تعملي ايه مع النرجسي لما يحاول يستفزك ؟ وازاي تعرفي انه متعمد يستفزك ؟ ... كوثر سند

الاستفزاز. تعملي ايه لما النرجسي يستفزك، مازلنا في كتاب تيودور الهروب كيف تهزم النرجسي
الناس الطبيعيين الاسوياء بيمروا باربع مراحل لما يحبوا ياخدوا اي قرار :
١- بيشوفوا موقف حصل
٢- فبيدرسوا الموقف اللي ادامهم كويس وبعدين يقيموا الوضع عشان يحددوا ايه اللي بيحصل
٣- وبعدين يحددوا مسارات العمل المتاحة لهم قبل ماياخدوا القرار
٤- واخيرا بياخدو القرار
تيودور بيقول ان هو والنرجسي اللي زيه مش بيمروا بالاربع مراحل دي هو بيشوف الموقف ويتصرف مباشرة او يعمل رد فعل بدون تفكير لان هو متبرمج على كدة وان هو زي الالة لما تضغطي على اي زرار فيها حتشتغل من غير اعتبار لاي نتايج ،وهو بيتوقع انك تكوني زيه وانك تتفاعلي مع تصرفاته الخبيثة معاكي بدل ماتقعدي تفكري حتتصرفي ازاي ، هو عايزك تفوتي الخطوة التانية والثالثة وتروحي للخطوة الثالثة مباشرة عشان ياخد منك رد فعل يعني وقود نرجسي وهو عشان انتي مش بتعملي كدة بيحاول يوصلك لكدة عن طريق انه يحطك تحت ضغط ويستفزك بأي طريقة ، زي مثلا انه يقول كلام مزعج او يغازل صاحبتك او يسيب لك شات بينه وبين واحدة عشان تشوفيه ،او يتهمك انك عملتي غلطة انتي اصلا معملتيهاش او يتلكك على اي كلمة تقوليها ويقولها بمعنى سيء ويشتمك ويتخانق ، …. انتو اكيد عارفين حاجات كتير من دي ، وبكدة يوصل للتفاعل والانفعال اللي هو عايزه منك وياخد الوقود النرجسي المطلوب . هو بيقول ان النرجسي بيعشق انه يشوف ردود افعالك الانهيارية دي وانتي مفروض تعملي الاتي عشان تتجنبي استفزازه :
١- لازم تكوني عرفتي طرق الاستفزاز اللي بيستخدمها بكل اشكالها ومع الوقت حتدركيهم كلهم لما يجربهم معاكي مرة ورا مرة
٢- ركزي هل الموضوع اللي بتتناقشوا فيه ممكن تتوصلوا فيه لاي نتيجة دقيقة ومحددة ؟ هل انتي تقدري تحددي هو عايز ايه بالظبط من المناقشة هل فيه حاجة واضحة انتوا بتتكلموا فيها ؟
حتتفاجئي لما تعرفي انك لو تجنبتي الاستفزاز بتاعه حتكوني مسكتيه متلبس من غير ماهو يحس وحتتفاجئي اكتر لما تراقبيه وهو بيستفزك وانتي واعية تماما انه بيحاول يستفزك وحتشوفي هو اد ايه شكل الطفل العبيط وانتي اد ايه كنتي طيبة لما كنتي بتبلعي الطعم وتتفاعلي مع لؤمه ، ومع الوقت حتعرفي تميزي انهي مناقشة بتكون حقيقية ومفروض تكمليها وانهي مناقشة بتكون استفزاز ولازم توقفيها .
٣- اوعي تدخلي في محاولة توجيهه للمناقشة بشكل منطقي لان هو مش عايز اي منطقية طبعا وبالتالي مش عايزك توجهيه للمنطقية وفي الحالة دي حيفضل يزود في استفزازك لحد مايوصلك للانهيار وينجح في اللي هو عايزه ، وكمان مش حينسى انتي تعبتيه اد ايه لحد ماوصلك للانهيار دة فحيفضل يكمل استفزاز عشان ياخد حق التعب دة ، لو انتي قدرتي تفشلي الاستفزاز دة ممكن في الحالة دي تحصلي على مناقشة منطقية ، وبعدين بيشبه الكلام دة بانك بتنزعي فتيل قنبلة قبل ما تقدري تخرجيها من المبنى لانك لو حاولتي تخرجيها ممكن تنفجر فيكي ، فانتي ابطلي الاستفزاز دة بانك تتجنبيه وبعدين لما يفشل شوفي اذا كان الموضوع محتاج مناقشة ولا تسكتي
٤- حافظي على هدوئك تماما ولا تعلقي بكلمة او ممكن تبتسمي ابتسامة هادية وتقولي انت شايف كدة ، طيب تمام ، معلش. ،مفيش حلول للاسف ، بمنتهى الهدوء ، وبكدة حيفهم ان الاستفزاز مش شغال ومش حيشتغل معاكي فحينسحب ومش حيهدر طاقة في حاجة مفهاش فايدة
٥- مترديش عليه كلمة بكلمة ولا توجهي له اهانات لانه عايز يتخانق عشان الوقود وانتي كدة بتحققي له طلبه
٦- اذا كنت بحاول استفزك باتهامات باطلة ادحضيها مرة واحدة يعني ردي عن نفسك رد واحد بالنفي وبس هو كدة كدة مش حيسمعه لكن لو انتي حاسة ان دة حيريحك اعمليه وانا شايفة انك متعمليهوش بالعكس قولي له طيب معلش. ، ولو بيتهمك بالخيانه قولي له طب ليه سايبني على زمتك لو انت عارف اني بخون ؟ بهدوء وبرود وبدون انفعال
تجنب الاستفزاز بيضيع على النرجسي فرصة انه يطلعك مجنونة وعصبية ويلف يقول للناس الكلام دة وكمان لو سجلتي عليه الكلام دة حيكون دليل كويس ضده في قعدات التحكيم
اكونت الفيس بوك
www.facebook.c...
جروب ادرس عدوك النرجسي
/ kawthersanad11
الكتب :
Escape /How to beat the narcissist

[@qweasdasdzxc4380]

الاستفزاز من اشباه الرجال ام الرجل الحقيقي لايحب يستفز يكون قوي وحنون وفاهم الحياه اما الناقص يستفز

