تحليل إعلانات رمضان 2024 | سيطرة عزيز الشافعي وتألق أيمن بهجت قمر | بودكاست ورا مصنع الأغاني

[@daqaeqnet]

لو عجبتكو الحلقة متنسوش تقولو رأيكو في الكومنتس

[@basharalhashimi6187]

كل الي بتعملوه حلو...تحية للناقدين أمجد جمال ومصطفى حمدي

[@يوسفسعيد-ب7ك]

​@@basharalhashimi6187١ اعملوا حلقه عن اغاني عمرو دياب السنجل

[@pureblue2686]

اعلان اليسا + عزيز والله تحفة و كانت رائعة و الأجمل صوت و صورة و مضمون .. دفا و احساس صوت اليسا غير بجد يضيف دايما لأي اغنية ❤ شكرا عالحلقة اساتذة ❤❤

[@maimamdouh2576]

بصراحه أغنيه اليسا تحفه .. صوت و أحساس فزيع و دافئ❤❤❤

[@mahmoudkhaled1710]

ألف شكر يا أستاذ أمجدعلى لسانك الحلو وذوقك❤

[@amgadgamal5794]

❤❤

[@somakam4945]

الموال في حكايتنا حلوة دا احلى جزء ككلام في الأغنية حيفكرك ببداية كل العلاقات بالطبقه دي تحديدا بيعمل نوستالجيا اكتر

[@elsaidkhalid3531]

انا رأى أن الموال بتاع عمرو احلى حته فى اغانى عمرو فى رمضان واكتر حته بحب أعيدها فى اغانيه

[@Rub3590]

احلى اغنية كانت اغنية اليسا و الانجح بينهم

[@thebutterfly3327]

فعلا اعلان اليسا حاجة في حثه تانية فيه احساس راقي يدخل القلب مباشرة ❤

[@abidjamal4798]

حلقة مميزة كالعادة نتمنى لو تعملو حلقة أخرى عن تترات مسلسلات رمضان

[@mahmoudkhaled1710]

صراحة متفق تماماً مع أستاذ مصطفى، لو شركات الاتصالات يوفروا تكاليف الإعلانات ويعملوا بقيمتها عروض للناس، يبقى أكسب لهم وأريح لجيوبنا ولدماغنا، عبقري

[@nadabushara2546]

كالعادة spot on في التحليلات. امجد فعلا بقا في تراخي ولعب علي المضمون. مصطفي بتفق معاك بقت الاعلانات تعمل turn off ولا علاقه لها بالمنتج، يا ريت يحسوا علي دمهم ويعملوها ابتهالات دينيه تتناسب مع روح الشهر.. لو عمر طلع في اعلان ماسك سبحة، مدينتي كلها حتتباع بين يوم وليله وحنتعاطف مع المنتوجات. ملينا من النصايح والتنميه البشرية والحب ال over

[@radwaakrash4588]

حلوة اوي الحلقة ❤ ولو ينفع أطلب منكم طلب نفسي دايمًا دايمًا يفضل ولائكم كدا للرأي المستقل وولائكم للمتابعين لأن ماشاء الله البرنامج بدأ يلمع وفنانين كتير هيبقوا حابين يتقال عنهم الحلو بس الفترة الجاية اجمل ما في البرنامج انكم بتتكلموا بحرية ومصداقية بدون تردد في زعل صديق او مجاملة حد او هجوم منظم على حد وده اللي مخليه مميز واتمنى تستمروا كدا ❤❤

[@mohammedkamal1176]

اعلان بهاء سلطان الي نزل من يومين بجد تحفة😍❤️

[@haifaalmsallati]

إعلان البوادي فيه من روح إعلانات ميلودي ويعتبر مختلف لأنه افتقدنا هذا النوع من الإعلانات التي بيها جانب كوميدي عن نفسي بدأت أشعر بالاكتفاء من قالب استعراض الأغنية بصاريًا الإعلانات بشكل عام أتفق معكم جدا في فكرة انها بدأت تكون مكررة في مشاهد اللمة والشارع بشكل عشوائي حتى بدأت أفقد التعاطف مع تلك المشاهد التي يفترض أن تكون دافئة خاصة في طريقة عرضها السريعة، تقطيع مستمر غير سلس مشتت ومزعج أتمنى أن أرى أساليب آخرى أهدى وأكثر سلاسة في العرض...

