Рет қаралды 295
«ТАРИХИ САНА - МЫЗҒЫМАС БІРЛІК - КЕМЕЛ КЕЛЕШЕК»
31 мамыр - саяси қуғын-сүргін құрбандарын еске алу күні. Бұл күні ұлт тарихындағы ең азалы күндерді еске аламыз. Бір ғана Қазақстанның өзінде сол жылдары 103 мыңнан астам адам тұтқындалып, оның 25 мыңнан астамы ату жазасына кесілді. Қазақ зиялыларының бетке ұстар өкілдерінің, республика басшылығының түгелге жуығы жойылды.
Шымкент қаласында саяси-қуғын-сүрін құрбандарына арналған музей және Бәйдібек би даңғылы бойында Қасірет мемориалы орналасқан. Кезінде «Албастысай» деп аталған жердегі мемориал кешеннің тарихы ауыр әрі азалы. Өйткені мұнда XX ғасырдың 30-40 жылдары жазықсыз жапа шеккен 2,5 мыңдай отандасымыздың бауырластар зираты бар.
Мемлекет басшысы Қ.К.Тоқаевтың тапсырмасымен «Саяси қуғын-сүргін құрбандарын толық ақтау» жөніндегі мемлекеттік комиссия жұмыс істеп жатыр. Саяси қуғын-сүргін құрбандарын толық ақтау жөніндегі комиссияның Шымкент жұмыс тобына М.Әуезов атындағы Оңтүстік Қазақстан университетінің оқытушы-ғалымдары жетекшілік етеді.
Аталған күнге орай, биыл елімізде жоғары оқу орындары арасында «Тарихи сана - мызғымас бірлік - кемел келешек» атты челлендж басталды. М.Әуезов атындағы Оңтүстік Қазақстан университеті челленджді Л.Н.Гумилев атындағы Еуразия ұлттық университетінен қабыл алып, Ілияс Жансүгіров атындағы Жетісу университетіне жолдайды!