[@chemsbella7589]

بارك. الله فبك

[@عبدالرحمنعصام-ظ1ح]

الناس دى هتموتنا هنلاحق على شغل البيت والا العيال والضغوط إلى حوالينا وصحتنا فى النازل وبنعيش مع أشخاص مريضه نفسيا وبيطلعوا علينا مرضهم والمفروض نكون اسوياء وتكمل ده إلى يموت ارحم

[@عاشقةالوردفاتي]

فعلا كلامك صح لذلك وصلت الى قناعة ان خروجي للعمل اهون من تحمل انسان مريض مؤذي يضعك في دوامة يتحكم في سرعة دورانها لتجدي نفسك فاقدة للهوية والوجهة والهدف

[@QamarAlwan]

@@عاشقةالوردفاتي صدقتي والله ربنا معانا يارب

[@QamarAlwan]

ربنا معاكي اختي ومعانا

[@عاشقةالوردفاتي]

@@QamarAlwan اميين اختي لكن الدعاء وحده لا يكفي يجب ان نملك زمام الامر يجب ان نحرق عقد الرق الذي يربطنا النرجسيين ونحصل على الحرية ونستثمر ماتبقى من العمر في مرضاة الله والعيش بكرااااامة

[@QamarAlwan]

@@عاشقةالوردفاتي فعلا كلام دررر اختي الغااليه

[@خادمةللزهراء]

احسنتي حسبنا الله ونعم الوكيل خرجتو من حولي وقوتي إلى حولة لله وقوته👍👏🤲

[@ايادعامر-ر5ذ]

اللهم ثباتا اللهم ثباتا اللهم ثباتا

[@abeermajeed7483]

الاستفزاز هو ملعب النرجسي بامتياز فلا تصارع الخنزير في الوحل فتتسخ انت ويستمتع هو. حلقه عبقرية 👏👏👏👏👏👏👏👏👏

[@nadabakry6181]

تشبيه حلو جدا بصراحة فى محله

[@FBH6380]

من الطرق الناجحة في تقبل النرجسي للنصيحة أنها ما تكونش منك ايها الناصح يتقبل المشورة أو النصيحة قد يأخذ بها كلها أو نصها من اي شخص له مصلحة معاه أو مش أريب منه

[@Hiiim.68]

صحيح افضل حل معاهم التجاهل

[@Pre962]

أحسنت خنزير 😂😂 وبعد فأر وجبان

[@sohashaheen6208]

هما دايما فعلا عندهم سوء الظن تكوني قلتي كلمه يقعد يطلع فيها القطط الفطسه عشان يطلعك غلطانه وخبيثه وتقعدي تدافعي عن نفسك ويقولك انا اي عرفني اي ال ف قلبك

[@QamarAlwan]

مافي داعي تدافعي عن نفسك لان عا حق

[@alamalelkaper8037]

بيقولي سوء الظن من حسن الفطن..ويضحك...لما يسئ الظن ويطلع غلطان واقوله بلاش سوء الظن .

[@mohamedezz7020]

انا ماشاء الله عليها مجرد مايستفزنى اتعصب وابقى كمان عاوزه اضربه من شده العصبيه لكن أن شاء الله هدرب ع الرد الصح ادعولى الله يباركلكم

[@قاهرةالظلام-ط5ل]

انا بدات اضحك عندما يستفزني .. فيبدا بالدهشه ..ويستفز هو بدلا من انا استفز

[@oumwail8557]

من فضلك كيف أتعامل مع ابنائى المراهقين في وجود أب نرجسي حاد مع ضهور علامات نرجسية عليهم خاصة الولد افيديني واجرك عند الله رمضان كريم لكي ولكل المشتركين

[@bilalali-uo1ox]

نفس المشكله والضحيه الأبناء لدرجه فرحته بعدم سماع كلامي حتي لا استطيع أن أقول لا اي حد أمامه أي كلام يخص الحياه حسبي الله ونعم الوكيل فيهم كلهم ده شيطان ربنا ينتقم منهم وحدهم في طريقهم

[@QamarAlwan]

ورمضان مبارك عليكي اختي

[@اللّهمعجللوليكالفرج-ط2ج]

الله يكون بعونك نفس المعانات علاجهم في هذه المرحلة سهل لاكن اذا وصلو الثلاثينات مستحيل يتعالج

[@hodhod6300]

إنت فعلا ذكية د/ كوثر كل ده حصل معايا وبالفطرة بدأت أقلل استفذاذه لى بس بعد سنين طويلة خد من أعصابى وعقلى ونفسيتى لحد ما ابتديت أفهم الصخصية أنا بقالى 30 سنة . أنا بشكرك جدا على فيديوهاتك ويا ريت شوفتها من زمان ضاع من عمرى كثير مع هذه الشخصية البذيئة .

[@afgfdugsgfet9839]

😍🌹متميزه ومتالقه كالعاده

[@املشوقي-خ5ص]

جزاك الله خيرا يا دكتوره شرح حضرتك وافى وممتع جدا تقدمى النصيحه بكل إخلاص جزاك الله عنا خير الجزاء

[@fatimaali3384]

دائما كنت اقول انت لا حكمة و لا منطق النقاش و ياك عقيم اللهم اجرني في مصيبتي هذه و خلفني خيرا منها 🤲🏻

[@rashaahamed2915]

جزاكي الله خيرا يا دكتورة ..ونفع بك وبعلمك. .عايزة اقولك ان زوجي النرجسي طلع عليا ان ملبوسه وعليا عفريت واقنع امي بكده ..والدليل العصبيه والصريخ والهستريا اللي بيوصلني ليها شر البليه ما يضحك

[@fawzyael-sayed2844]

و استعينوا بالصبر و الصلاة -الام تطمئن عندما تقتربين من الله تعالى -و ستهداين اكيد-الله بقويك

[@rashaahamed2915]

@@fawzyael-sayed2844 جزاكي الله خيرا..والله كل ما تضيق بيا الدنيا اسمع الايه دى سبحان الله ..لعل الله يحدث بعد ذلك امرا

[@nawalheikal7217]

حسبنا الله ونعم الوكيل والله كنت بسبح وانا بطبخ وكنت ببكي خرج قال لأمي دي مريضه دي بتكلم نفسها وكنت ف اول الثلاثينات

[@abeerali1769]

اتمنى ان حضرتك تعملى ندوات نحضرها لاننا فعلا بنتعلم من حضرتك كتير

[@reemashraf6997]

فعلا ولما قفشته وقلتله انت بتستفزنى قالى هتسفزك ليه واستغرب انى وصلت للفهم ده

[@QamarAlwan]

ربنا معاك ومعانا يارب

[@ilhamyousf23]

لا حول ولا قوة إلا بالله العلي العظيم. الأولاد متعبنا. لانهم صغار . والنرجسي بيجعل حالتنا النفسية تعبانة.

