Рет қаралды 188,873
Түркістан облысында тауға кетіп, қайта оралмаған екі азаматты іздестіру жұмыстары әлі жалғасып жатыр. Ал Сайрам-Өгем шатқалында денелері табылған түркістандық Абылай Тоқтасын кеше, ақтөбелік Әлімжан Хайруллин бүгін жерленді. Құтқарушылар олардың бірінің мәйітін Сайрам-Өгем ұлттық паркіндегі Өгем өзенінен алып шықса, екіншісін өзенмен аттас ауылдан үш шақырым жерден тапқан.
Түркістандық жиырма екі жастағы Абылай Тоқтасынның инстаграмдағы соңғы суреттерінен тауға шығып, серуендегенді ұнатаныны аңғарылады. Рүстем досымен тау бөктерінде ұзақ жүргені немесе он шақырым жолды жаяу бағындырғаны жайлы жазбаларымен бөлісіп отырған екен. Түркістан облысындағы Сайрам-Өгем шатқалында денесі табылған Абылайды жақындары кеше жерледі. Қайтыс болған екі азамат та Назарбаев университетінің түлектері болған.
Ал Әлімжан Хайруллин болса Ақтөбедегі түрік лицейін алтын белгімен бітірген. Оқу ордасында оның суреттері, олимпиададан алған алтын, қола медальдары сақталған. Облыстық, республикалық, халықаралық олимпиадалардың жүлдегері атаныпты. Назарбаев атындағы университеттің төртінші курс студенті. Мамандағы инженер-технолог. Жиырма екі жастағы жастағы марқұм бір үйдің жалғыз ұлы болған. Әлімжанның сүйегі бүгін жер қойнына тапсырды. Қайғылы жағдай Әлімжанның туыстарын ғана емес, алтын белгімен бітірген инновациялық мектеп интернатынының ұстаздары мен достарына да ауыр тиген. Университеттегі достары оның өмір бойы ғылыммен айналысамын деген асқақ арманын еске алады. Университетте зертханада профессордың ассисенті болып жұмыс та атқарыпты. Бірер апта бұрын алғашқы әрі соңғы ғылыми мақаласы жарық көрген екен.
МАДИЯР СҰЛТАН, Университеттегі досы, жерлесі:
- Кішкентай бір, маңызы жоқ жұмыс болғанын қаламаймын дейтін. Мен қоғамға әсер ететін, бүкіл болашақты өзгертетін бір нәрсе істегім келетін деп жүретін жігіт ол.
Жоғалған жетеудің ішінде ақтөбелік Бағдат Төлеу, оралдық Диас Төлегенов және жезқазғандық Саят Өскенов іздеудің үшінші күні табылған болатын. Құтқарушылар тікұшағымен жеткізілген сәтте таудан түсіп келе жатып, екі топқа бөлінгенін айтқан. Жігіттер сұхбат бере алмайтындарын, тергеуге шақырылғандарын, Түркістанға Абылайдың жерлеуіне бара алмағандарын айтты.
ДИАС ТӨЛЕГЕНОВ, Таудан табылған үш азаматтың бірі:
- Сол біз бара алмай қалдық. РОВД-ға кетіп қалдық. Көрерміз Құдай қаласа, кешірерсіз сөйлесе алмаймын мен.
Қазір тауда денесі табылған Абылай Тоқтасынның туған інісі лицей түлегі Қуаныш Тоқтасын мен Назарбаев университетінің студенті атыраулық Нұрдәулет Наурызбайды іздестіру жұмыстары жалғасып жатыр. Кешелі бері Өзбекстан құтқарушылары да қосылған. Олар Өгемнің Шарбақ су қоймасына дейінгі аралығында іздеу жұмыстарын жүргізіп жатыр. Бүгінге дейін тау шатқалының 350 шақырымында іздеу жүріп, 170 шақырымда әуеден бақылау жасалған. «Қазавиақұтқару» тікұшағы 2 шақырым жерді шолып өткен.
Ерлан Қуандық, Жанар Қожанова
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#жоғалған_жетеу #Қасқасу #іздестіру #төтенше_жағдай