ثورة 23 يوليو 1952 - تنظيم الضباط الأحرار

ناس كتير فاكره ان ثورة يوليو 52 أو انقلاب يوليو 52.. كان أول محاولة للانقلاب على الملك فاروق أو الثورة ضده.. سميها زى ما تسميها لحد ما هنعرف دلوقتى اذا كانت ثورة ولا انقلاب..
لأن البداية الحقيقية كانت سنة 1947.. لما حاول ظابط مصرى اسمه رشاد مهنا.. كان برتبة رائد وقتها.. ومعاه 16 ظابط من رتب وأعمار مختلفة.. انهم يخلصوا على اللواء ابراهيم عطالله رئيس أركان الجيش المصرى.. ليه حاولوا يخلصوا عليه؟.. بيقول اللواء محمد نجيب فى مذكراته.. ان اللواء ابراهيم عطالله كان مشهور عنه الفساد.. وعلشان كده اختاره الملك فاروق من بين كل اللواءات علشان يوليه رئاسة أركان الجيش المصرى.. وبما انه كان فاسد.. فكان يحب يجمع حوليه الظباط اللى يمجدوه ويدينوله بالولاء والطاعة.. وعلى العكس تماما من الظباط الشطار اللى بيتميزوا بالكفاءة.. كان يكرهم ويحرمهم من امتيازاتهم.. فما كان من الظابط رشاد مهنا إلا إنه وبمساعدة 16 ظابط من زمايله.. حاولوا يخلصوا عليه علشان يوصلوا رساله للملك فاروق.. بان اسلوبه فى اختيار قيادات الجيش لازم يكون مبنى على الكفاءة والاخلاص للوطن مش الاخلاص لشخص الملك.. وإلا لو كل القيادات تم اختيارهم بالشكل ده.. الجيش المصرى هينهار وهنكون بنساعد الانجليز على كسر الجيش المصرى.. علشان متقوملوش قومه وميقدرش يثور فى وجه الاحتلال الانجليزي مهما طال الزمن..
تيجى بعدها سنة 1948 وتدخل مصر فى حرب فلسطين.. لكن تحصل كارثة الأسلحة الفاسدة.. اللى بسببها القنابل اليدوية الايطالية كانت بتنفجر فى وش الجنود المصريين حتى قبل ما يضربوها على مواقع العدو.. كانت الدبابات اللى بيستخدمها الجيش المصرى تعطل فى المعارك لأن مكنلهاش قطع غيار متوفره.. كانت المدافع الانجليزية عبارة عن خردة لأن ملهاش قذائف متوفرة.. كانت البنادق الاسبانية اللى اشتراها الملك وحاشيته للجيش المصرى.. واللى تاريخ تصنيعها كان سنة 1912.. تقف عاجزة قدام البنادق التشيكى والأمريكي والروسي اللى فى ايد جيش الاحتلال..
وهنا حضرتك تسأل سؤال مهم.. هو ليه الملك وحاشيته كانوا شاريين سلاح فاسد؟.. هقولك.. بيجاوب اللواء محمد نجيب على السؤال ده فى مذكراته وبيقول ان الملك وحاشيته كانوا بيشتروا أردئ أنواع السلاح بأرخص تمن.. ويكتبوا فى سجلات الحكومة المصرية انه سلاح جديد بسعر عالى.. وبالتالى يستفيدوا هما بفرق السعر..
وللأسف موقفش الفساد هنا.. بيحكى اللواء محمد نجيب وبيقول.. فى شهر اغسطس سنة 1949 عينونى مدير لسلاح الحدود.. وهناك كان بيشتغل معايا واحد اسمه حسين سرى عامر.. كان وكيل سلاح الحدود.. وقتها اكتشفت فساده وانه متورط فى تهريب المخدرات وبيع أراضى الدولة.. وسرقة فلوس البدو وذهب حريمهم.. ده غير تورطه فى تجارة السلاح الفاسد من مخلفات الحرب العالمية التانية..
ولما عملت تحقيق رسمى.. اكتشفت انه متورط فى 600 جريمة.. والتحقيق انتهى بإدانته.. خدت نتيجة التحقيق ورفعتها للملك فاروق.. لكن كانت المفاجأة.. ان الملك فاروق أمر بترقيته.. ساعتها كنت هتجنن.. بقولك متورط فى 600 جريمة.. تقولى رقيه.. لكن فين على ما عرفت ان الملك فاروق نفسه متورط معاه.. وان كل الجرايم دى كانت بتتم بعلم الملك فاروق نفسه.. فرفضت انى أرقيه.. قلت ميبقاش مجرم وأرقيه كمان.. كفايه انه متحاكمش.. فما كان من الملك فاروق إلا انه أصر على ترقيته.. وأنا كمان أصريت انه مش هيترقى.. لحد ما صحيت فى يوم على خبر تعيين حسين سرى مكانى.. شالونى وعينوه هو مدير لسلاح الحدود.. للدرجة دى الفساد كان مالى البلد.. بس مش دى المشكلة.. المشكلة ان الفساد بدأ يطول الجيش وقياداته.. وكل ده بسبب ان الملك فاروق عاوز يسيطر عليه وعلى قياداته.. والانجليز مشجعين ده مادام بيضمن لهم ضعف الجيش المصرى.. ما الجيش ده لو فاق لنفسه أول حاجه هيعملها انه ينقلب عليهم ويطردهم بره البلد ويخلص مصر من الاحتلال.. وبالتالى لازم الجيش المصرى يفضل ضعيف متقوملوش قومه..
المهم بعد ما شالونى لقيتهم بيعينونى مدير لسلاح المشاه.. لكن رفضت لأن موافقتى هتكون موافقه ضمنيه على فسادهم.. علشان كده كتبت استقالتى.. لكن أكتر 2 عارضونى فى قرار الاستقاله.. كان جمال عبد الناصر وعبد الحكيم عامر.. ليه؟.. لأنهم كانوا شايفين ان وجودى على رأس تنظيم الظباط الأحرار وانا جوه الخدمة.. أفضل بكتير من قيادتى ليهم وانا بره الخدمة.. جمال عبد الناصر وعبد الحكيم عامر كانوا شايفين انى هكون مفيد للتنظيم أكتر وانا جوه الخدمة.. وكان عندهم حق.. وبناء عليه تراجعت عن قرار الاستقالة..
وهنا سيدى المواطن لازم نقف شوية عند تفصيله مهمه فى مذكرات اللواء محمد نجيب.. وهى اعترافه الصريح بإن اللى أسس تنظيم الظباط الأحرار هو جمال عبد الناصر.. وان دور اللواء محمد نجيب كان مقتصر على الاسم اللى أطلقه على التنظيم وهو اسم "الضباط الأحرار".. ده غير ان وجوده على رأس التنظيم كان بيديله ثقل داخل أسلحة الجيش.. وجود اسم اللواء محمد نجيب على رأس التنظيم كان كفيل انه يكسب ثقة كل ضباط الجيش.. وهو ده الفخ اللى بيعترف اللواء محمد نجيب بنفسه انه وقع فيه بدون ما يحس.. هو بنفسه بيقول انه لو كان يعرف ان ده دوره الوحيد فى التنظيم مكنش انضم له من البدايه..
المهم.. خلينا نرجع لثورة يوليو أو انقلاب يوليو لسه هنشوف دلوقتى..
المصادر
مذكرات الرئيس محمد نجيب " كنت رئيسا لمصر "..
#المواطن_سعيد #ثورة_23يوليو #الضباط_الأحرار