[@Hatem_Ali]

الحلقة جميلة ✨

[@perihanahmed4794]

قصة حب مصطفى مع اشرف عبده و اليسا ❤😂

[@mostafahamdy3082]

😂

[@AhmedYahiaSaleh]

امير محروس مش مسؤول ابدا عن سوء تسجيل صوت عمرو دياب لو الاغنية اتسجلت عند امير واتمكسچت عنده هنا ممكن تحاسبه انما تتسجل برا وبعدين تتبعتله هو عشان يمكسچ هو مش مسؤول هنا غير عن وضوح صوت عمرو ولو في دستورشن او حاجة يتشال ويحاول يحلي بعض الديفوهات لو ظهرت بس هو مش ساحر برضه لازم ال Take يبقى كويس عشان الMix يبقى ممتاز انما لما يتاخد Take وحش يبقى متستناش Mix كويس مثال ال Take ده عامل زي الفاكهة ال Mix ده الخلاط والخلاط ده اللي بيفرق نوع عن التاني هو قوة الهرس او الطحن، يعني مثلا في خلاط عادي هيفتت الفاكهة اه بس هتحس انها ان في قشر وشرايح كدة وفي نوع تاني قوي هيفتت الفاكهة دي لجزيئات صغيرة جداً ويخليها نعمة اوي لكن في الحالتين طعم الفاكهة لو حلو هيبان وده كدة ال Mix الTake بقى اللي هو الفاكهة لو حطيت في الخلاط تفاحة هيطلع ايه ؟! عصير تفاح انما لو حطيت روص الابقار هيطلع عصير ايه ؟! بالظبط واسف على التشبيه بس هو مهم يتقال كدة عشان اوصلك الفكرة هل انا اجي ساعتها اقول لا انا لازم اغير الخلاط عشان ده وحش ؟! لا هو الخلاط مش وحش لانه فعلاً عمل الميكس كويس زي ما هو بيعمل انما اللي اتحط في الخلاط هو اللي وحش طارق مدكور ومحمد صقر وامير محروس دول احسن ناس سجلت ومكسچت صوت لعمرو دياب طول تاريخه وبيطلعوا منه احسن صوت ممكن لانهم اساتذة وفاهمين ومن اكتر الناس اللي بيذاكروا شغلهم بس تحاسبهم لما يبقوا مسؤولين عن التسجيل من الاول انما لما بيجيلهم متسجل جاهز هما مالهم؟! هما مسؤوليتهم الميكس بس وبالمناسبة ساعة ما بيحصل كدة بيحاولوا يقنعوا عمرو يسجل تاني ولو اقتنع يبقى خير اوي انما لو مقتنعش بيتصرفوا وبيحاولوا يداروا الأخطاء اللي في التسجيل على قد ما يقدروا لدرجة انهم ممكن يعلوا المزيكا على صوت المغني في حتت عشان يداروا حاجة صعبة جداً اللوم على عمرو دياب فعلاً انه في الجزئية دي لانه مش بيعرف يسجل لنفسه او يختار حد فاهم يسجله وهو لما بيسجل من الاول عند مهندس صوت شاطر بتطلع النتايج ممتازة

[@احمد-و4ز8ذ]

يعني بالمختصر المفيد نقدر نقول إن عمرو وصل لمرحله متأكد أنه مهما عمل الناس هتسمعه ومعندوش الحرص والخوف بتاع زمان هو محق طبعا ولكن احنا في زمن فيه الف مغني ومطرب ومؤدي وجونرا موسيقية لذلك الحفاظ عالقمه اصعب من زمان وممكن ييجي عيل مسجل في الحمام لامؤاخده وسارق لحن ومغني كلمات تافهه ينجح والناس تسمعه

[@mostafahamdy3082]

احنا بنتناقش ومحكمناش على حد خالص

[@AhmedYahiaSaleh]

@@mostafahamdy3082 اكيد وانا فاهم ده وسمعت ردك على النقطة دي في البودكاست واديت لأمير محروس حقه بصراحة بس انا بشرح بإستفاضة وبضيف على كلامك مش اكتر

[@mohammedabdoteloo1806]

إعلان اليسا هو الأفضل طبعا ❤❤ و واضح جدا حب أمجد جمال ل اليسا و هو يعرف حجم اليسا الفني و جماهيريتها علي عكس مصطفي حمدي اللي دايما بيحاول ينتقص منها و هو عارف إنها أهم فنانه في العالم العربي حتي لو مش معترف بكده !

