تأثير إجتماع الفيدرالي على الجنيه و الذهب

[@DearI-i5c]

احسن النشر استاذ محمد

[@bahiali5169]

حلقه ممتازه في ومفيدة❤

[@adelerian5986]

اعتقد ان بتخفيض الفيدرالي لسعر الفائده ها يفيد الجنيه المصري بسبب زياده تدفق الأموال الساخنه لسعر الفائدة العالي عندنا و يستقر سعر الدولار أمام الجنيه نسبيا

[@almasrfie]

كلام حضرتك مضبوط على المدى القصير الفكرة بقى فيما سيحدث في ٢٠٢٥ و توقعات التخفيض خلال العام

[@ngwatadros3201]

احلا ليك❤

[@mohsenadam2384]

ماذا يحدث في شهادات البنك الاهلي في المرحلة القادمة اول يناير

[@almasrfie]

في رأيي الشخصي اتوقع عدم التجديد يا فندم

[@جلالفزاع-غ8ب]

السلام عليكم ورحمه الله ان عندي مبلغ دولر ابيع ولا انتظر

[@ابواسلامالكوينه]

كلام حضرتك كلام علم ومنطقى بارك الله فيك أنا بفكر ابيع 15/1 قبل تولي ترامب الحكم رأى حضرتك أية

[@almasrfie]

في رأيي الشخصي متبيعش غير عند الحاجة فقط و سيبه للسنوات قيمته بترتفع و القرار راجع لحضرتك

[@ابواسلامالكوينه]

@almasrfie أنا بفكر ابيع قبل تولي ترامب وعند الانخفاض زى ما حضرتك بتتوقع ينزل اعاود الشراء وازود جرامات رأى حضرتك لو سمحت

[@ابواسلامالكوينه]

استازى الفاضل اتوقع الدهب محلى از لم يرتفع ويجيب القيمة إلى وصل لها ٤٢٠٠ ويتخطاها سوق الدهب سيفقد كثير من المستثمرين ويهربو منة تتوقع حضرتك يوصل ٤٢٠٠ فى العشر الاوائل من شهر واحد

[@sonaasonson5579]

مساء الخير

[@tarekelghoroury5106]

عادة شهري نوفمبر و ديسمبر لا يمثلان الحقيقة في امريكا و الغرب بصفة عامة. اما في مصر لا أتوقع انخفاض معدل التضخم في ديسمبر او حتي يناير نتيجة لجشع التجار و انتهاء شهادات ال ٢٣.٥٪؜ و ما يترتب عليه من تدوال بعض الاموال في السوق مما يودي الي ارتفاع التضخم اضافة الي تهريب اموال السوريين من مصر تخوفا من الترحيل.

[@Attallaattalla-gd6pq]

أموال السوريين بتتهرب بره اول باول ولاهتفرق معانا غير أن أغلبها غسيل أموال وتجاره عمله وكبتاحوت ..

[@محمدعبدالعاطي-د1ح]

هل في تعويم قادم

[@almasrfie]

بالفعل التعويم شغال يا فندم الي هي مرونة سعر الصرف اما اذا حضرتك تقصد انخفاض حاد مفاجئ في سعر الصرف لا يا فندم و التوقعات المؤسسات الدولية اتكلمنا عنها في الحلقة

[@محمدسيدمحمد-ق3ش]

أحلى لايك يادكتور معى دهب أمتى أبيع دهب وأمتى أشترى علشان خايف من ترامب لو مسك امريكا عمك محمد الأقصر وشكرن

[@almasrfie]

أهلا وسهلا بحضرتك بالنسبة للبيع في رأيي يبقى عند الحاجة فقط و يبقى إستثمار من متوسط إلى طويل الأجل مع السنين قيمته بترتفع اما بالنسبة للشراء فحضرتك قسم المبلغ و كل ما تلاقي السعر بينزل اشتري بجزء هتعمل متوسط سعري جيد

[@معداويالمعداوي-ج7ن]

استاذ محمد السلام عليكم ورحمة الله وبركاته في حالة السداد المبكر للقرض هل يخصم المتبقي مع الفايده ام ٢% فقط دون الفايده ع المبلغ المتبقي

[@almasrfie]

و عليكم السلام يا فندم بيحسب عمولة السداد المبكر على اصل القرض المتبقى و بيشل الفائدة المنبقية على المبلغ

[@معداويالمعداوي-ج7ن]

@almasrfie شاكرين لكم حسن تعاون معاليكم الدائم معنا تحياتي واحترامي لحضرتك

[@السيدمجديالابيض]