[@Ahmed_Said]

ثورة ولا انقلاب ؟

[@user-ck3vp4kt5z]

انقلاب

[@cap.youssefhassan4674]

انقلاب

[@user-do4wo6pk1q]

انقلاب

[@hethat4296]

انقلاب عسكري ووصول عبدالناصر للحكم بازاحة نجيب هو انقلاب عسكري ووصول بلحه او السيسي هو انقلاب عسكري دموي على ارادة الصندوق وغلي الديمقراطية عموما

[@sassoel-tabey1998]

ثورة

[@p1xneu2]

🇪🇬يا مصريين الله الله في بلادكم ادعمو بلادكم وجيشكم انتم آخر ما تبقى للامة العربية انضرو الى سوريا والعراق واليمن وليبيا دول الخليج معكم 🇸🇦

[@hewidaelshentnawy6247]

أنقلاب زى بالظبط الانقلاب الى حضرتك بتعمله بحلقاتك الرائعه وأسلوبك المتفرد مصر ديما فيها عباقرة فى كل المجلات تحيه حب وتقدير 💪💪💪🙏🏻🇪🇬

[@FreedomExpress11]

المعيز في نعيم

[@AhmedMohamed-fq1kj]

مفيش فايده

[@bigl2281]

👏👏👏👏👏👏👏👏👍👍 nice comment

[@mxkxk55]

وبعد انقلاب الضباط الفجار زاد الفساد والخراب ودخلت مصر مرحلة اصعب من الملكية بقيادةالخاسر ابوناصر

[@ziadayman3610]

انت مين عشان تتهم واحد حرر الشعب المصري من تحت احتلال و علفكره الأنظمة الحاكمة الحالية مش هما المنقلبين ولازم تعرف أنهم اشرف منك و من امثالك

[@BekoZ7]

كينج التفاصيل وكشف الحقائق تقريبا انت الوحيد الي كنت بتفرج عليه علي اليوتيوب الفتره الاخيره في المحتوي ده في أيام الامتحانات بتاعت الثانويه العامه ❤️💔🤍

[@mikasalove7419]

تحية من الجزائر لمصر 🇩🇿

[@ahmedsaleh-bg3ol]

تسلم يارب استاذ سعيد علي تعبك ومجهودك شرح وتفاصيل في قمه السلاسه 👌👌👌❤️❤️❤️❤️

[@dr.samazizalfarra6625]

لفد كانت ثورة 23 يوليو سنة 52 بدأ تاريخ جديد لهذة الامة الثائرة المناضلة. عاشتمصر حره عربية. والمجد والخلود لشهدائنا الابرار

[@MohamedMido-jp7ey]

قصدك الانقلاب اللي خرب مصر

[@salmashamel6053]

كمل حلقات جواسيس الحرب العالمية الثانية بلييييز🙏🌷🌷

[@mostafafathy4372]

ياريت والله

[@engineer2948]

ياريت والله

[@mahmoudessam9854]

ياريت

[@IsntArwa]

نبغى جواسيس محد يعرفهم

[@abdallahmohamed9373]

يا ريت يا جماعة الي عايز حلقات زي دي يبعت للاستاذ احمد علي الانستجرام و يوتيوب

[@kherachikadour6726]

اي نعم ..ان الثورات العربية السامية في هذا العصر ..ثلاث ..ثورة العربية في الجزيرة التي قام بها السعوديون ضد التتريك و الاعجمة و التي حررت العراق و الشام من التوغل التتريكي ...الثورة المصرية بضباطها الاحرار و هم فوق العشرة حكيم الثورة و شوري الثورة الجنرال المتقن لعدة لغات ..محمد نجيب ...و الثورة الجزاءرية ...من محمد بلوزداد الى محمد بوضياف ...كان حكيم الثورة و شوري الثورة ..الاخ الشهيد ..العربي بن مهيدي ...اي نعم ثورات عربية ساعدت بعضها الثورة السعودية ساعدت الثورة المصرية و الثورتين ساعدتا الثورة الجزاءرية من الالف الى الياء او قل من الهمزة الى الالف المقصورة ...اي نعم سعوديون و مصريون و جزاءريون ثوروا العروبة و السامية و ارجعوا دولة الاندلس و العباسية و ميراث بني امية و نحن الان فوق العشرين دولة عربية سامية من الخليج الامن الى المحيط العامر نحن سامية الوجه الاخر للزنجية السودانية ...نحن اصل كل علم و وحي و حضارة ..و لذلك نتعرض لتنكر العالم الغربي الذي صدر لنا الصهيونية العنصرية سم السامية لتفجيرنا الى حد كتابة هذا السطر ....انتهى اتصال زرفة ابن طبنة و الكاهنة الجزاءري السامي ....تحيا مصر و اخواتها من الجزيرة الى الجزاءر ...

[@bobabebo3798]

حلقة كويسة جداااا...بس ناقصها شويه أسئلة وإجاباتها ...اولا ليه الظباط الاحرار اقصوا اللواء محمد نجيب ؟..ثانيا مفيش حاجة اسمها اسلحة فاسده تضرب فى وش الجنود أو تنفجر فى وش حد ...ثالثا الملك فاروق لو مكنش فارس وشجاع كان ممكن يستعين بالانجليز وتبقى مجزرة بس هو رفض ...رابعا شوف الاقتصاد وقيمة الجنية كانت عاملة ازاى ...اكيد كان فى اخطاء وفساد زى اى نظام سياسي ...ارجوا من حضرتك تحرى الدقة فى المصادر التاريخية ....شكرا جزيلا لك

[@mohamedalihadad1255]

لولا هذا الانقلاب الشريف لماا استقلت بلدي 🎉تحياا لمصر من الجزائر 🇩🇿🇪🇬❤

[@mohamedaldaher2458]

بلدك استقلت بسبب حرب فيتنام وليس. بسبب الخسيس جمال عبد الناصر

[@user-mj8sf6ir3n]

🇪🇬🇪🇬🇪🇬🇪🇬🇪🇬كل عام وشعبنا وارضنا حر ثورة الجيش بأمر الشعب سنة ١٩٥٢ تاريخك مشرف يا مصر، برغم فداحة من اعتدو على حريتك ، يبقي الشعب والجيش المصري هم الكتلة الصلبة ، شكرا لحضرتك مواطن سعيد ، لانك مرجع موثوق منه

[@AshrafMSiam]

