TARANTELLA SDIGNUSA - Gruppo di Ricerca Musica Popolare

TARANTELLA SDIGNUSA
Ho focu ardente comi t’astutasti,
‘n’ura chi ti mancarunu li carbuni!
Ca jisti ppi t’azari e ti vasciasti,
e ti si basciata ‘i trecentu scaluni.
A quala sipurtura lu scavasti,
‘ssu surchia vrodu e mangia maccarruni,
ca si lu scontu mi lu mintu ‘ntasca,
muriri ti lu fazzu di paura.
Cchi t’haju fattu lingua sirpintina,
ca di la vita mia ni parri male?
Oji chi ti vonu fari a latte amaru,
li stintinella jettati a ri cani.
L’ossa macinati a ru mulinu
ca macinatu ‘u megliu di lu ranu
po' cirnuti ‘a nu crivo suttile,
spurbariati ppé ru campanaru.
Oi maruggiu chi lu ferru mangi,
allargati quadara ca mi tingi,
ca ra gunnella tua cci su tre ganci:
amaru l’omu chi cci chiava ‘mpincia!
E malanova chi cci si di dintra,
vaju ppé mi sganciare e torna rringia.
Nigura curbarella cuncupina,
‘i piccirilla ha fattu la puttana;
a casicella tua sta sempri china
di sbirri, malaviti e di puttane.
Affaccia ‘i ‘ssa finerra cullingutta,
gamma di frascignolu e pedichiatta;
quannu camini ti cutuliji tutta:
Fa venìre ‘u vommicu a ri gatti.
(Testo Tradizionale - Musica Mimmo d’Andrea)