Рет қаралды 1,020
27-nji iýul - 8-nji awgust aralygynda Russiýa Federasiýasynyň Wladiwostok şäherinde «Aziýanyň çagalary» atly VII halkara sport oýunlary geçirilýär. Oňa Aziýa yklymynyň ýurtlaryndan we Russiýa Federasiýasynyň sebitlerinden 2 müňe golaý türgen, şol sanda ýaş türkmenistanlylaryň 62-si gatnaşýar. Bu ýaryşa türkmenistanly çagalaryň 62-si gatnaşýar.
Türkmen ýygyndysynyň wekili Sabina Kasymjanowa ýetginjek gyzlaryň uzak aralyga ylgamak boýunça guralan (3000 metr) ýaryşynda uly üstünlik gazandy. Ildeşimiz ýaryşyň altyn medalyna eýe boldy. Türkmen türgeni bu ýaryşda iki medal gazanmagy başardy. Sabina Kasymjanowa ýeňil atletikanyň 1500 metr aralyga ylgamak boýunça ýaryşynda üçünji bolup pellehanadan geçmegi başaryp, bürünç medala hem mynasyp boldy.
Stol tennisinden jübütleýin ýaryşda bilelikde çykyş eden türkmen türgenleri Ylýas Allanazarow hem-de Alibek Jumanow bäsleşigiň kümüş medalyny gazandylar.
Türkmen türgeni Aly Sytdyýew 62 kilogram agram derejesinde geçen grek-rim göreşi boýunça ýaryşda bürünç medala eýe bolmagy başardy.
Türkmenistanly Selbi Zahirowa bu ýaryşa 50 kilogram agram derejesinde sport göreşiniň erkin görnüşinden bürünç medal eýeledi.
57 kilogram agram derejesinde erkin göreş boýunça ýaryşa gatnaşan ildeşimiz Umyt Kakalyýew altyn medala mynasyp boldy.
Ildeşimiz Söhbet Nuryýew erkin göreş boýunça 38 kilogram agram derejesindäki bäsleşikde şowly çykyş edip, bürünç medal gazandy.
65 kilogram agram derejesindäki gyzlaryň sambo ýaryşynda Nurana Hezretowa bürünç medala eýe boldy.
Häzirki wagta çenli türkmenistanly türgenler jemi 9 medal gazanmagy başardy.
Biz hem türkmen türgenlerini tüýs ýürekden gutlap, olara geljekde-de uly üstünlikleri arzuw edýäris.