[@perihanahmed4794]

والله اعلان اورانج تحفة في كلماته لو ركزنا فيه

[@احمد-و4ز8ذ]

هو فيه دلوقت حلقه جديده ولا تأجلت برضو ؟

[@AhmedYahiaSaleh]

سر التكرار في اسماء اغاني عمرو دياب (الكلمة الحلوة - حكايتنا حلوة) هو ان عمرو دياب بيتعامل مع الموضوع ده بمنطق طارق نور وهو ان الاعلان ده Easy Money وفترة والناس هتنساه ومش حاجة مهمة اوي عشان احرق فيها، في ناس هتقول الرأي السائد عن عمرو دياب انه بيتقن كل شئ وبيهتم بتفاصيل كل شئ وده حقيقي لو هنتكلم في الاغاني انما الاعلانات هو عارف هو عايز منها ايه تحديداً من البداية، هي فلوس وترجمة لقيمته الفنية ونجاحه كمطرب واستمراريته طول السنين دي لانه بياخد منه رقم بأصفار كتير وهو عارف ان الاعلان ده فترة وهتعدي في الاخر والناس هتنسى، كون بقى ان حصل وفي اغاني اعلانات زي جمع حبابيك واللي بينا وشكراً من هنا لبكرا عاشوا ونجحوا ده مش بيفرق بنسباله اوي، بيفرح بيه اه وكل حاجة وممكن يغني في حفلات العيد الجاي ده اغاني من الاعلانات دي بس في الاول والاخر هو اخد اللي هو عايزه خلاص هو شخص عملي جداً وبيفكر بشكل واقعي ومش بيخلي نجاح الحاجات دي حتى يأثر عليه بأي شكل لان هو عارف كويس انه لو هو مش ناجح كمطرب مكنش ولا شركة من دول فكروا فيه ومكنش الاغاني بتاعت الاعلانات دي اتعملت عشان كدة هو بيركز على السبب مش النتيجة نجاحه كمطرب سبب الاعلان نتيجة

[@احمد-و4ز8ذ]

ايه رأيك بالالبوم الاخير لعمرو يا اخ احمد وخاصة التوزيعات الموسيقيه هل هي مقنعه بالنسبالك ولا ده مش عمرو الي نعرفه

[@AhmedYahiaSaleh]