[@ضوءالقمر-ن8ط4غ]

يعني كلمة ورد غطاها وخليه ينفجر

[@omAhmed-tj6li]

يعني يستفزني وكمان بيحسبني على المجهود اللى عمله عشان يستفزني منه لله

[@azzanawar3230]

كلام جميل فعلا وياريت اقدر انفذه

[@khadidjasaadi724]

اعطينا مثال عن الحوار الاستفزازي

[@rachiddido8362]

قمة الخبث بعد ماياخذ حقو الشرعي الزوج الطبيعي حيشكر مراتو ويهنيها ويستتها المهم يجازيها بالخير النرجسي يروح يطفي الثلاجة. وكل لي فيها يبوز.

[@bilalali-uo1ox]

دول شياطين في سؤال مهم ؟هل هم كانوا كده علي مر الأزمنة ولا هي الشيطنه تطورت؟ كلهم شبه بعض.

[@rachiddido8362]

@@bilalali-uo1ox لا او كمان حامل لكتاب الله ويحفظو للناس ويحث على حفظه ويشغلو بصوت عالي وحنا نايمين ولما المقرئ يسكت المستمعين يقولوا الله اكبر فنتخض فلما اقولو وطي الصوت شوية يزمجر ويحسسني اني مبحبش كلام الله واني كافرة وغير كده كثييير الله المستعان

[@bilalali-uo1ox]

@@rachiddido8362 الكلام مش ح ينتهي اثناء تشغيل القران الكريم قاعد علي المواقع ......؟؟؟..مناااااافق أن مش ح كفره لكن هو شيطان ربنا ياخده

[@alamalelkaper8037]

@@rachiddido8362 ضحكتيني .. نفس اللي بيحصل معايا ويقلي ده كلام ربنا...علي فكرة بيبقي عايز يقلق نومكم فقط او عايز حد يخدم عليه او يتسلي بيه.

[@alamalelkaper8037]

@@bilalali-uo1ox تقصدي مواقع تيت..نفس اللي بيحصل..

[@aumtota1766]

اللهم ربي يكرمك الجنه وينورك مثلما تنورينه وتنصحينه يارب.. وصلت الى حافة الهاويه مع تصرفاته لكن انا الان اهدئ لاني عرفت شخصيته المجنونه والحقيرة بفضل فيديوهاتكم

[@mahMoud-gh2ti]

حالا طبقت كلامك وقعدت احلل واكتشف اد اية انا كنت ساذجه .. عايزة اقولك اني قبل الجواز منه كان عندي ثبات انفعالي رهيب لدرجه ان اصحابي كانوا بيعلقوا علي كده وانهم بيتمنوا يبقوا في هدوء اعصابي في المشكلات .. ولما اتجوزت الحمد لله بقيت عصبيه جدا جدا واقل حاجه تخليني ابكي ب انهيار وللاسف بقيت اجيب القديم والجديد عايزة اقولك كمان اني فرحانه اني بكتب وقادرة اعبر عن اللي حاسه بيه لان ده في حد ذاته مكسب ليا .. في لسه بقايا شخصيه سوية جوايا قادرة تعبر عن مشاعرها اهو 😅 عايزة اقولك كمان اني الفترة الاخيرة وصلت لدرجه من الاحباط واخر خناقة حصلت بنا انه اهاني مش كلام خارج علي اد ماهو تحقير ليا .. وده قتلني لان مبحبش حد يمس كرامتي ولما لومته كابر ورفض يعتذر وانا كنت صابرة اني اخد اي رد فعل عشان بيتهمني اني زوجه ناشز وبتعامل بالندية معاه وده قلة ادب مني ... لما رفض يعتذرلي .. وجهتله كل الاهانه اللي قالها بالظبط وتخيلي بقي مستحملش الاهانه دي وعاقبني فورا ... هددت اني مش هعيش علي ذمته تاني واني هتطلق حتي لو رفض يطلقني هخلعه واخلص من نكده وعيشته اللي تعبتني نفسيا .. وفي الاخر تخيلي انه جه يصالحني ورفض برضك انه يعتذرلي علي الكلام اللي صدر منه ... انا مزعلتش لان كده نعتبر خالصين بس عندي ليكي سؤال واتمني تجاوبيني او توجهيني لمصدر اقدر اعرف منه الاجابه انا حاسه اني مريضه نفسيا او في خلل معين جوايا بس معرفش ده بسبب اني لسه تحت تاثير ضغط جوزي واهله ولا لا .. اتاكد ازاي من صحتي النفسيه واني طبيعيه مهو ممكن يكون اصلا انا اللي عندي خلل نفسي وبحاول الاقي شماعه اعلق عليها الخلل ده

[@امعبدالعزيز-ق7ن]

والله دائما انا في مناقشه معاه على طول ودائما انا المخطئه عنده

[@munaahmed6522]

يادكتورة بيستفزني انه بيرقص مع البنات في الشغل وبيرسل لي فيديوز ... تركته لانو تعبت من كل شي وقفت حياته معاه

[@QamarAlwan]

ولايهمك اثبتي . واسمعي ايضا الاستاذة سحر النادي .

