თავდასხმა ჟურნალისტებზე და ჩაშლილი აქცია ივანიშვილის სოფელში

mtisambebi.ge/ - ბიძინა ივანიშვილის სოფლის შესასვლელთან სპეციალურად მობილიზებული ხალხი და ათობით პოლიციელი დაახვედრეს სოფელ შუქრუთის მცხოვრებლებს, რომლებსაც უწყვეტი პროტესტის 165-ე დღეს, ჭორვილაში საპროტესტო მსვლელობა უნდა მოეწყოთ. საგანგებოდ შეკრებილი აგრესიული პირები, იმერეთის პოლიციის დეპარტამენტის ხელმძღვანელების თვალწინ თავს დაესხნენ ტვ პირველის ოპერატორს და ფიზიკური შეურაცხყოფა მიაყენეს. სოფელ შუქრუთის მცხოვრებლები ითხოვენ კომპანია „ჯორჯიან მანგანეზმა“ მოსახლეობისთვის მიყენებული ზიანი ექსპერტიზის ბიუროს შეაფასებინოს და ადეკვატური კომპენსაციები გასცეს. სანაცვლოდ, დაზარალებულებს სისტემა დაუპირისპირდა. სამ მათგანს ბრალი წაუყენეს, აქციის ყველა მონაწილეს სასამართლოში უჩივლეს და პროტესტის აკრძალვა მოითხოვეს, ახლა კი, მათ ქონებაზე ყადაღის დადებასაც ითხოვენ.