الحقيقة أنا متابعك من زمان لكن الحلقة دي غير موفقة وغير حيادية. لأن التاريخ عادة ملئ بكثير من الشائعات و انت وانا ما كنا عايشين وقتها وشفت مصدر الفساد ده عشان تقر أنه من الملك مش من ناس تانيه استغلت الملك وأولهم اهله واللي حضروا الزمن ده نفسهم هيأكدولك التضارب ده .. و السؤال هل الحل كان انقلاب ام إصلاح شامل؟! خصوصا ان الملك وافق ان اللواء نجيب يختار حكومة بنفسه لكن للأسف خرجت مصر من وقتها عن المسار الصحيح واهي بتحاول من ٧٠ سنه ترجع للمسار الصحيح تاني .. والملك لو كان بهذا السوء او عنيف زي أبوه كانت بقت مجزرة وطلب تدخلات وما كان ترك الحكم.. وجهة النظر الأخرى ان فاروق اتظلم كان واجب ذكرها عشان كده بقولك الحلقة غير موفقة لأنها بتعرض رأي واحد ووجهة نظر واحدة ولم تعرض الرأي الأخر. و وجهة نظري أن يوليو انقلاب و الوحيد اللي كان صح فيهم كان اللواء نجيب وقال كتير افكار مفيدة ولكن للأسف اتخلصوا منه رغم ان شعبيته هي كانت سبب التفاف جزء كبير من الشعب حول التنظيم.

[@LION45613]

ثوره عظيمه خلصت مصر من الاحتلال البريطاني والفساد الملكي وجعلت مصر القائد للعالم الثالث وجمال عبد الناصر المثل الأعلى للكثير من رؤساء الدول وقتها

[@eslamsedky9992]

بل ثورة اتعجب منكم يا من تريدون الملكية ازاي انت كإبن مصر العظيم تقبل ان تنحي لشخص لمجرد انه ملك 😳 انا بس لو احاول اتخيل اني انحني لحد صدري بيضيق واحسه هينفجر وهو مجرد خيال ازاي انتم عاوزينها حقيقة!!؟!

[@AshrafMSiam]

@@eslamsedky9992 صديقي انا ما قلتش ننحني لحد ولا قلت الملكية لم يكن لها عيوب كلامي حول ضرورة الاستماع للطرفين عشان نكون صورة واضحة واعتراضي على طريقة علاج العيوب وطريقة الإصلاح اقرأ كتاب اللواء محمد نجيب كنت رئيسا وهو نفسه ذكر عدة أخطاء وقع بها الضباط الأحرار هتعرف ان حتى افكارة هو كزعيم كانت ان يصلح بالوضع ويستعين بالخبرات منهم مش ينسف ما قبله ولكنهم هاجموه وحجروا عليه وسجنوه بقية حياته. عندك بريطانيا مثلا لم تطرد الملكة ولكنها اعتبرتها رمز شرفي و عملت حياة نيابية والسلطة انتقلت لرئيس الوزراء المنتخب .. إنما ان تنسف كل ما قبلك وتسميه العصر البائد وعاوز تبدأ من الصفر وانت ما عندك خبرة كفاية يبقى هتغلط كتير وده اللي حصل.. مصر مش بلد سهل حكمها أبدا والنوايا الطيبة مش كفاية انك تعمل إصلاح ولا مبرر لكل الأخطاء اللي حصلت.

[@AshrafMSiam]

@@LION45613 طيب انت عارف مصر قبلها كانت امكانياتها وقوتها اقتصاديا وعالميا ازاي طيب و أن لولا الإنجليز وبعض أعوانهم كان زمانك عالم أول .. قبل ما نفرح بزعامة العالم الثالث لازم نعرف اننا كده رجعنا للخلف وان طريقة الإصلاح اتعملت غلط و كان فيها أخطاء كتير كنا في غنى عنها. بخصوص موضوع الاحتلال معاك في جزء منه ان الجيش أصبح اقوى مفيش خلاف لأن قياداته اصبحت اكثر وطنية، لكن راجع قرارات النحاس باشا والغاء معاهدة ٣٦ هتعرف ان كده كده كان الاحتلال متمسك بالقناة وكان هيطلع لو الجيش تعاون ضده مش ضد الملك. الموضوع له أبعاد كتير لم يتم ذكرها و في كتب أجنبية اتكلمت عنها من اللي شاركوا في المؤامرات ضد مصر وقتها.

[@user-wz4zo1ei1f]

راي محترم لان التاريخ وقت اي حد بيحكم بتمدح فيه و بعد ما يمشي تسب و تلعن فيه

[@abdohdaib4234]

لكن الفريق سعد الدين الشاذلي قال في لقاء تلفزيوني انه لم تكن هناك اسلحة فاسده ولكن اكثر تقدم ولم يكن هناك تدريب عليه مما ادي الي سؤ الاستخدام وعملت نتيجة عكسيه

[@serjo2940]

كلامك صح مش عارف ليه الإصرار ع التزييف

[@user-yg8ce4bo1g]

ده الصح دي اسطوره روج لها احسان عبدالقدوس للشعب لصالح الظباط

[@carljonson4769]

كلامك صح جدا للآسف الأستاذ أحمد مضطر يطبل علشان قناته مش تتوقف أو يتحط عليه طبعا. لازم يزييف الحقائق

[@-mostafaeldmarany1190]

انت هتعرف اكتر من المواطن سعيد ولا ايه شكلك اخواني 😂

[@carljonson4769]

@@-mostafaeldmarany1190 هو أي حد يعترض يبقي إخواني يا لجنة يا جاهل علي فكرة هذا الإنقلاب من أنجب الإخوان المتأسلمون. إقرأ تاريخك بشكل جيد و إفهم ولا ممكن يكون تعليمك تعليم مجاني و هذه هي النتيجة.

[@FreedomExpress11]

زى النهارده من 70 سنه كان الدولار بــ 25 قرش زى النهارده من 70سنه كانت نسبة البطاله 2% فقط زى النهارده من 70 سنه كانت مصر الاولى عالميا فى تصدير القطن طويل التيله زى النهارده من 70سنه كان منجم السكرى مغلق فلم تكن مصر بحاجه للذهب زى النهارده من 70سنه كان ابن البوسطجى و الجناينى و الفلاح بيلتحقوا بالحربيه زى النهارده من 70 سنه كانت القاهره اجمل مدن العالم و التاكسى كان كاديلاك زى النهارده من 70سنه كان الايطالى اليونانى التركى السودانى بيشتغلوا فى مصر زى النهارده من 70سنه كانت مصر و السودان و غزة بلد واحده تحت حكم مصر زى النهارده من 70سنه الملك فاروق تنازل عن الحكم بدون اراقة نقطة دم واحده زى النهارده من 70سنه كانت بداية الانهيار السياسى والاقتصادى والدينى والاخلاقى لمصر زى النهارده من 70سنه كان بداية النهاية الله يرحمك ويرحم أيامك يا ملك

[@mohamedsabri6002]

ترتيبك للأحداث والقاءك للتاريخ روعة برافو عليك 🤍

[@wwshwfars2824]

موسوعه حقيقى مجهود اكتر من ممتاز احيك..