[@samarfaruok2765]

بيرقصوا فى الشغل ازاى هو المكان فاضى وسايب للدرجه دى طبعا كلامك صح انتى اللى عارفه بس هو مجرد سؤال

[@munaahmed6522]

@@samarfaruok2765 عملوا حفل سنوي للشركة بتعته وراح مع زميلته ونهاية الحفلة رقص معاها لوحديهم وقال مكملناش رقص كويس علشان طلعت مابتعرفش ترقص وانا حعلمها للسنة الجاية علشان نرقص كويس وبراحتنا .... وانا مجتمع يمني محافظ جدا وغير ان الشي هذا حرام ... انحرق قلبي وبطلت اتكلم معاه خالص ... وبعديها بشهرين رجع يكلمني وقال انو انا اوفرت الموضوع ومكانش مستاهل كل ده

[@samarfaruok2765]

@@munaahmed6522 انا مش عارفه اقولك ايه الله يساعدك كله الا الخيانه انا بصراحه استحمل الراجل اللى يعمل اى حاجه الا ده يسقط من نظرى وعلى فكره لو عايزه تاخدى حقك ماتبينيش انك متضايقه قوليله طيب طيب واتكلمى معاه عادى وبعد كده امدحى فى اي راجل قدامه ،،،،

[@munaahmed6522]

@@samarfaruok2765 مايستهلش اصلا اعاتبه وهو بيقول كلام مقرف كدا ... حياته لوحدها عقاب ليه .. دلوقتي انا احسن بكتير ببعدي عنه

[@engy442]

ربنا يكرمك على المجهود ده

[@soleildumaroc5729]

كلمينا عن الأب النرجسي..

[@najwa.alzaydi]

عملت الي قلتيه راح عاملي صمت عقابي🤦‍♀️

[@rodyhema6403]

طيب منا لما بقوله لوسمحت ما تتجاوزش بيزود الشتيمة

[@ريهامفتحى-ز6ذ]

فعلاً تفسير وتوضيح أكثر من رائع

[@samiramad9891]

جزاك الله خيرا

[@gogahelal4141]

فعلا مره قالهالي سكت وقال مانتي قفشتيني

[@Za-dw9pq]

اكثر من رائعة دقيقة جدا وقريبة جدا

[@QamarAlwan]

رمضان مبارك

[@سمسمه135]

الحلقه دى مهمة جدا

[@raniaibrahem1445]

طب اعمل ايه مشكتلي بنفعل وبرد عليه في اول الاستفزاز ومش بدرك انه استفزاز إلا بعد مايزودها في الكلام ساعتها بهدي وارد بهدوء وابتسامه زي ماقولتي بعد ماكنت انفعلت في اول الحوار نفسي امسك نفسي من اول الحوار المستفز لأخره

[@dodygogo2634]

ولما بنتكلم في موضوع مهم زي احنا محتاجين شقه عشان هننقل بس دلوقتي بقوله تكتبها باسمي او اسم البنات بيضحك ويقولي حقك طبعا ربنا يسهل وكده اعرف منين أن ده بيتكلم بجد ولا بيتريق

[@user-jm5ux1is5h]

ممكن تفهميني هو لماذا يستفز هل غرضه الحصول على الاهتمام طيب اذا نحنه نقدم له الاهتمام دائما لماذا يستفز

[@alamalelkaper8037]

البحر يحب الزيادة..ههه

[@Blume-cu3ju]

طيب هو يعلم انه مهما استفز لن اتأثر ابدا ولا بأي حال لكن هو يعلم انه الأطفال خط احمر... لذا يلجأ لضرب الأطفال .. لا يتقبل كلمة (لا) تضرب الأطفال .. يصرخ ويشتم واصبح في نظره (ناشز)كما يقول

[@QamarAlwan]

رمضان مبارك عليكي

[@julyabdallh9754]

خله يقولها لين يشبع منها

[@enayattaher9095]

استمرى 🌹🌹🌹🌹

[@juliajolly5821]

لا نعضه..ونعضه ونقطم رقبته بأسنانا

[@reem.bateisha]

الله ينور عليكي

[@saski23Dz]

سلام عليكم سؤال مش عارفة حله لماذا النرجسي بعد ما كشفته وعايشة معاه لما ما اتفاعل ردود يعنى يبطل حتى انه يكلمنى بالهاتف لما يروح بعد عدة ايام ماذا يفكر فى بالله??!! لم يستطع استفزازى ابدا الان هو صح يصبح مرتبك ويصبح يبدل الكلام ولا اهتم به هههههه جزاكى الله كل خير جاوبنى الله يسعدكى

[@qweasdasdzxc4380]

انا يستفزني ويصتنقصى ويثلث لضرتي

[@qwenqwen5708]

جوزي بل الخليج وبتصل فيني كل شوي ل يستفزني بقول انتي شو عم تعملي وكل سوالته. بدو يستفسر عن كل حدا من اهلي، وصديقاتي وانا بحاول ما اجاوب عليه إلا في المختصر بختصار شديد وبقول لي بحس، انو بدو اخبار مني عن كل اهلي وصديقاتي ل يكشف شي، عنا هل احساسي، صح والا انا غلطانة وسألني عن أدق التفاصيل عن حياتي وانا بكذب عليه بعض الأحيان ال اهرب من بعد ما طلعت عنده عل الخليج وضربني ضرب ليءم ورجعت عل سوريا انا مش، طايقة احكي معه ولا اسمع صوته ولما سمعت انو جاي عل سوريا دقات قلبي صارت مليون كيف اتصرف معه إذ رجع وكيف اتجاهل الاستفزاز وكيف اعامله مو قادرة انسا الضرب ال ضربني، اياه في الخليج كرهت السفر وكرهت حالي ونفسيتي، تعبت منه حسبي الله ونعما الوكيل فيه وفي كل ظالم كل حديثه معي استفزاز ومقرف وغير انو تهمني ب شرفي وقال حافظ لي صوت وصورة انو انا خاينة وانا الله بعلم في حالي لاني عمري ٥٥ سنة ومريضة وكرهت الرجال ال زيه وال متله ارجو تساعديني بتعزي، الله والنبي انك تساعديني في التغلب عل سيطرته على في النوم في الليل

[@منار-ه7ع]

احسنتي

[@skylight5744]

لو كان النرجسي من الوالدين كيف يتم التعامل مع الاستفزاز

[@QamarAlwan]

التجنب مع بر الوالدين . كده وكده

[@dedasakr7578]

بحبك يا دكتور النرجسي عندي بيغير صورة الواتس له بيلقح بيها عليا

[@engymohamed8859]

ممكن اكونت فيس عايزه اتكلم مع حضرتك ضرورى

[@omAhmed-tj6li]

