Рет қаралды 45
Odatga muvofiq kun davomida bir necha bor telefonni olib instagram, youtube yoki telegramga kiraman. Lekin eksperiment davri davom etayotgani darrov yodimga tushadi va muhim masala bo’lmasa darrov telefonni chetga suraman. Muhim ish bo’lgan taqdirda e’tiborimni unga qaratib darhol yechim izlayman!
Tan olish kerakki telefon kundalik hayotimning ajralmas qismiga aylangan. Uni uyda qoldirib chiqib ketishning iloji yo’q. Ko’p ishlar u orqali hal bo’ladi! Muhimi undan maqsadli foydalanish. Oldinlari turli videolar tomoshasi bilan o’tkazgan vaqtimni hozir o’zimning videolarimni tayyorlashga sarflayapman! Yomon odatni o’zgartirishning eng yaxshi yo’li uni foydali odat bilan o’zgartirish. Natijada tayyorlagan videolarimni ko’rilishi ham ancha oshdi. E’tiboringiz uchun katta rahmat!