TÜRKMEN KIKBOKSÇYSY BÜRÜNÇ MEDAL GAZANDY

Türkiýe Respublikasynyň Konýa şäherinde geçirilýän V Yslam Raýdaşlygy oýunlarynda Türkmenistanyň kikboksing boýunça milli ýygyndy toparynyň agzasy Muhammet Altybaýew 67 kg agram derejesindäki ýaryşda çykyş etdi.
Dartgynly geçen bäsleşige ildeşimizden başga-da, Marokkodan, Azerbaýjan Respublikasyndan, Kamerundan, Özbegistan Respublikasyndan, Türkiýeden, Iordaniýa Haşimit Patyşalygyndan we Gazagystan Respublikasyndan bolan ussatlaryň birnäçesi gatnaşdy. Ilkinji duşuşygyndan erjellik görkezen türkmen türgeni ýaryşyň bürünç medalyna mynasyp boldy.
Ýeri gelende bellesek, V Yslam Raýdaşlygy oýunlarynda çykyş edýän kikboksing boýunça Türkmenistanyň milli ýygyndy toparyna 14 türgen agzalyk edýär.

[@gulumarovna7806]

Afarın Türkmen halkıma Serdarıma şan şöhret

[@serdarmammetdurdyyew6204]

Muhammet Altybayew gaty kop yenis gazanya su oglan usdunlik arzuw edyas