اقسم بالله لما اتهمتني بالخيانه رديت عليه زي محضرتك قلتي ...وقلتله سيبني على زمتك ليه مطلقني وشفلك وحده نظيفه زيك رد ف منتها السفاله وقلي اطلقق وتفضيحينا خليكي كده وانا هشفلي وحده فعلا

[@zohrazouzou7586]

ماهو عكس النرجسي؟

[@QamarAlwan]

الانسان السوي متعارف عليه

[@zohrazouzou7586]

@@QamarAlwan السوي اي المعتدل اللي خاف ربنا هو عكس النرجسي؟

[@اميرةالفولاذ-ز4ض]

المناقشة مع النرجسي سحب طاقة الضحيه وتصبح مثل البطارية الفارغة

[@Ssq.uae9]

برافوا عليكي عزيزتي كلامك صحيح

[@zeroneighteen480]

حاولت اناقشه بعدما هددني بالطلاق وحرماني من الاطفال كان النقاش معه مستفز لابعد درجه ومسك عليا موقف واحد جلس يردده طول الجلسه

[@everythingwithtina1454]

الله ينور عليكى أميرة بالظبط كده 👌🥶🥶🥶🥶

[@wesamsaad3333]

افضل تعبير و وصف دقيق فعلااااااا

[@somayabalkahir8990]

الله يدخلك الجنة مع الأبرار يادكتورة كوثر جزاكي الله خير الله يكتب لكي الأجر على مجهودك وتعبك لأني من زمان وأنا أبغا أروح عند دكتور نفسي بس حالتي المادية ماتسمح دعيت كثير إنو ربنا ينصرني على النرجسين وكل شوية بتحصل معي مشكلة مع نرجسي وإللي حوليا بيخاصموني ويقولو إنتي الغلطانة

[@samahibrahim2836]

حسبنا الله ونعم الوكيل كنا نفسنا نعيش حياة سهله وسويه مش حرب نفسيه وماديه ومعنويه يا مغيث اغيثنا يا الله 😩😩😩

[@حبيبةأحمد-ي6ض]

والله لسة متصل بيا عامل نفسه بيصالحني وللاسف خلاني اعصب واتنرفز ولسة قافلة معاه وضربات قلبي سريعة وضغطي ارتفع ففتحت قناة حضرتك لقيت الفديو دا ربنا يكرمك

[@QamarAlwan]

ربنا معاكي ومعانا

[@soumayaboudjema1930]

اقطعي علاقتك به سريعا نصيحة من اختك

[@gogahelal4141]

الله يعينك ويصبرك

[@نونالنسوة-ح7ق]

الله معاكي حصلت معي آلاف المرات واكتشفت انه كان فقط يطيل فترة الاستمتاع بنرفزتي وانهياري كان يتصل بصوت حنون ومتكيف على الاخر ويسألني بكل برود انتي هديتي شوية؟ طب نامي كده طب اطلعي شمي هوا كنت بموت من الغيظ واقعد ازعق في التلفون وهو يقول لي والله مش عارف اساعدك ازاي ..انتي مسكينة بجد

[@toutahayet8239]

@@نونالنسوة-ح7ق نفس طريقة زوجي بيقلي ربنا يشفيكي عشان يشككني في عقلانيتي

[@hibaqareesh5653]

بيخافو من السكوت والهدوء وبيحبو انك تفضلي تركدي وراه حتى يقلك روحي مابدي ياكي ويرضي غرورو بس إياكم والضعف

[@afgfdugsgfet9839]

هو يستاهل اكثر من العض 😂

[@sohashaheen6208]

😂فعلا

[@عاشقةالوردفاتي]

وليس اي عض بل عضة كبرى

[@asdffgh7221]

انتي عسل

[@roronaji80]

عضة كوبرا مجلجلة

[@sanasalh5815]

الود ودى أخذ عصا كبيرة في ايدى و اضربه جامد لحد ما اتعب و افش غل السنين فيه

[@hindshehdi522]

انت العالم بحالنا يا الله و بما مر علينا من جور و استغلال و استفزاز على مر السنين ..اللهم يا ذا الجلال و الإكرام انصرنا نصرا يليق بعدلك و جلالك في الدنيا و الآخرة ..فوضنا أمرنا لله

[@hadiloran7355]

أمين يارب العالمين يا عادل

[@فففششش]

اللهم ٱمين ياذا العزة والجبروت

[@aumtota1766]

اللهم آمين

[@hadiloran7355]

@@aumtota1766 امين ياربي العالمين

[@GoGo-mu1cj]

اللهم امييييين

[@walaa7255]

مش ممكن حضرتك دراسه الموضوع كويس جدا حضرتك احسن واحدة تتكلم عن موضوع النرجسى بوقعيه تحياتى

[@eslamgems5383]

ومتنسيش كمان سحر النادي....تبعايه كمان ارجوكي

[@Za-dw9pq]

صح

[@Za-dw9pq]

الحقيقة افضل من سحر النادي بكثير وكذا افضل من أمل عازر رغم أن الإثنين ممتازتين و افادتاني كثيرا

[@gannamohamed895]

ود. داليا راشوان هترتاحي وهتعرفي تعيشي

[@fawzyael-sayed2844]

@@Za-dw9pq -لكل منهم اسلوبه المميز -و كمان على اسماعيل -و نعمان زريوح

[@llll3905]

" ربنا ولا تحملنا ما لا طاقة لنا به "

[@kenzysaeed6633]

اللهم آمين يارب العالمين

[@jannatzaina1082]

بسي هو مش بيناقش ابدا ولا بيتكلم فى شى مهم او ليه علاقه بالبيت انا بحاول اناقشه ومستحيل يستجيب

[@أمحبيبة-ط1ك]

اقسم بالله بالظبط خلاص جالي انهيار بسبب الكتمه ال جوايا في أي موضوع في الدنيا

[@kenzysaeed6633]

نفسي يكون عندى ثبات انفعالى لانى دى مشكلتى ف الحياه مابقدرش اعمل كنترول لما حد يستفزنى واهلى وزوجى نرجسيين وضاغطينى ضغط عصبى شديد ياريت حضرتك تعملى حلقه للثبات الانفعالى

[@zakizako1640]