حضرتك تتوقع سعر الفايده في شهر واحد تثبت ام تنخفض ام تعالي

[@almasrfie]

اول إجتماع هيبقى في فبراير ان شاء الله و بنسبة كبيرة تخفيض يا فندم

[@ابواسلامالكوينه]

توقعى ارتفاع سعر الدهب بعد خفض الفائدة وبعدزالك يمشى بشكل عرضى مابين 2650 و 2700 دولار عند تولى ترامب الحكم ينخفض إلى 2500 دولار هزا والله أعلا واعلم رأى حضرتك أية فى كلامى

[@almasrfie]

في رأيي مش هيرتفع بعد الخفض لان الأسواق مسعره الخفض بالفعل اما عند تولي ترامب في رأيي ممكن ينزل عند مستويات ال ٢٤٠٠ و يرتفع مرة أخرى في النصف الثاني من العام

[@minalotfy4194]

مساء الخير لحضرتك..انا عندي سؤال يكاد يكون غبي شوية فمعلش استحمل قلة خبرتي شوية...دلوقتي لو انا فاهم صح العلاقة بين سعر الدولار والذهب عالميا بره مصر عكسية صح كده ؟...الدولار يعلي الدهب ينزل والمفروض مادام نزل بره يبقي ينزل جوه مصر ؟....بس في نفس الوقت لما الدولار يعلي الجنيه ينزل جوه مصر وبالتالي الدهب يعلي جوه مصر؟...انا مش فاهم بالظبط لحد دلوقتي العلاقة ماشية ازاي؟..ارجو التوضيح ببساطة واسف علي الاطالة

[@almasrfie]

مش محتاج أوضح يا فندم كل الي حضرتك ذكرته مضبوط الفكرة في المحلي بقى بتبقى حسب التغيرات الي بتحصل بمعنى الي بتأثر على سعر صرف الدولار أمام الجنيه قوة الدولار عالميا و السيولة الدولارية الموجودة الي بتأثر بالعرض و الطلب علشان كده اذا حضرتك لاحظت في الحلقة قلت على المحلي ان هنتابعه بناء على المتغيرات في السعر العالمي و سعر الصرف

[@minalotfy4194]

@almasrfie طيب تمام متشكر جداا لحضرتك وانا كده كده متابعك وان شاء الله خير

[@mmtt515]

انا كمواطن مش فاهم اى حاجة يعنى حضرتك بتقول البيانات لو جاءت اعلى مش عارف هيحصل اية ولو جاءت منخفضة هيحصل اية يعنى انا افهم اية واية المتوقع يعنى انا فى مصر ابيع دلوقتى ولا لا

[@almasrfie]

في علاقة عكسية بين قوة الإقتصاد الأمريكي و البيانات الي بتصدر منه بتحدد حجم خفض الفيدرالي للفائدة لان كل ما الفائدة كانت مرتفعة ده بتأثر على الذهب بالسالب لان غير مدر لعائد وقتها الناس بتروح للسندات هي دي الفكرة يا فندم و بما انك مستثمر في الذهب لازم تفهم العلاقة دي في رأيي الشخصي بيع الذهب عند الحاجة فقط و يبقى إستثمار من متوسط إلى طويل الأجل و القرار راجع لحضرتك

[@عمرالمصري-م2د]

للأسف توقعاتك كلها خطأ أمريكا بتعاند علشان تموت سوق الذهب وارتفاع البنتكون لكن للأسف كل خططها هتفشل والذهب هو الفائز وافتكر كلامي

[@almasrfie]

موضوع توقعات العبد الفقير الى الله خطأ اسمحلي هحتلف معاك طبعا اذا حضرتك متابع بشكل جيد هتلاقي ان معظم التوقعات ربنا وفق فيها اما بالنسبة لنقطة الذهب هو الفائز فرأيي الشخصي انوالذهب على مدار السنوات أداة تحوط جيدة ضد التقلبات و المحللين اختلفوا على التأثير المتوقع زي ما اتكلمت في الحلقة بس إجمالا اذا الذهب قدر يقاوم فمش هيبقى نفس مستوى عام ٢٠٢٤

[@tarekelghoroury5106]

عادة شهري نوفمبر و ديسمبر لا يمثلان الحقيقة في امريكا و الغرب بصفة عامة. اما في مصر لا أتوقع انخفاض معدل التضخم في ديسمبر او حتي يناير نتيجة لجشع التجار و انتهاء شهادات ال ٢٣.٥٪؜ و ما يترتب عليه من تدوال بعض الاموال في السوق مما يودي الي ارتفاع التضخم اضافة الي تهريب اموال السوريين من مصر تخوفا من الترحيل.