«Тәуелсіздік - қасиетім, қастерлім»: ақтөбелік тәуелсіздік құрдастарының сыр-сұхбаты.

Ақтөбе облысының тілдерді дамыту басқармасы назарларыңызға Тәуелсіздіктің ақ таңында дүниеге келген жерлестеріміздің жетістіктерін, Егемендіке деген жауапкершілігі мен сенімдерін баяндайтын бейнероликтер топтамасын ұсынады.
Алғашқы тәуелсіздік құрдасы - Гүлбағда Қайратқызы Көбеева. 1991 жылы Ақтөбе облысы Шалқар өңірінде дүниеге келген. Телевизиядағы алғашқы қадамы «Хабар24» телеарнасынан басталған. Кейін туған жердің өсіп-өркендеуіне үлес қосу мақсатында Ақтөбеге табан тіреп, «Қазақстан» ұлттық телеарнасының Ақтөбе облыстық филиалында «Жаңалықтар» қызметінің шеф-редакторы, редактор-тележүргізуші ретінде қызмет атқарды. Екі жыл төңірегінде «КТК» телеарнасының Ақпараттық бағдарламалар дирекциясының Нұр-Сұлтан қаласындағы меншікті тілшісі. Гүлбағда Қайратқызы - ҚР Президенті Қасым-Жомарт Тоқаевтың "Халық алғысы" мерекелік медалінің иегері, Ақтөбе облысы әкімі сыйлығының иегері, сондай-ақ, бірнеше республикалық журналистер арасындағы байқаудың жеңімпазы.
#Qazaqstan30
#ҚазақстанТәуелсіздігіне30жыл