@@احمد-و4ز8ذ لا هو مش عمرو دياب اللي نعرفه ولا هو بقى عايز يعرفنا بالمناسبة ودي سياسية عمرو دياب وسر نجاحه واستمراره لحد دلوقتي ان هو فاهم كويس اوي ان كل 10 سنين في جيل بيخرج من معادلة حسابات السوق، بمعنى ان الجيل الشاب اللي حب عمرو دياب ايام ميال مثلاً دلوقتي بقوا ما بين 45 لحد 60 دول لما نزل قمرين وتملي معاك بنسبالهم قالوا نفس اللي انت بتقوله ان عمرو دياب اتغير ومبقاش اللي احنا نعرفه وفين شوقنا ومتخافيش وما بلاش نتكلم في الماضي ويا عمرنا بس هو لو كان عاش عشان يرضيهم مكنش استمر لحد النهاردة لما سمع اعتراضاتهم ايام تملي معاك تجاهلها تماماً وركز مع الجيل اللي كان شاب وقتها وانفتح على اشكال موسيقية جديدة عطشان ليها وعايز يسمع الاشكال دي وفضل يرضيهم لحد ما عدى 10 سنين كمان والجيل ده كمان كبر وجه مكانه جيل تاني (جيل الهاوس) وده جيل له ذوق تاني وعمله اغاني تناسب ذوقهم وقتها لحد ما كبروا وجه دلوقتي الجيل الحالي اللي مش بنفس درجة الانفتاح بالعكس هو جيل بيحب المقاسيم والمهرجانات والراب والتراب والتراب الشعبي كمان وهو المستهدف بنسباله دلوقتي وبقى بيعمله اللي يرضيه السؤال هنا هو ليه بيعمل كدة؟! عشان هو عارف مين الفئة اللي بتسمع مغني وبتكون مجنونة بيه وبيتابعوا اخباره بإهتمام وبيحملوا اغانيه وصوره وغالباً دول بيكونوا من اول سن 10 سنين لحد 25 سنة لحد ما بيخلص جامعة وجيش وبيدخل في مرحلة الجواز والخلفة وانه يعمل حياة جديدة ومن بعدها اهتمامه بالحاجات دي كلها بيقل لانه بيركز في مشاكل الجواز والولد والبنت وتربيتهم وحياتهم وبالتالي مش بيكون مهتم زي الاول بسماع جديد مغانيه المفضل ولا بالموسيقى بشكل عام ولو انت زيي من جيل تملي معاك ولسه مهتم وبتسمع احب اقولك ان احنا استثناء انما القاعدة هي اللي انا بقوله واغلب جيلنا دلوقتي عنده اهتمامات تانية خالص لو كان عمرو دياب عاش عشان يرضينا كنا هنبقى مبسوطين اوي منه دلوقتي على فكرة بس كان زمانه انتهى عارف ليه ؟! لان الاستثناء دول قلة هيشتغل عشان يرضي قلة ؟! ويسيب جيل كامل صغير لسه وممكن لو اشتغل عليهم دلوقتي يكمل 10 سنين كمان لحد ما هما كمان يكبروا ويشوف غيرهم عشان يكمل كمان 10 سنين تانية للأسف هي دي سنة الكون هتقولي وليه ميحاولش يرتقي بالجيل ده ويقربهم منه ويعملهم علم قلبي جديد مثلاً ؟! هقولك لان هو كدة هيحارب طواحين الهوى وهو مش نبي او راهب عشان يرتقي بحد هو رجل اعمال متخصص في مجال الموسيقى وبيتعامل بمنطق السوق انا بقدم سلعة والسلعة دي ليها جمهور مستهدف والجمهور ده بيتغير طول الوقت وبالتالي ذوقه بيتغير وعشان يفضل المنتج بتاعي مطلوب لازم اغير نفسي بما يرضي السوق عشان المشروع بتاعي يكمل عمرو دياب مش بيضحك عليك بالمناسبة ولا بيضحك على نفسه هو مبعلكش حاجة مش بتاعته او مش بيفهم فيها هو مش محمد منير اللي هيغني عنك وعني وعن حياتنا ومشاكلنا ودنيتنا ومجتمعنا هو مش شاطر في دي زي منير ولا هيبيعلك بيعة ابن البلد ومطرب العيلة اللي شبه الناس وجدع زيهم ويعمل كليبات متصورة وسط الناس وعن الناس زي فاكرك يا ناسيني وانا لو حبيبك ولو والحب الحقيقي لان دي بتاعت فؤاد وبيعرف يبيعها كويس عمرو دياب هو مغني الشباب اللي بيحب واحدة ومش بيفكر في الجواز دلوقتي عشان هو لسه صغير بس عايز يعيش اللحظة اللي هو فيها ومش بيفكر في بعدين واللي بيتعلق بأي موضة جديدة سواء كان اسمها دش وستالايت وموبايل وانترنت او اتحولت وبقت سوشيال ميديا وتيك توك وفيسبوك ويوتيوب اللي بيصبغ شعره وبيتمرد على شكله الحقيقي وعايز يبقى شيك وشكله مميز او مختلف قدام الناس ويبان وسطهم عمرو دياب منصبش عليك رغم انه نصاب شاطر بالمناسبة بمعنى ان انت وانا والاجيال الاصغر متأكدين انه رجل فوق ال60 بس هو عارف يخليك مش مصدق الحكاية دي او بتتجاهلها وحاسس انه مغني الشباب حتى لو اللي بينافسه ويجز شاب فعلاً وعنده 25 سنة فعلاً بس هو عارف ينجح في وجوده زي ما نجح في وجود فؤاد وعلاء عبد الخالق وراغب علامة من جيله ونجح وسط حماقي وتامر في الجيل اللي بعده وهكذا لحد ويجز ده عشان يبيعلك البيعة دي بص على الفرقة اللي وراه دلوقتي وانت هتفهم هل دي الفرقة اللي كانت من 30 سنة ؟! لا هتلاقي اغلبهم اتغيروا لان اغلبهم من نفس عمره وهو عشان يبان اصغر وعشان عقله يقدر يواكب الجيل الاصغر نزل بمعدل اعمار العازفين اللي وراه عشان انت كجمهور لما تحضر حفلته تحس انك رايح تحضر حفلة لشباب مش فرقة من عمر والدك ووالدي بتعزف وراه فيبان عمرو كبير في السن وانت كمان تحس انك في حفلة عواجيز شفت هو بيفكر ازاي ؟! بيلمع المنتج اللي بيقدموا ازاي ؟!

