ტურნირი მინი ფეხბურთში ისტორიული დიასპორებისათვის

2013 წლის 1 ივნისს ჰერეთის კულტურულ-საგანმანათლებლო საზოგადოება ქურმუხელის და საქართველის სპორტისა და ახალგაზრდობის საქმეთა სამინისტროს, ასევე დიასპორის საკითხებში სახელმწიფო მინისტრის აპარატის ორგანიზებით თბილისში გაიმართა ტურნირი მინი ფეხბურთში ისტორიული დიასპორების წარმომადგენლებს შორის. ტურნირში 4 გუნდი იღებდა მონაწილეობას, მათ შორის, გუნდები „ჰერეთის კახი" და „ჰერეთის ელისენი" ისტორიული ჰერეთიდან, ხოლო გუნდები „ფერეიდანი" და „ტაო" ირანში და თურქეთში მცხოვრები ქართველებით იყო დაკომპლექტებული.
ტურნირის გამარჯვებული გახდა გუნდი „ფერეიდანი", რომელმაც ფინალში დაამარცხა გუნდი „ჰერეთის ელისენი" ანგარიშით 1:0. ხოლო მესამე ადგილზე გავიდა გუნდი „ჰერეთის კახი", რომელმაც „ტაო" დაამარცხა ანგარიშით 5:0.
გამარჯვებული გუნდების დაჯილდოება გაიმართა 13 ივნისს, რომელთაც თასი და მედლები გადაეცემათ საქართველოს სპორტისა და ახალგაზრდობის სამინისტროსგან და დიასპორის საკითხებში სახელმწიფო მინისტრის აპარატისაგან.