[@eladawi]

ارجو من سيادتكم متابعة المراجع كلها للفترة دى لان هناك تفاصيل كثير بتتعارض مع بعد الكلام عن الملك نفسه بمذاكرات لأناس اخرى كمان النواحي الاقتصادية بتتكلم عن الوضع أثناء الملكية وأثناء الجمهورية وكمان حصار القصر الملكى

[@user-mofatsh-sary520]

اللهم صلي وسلم وبارك على سيدنا محمد وعلى اله وصحبه اجمعين..يارب كل من صلى على رسول الله يرزق من حيث لايحتسب ويفك كرب كل من صلى على سيدنا محمد وعلى اله وصحبه اجمعين اللهم امين يارب العالمين

[@aymantawfik9605]

اخر أيام الملك شبه آخر أيام عهد مبارك بس الفرق ان الانجليز كانوا واقفين فوق دماغ الملك لكن فساد حاشية مبارك مكانش له أي مبرر غير الجشع

[@sararomar7428]

فعلا

[@user-jq6fc6mb4f]

احسنت

[@TheSoka911]

احسنت

[@ahmed_mohammed_1]

يا استاذ ايمن مبارك هو امتداد لجمال والسادات الفكره ان كل واحد بيجي بيحارب فساد اللي قبله ويجيب فساد اكبر من اللي قبله والا كان فضل وضع مصر الاقتصادي والاقليمي زي زمان لكن الوضع بيسوء مع وصول كل واحد جديد للحكم

[@tamernoureldin7010]

التعريف القانونى لما حدث واخدته فى مادة التنظيمات الدولية فى سنه اولى كلية الحقوق ان اى حركة مسلحة يقوم بيها الجيش لتغير الحكم هو انقلاب عسكرى اما فكرة إطلاق كلمة ثورة لتحسين الشكل العام

[@drcrazy729]

لا هي ثوره فعلا قام بها أبناء الشعب من الجيش المصري ضد أبناء المستوطنين الأجانب محدش بيحب الملك الا لو كان ملوش اصل مصري مش ماصل يعني

[@saiedsaluom3052]

بارك الله فيك يا استاذ سعيد استمر في تعليم ولدنا تاريخ مصر الاي ما يعرفهوش من وزارة التعليم تحيا مصر كل ما اعرف أسرار عن تاريخ مصر وتضحيات أفراد وضباط الجيش اذداد فخر بمصريتي

[@FreedomExpress11]

كلنا ثقة بزعيم الامة المعلم الدكتور بلحة وقواتنا المسلحة بقيادة المشير الهام شاهين

[@user-xm1ij4yp7f]

فعلاً يحق لك أن تفخر قد أصبحت مصر دولة متسولة بفضل الجنرالات المخلصين

[@rabieragab8198]

من فضلكم صلوا على الحبيب النبي سيدنا ونبينا وحبيبنا محمد صلى الله عليه وسلم اللهم ارحم موتانا و أشفى مرضانا و احفظ مصر واهلها من كل سوء وشر تحياتي للجميع وتحية خاصة إلى المواطن سعيد

[@halamostafaelzahed8592]

ما حدث فى ٢٣ يوليو ٥٢ كان بالفعل انقلاب ومن ثم أصبح ثورة. صحيح كان هناك فساد ولكن ما حدث من عبد الناصر هو ما تسبب فى ما ال اليه حال الشعب حتى الآن.

[@mahmodzianhom1936]

الصراحه يا حضره المواطن شرحك وتوضيحك للقضايا والاحداث التاريخية رائع جدا ووافى واتمنى من الاساتذه المدرسين اللى المناهج اللى بيدرسوها تتضمنها الاحداث اللى زى كدا يعرضوا الفيديوفهات دى على طلابهم

[@medhatnader2115]

ألف شكر لمجهودك يا أحمد تحياتى لك

[@badra1593]

الله يرحم أيام الملك فاروق حين طلب منه قادة الجيش الموالين له الضوء الأخضر للقضاء على حركة الضباط الأحرار رفض وقال إن نقطة دم مصرية أثمن عندي من كل عروش الدنيا، والرحيل فوراً أهون علي قلبي من سفك دماء مصرية حفاظاً علي منصبي. في زمن الملك فاروق كان الجنية المصري يساوي 4 دولار أمريكي وكانت أمريكا وبعض الدول الأوروبية تتسول المساعدة من مصر، وهذا يدل على مدى قوة الاقتصاد المصري والجنية المصري، حتى قروش الكفة كانت من الفضة في زمن الملك فاروق يقال أن الشعوب في الغرب كانت تردد:"إذا أردت أن تشاهد حداثة باريس وسحر فيينا وعراقة إسطنبول فاذهب إلى القاهرة". ولم لا؟ فهي العاصمة المصرية التي حصلت في عام 1934م على جائزة أجمل مدينة في العالم. كانت القاهرة في هذه العقود من أجمل وأنظف المدن حول العالم، حيث كانت تغسل شوارعها كل ليلة بالماء والصابون، وكانت جميعها مرصوفة بشكل جيد وخالية من الإشغالات. ليس هذا فقط بل تظهر مئات الصور التاريخية الأشجار تملأ جنباتها؛ إذ كانت الأحياء السكنية مقسمة بشكل جيد يساعد على الاحتفاظ بالهدوء والنظافة. في زمن الملك فاروق كان يتم إلقاء القبض على الأوروبيين بسبب محاولاتهم الهجرة غير الشرعية لمصر وكثير من المصريين اليوم يترحمون على زمن الملك فاروق ويطلقون عليه أسم الزمن الجميل وحين جاء البلطجي عبدالناصر وشلة الضابط الأحرار أسسوا حكم العسكر الذي لازالت مصر تعاني منه إلى اليوم، وأصبح يطلق على عبدالناصر عدة مسميات منها أبو الهزائم وصاحب النكسة بعد هزيمته المذلة في 1967 وبسببه ضاعت كل فلسطين وشبه جزيرة سيناء والجولان السوري وأدخل الجيش المصري في محرقة اليمن بدون مبرر!! وعانى الكثير من المصريين في عهد هذا المختل وكان المصري لا يستطيع السفر خارج مصر بدون موافقة أمنية وهرب الكثير من المصريين خارج مصر وكان من ضمنهم فاتن حمامة التي ذكرت في أحد الحورات مع مجلة المصور الذي نشر عام 1991 أكدت فاتن حمامة أنها كانت من مؤيدي ثورة يوليو/تموز 1952، لكنها لم تلبث أن بدأت تشعر بأن جمال عبد الناصر كان "مخادعا" عندما حدد ملكية الأراضي بـ200 فدان، وصارت 100 فدان بعدها بعام، ثم انتابها القلق وهي ترى الناس يؤخذون من بيوتهم للسجن، ولم تكن تستطيع السفر خارج البلاد إلا بموافقة أمنية.

