Рет қаралды 20,893
ရန်ကုန်က တရုတ်တန်းမှာ ရောင်းလေ့ရှိတဲ့ တရုတ်ဆန်မုန့်အချိုလေးပါ။
(လုပ်နည်းအားလုံးသည် ရောင်းတန်းဝင်မဟုတ်ဘဲ အိမ်မှာ အပျင်းပြေလုပ်စားလို့ရတဲ့အတိုင်းသာဖြစ်ပါသည်။ မုန့်အခေါ်အဝေါ် နှင့် လုပ်နည်းမှားယွင်းနေသည်ရှိသော် လုပ်ပြသူ၏ မှားယွင်းမှုသာဖြစ်ပါသည်)
ဆန်မှုန့် ၂ ခွက် ။ သကြား ခွက် တဝက်။
ဆန်မှုန့် ၂ ခွက်ကို သကြားခွက်တဝက်နဲ့ ဇလုံတခုထဲမှာရောပါမယ်။
ဇလုံးက စတီး ဇလုံ သို့ ဒန်ဇလုံဆို ပိုကောင်းပါတယ်။
ရေအေးက ၃၅၀ လီတာထည့်ပါမယ်။ ဆန်မှုန့်တွေအားလုံး ပျော်သွားအောင် ခဏလေးနှပ်ထားပေးပါ။ ပြီးမှ အိုးတလုံးထဲမှာ ရေထည့်ပြီး ခုနက ဆန်မှုန့် ဖျော်ထားတဲ့ ဇလုံကို ထည့်ပြီး ရေနွေးနဲ့ အပူပေးပါ။
ဆန်မှုန့်နှစ်တွေက အိမ်သုတ်ဆေးလိုမျိုး ခပ်ပျစ်ပျစ် အနေအထားရရင် အအေးခံထားလို့ရပြီဖြစ်ပါတယ်။ ကြက်သီးနွေးလေးရတဲ့အထိ ထားပေးပါ။ ပြီးမှ မုန့်နှစ်ထဲကို တဆေးထဲကို လက်ဖက်ရည်ဇွန်း ၁ ဇ္နန်းလောက်ထည့်ပါ။ မွှေပါ။ အဖုံးအုပ်ပြီး အခန်းအပူချိန်မှာ ၁ နာရီထားရင် ပူစီဖောင်းထလာရင် မုန့်သားက ပွလာပါပြီ။
နောက်ထပ်ထပ်မွှေပြီး ဆီ ၂ ဇွန်းလောက်ထည့်ပြီး ပေါင်းမယ့်ခွက်ထဲကို ထည့်ပါ။ ပေါင်းမယ့်ခွက်ကို ဆီသုတ်စရာမလိုပါဘူး။ ပလတ်စတစ်အုပ်ပြီး နောက်ထပ် ၁ နာရီ ထားပါ။ မီးအလယ်အလတ်နဲ့ ၄၅ မိနစ်လောက်ပေါင်းရင် ဆန်မုန့်ချိုလေးရပါပြီ။ အအေးခံပြီးမှ ခွာပေးပါ။ ရေခဲသေတ္တာထဲထည့်သိမ်းရင်တော့ ရေနွေးငွေ့နဲ့ ပြန်ပေါင်းပေးပါ။ နောက်တခုက မုန့်က အချိုအရသာကဲမှ ပိုပြီးစားကောင်းသလို မုန့်သားအိအိစားချင်ရင် ဆန်မှုန့်ထဲ ကောက်ညှင်းမှုန့်အနည်းငယ်ရောပေးပါ။