[@احمد-و4ز8ذ]

@@AhmedYahiaSaleh شكرا جدا لاهتمامك والاجابه الجميله دي. بس يا صديقي لو شفنا الالبوم الاخير عمرو مش منفذ الي انت قلته تمام هو عامل نص الالبوم مقاسيم بس الأغاني الي المفروض أن هو مستهدف فيها الجيل الجديد تقريباً من وجهه نظري اربع اغاني زبط مودها واخدين راحتهم ياقمر معرفش حد بقيه الالبوم عامل فيه حاجات تسعيناته على حاجات الفيناتيه من ريحه تملي معاك زي مكانك ومتتعوضش بيوحشنا لوحدنا كلها افكار موسيقيه مكرره لاجديد فيها أنا مشفتش أنه عمل مزيكا يواكب بيها ذوق جمهور الراب والتراب يمكن اخر حاجه عملها كانت اول يوم في البعد وانت مغرور ودول من زمان اوي مهو لو بينفذ الي حضرتك قلته والله مكنتش هنتقده بس هو ماشي في خط واحد تمام عمل يوم تلات دا لو اتساب انت الحظ ويتعلموا وأماكن السهر الكم مقسومايه دول الي نقدر نقول حط فيهم على المهرجانات بس بعدها انت لازم تعمل نقله تانيه تجدد دماء مزيكتك فيها متفضلش ثابت في مكانك

[@احمد-و4ز8ذ]

@@AhmedYahiaSaleh اكيد حضرتك فاكر ياليل ووالله ابدا والميجا ميكس دول انا شايفهم مشاريع لتطوير مزيكة عمرو دياب خاصه والله ابدا مزيكا جديده علي عمرو ممكن بعدهم كان يطور فالمزيكا دي يلعب فحتت تانيه زي الروك ولكن على شكل أغاني عاديه مش تراكات مزيكا طويله معتقدش أن الجيل الجديد مبيسمعش روك امال مين الي بيسمع كاريوكي

[@احمد-و4ز8ذ]

@@AhmedYahiaSaleh وعلى فكره انا مش من جيل تملي معاك أنا من مواليد بدايه الالفيه وبدور عالمزيكا الحلوه مش عالموضه يعني أغاني زي صدقتني أنسى قلبي ياحبيبه ذكريات ورجعت من السفر ايه بس الي رماك نفسي عمرو يعمل انواع موسيقي الاغاني دي دلوقت هكون سعيد جدا اكتر من اني اسمع اربع خمس أغاني مقسوم ورا بعض

[@Faddidaddi]

اين ذهب العسيلي؟ افتكروا خير!