وانا كذلك انفعالي شديد جدا وبقيت خيفا باني عندي نرجسية مكتسبة 😓😓

[@kenzysaeed6633]

@@zakizako1640 طالما خايفه وعندك احساس بالذنب يبقى انتى ف الامان النرجسي عديم الاحساس والشعور

[@املشوقي-خ5ص]

@@zakizako1640 لا العصبية من كثره معاناتنا مع النرجسى

[@zakizako1640]

@@kenzysaeed6633 يارب 🤲 ربنا يخليك لينا يادكتورة كوثر 😘

[@QamarAlwan]

استمعي للاستاذة سحر النادي والنعم من الاستاذة كوثر ايضا .جيدة جدا

[@الحمدللهدائماًوابداً-ز2ب]

انت متخيله يادكتوره ان كل يوم استفزاز اكثر من اللي قبلو يعني كل يوم احظر نفسي لاستفزازات جديده ايه النفسيه اللي ح تتحمل كل الضغط دا

[@ضوءالقمر-ن8ط4غ]

حسبي الله ونعم الوكيل ، ماذا أبقى للشيطان !!!!

[@hindshehdi522]

يتنافس مع الشيطان على المكر و الاذى و لكن الله سبحانه و تعالي بالمرصاد لكل ظالم

[@ahlembejaoui4865]

هو الشيطان بعينه

[@wafyaaahmedahmed8491]

فعلا .....وياسلام بقي لو حد غريب موجود يبقي الاستفزاز علي اخره

[@meritatoon3494]

جدا جدا عيل ف نفسه

[@mahaouf3498]

ممكن يادكتور تعملى حلقة عن تصالح النرجسى للضحية وهى رافضة التصالح وإزاى تتصرف وتقول إيه فى الموقف دة..

[@A.s.seerop]

الله يخربيت كدة دول مكانهم مصحة نفسية

[@adamtamer3449]

دى حقيقه انا شخصيتي هاديه وبفكر جدا قبل اي رد زوجي الوحيد اللي بيخرج الشيطان اللي جوايا وبيعرف يستفزني بسرعه جدا بكلام سخيف اوتقليل مني واتهامي في سمعتي بدون دليل او موقف معين بابعكس هو المتعدد العلاقات كتير جدا والله تعبت فعلا مش عارفه اتعامل ومش عارفه اخلص منه

[@QamarAlwan]

ربنا معاك يارب العالمين

[@فففششش]

اطلبي ربنا يهديك سبيل الرشاد

[@فففششش]

انا مثلك واتعلم مع الوقت كيف اتعامل معه وفي الاخير الخير فيما يختار رب العباظ مجرد ان نأخد بالاسباب حسب استطاعتنا وربنا معانا

[@laven1700]

الدعاء ثم الدعاء ثم الدعاء والله هو السلاح الوحيد ضد هذا الوحش الانساني الغريب ولله في خلقه شؤون انا صبرت سنين توهني سبب لى اكتاب وبانك اتاك وهوه الى يقولى خذي الاديه علشان ماتعصبيش لاكن هو لايتغير أبداً الى ان نجح في ابتعادي عن اعز اخواتي الى قلبي واهلى والناس جميعاً اسلوب خبيث وغريب يحتار العقل ولكن من سمعت الدكتوره ربي يجزيها طمانينه الدنيا وجنه الاخره وجمعنا مع حبيبنا محمد ومع كل مظلوم في الدنياء يارب 🙏🏼 ربي يسعد ويوعي كل زوجه ابتلت بزوج نرجسي وخصوصًا العقلاني اشد نوع على النفس للأسف

[@Ssq.uae9]

صح انا اتهمني في شرفي وشرف اهلي حسبي الله ونعم الوكيل

[@fatimaali3384]

على الجرح و الله استاذة كوثر ...اللهم شافني شفاءًا لا يغادر سقمًا🤲🏻

[@merfadm5362]

تحية ليكي ... دا دايما بقولي انا بحب استفزك انا اعشق استفزازك

[@QamarAlwan]

طبعا عشان يرفع ضغطك ويجيلك سكري لا سمح الله

[@ضوءالقمر-ن8ط4غ]

ردي عليه ، أكيد لأنك من شياطين الإنس والعياذ بالله وانتي تبتسمي بدون عصبية

[@nazihamosbahi4046]

المحاكم ما بتاخذ بجدية الفيديوهات بس بترتكز على شهادة الشهود

[@zeroneighteen480]

مين الشهود؟؟؟مافيش حد بيخش غرفة النوم مع الزوجين عشان يشهد على نقاشاتهم ومشاكلهم

[@هيمااحمد-ظ8ح]

@@zeroneighteen480 معك حق والله

[@alamalelkaper8037]

@@zeroneighteen480 ربنا شاهد وهو المنتقم الجبار.

[@munaahmed6522]

مش معقول ... هذا الكلام الي فعلا بيشرح وسخ النرجسي ... شكرا دكتورة ... والله اذهلني كلامك جدا ... انا مرضت بسبب استفزازه ... منه لله

[@QamarAlwan]

سلامة قلبك

[@suzansuzan8724]

من اجمل القنوات اللي بحثت موضوع النرجسي والاستاذه كوثر مبدعه فعلا في التحليل بعمق وايجاد العلاج والحلول ..سلمتي على هدا المحتوى الرائع

[@ziadmhmod4705]

ياريت امثله كتير للردود ف المواقف

[@snowwhite1325]

أنا ضربتو حقيقي beat هههههههه بس حاسة نفسي عال العال

[@alamalelkaper8037]

اوعي يعضك هو...ههههه ربنا يهد قواهم مدام مش هيتغيرو..