[@zizizamzam9988]

شكرًا لك .. كان ممكن ينقلبوا علي الفساد لكن يسيبوا الملك ويقننوا مسؤلياته

[@demaelazy6487]

متميز كالعاده موفق دايما استاذ سعيد

[@user-kf6ie5mi9e]

تخلصنا من فساد الملك فجاءنا فساد مائة ملك

[@user-qc5qz5jj9q]

: وَلَوِ ٱتَّبَعَ ٱلْحَقُّ أَهْوَآءَهُمْ لَفَسَدَتِ ٱلسَّمَٰوَٰتُ وَٱلْأَرْضُ وَمَن فِيهِنَّ ۚ بَلْ أَتَيْنَٰهُم بِذِكْرِهِمْ فَهُمْ عَن ذِكْرِهِم مُّعْرِضُونَ

[@francofranco7593]

كل الثورات ترفع شعارات تطالب بالحرية والعدالة الاجتماعية ومحاربة الفساد ولما يتمكنوا يسكنون نفس منازل الذين ثاروا عليهم بالظلم والإقصاء والتهميش والتهجير

[@amrsalama2566]

إنقلاب مفيش كلام بس وافق الشعب عليه وبالتالي اتقال عليه ثورة.. ربنا يحفظ جيش مصر العظيم

[@doyouknoworjustbelieve6694]

وافق عليه الشعب؟؟

[@amrsalama2566]

@@doyouknoworjustbelieve6694 غصب عنه طبعا هههههه

[@maustafamhamoued4838]

@@amrsalama2566 انقلاب على الاحتلال البريطاني وفساد ملكي والاقطاعيين

[@hananbi67]

قرات الحكاية في كتاب محمد نجيب "اول رئيس لمصر " لكن الفيديو رائع وطريقة السرد سلسة وجميلة

[@Ahmed-1989-p3u]

تحيا مصر 🇪🇬🇪🇬🇪🇬

[@fawazmohammed5644]

شرح حضرتك جميل والله الله يجزاك خير

[@seandeneuve-cinematicandme3806]

يا استاذ سعيد ده كان انقلاب و هم نفسهم سموه انقلاب الى ان جاء سيد قطب الثعبان الاقرط و اقترح عليهم انهم يطلقوا عليها ثورة و عجبهم جدا اللفظ.

[@ibrahimmohamed9843]

ثورة او انقلاب لا يهم المهم اننا أصبحنا في براثن وغطرسة حكومة عسكريه جاهلة أهملت التعليم بداية من نهاية عهد عبد الناصر الي الان ففشلنا بجهلنا في كل شئ ونحن الان نعيش علي الفتات التي تركها اجدادنا وبقايا الصناعة و الزراعة التي لاتكفينا بالكاد فندفع تقودنا لنستورد المحاصيل الأساسية قمح فول أرز لحوم دجاج وزراعتهم لن تكلفنا شئ ولكنها ستكلف المستوردين و السماسرة خسائر كبيرة لأنهم لم ولن يتبعوا من امتصاص دماءنا

[@mohammedHassan-ug1lf]

متألق دائمًا يااستاذنا ✨

[@user-ms8xn4rh4r]

شكرا يا أ / احمد 💝🇪🇬🇪🇬🇪🇬

[@a20s39]

سنة ١٩٤٨ اسلحة فاسدة حصلت النكبة. سنة ١٩٦٧ اسلحة غير فاسدة حصلت نكسة.🤐

[@user-en3wg7ve7i]

كانت مصر عظيمة أيام الملكية

[@mohsen2066]

اهم شي انه لما صار هذا الشي البلد ماخربت في حينها او صار القتل والدمار والنهب لثروات البلد . واهم شي انه صار بتراضي بين جميع المتنازعين على السلطه. واهم شي لما صار هذا الشي. كانت البلد في امن وامان والحياه كانت تمشي فالبلد

[@alshahhatabdou1818]

شرح ممتاز ومميز تسلم 🇪🇬🇪🇬🇪🇬

[@DizerXr3]

الحلقه دي عظمه🔥❤️

[@eaglegames7399]

الملك فروق كان ليه حسنه جميله صراحه انه قدر يسدد ديون مصر كلها وبريطانيا نفسها مديونه لينا

[@mohamedkilany5103]

إنقلاب مكتمل الأركان للأسباب الصحيحة و كان المفروض يسلموا حكم البلد بعدها لكن أزاحوا ملك فاسد واحد و جابوا عدة ملوك فاسدين و من ساعتها بندفع التمن

[@sararomar7428]

صح

[@LION45613]

السادات كان رجل ممتاز ولم يكن فاسد وعبد الناصر له إنجازات عظيمه لا ينكرها الا جاهل او مدلس وله أخطاء الا وهي إدخال مصر في حروب لا ناقه لها ولا جمل

[@fayzhassn8843]

عرض شيق ورائع وتحليل جيد لإحداث ثورة ٢٣ يوليو ننتظر منكم فديوهات اخري عن الاحداث الحالية مع تحياتي لشخصكم الرائع

[@user-uq9ej7bl4i]

صح انا مع كلام حضرتك

[@AhmedMohamed-fq1kj]

هو اصلا قال في الاخر انقلاب

[@thabetfayez3100]

لية حضرتك مبتغتيش الازمة الحالية لحرب روسيا واكورانيا انا شايف ان حضرتك قصاص تاريخى وسياسى باهر وبستنى اى فديو لحضرتك بل بسمع فديوهاتك القديمة للاستمتاع بيها تحياتى لحضرتك من المانيا

[@thehind8861]

كل المحتاج يتقال اتقال في حلقات قديمة. مفيش جديد

[@Malhuwaidi]

لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ

[@nashwaabdo4682]

اقالة اي رئيس او ملك من منصبة بسبب فساد او خيانة او ضعف ده تبقي عدم اقالتة خيانة للبلد لو الشعب فضل ساكت الثورة هي الحفاظ علي كرامة وشرف البلد والشعب والخاكم اللي يبعد عن الطريق ده يبقي اقالتة واجب وطني والثورة وقتها واجب مقدس

[@ibrahimelsayed910]

بمناسبة عيد ثورة ٢٣ يوليو كل عام وانتم بخير

[@user-fz3gz5ck4v]

عبد الناصر سجن اتنين من أفراد أسرتي دون تهم

[@aozar7702]

@@user-fz3gz5ck4v ؟

[@user-fz3gz5ck4v]

@@aozar7702 القصة دي حقيقة و الله

[@randasenousy97]

حلقه حلوة جدا رائعه وأسلوب حضرتك فى السرد اكتر من يجنن

[@kherachikadour6726]