[@HabbuAs25a200]

عايزين تعملوا حلقة عن مطربين الشباب واغانيهم زي محمد شاهين واحمد جمال وياسمين علي

[@mohamedsallah4908]

ايمن بهجت مش كل شغله مع عزيز غنوة فودافون بتاعت عمرو دياب الحان مدين

[@daloo3a]

اغنية حسين الجسمى جميلة

[@محمدالمناوى-ي7ت]

مينفعش كبير الملحنين عمرو مصطفى يبقى مش موجود شغل موحد تعبان تعبان

[@dodz8083]

بحبكوا حقيقي بجد 🫂♥️♥️♥️

[@محمدالمناوى-ي7ت]

فين امير طعيمة

[@MohamedAhmed-s4r4j]

إعلان عمرو دياب الاجمل

[@shakerfawzy3561]

حضرتك انا اول مرة اتفرج لفيديوهاتك .كان عايز حضرتك نراجع اعلان اصالة بتاع the marq

[@mohamedelkady8346]

واحده صاحيه امي كانت بتعمل طعميه سوشي و كانت مسميها طعموشي 😅😅

[@fadibashour4299]

اعلانات ❤عمرو دياب الافضل

[@hamosaber8771]

واحد ينحاز لاليسا وواحد لعمرو وانغام 😂اة لو كانت شيرين غنت مع رمضان كانوا قالوا اة مهو شبة بعض واية حكاية طعمية وسوشى دى

[@ابراهيماحمد-ح6ز]

منافقين😂

[@AhmedKhaled-cu6jh]

امير عيد الحان احمد طارق يحيي وتوزيع اخمد طارق يحيي واسماعيل نصرت

[@mohsenrezk]

يا جماعه تامر حسني وشبسي شركه شبسي دي شركه مصريه واصحبها مصريين في برنامج اسموا صانعيه مصر جايب حكايه شبسي مؤسيسنها ياريت تراجعوا للبرنامج دا

[@راديوجبران]

الرسمة اللى وراكو اخر مشهد فى فيلم GODFATHER الجزء الاول ... سبحان الله لسه مخلصه و داخل لكم لقتها فى وشى ههههه

[@ahmedmustafa775]

نفسنا في حلقة عن جورج وسوف

[@coashcoach1045]

اليسا اجمل اغنيه ف رمضان

[@احمد-و4ز8ذ]

مين خد باله ان ايقاع اغنيه حسين الجسمي قريب جدا من ايقاع جمع حبايبك ونفس الموزع اسامه الهندي

[@سيّدأبولباس]

عايزين حلقة عن الأسطورة جورج وسوف

[@mohsenrezk]

اغنيه عمرو دياب للهاي بارك هتكون للافراح اكتر وعمرو معندوش اغاني للعروسيين عمرو مورزق في دي عمرو مصطفي فيين في رمضان 24

[@CR-vl3pz]

غريبة ايه دا. ما جبتوش عمرو مصطفي في جملة ازاي هههههه. طب طبلو لعزبز زمانو علي الاقل.

[@mohamedyosif82]

الأخ ابو شعر ابيض قليل الذوق و دمه تقيل

[@yousefq8624]

الحلقة الجاية تكون عن التترات و الاغاني الدعائية للمسلسلات زي العتاولة و حسن الرداد

[@qamar-k5i]

اعلانات عمرو دياب وصوتو الاجمل والافضل

[@احمدعلي6-ح1ك]

اعلان اليسا. احلى. اعلان. وصوت اليسا احلى صوت

[@احمد-و4ز8ذ]

بدايه غنا عمرو فاغنيه حكايتنا حلوه نفس تكنيك هتدلع وياليل مع تقدم عمرو فالسن بقى مش لطيف خالص عالودان ومش حلو قارن الصوت مع صوته فاغنيه حلوه الأيام مثلا لازم عمرو يدرك انه صوته تغير ومش لازم ومش مطلوب منه يعلي الطبقه للدرجادي

[@محمدالمناوى-ي7ت]

اغانى كلها بايخه وشينة بالسعودى

[@markh532]

