وجه السعد، كلمات: فهد الصعاق، الحان واداء: طالب المري

للاشتراك في القناة
bit.ly/30XUDXP
وجه السعد
كلمات: فهد الصعاق
الحان واداء: طالب المري
توزيع ومكس وماستر: عبدالسلام ماجد
جرافيكس: فيصل بن نوطان
كلمات الأغنية
سلام للي مجلسه فالصداره
وجه السعد عون الرفيق احمر العين
يقلط على الحكام ف اول نهاره
وحلقة وصل للشعب عند السلاطين
في مجلسه تلقى بشوت الاماره
وتلقى هل الدنيا وتلقى هل الدين
من الصغير الى وزير الوزاره
ومعلقين امال عنده ومشفين
وكلن يعيّن عند خالد وقاره
رجلاً فرق بين الرجال المسمين
مثل م تفرق فالنوادر حراره
ومثل م يفرق فالشواهين شاهين
فرخاً يخالط في سواده حماره
زودن على السبق وعلى صملته زين
كن خرته يوم انتكس ونحداره
عين النجم لو كان ماللنجم عين
ربب شوي وباقيً به نزاره
ماشيف مثله فالمواكر من سنين
قدام يطرح ماكره كل قاره
في ذالجبال اللي على بحر قزوين
مايشتريه اللي يهاب الخساره
ومايقدره من يضرب الدين بالدين
مشراه يبغي راس مال وسطاره
يشري بثلاثميه ويشري بميتين
راعيه ابوشاهين يوم الصقاره
تبغي لها رجلن مثل ولد شاهين
اللي يدور للقنص في دياره
اما بوجه وجاه ولا ملايين
مقناصه فقفراً على اول خضاره
عقب الوسامي عله العل يومين
فدوير ودياراً ماتبغي دواره
اتشوفها بالعين ب اربع وثنتين
لاطار خربن فاقعن من ذياره
وهدو لهم جير وحرار وشواهين
وقام يترقى لين ضيّع مساره
واشوفهم اللي يختفي منه ويبين
واسوقهم اللي غابيً في غباره
لاقيل خفف قال ماهوب ذاللحين
من سرعته ثر موتره فالزباره
م تميزه بيلون ولا شواهين
ثم لج صوت الاجهزه فالغماره
كلن ينادي وين فرخ الوحش وين
الى سمع صوت البواري اثاره
وقام يتهبد ياخذ يسار ويمين
كنه يتعزوى يوم اخذ لاستداره
والى نقل سبط وضف الجناحين
يبغي الى غله وفاخت يساره
الحذف ماينسفه تحت البوالين
ماهده الا يوم قدها شراره
يبغي طيوره كلها مثل حمرين
شرد الحباري يوم شافت طياره
قامت تواقع منه يسار ويمين
تخمر وتدخل روسها فالجحاره
شافت لها موتن على شكل شاهين
#طالب_المري
#وجه_السعد
توزيع ديجيتال شركة قنوات ميوزك

[@فاطمةعبدالرحمن-ذ8ص]

الله عليك يا مبدع اللسان يعجز عن الوصف عن الفخامة والابداع الله يبارك لك في جهودك

[@FaisalAlmarry]

عمل متكامل من كلمات و لحن وأداء ، يستاهل أبو شاهين .

[@Rem100]

تجنن القصيدة والوصف محظوظ بها ابن شاهين :_ يقلط على الحكام بأول أول نهاره.. ... في مجلسه تلقى بشوت الإمارة تلقى هل الدنيا وتلقى هل الدين... وأوصاف الصقر.. كلها الكلمات خالدة وقوية... شكرا الصعاق أرويتنا من كلمات الشعر الأصيل... من يسمعها يتمنى إنه قالها أو قيلت فيه 👍

[@norahalturaif5189]

عمل اكثر من رائع

[@AzVideo4]

عسى الله يزيد ابو شاهين ويرزقني

[@ابوعمرالعوني-ب9ز]

عمل متكامل .. جباااااار ❤

[@بعطصر]

صح لسان الشاعر عزززززز الله ابدددع ويستاهل ابو شاهين

[@ben_mater]

يستاهل المهدى إليه هذي الاغنيه . مع العلم باني لا اعرفه بس يستاهل كل خير .. اخوكم

[@Mohqtr]

عز الله يستاهل ابوشاهين فعوله سابقه قبل نعرفه

[@Y7lll-f4s]

الله عليك يا مبدع مشراه يبغي راس مال وسطاره 👏🏻👏🏻

[@Xqtrq]

الشاعر ابدع 👏🏻 وصوت طالب مايتكرر 👍🏼

[@tttqtr]

يستاهل ذالكلمات كثير من الطيبين الله ظروفهم ضدهم

[@B4_QTR]

السعد ♥️

[@محمدز-ه9ف]

كفو ابو شاهين ويحريبها

[@SdAA-bp1ys]

مبدع ياطالب ❤❤

[@تلرملقمنرقمبرل]

يستاهل

[@salemabusheraida]

يستاهل الطيب وعز الله سمو الأمير اقدى

[@rashaalm6682]

ابدااااع والاروع الكلمات والله ونعم مليار

[@H2032-f2k]

حر على كف النداوي يشيله / تشابهو في وصفهم والطبايع

[@GMCx454]

يستاهل المعضادي

[@iAlmohndes]

كنه لحن ماجد المهندس في اغنية ابشرك حنا بخير وسلامة / على كل حال مبدعين

[@المحزمزياد]

يستاهل ذلكلمات الأمير فيصل بن محمد بن شريم

[@baderald9230]

الكلمات لـ خالد بن شاهين الغانم

[@جود-س7ك]

هو يقول خالد