اي نعم ...مصر العربية ...هذا نظم دارج جزاءري اقول فيه ....رءس جسر الثورة الحكيم الشوري محمد نجيب الطاهر ١١١ و مغناطيسها العذب الجاذب جمال عبد الناصر الظافر ٢٢٢ قاريء بيانها الاول الافريقي السادات محمد انور ٣٣٣ و هازم جيشها في اليمن و النكسة المشير عبد الحكيم عامر ٤٤٤ و محقق نصرها الباهر يوسف الصديق الازهري البارع و السريع الطاءر ٥٥٥ ثورة مصرية سامية عميقة ارجعت ميراث بني امية ٦٦٦ و وضعت حدا فاصلا لهيمنة كل السلالات التركية ٧٧٧ لغتها المعيارية صارت العربية حاملة معاني القران و جامعة للاقطار العربية ٨٨٨ ثورة عربية اشتبكت مع الصهيونية الحركة العنصرية الاوروبية الاستعمارية الاستيطانية ٩٩٩ و جللت الحرف العربي و الكتابة المسندية اليمنية و اظهار الاحترام لكل سامية ٠٠٠ من اكادية الى فينيقية الى بابلية الى كنعانية الى ارامية الى سريانية الى عبرية الى عربية الى فرعونية الى قبطية الى امهرية الى بربرية ١١١ اي نعم ..رءس جسر الثورة الحكيم الشوري محمد نجيب الطاهر ٢٢٢ لغتنا حاملة القران فكيف نحكم بتركية اعجمية ضحلة المصادر ٣٣٣ عربية سامية لا لاتينية و لا اغريقية و لا سكسونية و لا اعجمية ..لغة لغز يا سبحان الله تتماهى مع الرقمية و الحاسوبية و السحابية و الذكاءية الاصطناعية ٤٤٤ و السلام على اول حاسوبي مصري عربي ابن سلاح الطؤران د .نبيل علي الحاءز على جاءزة فيصل العالمية العربية السامية ....٩٨٧ ....انتهى اتصال زرفة ابن طبنة و الكاهنة الجزاءري السامي ....

[@user-qx5nx6dl6t]

مؤرخين كتير برؤا الملك فاروق الله يرحمو من موضوع الاسلحه الفازده وفعلا الفريق العظيم سعدالدين الشازلى كمان برأ الملك فاروق من الاسلحه الفازده ياريت يااستازاحمد تكون دقيق فى موضوع الاسلحه الفازده دى

[@Abdel-Shafi_Ahmed]

س وليس ز

[@ahmedghanem3138]

متتكلم عن الانترنت في مصر ليه بيتم استغلالنا حتي لو مش هيخلوه انترنت غير محدود ليه ميبقاش الباقات كبيره وشكرا #انترنت_محترم _بمصر

[@abdulmwla523]

عشان المكاسب المهوله للشركات ف مصر

[@asemdoc482]

و يجيلك جموسة من العرب يقلك مصر أيام الملكية جنة و يجيلك واحد ذى النفيسي يهجص تحيا مصر 🇪🇬🇪🇬

[@hekahero3325]

انت مصدق الكلام دا 😂😂

[@asemdoc482]

@@hekahero3325 أنا عارفه من قبل ما اسمعه مش مغيب ولا حاجة ده بيدرس فى التاريخ حتى !!

[@user-fz3gz5ck4v]

عبد الناصر سجن اتنين من أفراد أسرتي دون تهم

[@asemdoc482]

@@user-fz3gz5ck4v أنا عارف صلاح نصر و المخابرات وقتها كانت عنيفة و انه له غلطات بس معلش هو عبد الناصر هو الى سجنهم أنا بتكلم عن سياسة رئيس و انجازات حققها فعلاً و استقلال وعدم انحياز و تطور صناعى و زراعى و توزيع الأرض على الفلاحين و انهاء الاقطاعيات و مجانية التعليم و انهاء الطبقات و المسميات و طرد الانجليز و تأميم القناة و بناء السد العالي و اعادة تسليح الجيش و غيره و يكفى انه قضى على حكم عيلة واحدة و كمان غير مصرية بتحكم بلد بعظمة مصر

[@user-fz3gz5ck4v]

@@asemdoc482 المعتقلين دول معملوش تهمة بعرف القانون الأول اسمه عراقي شوالي تهمته أنه اعترض على تأميم شركة قناه السويس لان ده هيرعب المستثمرين الأجانب و بيضرب سمعة الاستثمار في مصر لسنين قدام و التاني اسمه أحمد خيري و كان اشترك في محاولة إغتيال مصطفى النحاس و اتقبض عليه و خرج عام ١٩٥٣ مع احتفالات الثورة و لكن فضلوا يعتقلوه من غير تهم أو محاكمات عادلة و خرج عام ١٩٦١ و افتكر إن دي النهاية و لكن يعتقلوه تاني عام ١٩٦٥ و يفضل حتى أول عام ١٩٦٩ و يخرج لتدهور حالته الصحية و يتوفي في نوفمبر ١٩٦٩

[@haniwageh538]

مزكرات محمد نجيب زكر فيها ان محمد نجيب قال احنا شلنا ملك وجبنا 23 ملك والفساد كان اكتر من ايام الملك ودا اللى ادى للنكسة

[@waelshooter6063]

فعلا الفنان صلاح ذو الفقار كان من ضمن الظباط التى قامت بالدفاع و التحصن فى مبنى محافظه الإسماعيليه ، و رأيت بنفسى صوره فوتوغرافيه تظهره و رفاقه شاهرين سلاحهم و متحصنين بأسوار ردهات مبنى المحافظه أثناء الدفاع عنه ، و كان برتبه نقيب فعلا ، يوم الثوره على الطغيان .. يوم العزه للأوطان شعب و جيش قام فرحان .. يوم ٢٣ يوليه ، ثوره استرداد مصر من الأسره العلويه و التى نقدر منهم من أحب و خدم مصر بصدق ، إلى أن جاء عصر اضمحلالهم ، و آنت اللحظه أن يعتلى حكم مصر أبنائها . شكرا لمحتواك القيم و المحترم 🌹

[@mahmoudahoda99]

منتظر توصل مليون اتمني تبقي موجود علي شاشة التليفيزيون المصري اتمني ملايين يشوفوا حلقات حضرتك كل التوفيق

[@hanyelkholy6216]

الله يرحمهم رحمه واسعه لقد حرروانا وبلاد عديده ورحلوا مرفوعين الراس شرفاء احرار أما. أعداء الثوره فليذكروا لنا ما هي إنجازاتهم الا خدمه أسيادهم المحتلين عبد الناصر جبل الكرامه وأقل واحد فيهم حذاءه اشرف من كل أعداء الوطن

[@adhemelfaiky6047]

انقلاب

[@hanyelkholy6216]

@@adhemelfaiky6047 انقلاب مبارك علي مقاله البشر

[@adhemelfaiky6047]

@@hanyelkholy6216 يعني ابه

[@user-fz3gz5ck4v]

عبد الناصر سجن اتنين من أفراد أسرتي دون تهم

[@hanyelkholy6216]

@@user-fz3gz5ck4v كل من خالف القانون يقول هذا الكلام ولا يوجد من اجرم مقتنع بأنه مذنب

[@user-ir6kb3hh6s]

دائماً بتبدع ياصديقي .. اخوك من السعودية 🇸🇦

[@user-yg8ce4bo1g]

معلوماته غلط للاسف

[@dice1977r]

انقلاب عسكري… نسيت حاجة مهمة يا استاذ سعيد تقولها، وهي مساعدة المخابرات الأمريكية للظباط.

[@MohamedTarek-if8hv]

لو سمحت ممكن تعمل حلقه تحكي فيها الأحداث الحقيقيه المقتبسه من فيلم كيرة و الجن

[@we1comegaming462]

فين حلقه عبارة السلام 98

[@AbdelrahmanMohamed-mu6gy]

اتفق❤️

[@user-qc5qz5jj9q]

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56) اللهم صل وسلم وبارك على سيدنا محمد وعلى اله وصحبه اجمعين

[@haythamalnayef8416]

انقلاب على فساد ليحل محله فساد أعظم دمر مصر إلى اليوم..!!