[@ommohammed6274]

كل إللي بتقوليه صح جدا عشته كله بالحرف وكل مره أسامح أملا في التغيير وعلشان الحياه تمشي منذ 31 سنه خلاص طاقتي خلصت قررت عدم الاحتكاك به قدر الإمكان ولاكني كنت أقع في فتات الخبز وقدراته علي استعادته لي الان فهمت كثيرا يارب أنجح في التشافي والسيطره عليه

[@haha6755]

كيف يعني تقعي

[@toot671]

اهنيك يا دكتورة بالفعل طبقت النصايح بالنسبة للنقاش ومحاولة الاستفزاز ونجحت😂😂

[@عبيرالربيع-ك2ث]

هل حولتي لنقاش مفيد

[@ضوءالقمر-ن8ط4غ]

سؤال أختي كوثر : هل اذا تصرفت معه بهذه الطريقة ولم استجب لاستفزازاته ولم ينجح معي في ذلك هل لواستمريت معه بهذه الطريقة فترة طويلة وحرمته من ذلك الوقود الذي يحصل عليه بالاستفزاز ، هل يؤثر عليه بحيث اذا لم يستعمل هذا الاسلوب فترة طويلة حيث انه لم يعد يجدي مع الضحية هل يتلخبط هو وينسى الطريقة الاستفزازية او لا يعود يتقنها مثل الاول لبقائه فترة طويلة معطلها لايستخدمها ؟ انا عاوزه اعمل له لخبطة في مخه قدر الامكان وياليت ينسى الطريقة الاستفزازية وتتعطل عنده ارجو الرد بارك الله فيك

[@QamarAlwan]

مستحيل تتعطل عندو قصة الاستفزاز . لانو معتمد عليه بشكل جدي

[@saraadel5609]

ممكن ضروري حضرتك تقولي ايه التصرف الصحيح لما يطلب اعتذار بعد صمت عقابي وغصب نرجسي وطبعا قلب الطرابيزه وطلع نفسه برئ

[@Thiziribdelmalek8531]

أبحث عن نفس الإجابة

[@ضوءالقمر-ن8ط4غ]

اقلبي الترابيزة عليه وماتخفيش خاصة اذا هو نرجسي خفي لأنه بالفعل جبان وقولي له المفروض انت تعتذر عن طريقتك واسلوبك ولا يهمك اياك تعتذري لإنك ستندمين اكثر حاولي تغيري من نفسك ومن طريقة تعاملك معه وحبي نفسك ولازم تخلعي عنك رداء الخوف الا من الله وحده ، احنا اللي خليناه يتفرعن علينا بطيبتنا وانسانيتنا مع انسان عديم الضمير والانسانية اناني لايرى الا نفسه قوي نفسك بالاستعانة بالله والتوكل عليه واتباع طريقة جديدة مناسبة للتعامل معه تحد من اذاه وتحفظ لك ماتبقى من كرامة ( ان الله لايغير مابقوم حتى يغيروا ما بإنفسهم) احنا لازم تتغيرطريقتنا معاه لأنه لايستحق وسترين الاحوال تسير نحو الافضل لك بإذن الله وبرحمة منه سبحانه اعاننا الله جميعاً

[@Thiziribdelmalek8531]

@@ضوءالقمر-ن8ط4غ بارك الله فيكي حبيبتي شكرا على الإجابة، طمنتيني وارتحت شوية.

[@QamarAlwan]

@@ضوءالقمر-ن8ط4غ برفوا عليك كلام درر

[@QamarAlwan]

ما تصدقيشششش ابدا

[@amalali-tg8bd]

حقيقى القطط المغمضه فتحت وبقيت بتوقع كمان تصرفاته وبقفشه متلبس واللهى ذى ماقولتي بيبقى حرفيا عامل ذى العيل الصغير اللى عاملها على نفسه او كانه مكبوس ووشه يحمر وعنيه توسع من خيبه امله فيه ومن كتر ماانا بقيت شيفاه اراجوز بستغرب من نفسى اذاى الأهبل ده عرف يستفزنى بتصرفاته المتكرره ديه زمان كمان طول حياتى معاه كلامه غالبا مافيهوش اى منطق ولا مترتب وديما ناقص لانه عارف ان الاسلوب ده انا بعتبره غباء وبتخنق منه لكن بعد ما فهمت حقيقته النرجسيه وفهمت انه متعمد الاستهبال والاستغباء واللامنطقيه بقيت باخده على قد عقله لو اضطريت اتكلم او اساله عن حاجه وهو حس انى مش بكلف نفسى عناء الاستفسار او الرد وبسكت او ارد رد مختصر او بتهكم وفعلا لو الموضوع يهمه الاقيه اتعدل فى الكلام وبقى يتكلم ذى الناس الطبيعيه

[@abdelrahmanfanta2278]

هههههههههههه والله فعلا تحس انك واقفة امام طفل صغير وبيمثل فى مسرحية كوميدية 😂😂

[@meritatoon3494]

دا حقيقي والله عيل بشخه عمال يخبط ف الارض عشان ياخد انتباه الل حواليه بالعافيه ، كائن اهبل وقذر

[@doaanoureldin7029]

والله بيشد شعره زي الاطفال المخاليل كمان ربنا يخلصنا منهم

[@naglaaalii9866]

أنا الكلمة اللي بوجه له علي طول بيني وبينك ربنا حايجبلي حقي منك وربنا يدي كل واحد علي اد نيته بحس أنه بيخاف من الكلمة

[@يومياتحناناحمد]

انا سالتك قبل كدة وحضرتك ماردتيش على حلفتك باللة ردى على زوجى نرجسى وبيمارس العادة السرية باستمرار وكل مااقولة كدة غلط وانا هقول لاهلك ان مابطلتش بيزيد اكتر ارجوكى ردى على

[@kenzysaeed6633]

كل حاجه تضايقك

[@kenzysaeed6633]

هما كده لماتنصحيهم بحاجه بيعملوا العكس ويصمموا كبرى دماغك منه وماتحسسيهوش انك متصايقه لانه بيدور على

[@يومياتحناناحمد]

@@kenzysaeed6633 تمام انتى صح

[@wafyaaahmedahmed8491]

حبيبتي نصيحه لله اذا قلتي يمين هيعمل شمال واذا قلتي حرام هيقول حلال ..هيعمل كل حاجه تضايقك هيدور علي ايه الي بيزعلك وبيعمله خليك مع نفسك وولادك علميهم صح واجرك علي الله

[@wafyaaahmedahmed8491]

كمان عاوزه اقول لك ان كلهم عندهم حب العاده السريه المقرفه دي اعملي نفسك مش شيفاه .....واوعي تدخلي اهله في حاجه يعني هو جاب النرجسيه دي منين من اهله اكيد

[@حليمةا-خ9ش]

