مواقف ثبيت || كلمات نخبه من شعراء عتيبه || اداء: شبل الدواسر

عبدناك يارب المشارق ووحدناك
على الفطرة ومطلوبنا عفو وهدايه
وش نقول وآياتك فالأنفس وفالأفلاك
يلاحظهن المدل ويعلم التايه
هنا يرجهنّ الخاطر الناقد الشكاك
الإيقان والإيمان يطغى على رايه
ويكبح جماح الطاري الضاري الفتاك
ويقنع بقولة كل شيً له نهايه
سفر الدغيلبي
بعدها يا ابو فيصل ترانا على يمناك
اخذ قوم عداية و اخذ قوم بداية
رفيق اللزوم اللي ليا جا لزومك جاك
حمايا الجدود تسوقه اقوى من الحاية
و قبيلة عتيبة تفخر بمثلك و شرواك
مثل جدك اللي ترفع لفعله الراية
قبل ينكتب تاريخه بمتحف الاتراك
ليا قلت ساس البيت تاريخ و كفاية
وصل العطياني
هذا ابو عتيبه كلها اللي هنا وهناك
بدا العز منه وكلً شيٍ له بدايه
على كل الالسن ذكره اطهر من المسواك
ما فضّل عليه الا الاحاديث والايه
لو المرجله يوخذ عليها صكوك املاك
خذوها ثبيت بصك تمليك وولايه
خوال الرسول اللي كسر شوكة الاشراك
حظى في مضاربهم بتعليم ورعايه
فالح الغنامي
مقر الفصاحه منهل العلم والادراك
محطْ المعاجم كلها سمع وقرايه .
كلام السنتهم كنه الاشهب الفتّاك
وحدة نظرهم كنها جمر شوّايه .
مناقب ثبيت مع الرياجيل هات وهاك
على الحجه الزرجه والاثبات والغايه
برو خصمهم بري الثنايا لعود الراك .
وفعل السنين الماضيه مجد لـ الجايه
مطرب دحيم
يازين المديح اليا بلغ مقصده وووعفاك
من اعظم نجومً فـ المجرات سـرايه
تحيزمبنا ياسعود جعل الرخوم فدااك
حضرنا وحنا للنواميس شـرايه
مقامك ليا من قمت يملا عيون اعداك
لو الاش عينه كنها ( عين برايه )
ياعبدالعزيز اللي يوفقك في مسعاااك
جنابك عزيز وذكرك الـ ربعك مرايه
سلطان الحويقل
تجمل ثبيت .. وتفخر بفعلك ومبدااك
بني عمك اللي لـ النواميس قنايه
مواقف ثبيت تصفط النعم في مخباك
وتاريخهم مهوب في حاجة دعايه
لامن الزمن ضامك وحدك وجاب اقصاك
علاج الزمن مهوب .. وصفه وغذايه .. !
شف اطرف ثبيتي واحتزم به على بلواك
هل " الفزعه " اللي تعتبر درع ووقايه ..!
عناد الشيباني

[@mlk_8427]

يستاهلون ثبيت وعتيبه ونعم القبيلة

[@saadalotaibi7815]

عمالقه الشعر ابدعوا ويستاهل ابو فيصل راعي الوقفات المشرفه مع القبيلة وخارج القبيلة وابدع شبل الدواسر هاذي ترند واضحة كل علامات النجاح موجودة👏🏻

[@user-jb8pz2vl9c]

كأن الظاهرة رونالدو وريفالدو ورونالدينهو وروبيرتو كارلوس مجتمعين بمنتخب واحد تبارك الله يا شعار عتيبه 🤍

[@user-si1bh1qp9c]

يابعد راسي ياثبيت الفخر والعز ولايهونو باقي القبايل

[@user-uj6ye3kw3w]

تسلمون

[@BinShadad]

صحت السنتهم جميع ويستاهل ابو فيصل هالوقفه راع الطيب يجزى بالطيب. وسلمت ياطلال على هذا التميز والابداع

[@user-mh8ho8dq7f]

شاش رأسي يابني عمي صحّت ألسنتكم ودام عزكم ياثبيت.

[@user-dc7vu9sf3d]

ابداع من نجوم الشعر 👍👍👍مطلعها على سفر ابداااااااع

[@Mohammed-ln5mb]

ححححححي ياثبيت😍😍

[@Ana-511]

حي نباك

[@kingramyking2538]

🌹🌷🌹ذوووووووووق يا منبع الذووووووووووووووق 🌷🌹🌷

[@Recckls]

صح الله السنتكم هذا والله الأبداع

[@user-hb3oe5zf5c]

ونعم بثبيت وب عيضه يستاهل الوقفه اوبريت فخم

[@user-uh7pg4xw2g]

معليك زود

[@Ana-511]

ماعليك زود

[@user-ll4xi5cw8r]

ونعم ويستاهلون

[@user-ht5fr2we5w]

👏🏼👏🏼

[@bin_ayed]

فالح الغنامي بيوته الافضل ولا هانو عتيبه الباقين

[@user-ii1bm3cp6o]

سفر العلم واضح فابياته وكذلك مطرب دحيم