[@kfcdumoustafa8994]

حلقات جواسيس ومخابرات استاذ احمد استمر

[@user-xb1co8wl4c]

بس على فكره يا استاذ سعيد احنا سمعنا إن موضوع الاسلحة الفاسده كانت اشاعه علشان يدارو على الخساره في الحرب

[@truthtrust3705]

حسبنا الله ونعم الوكيل فى كل من اساء لملك مصر المخلص فاروق الاول

[@mohamedsaeid8346]

اللهم صل وسلم وبارك على سيدنا محمد وعلى آله واصحابه وأزواجه وأمته بعدد خلقك ورضا نفسك وزنة عرشك ومداد كلماتك وسبحان ملكوتك العظيم وكما تحب وترضي❤️❤️

[@sassoel-tabey1998]

اللايك قبل ما اكمل الحلقة بجد حضرتك سردك اكتر من رائع رحم الله الزعيم جمال عبد الناصر

[@hethat4296]

الله يجحمه وينتقم منه جاب لنا النكسة والعار وضيع ثورات مصر وضيع السودان وسينا وغزة وام الرشراش المحفور

[@eslamsedky9992]

@@hethat4296 اللى ضيع كل دا عبدالحكيم عامر

[@user-fz3gz5ck4v]

عبد الناصر سجن اتنين من أفراد أسرتي دون تهم

[@emadparsom4269]

٢٣ يوليو في قلبنا كلنا اي كان المسمي دي رجعت مصر للمصريين لكن لازم نتعلم من تجاربنا الشطاره اننا نصمد و نكمل لو كل شويه غيرنا اتجاهنا سواء ب ثوره او ب رئيس او نظام ب توجهات و سكة مختلفه غير الي قبله عمرنا ما ها نوصل لاي حته الي بيصبر و يصمد هو الي بينتصر مش الي اقوي ولا اذكي احنا مشينا في سكة و وثقنا في قيادتنا من حوالي ٩ سنوات لازم نكمل السكة و بعد عمر طويل لازم لازم القائد الجديد يكمل نفس السكة الي بيصبر و يصمد هو الي بينتصر ربنا كبير

[@hodasalman4935]

كان انقلاب عسكري ثم اصبح ثورة بعد خروج الجماهير المصرية موءيدة للجيش المصرى خير اجناد الارض

[@user-ct5cy2ck9c]

هو ليه لازم الثورة تبقي حاجة حلوة و الانقلاب حاجة وحشة ؟ انا شايف ان ٢٣ يوليو إنقلاب لكن في نفس الوقت شايف انه حدث عظيم

[@spickoutmusic8191]

طيب ليه مش تقول انه ثوره من محمد نجيب و انقلاب من عبد الناصر علي محمد نجيب

[@LION45613]

@@spickoutmusic8191 وما هو سبب الانقلاب على محمد نجيب

[@USPS5]

@@LION45613 الديموقراطية

[@user-oi8jb1se5k]

نشكرك على ادائك المتميز ومعرفتنا عن ثورة يوليو المجيدة وربنا يحفظ جيشنا العظيم وربنا ينصرة رغم أنف الأعداء وربنا يحفظ الشرطه التى وقف لها القائد الانجليزى احتراما لشجعتها ونشكرك عن معرفتنا عن الأحداث التى وقعت قبل ثورة يوليو من فساد الحاشيه المالكه وغير الاحتلال الإنجليزى لانه كان متحكم فى مصر فى كل شي وحكومه الوفد لها دور فى تعكير صفو الانجليز وفعلا ثورة يوليو قلبت الموازين وخصوصا انجلترا لأنها انهزمت هزيمه منكرة و كانت مش متوقعه ان يخرجوا من مصر وربنا يحفظ رئيسنا وقائدنا الكبير الرئيس السيسى وربنا ينصرة وربنا يحفظ بلدنا مصر ودايما قويه يامصر ونشكر الاستاذ الكبير احمد سعيد ونشكر القناة

[@user-fz3gz5ck4v]

عبد الناصر سجن اتنين من أفراد أسرتي دون تهم

[@abanoubmilad3238]

شكرا جدا على الحلقة دي

[@user-ik4px4ns7y]

ارجو منك سجلات وتاريخ مصر للأجيال التي لم تكن قد ولدت حتي نعرف من هي مصر وما مرت به مصر لابد من ذلك يا دكتور احمد جزاك الله عن شعب مصر خيرٱ

[@minasaleh3731]

اولا انا زعلان منك لانك ذكرت الاحداث دي من جانب واحد + مبينتش حقيقة ان مصر وقتها لم تكون تستطيع ان تواجه قرارات بريطانيا وكأن الملك اخذ قراراته بنفسه كان نفسي تذكر الاحداث دي من كل الجوانب وتترك الحكم للمشاهد اخيرا رأيي هو انه انقلاب مسلح استغلوا فيه الاحتلال ليستولوا علي حكم مصر بقوات مسلحه وخلينا نكون واقعيين ونفكر بشكل فيه مقارنات بين نظام الملك اللي بيقولوا فاسد وبين النظام الجمهوري اعتقد ده المقياس الفعلي علي الافضل وفي النهايه يبقي السؤال هل المواطن استفاد من احداث انقلاب 52 ؟ اعتقد ثورة 25 يناير هي الجواب ورأي الشعب الحقيقي حاجا كمان الناس اللي طلعت في الشوارع بعد الانقلاب كانت فرحانه بجيش مصر وشكل الدبابات زي لما نزل الجيش بعد ثورة يناير لاكن ده ملوش علاقة بتأييد الظباط دول او الملك محدش دعي الظباط هم من نفسهم عملوا كده

[@mrahmedtarek3170]

ههههههه عاش

[@smsmsmora9227]

حلقه رائعه كالعاده...👏👏

[@roseelsayegh4228]

الانقلاب قصته صحيحه و حلوة جدا بس الملك مكنش خاين و كان بيحب مصر و المصريين و اللى كتب عنه التاريخ اللى كلنا قرأناه ظلمه

[@mohamedzaghlol8821]

اللهم لك الحمد حمدا يليق لجلال وجهك وعظيم سلطانك٠٠٠

[@hatoonnakity4182]

انا واحدة من الالاف اللي من جد باحترمك جدا والاختلاف في الراي لا يفسد للود قضية لكن لاحظت ان كثير من جيلك ما بيحبوا جمال عبد الناصر فقط لاجل تعرف من هو القائد الوحيد الذي بكت عليه جميع شعوب العرب شوف جنازته اذا لقيت جنازة في هذا القرن مثل جنازته لجمييييييع القادة اللذين ماتوا هل رايت بحياتك جنازة مثل جنازة عبد الناصر؟؟؟ حاولوا تكونوا منصفين عند التحدث عن هذا القائد اذا ح تحكوا عن مراكز القوى اية من الدول العربية في الوقت الحالي لا تحتوي على مراكز قوى وان اختلفت اشكالها انتم اجحفتم حق هذا الرجل (القائد الذي لن يتكرر)

