Рет қаралды 3,118
18 ақпан күні Қызылорда облыстық филармониясының ұйымдастыруымен назым сөздің шебері, ақын, аудармашы Тұрмағамбет Ізтілеуұлының туғанына 140 жыл толуына орай Сыр елі дәстүрлі орындаушыларының қатысуымен "Тұғыры биік-Тұрмағамбет" атты жыр кеші өтіп, жыр жүйріктері жырдан шашу шашты.
Жыр сахнасының төрінде Халықаралық фестивальдің лауреаты, Халықаралық ақын-жыраулар одағының мүшесі Амандық Қуандықұлы, “Құрмет” орденінің иегері Шолпан Бимбетова, “Мәдениет саласының үздігі” төсбелгісінің иегері Майра Сәрсенбаева, “Ерен еңбегі үшін” медалінің иегері Руслан Ахметов, Бисенбек Төлеубаев, Әділхан Қуаңбаев, Марат Сүгірбай, Жәнібек Жақсандар Тұрмағамбет Ізтілеуұлының шығармаларын нақышына келтіре орындап, көрерменнің ықыласына бөленді.
Концертке Мемлекет және қоғам қайраткері, экономика ғылымдарының докторы, профессор Бақберген Сәрсенұлы, "Парасат" орденінің иегері, жырау Алмас Алматов, ақынның немерелері Шалқыма Әбдірауыпқызы және Нөсербек Тұрмағамбет т.б. ел ағалары қатысып зор ризашылықтарын білдірді.