Рет қаралды 61,160
Шымкеттің кейбір тұрғындары түндерін ұйқысыз, күндерін күлкісіз өткізіп жүр. Себебі әкімдік қолдарына хабарлама қағаз ұстатқан. Ал онда тротуар мен веложол салынады деген шенділер үйлерін әлдеқашан тұрғызып қойған тұрғындарға он метр кейін шегіну керектігін ескертіпті.
Екі жүздік жерді мемлекет мұқтаждығына берсек, қора-қопсы ғана емес, үйіміз де сүріледі деген халық бұл шешіммен келіспей бүгін наразылыққа шықты.
Шымкенттің «Тұран» шағынауданындағы тұрғындар әкімдіктен келген үшбу хатты көре сала, жанымызды шүберекке түйгендей күй кешіп келеміз дейді. Айтуларынша жаңадан түскен бес көшеге билік веложолақ пен жаяу жүргінші жолын салып, бір бөлігін көгалдандырамыз деген. Ол үшін баспана сыртындағы көшеге дейінгі алты метрді қоспағанда, тұрғындардың үйінен он метр жер мемлекетке қажет болып шыға келген. Хабарлама ұстаған жұрт аң-таң.
ЕСТИЯР СЕЙДАКБАРОВ, Шымкент қаласының тұрғыны:
- Ал бұл құр жер емес қой. Бұл жақта құрылыстар бар. Гараждар бар. Үйлер бар. Магазин, нелер навестер бар. Шындап келгенде халық тамаққа ақша таппай жатыр. Не то, что стройка.
Әсіресе үйлері бұзылатындар қатты ашулы. Олар телімдерді әкімнің шешімімен алып, жер кадастры шекарасын сызып бергенін айтады. Әу баста ескертілсе, үйді әрірек салар едік дейді.
ӘЛИМА САБЛИБАЕВА, Шымкент қаласының тұрғыны:
- Полный біздің үйіміз кетейін деп тұр. Ол айтылмаған. Жақында ғана өзгеріс енгізіліпті. Мұның барлығын тексерттік архитектурадан.
Құрылысты бастамас бұрын неге ескертілмеді дегендерге жауаптылар бұл аумақ Шымкентке Сайрам ауданынан кейін қосылды деді. Жерді бермеу қажеттілігі оларға ескертілсе де, 2011-2012 жылдары аудандағылар халыққа асығыс үлестіріп жіберген деп отыр.
НҰРЛАН АРХАБАЕВ, Шымкент қаласы Сәулет, қала құрылысы және жер қатынастары басқармасының басшысы:
- Көшелерге мынау жақын тұрған қосымша құрылыстар кетуі мүмкін. Мысалы заборлар кетуі мүмкін бұл жерлерде. Бір жерде 100 квадрат, бір жерде 90 квадрат, где-то сондай аумақта, көп кетіп жатқан жоқ. Себебі біз соны максимально қалдыруға тырысып жатырмыз.
Басқарма басшысы «өтемақы аз беріледі екен» деген халықтың сөзі негізсіз деді. Бос жердің 1 жүздігіне нарық бағасы бойынша 800 мың теңге берілсе, құрылысы бар жер тиісінше өсетінін айтады. Ал, тұрғындар қаржыдан бұрын, баспананың бұзылмағаны маңызды деп тарқасты.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық