เต้ยเกี้ยวแรกพบ l ป.ฉลาดน้อย ส่งเสริม - อังคนางค์ คุณไชย l (มีกลอนลำ + คำบรรยาย sub)

Рет қаралды 27,571

Күн бұрын

กลอนลำ : เกี้ยวแรกพบ
ทำนองลำ : ลำเต้ยธรรมดา
หมอลำ : ป.ฉลาดน้อย ส่งเสริม - อังคนางค์ คุณไชย
#เต้ยเกี้ยวแรกพบ #ป.ฉลาดน้อยส่งเสริม #อังคนางค์คุณไชย
(ชาย)
โอ๋ยแม่นคำนาง หล่านี่ละแม่นน้องสาว อังคนางค์นวลน้อง
หมดแต่ลำกะละแม่นทางสั้น หันยาวนี้ละจ้าวทางล่อง
สุดแต่ยาวนั้นแล้วกะเต้ย เลยเข้านั้นเจ้าใส่กัน
จั่งว่านางเด้น้อง เจ้าผู้ทองคำใบ เจ้าผู้ไว้ก้านค่อง
เจ้าผู้ทองกะละแม่นค่าล้าน ไผสิได้แม่นละนั่งเฮียง
จั่งว่าเจ้าเตียงเลี่ยง พี่นี้ขอนอนเฮียง อยากขอซ้อน ซ้อนเตลี่ยง
นอนเตียงนั้นละเพิ่นว่าซ้อน ดมแก้มนี่ละแม่นว่าหอม
น้องอย่าสงสัยถ้อน ป. หมอลำนั้นพี่สิหน่าย
ไว้วางใจนั้นละพี่เถิดน้อง สิเอาเจ้านั้นละแม่นอีหลี
ว่าแต่พี่ได้น้อง บ่ให้เฮ็ดงานหยัง
พี่สิอาสาทำ บ่ได้เคืองกะละแม่นมือน้อง
ลองมาเป็นเมียอ้าย ลำ ป. นี้สาก่อน
บ่ให้นางนั้นละแม่นเดือดร้อน ขันซ้วนแม่นสุแนว
ได้กันกับ กับน้องแก้ว สิให้อยู่สุขี
ไผได้เป็นเมีย ป. ส่วนบุญกะละแม่นเทียมฟ้า
ถึงเมื่อยามแลงเช้า ถึงยามแลงกะละแม่นละยามเช้า
พี่ขันเอาได้ทุกท่า ทั้งเวียกบ้านเวียกป่า
พี่อาสากะละแม่นรับใช้ เมียอ้ายแม่นสุอัน
แต่ว่าทางโอยน้องนั้น ให้น้องแต่งโตสวย
ให้นางนอนขึ้นเตียง แต่งโตนั้นคอยพี่
เบิ่งเมื่อยามนอนนั้น พี่สิพานางน้องชมสวรรค์นี้แม่นเจ้าชั้นสี่
พานางเล่นกะละแม่นบักลี้ เล่นบักลี้ จับอันนั้นกะละแม่นละอันนี้
สิมาเข้า มาเข้านี้เจ้าใส่กัน ซ้อนแหน่หนา นวล นวล นี้นา
ซ้อนแหน่หนาคนไคนี้นา โอยหนารำไพเจ้าไกลเอย เขยไทเมืองอุบลเอย
(หญิง)
โอยพี่ ป. เอย จั่งว่าโอยพี่ ป. เอย
เอยเบิดแต่ลำคันทางสั้น คันลำคันทางสั้น หันยาวจ้าวทางล่อง
ลำล่องของคันยังบ่แล้ว คันยังบ่แล้ว การเต้ยส่งเสียง
เป็นสำเนียงผู้เสียงสร้อย สำเนียงเสียงสร้อย
ลำเป็นเสียง วอย วอย เป็นเสียงน้อย เจ้าเสียงใหญ่
พ่อคนไคกะนี้แม่นเลิศฟ้า มาถ้อนอย่าอยู่เหิง
พ่อสูงเทิงอยู่เทิงน้ำ สูงเทิงอยู่เทิงน้ำ บัวบานโอยเจ้าเหลืองเฮื่อ
โอยไผสิเมือคันหนออยู่ซ้อน คันหนออยู่ซ้อน
คันหนออยู่ซ้อน นอนร่วมฮ่วมเตียง
จั่งว่าเจ้าสาหนอเตี่ยงเลี่ยง คันเจ้าเตี่ยงเลี่ยง
นอนเตียงซ้อนเตลี่ยง นอนเตียงเอยเพิ่นว่าซ้อน
เอยเพิ่นว่าซ้อน เอยเพิ่นว่าซ้อน นอนใต้เพิ่นว่าหลอน
เจ้าผู้ต้อนตี่แต้น ว่าต้อนตี่แต้น เจ้าผู้ติ่งคำตัน
กะเหลือให้ฉันมาวอน สิแอ่วเอาพี่ชายซ้อน
คันกินบ่เป็นโอยอังคนางค์น้องกะสิป้อน
คันพี่นอนบ่หลับโอยอังคนางค์น้องกะสิกล่อม
ให้ถนอมสาหนอกล่อมกลิ้ง สาหนอกล่อมกลิ้ง
สาหนอกล่อมกลิ้ง เอาอ้ายกล่อมสอง
เจ้าผู้ตอผู้หลอหล่อง ตอผู้หลอหล่อง กินดองให้ส่งข่าว
สาวนางลำสิไปนั่งใกล้ ใกล้,
ใกล้ ใกล้ สิ ใกล้ ใกล้ ใกล้ ใกล้
สิ ใกล้ ใกล้ ใกล้ ใกล้ สิ ใกล้ ใกล้ ใกล้ ใกล้ คันพี่ส่งขวัญ
หนาวลมน้องพออดได้ หนาวลมน้องพออดได้
หนาวใจอีนางจั้งบ่อยู่
หนาวใน ใน นางคิดฮอดชู้ จนไห้ใส่หมอน
วี่วอน ละสิว้อวี่วอน วี่วอน ละสิว้อวี่วอน
เอาสังสิมาเป็นป่า
มีสระบ่มีหญ้าปล้อง โอยทางขึ้นบ่อจั่งใด
คนไค ไค คืออ้าย เมือนำอีนางบ่
คันพี่เมือนำน้อง ค่ารถน้องบ่ให้เสีย ค่าเฮือน้องบ่ให้จ้าง
น้องสิตายเป็นช้างเอราวัณให้อ้ายขี่
ตายเป็นรถโอยนี้แม่นละแท็กซี่ แท็กซี่ แท็กซี่ ให้อวนพี่ขี่เมือ
ได้บ่หนาคนงามน่า ละหนาผู้คนงามน่า
โอยหนาเลาคีงบางหนา โอยหอมมาลาเจ้าบานเอ้ย เจ้าบานเอ้ย