[@naglaazekry6983]

أحسنت الشرح والقول والتحليل شكرا لحضرتك

[@amm7000]

رحم الله الملك فاروق الأول رحمه الله لو كان ديكتاتور كما زعموا لقمعهم في المهد و أمر الحرس الملكي بمواجهتهم

[@minalovly8ramytito]

موضوع الاسلحة الفاسدة تم نفيه تماما في مذكرات اكتر من ظابط شاهد ومن ضمنهم الفريق سعد الدين الشاذلي اللي قال مكانش فيه اسلحة فاسدة ولا غيره وانه سوء استخدام وعدم تدريب مش اكتر اتعمل للموضوع ده محكمتين واحدة قبل الثورة وواحدة بعد الثورة والاتنين براوا كل المتهمين ماعادا ظابطين تم تغريمهم 100 جنيه بتهمة الاهمال فقط لاغير

[@khairosarroub4602]

حيا الله الاحرار

[@AhmedMohamed-fq1kj]

تقصد الفاسدين انظر للوضع

[@rama-lbrahimomouhs657]

ضباط الاحرار الفاسدين

[@MohamedHany-nh8gw]

يابو حميد ابوس ايدك بقا أعملنا حلقه عن رافت الهجان

[@user-ci2uz3ov1h]

طلبتها منه كتير والله ومفيش فايدة

[@ahmedelnewehy5265]

الضباط الاحرار ما هو الا وجه اخر للقمع والرشاوى والمحسوبيه والفسااااااد بكل انواعه

[@fatmaelsayed8072]

انا عندى امتحان بعد كام ساعه وقرأت المقرر بس حقيقى كل الساعات اللى ذاكرتها ولا حاجة جمب اللى فهمتوا دلوقتى انا هروح احط كل ده ف الامتحان😂 حقيقى ربنا يباركلك ويجبر بخاطرك ع مجهودك التحففه ده بجد ❤❤❤❤❤❤❤❤❤❤❤

[@user-qu5yb8mn1f]

طبعا اني عراقيه وجيت ابحث ع الضباط الاحرار لانو عندنا في كتاب التاريخ واجيت افهمه عشان ادرسه تحيه من العراق لمصر❤

[@3bdelhamed722]

ممكن تعمل حلقه عن الخديوى اسماعيل و هل كان شخص كويس عايز يبني البلد ولا واحد غرقها في الديون و كان من أسباب احتلالها

[@abomoaaz7245]

كان فاشل سبب خراب مصر وضياع حق مصر في قناة السويس بسبب الديون كل هذا من أجل الفشخرة فقط

[@habebaahmed141]

علي فكره علي حسب دراستي للأدب العربي اسماعيل كان بيحب مصر جدا لانه اتولد وعاش فيها لكن مشكلته أنه لما كان بيعمل المشاريع كان بياخد قروض من الأجانب و دي المشكلة

[@sohasoha9173]

@@habebaahmed141 نفس الي بيعمله السيسي

[@sohasoha9173]

هو اسماعيل كان بيحب مصر ومصري اصيل بس انا بختار الخيار التاني هو خربها بالديون زي ماهي بتخرب انهاردة بالديون

[@fares..471]

@@sohasoha9173 حصل بس هو مكنش عارف يصرف منين

[@nasererhama8504]

انقلاب حقق ثورة ورغبة شعبية … بالتوفيق لأم الدنيا

[@AliAhmed-xh3ko]

اللهم صل وسلم وبارك علي سيدنا محمد و علي اله وصحبه وسلم تسليما كثيرا ❤️❤️❤️❤️❤️❤️❤️❤️❤️❤️❤️❤️

[@basemsalah4801]

عليه افضل الصلاة و السلام 😍

[@ahmednageh622]

رحم الله الضباط الاحرار وجزاهم عنا خيراً .

[@user-fz3gz5ck4v]

عبد الناصر سجن اتنين من أفراد أسرتي دون تهم

[@eweewe2872]

كانو سبب في دمار مصر

[@rama-lbrahimomouhs657]

فاسدين

[@bebopixel5240]

طب متعمل حلقه عن فساد واطماع الظباط الاحرار وفساد وغباء عبد الناصر

[@LION45613]

عبد الناصر فعل ما لم يفعله اي رئيس حتى الآن وكانت مصر اكثر تقزما في الصناعه من الصين بكثير

[@carljonson4769]

مش يقدر هيتنفخ

[@AhmedMohamed-fq1kj]

@@LION45613 حكم العسكر فاشل في الاقتصاد””التجربة خير دليل 70 عاما””يقولوا احنا في عنق الزجاجة اصبروا علي الفقر””محمد نجيب رئيس مصر قال””انتو السبب في الخراب من الافضل ترجعون ألي الثكنات””

[@AhmedMohamed-fq1kj]

@@LION45613 والله هههه بعد كل السنين دي و في ناس مصدقين العسكر

[@LION45613]

@@AhmedMohamed-fq1kj اذا كنت لست مصري فهذا الأمر لا يخصك

[@tginidy]

طبعا انقلاب لان الشعب منزلش ولا سعي اليها ولا حتي شارك فيها

[@chenadimene7534]

اللهم اغفر المؤمنين و المؤمنات و المسلمين و المسلمات الاحياء منهم و الاموات

[@hossamwbhossan2714]

مفيش حاجه اسمها اسلحه فاسده دي كدبه والله والمشكله انها مقرره في المدارس في حاجه اسمها الجيش مكنش عنده لا الكفائه في التدريب ولا التسليح الفريق الشاذلي مثلا قال انه التدريب كان نظري اكتر من انه عملي يعني الظباط في الكليه الحربيه كانو بيدرسو القنبله اليدويه نظري علي من الكتب ان القنبله بعد ما تشد الامان منها تستغرق عشر ثواني للانفجار في ظل ان القنبله اليدويه تطورت والحديث منها ينفجر بعد تلات ثواني مثلا فهو ميعرفش كده فبنسباله انها بايظه بتنفجر بسرعه العيب في عدم مواكبه العصر والتدريب الجاد كان في فساد لكن مش اسلحه فاسده نفسي كل شي في التاريخ يتارخ صح بكل حلوه ومره وبصدق ده لو حصل هيغير كتير في المستقبل التاريخ بيتكتب دلوقتي للسيسي زي اللي قبله انه نبي. فكره ان في مسؤل في اي منصب قراراته كلها صح ده لوحده كفيل علي انه لازم يتعدم في ميدان عام لانه ببساطه مفيش حد صح في كل قراراته غير عبده الشيطان الرجيم ميكنش انسان طبيعي فليه منقلش ده القرار الفلوني غلط والفلاني صح ليه نبي في حكمه وبعد ما يغور باذن الله هيطلع كان غلطان وكل البلاوي تطلع

[@carljonson4769]

أستاذ اقسم بالله في رأيك

[@eweewe2872]

احسنت نحن من نزور التاريخ

[@mohamedabdelgany3525]

رحم الله جمال عبد الناصر الرجل الوطني المخلص رحمه الله رحمة واسعة واسكنه فسيح جناته