للمزاح: أمجد منحاز لأليسا تماما باي شي.. ومصطفى منحاز لأيمن بهجت قمر. وتامر حسني يبكي وحيدا ههههه. شكرا امتعتونا كالعادة ولو حسيت مصطفى مش كثير بالمود بهاي الحلقة. واسمحولي بتعليق على اغنية "الكلمة الحلوة". انا من جمهور عمرو دياب.. الجهور العربي (مو المصري) ومن زمن طويل جداً. فراح احكي على "كلام الأغنية" بالتحديد من هذا الجوانب، كجمهورعمرو اولا وثانيا كمستمع عربي متذوق للموسيقى المصرية وغير المصرية. بالنسبة الي فكرة الكلام جميلة جدا ومهلمة بس كذوق خاص...حسيتها غير مصاغة بالكتابة بشكل سليم. أنا أشوف انو أيمن بهجت قمر بهاي الاغنية بالتحديد لم يكن موفق. يعني كان في جمل وكلمات بالأغنية ما فهمتها من أول مرة. وحتى من فهمتها حسيت انو الأغنية حتما كتبت على لحن. بس بشكل في بعض الأماكن "ملزق" بحيث انو تقطيعات الكلام بتتبع تقطيعات اللحن بشكل مضيع نغمة الكلام ومعانيه. بصراحة بالنسبة الي حسيت كلام الأغنية كصياغة وليس فكرة.. ما خذني على شغل "باريس" و"قولي اسمي" والحاجات الي الكلام هات اي حاجة فأي حتة. وانا استغربت من كلام أيمن (مع احترامي ليه ولتاريخو) مرة لمن سألتو منى الشاذلي على اغنية "اللوك الجديد" طريقة كلامو حسستني مستنكف من الي بيعملو بس دة السوق بقى. ويلا انلزلق الكلام ع اللحن. وبهاي الأغنية انا حسيتو عامل نفس المشكلة. مو كل الجمل بس بشكل عام كان وقع اللحن اقوى من وقع وشخصية الكلام على اذني. وخصوصا اذا قارنها باغاني عمرو مع فودافون السنوات الي فاتت. الي الكلام كان فيها كثير (يعني مفردات كثيرة) وبنفس الوقت اجتماعي أيضا بس طريقة صياغته جميلة جدا. بس الأغنتيين الي فاتت مع فودافون كانت الحان عزيز الشافعي، فالغالب معناها الكلام انكتب في البداية وبعد ذلك تم تلحينو (على اعتبار هذي مدرسة عزيز الشافعي غالبا) واغنية "اللي بنا" فهي كلمات والحان عزيز، وهو جيد جدا بخلط الكلام مع اللحن بطريقة حرفية ممتعة. واكيد ما ننسى اغنية عمرو الثانية هذي السنة مع عزيز ومنة القيعي "حكايتنا حلوة"، واضح فيه حرفية الكلام، مكتوب بشكل مليان مشاعر وتفاصيل. وأنا بشوف (حتى لو كان هذا اسلوب عمرو) برأيي الأغاني الاجتماعية ما ينفع تعامل انو جيب لحن وخلي كلام عليه. هو الكلام الأساس. هي مش اغنية صيف وهت. هي فكرة ورسالة. وشكرا عزيزي المواطن على قولة أمجد. تحياتنا لكم وبانتظاركم الجمعة القادمة

[@احمد-و4ز8ذ]

كلام مضبوط ولو هنتكلم على الموسيقى فهنا النقد هيكون حاد لعمرو دياب أكثر

[@markh532]

@@احمد-و4ز8ذ صح اتفق تماما. التوزيعات بالتحديد مستهلكة وخالية من اي ابداع بصراحة (واكيد هي رؤية عمرو). ومثل ما ذكر امجد تكرار الاكورديون كالعادة ومشاكل هندسة الصوت باينة ايضا.

[@ahmadkhaled7497]

اعلان شاي الكبوس

[@amrdid7917]

امير محروس خبره وتاريخ وحريف❤ انتم ليه تنقدوا ؟ كان المفروض تنتقدون عزيز الشافعي سايبين عزيز ؟ ورايحين نقد وتريقه على صوت عمرو دياب و امير محروس و أيمن بهجت قمر وووو انتم شغالين مع عزيز ؟؟؟؟؟؟؟ سبب نجاح عزيز الشافعي هوه عمرو دياب بكل اختصار

[@mostafahamdy3082]

انت عبيط؟ هل انت عبيط؟ انت بتسمع ازاي ؟!!!

[@MohamedAhmed-s4r4j]

اغنية اليسا عادية جدا