كله عذاب للنفس وللقدره التحمل احنا بشر في النهايه ‘‘‘ وحنموت من الصبر

[@بلقيسياتتيفي]

أنا دربت نفسي اصمت واعد لحد ١٠ لما حد يتكلم معايا قبل ما ارد .وافكر هاقول ايه .والرد بييجي في ثانيه ...وواحده اعرفها لما جوزها استفزها وحب يعمل مشكله علشان الخل خلص وكان بيعمل سلاطه .ويحط كميه كبيره تبوظ السلاطه.ال ايه بيساعدها. راحت حطت ميه في ازازاه الخل وقفلت الغطا وهيا عارفه أنه عمره ما هيدوقه..الذكاء هو السعاده يا بنات،🤣🤣🤣🤣

[@delibamanel9]

هههههههه عجبتني فكرة اني أعد العشرة وارد لكن هل فعلا.تستطيعي التركيز العد لما نرجسي مقبول مجنون بسالك أي يستفزك؟ جاوبيني ارجوكي

[@بلقيسياتتيفي]

@@delibamanel9 يا حبيبتي أنا احيانا ما ارد خالص لو السؤال مستفز واكتفي بنظره صخريه .يعني نظره بارده من غير مشاعر لا كره ولا احتقار .انظر في عين المستفز لمده دقيقه .أو في جبهته وامشي واتركه ياكل نفسه .مش لازم كل مره ارد عليه .بالعكس الصمت يقتله احيانا .وخلي بالك أنا لا اقصد الزوج فقط .ولكن قد يكون زميل العمل أو صديقه نرجسيه أو قريب أو مدير

[@aumtota1766]

@@بلقيسياتتيفي ان سكت عنه ياعزيزتي يتهمني بالوقاحه والاستخفاف به وان كلمته يقول عني غير مؤدبه ويشتمني في كلتا الحالتين لم اسلم منه كيف اتصرف ربي يكرمك

[@alamalelkaper8037]

@@aumtota1766 هو مش عايزك تردي ..قولي ساكتة بسمعك واشغلي نفسك بحاجة تانية.

[@eimanmohamed6069]

هو ليه بنسي كل اكلام ده ساعه الغلط😞😞و نعمل ايه ف الخناقات بسبب اهلي و الغلط فيهم و ماسك علي موتقف حصلت و عمال يذيد و يعيد قيها مع ان محصلش زي مبيقول كده اصلااا . بيفهم علي مزاجو و يجي عاتب

[@حسابامي-ز1خ]

لما اناقشه في شي يخصني ويعطيني رد مش واضح ويمشي عشان ينهي النقاش

[@Grl_pwr96]

لسه مستفزني من قذارته مو قادره اتحمله واتحمل خبثه.

[@fadumofilsan3251]

اللهم اكفينا شرهم امين امين امين

[@amgadabdala6311]

يالله ماكنت اعرف اني عايشة مع شخصية. مريضة ومرضتني

[@بستانالمعرفة-س2ه]

استفزاز بالنوم الكتير

[@toamrohi2226]

الله يكفينا شرهم وحسبنا الله ونعم الوكيل

[@shimaasameh3214]

الحمدالله بفضل الله بقت اعمل كدة وكمان ممكن أدندن معاه وهو بيتكلم لحد ما يسكت

[@monagomaa4576]

صمت عقابى وهجر من سنتين لكن مش سالمين من الاستفزازات من تحت لتحت من غير مايتكلم ولما لاقانى ساكتة بيستغل المصاريف والولاد عشان يستفزنى بيشتغل بكل هدوء ومن غير كلام

[@الصبروالدعاء]

*اللَّهُــمَّ صَلِّ وسلم وبارك على نَبِيِّنَـــا مُحمَّد وآله وصحبه أجمعين* 🌿🌿🌿🌿🌿

[@GoGo-mu1cj]

اي اسلوب لن ينفع معه ولن يتغيير ....

[@delibamanel9]

أرجوكم يا دكتورة انا مدمرة نفسيا مع شخص نرجسي هستيري لم أعد.استطيع.التعامل.معو نهائيا لدرجة اني افكر في قتل بالسم أو أي شيء عشان اخلص منو تمنيت اتواصل معاكي مباشرة.وافسرلك درجة الاستفزاز إلي يعيشون معاه.ببكي صباح ومساء حسبي الله نعمة الوكيل انا عمري 45 وهو50متزوجة منذ23سنة.وكل مرة احاول الهروب منو مقدرتش عندي أربعة اولاد عمو وبنتي الكبيرة عندها 22سنة مقدرتلوش انا من الجزائر أرجوكم ساعديني ربي يجازيك

[@souleftalbi9210]

اصبري واهدئي ودعيه وشأنه واهتمي بنفسك واولادك وبيتك ومطبخك واخلقي سعادتك

[@QamarAlwan]

ربنا معاكي يارب

[@Ab-iz5vi]

انا مثلك انا 47 و هو 57 ...ثلاث اولاد ثلاثه وعشرين سنه زواج ..حرقلي قلبي طلقني فالاخير ...اصبري اختي اصبري

[@aumtota1766]

دعي امره لله ياعزيزتي انتقامه افضل وابرد للقلب ولاتدمري نفسك من اجل قذارة

[@alamalelkaper8037]

استعيذي بالله متفكريش افكار وحشة سبيه لربنا يخلص حقك منه احذري تفعلي شئ يضرك مخافا من الله وخوفا علي نفسك واولادك حاولي تتجنبيه بقدر الامكان وربنا يفك كربنا جميعا.

[@zohrazouzou7586]

يعني كل من حولي هم نرجسيين؟!اللهم احفظنا 🥺

[@إيمانمحمد-ر7ظ1غ]

ربنا يسعد قلبك ربي يفرّج كل كربة لك ولمن تحبين 💐

[@Omislam-d6w]

انا لسه بنفعل معاه لما يستفزني اعمل ايه مع نفسي😢

[@ziiyadeid7913]

بحاول اقدم محتوي هادف يخص علم النفس بتمني التفاعل والدعم 💙⭐️

[@jasmin8548]

لو عمل موقف مستفز و جاب نتيجة قوية لو كررة تانى نفس الموقف ايه الحل لانه فاهم انى اكيد مضايقه من جوه