملها بعملها بحجرين مع بعض متوصلين توالى او بحجر 9 فولت و ادخل الجهد بتاعه علي اللمبه عن طريق دبدوسين
هابدا بعد كده ان انا اشيل الليد التالف بطرف المفك واكون حذر
لما اشيل الليد هيكون تحته طرف موجب و طرف سالب و في ما بينهم فراغ المهم عندي هنا ان انا اوصل الطرف الموجب بالطرف السالب عن طريق كاوية وقصدير وبعد كده ابدا اختبر اللمبه وان شاء الله تكون تمام وما فيش اي مشاكل
شكرا جزيلا لكم
والسلام عليكم ورحمه الله وبركاته